Os barrios de Labañou e Palavea serán os centros culturais e festexeiros esta fin de semana. A Prza da Tolerancia de Labañou acolle dúas citas singulares: o venres o festival Aquí tamén se fala e o sábado a Festa dos Porcos. En paralelo, as Festas Patronais de San Antonio e Santa Cristina encherán e alegría e colorido o barrio de Palavea.
Doble cita en Labañou
A festa arrinca esta mesma tarde de venres na Tolerancia co marabilloso festival de música Aquí tamén se fala. Esa iniciativa impulsada desde o IES Rafael Dieste que conta co apoio de máis de 300 centros de todo o país, que convirte ao alumnado nunha auténtica produtora musical.
A partir das 17.00 horas, a cita converterá A Coruña nun dos grandes epicentros da música en galego e das culturas atlánticas. O evento consolídase este ano como un festival de dimensión internacional grazas á incorporación ao cartel da artista portuguesa Carolina Deslandes, unha das voces máis relevantes da música lusa contemporánea e auténtico fenómeno social. A presenza de Deslandes marca un novo fito para un festival que, desde a súa creación, conseguiu situar a música e a lingua galegas nun espazo de prestixio, convivencia e celebración colectiva.
Xunto á artista portuguesa actuarán as bandas galegas Apolo 18, Kid Mount e De Ninghures, tres propostas que representan a diversidade.
Xa o sábado a praza da Tolerancia acollerá a Festa dos Porcos, da man da AVV Labañou, nunha xornada na que reinará o tradicional arroz con porco e que terá un amplo cartel musical aberto á veciñanza que inclúe grupos como Omiri, A banda da Balbina, Los Jinetes del Trópico, Adhara & Ritman e La Yaya DJ.
As Festas de Palavea
Así mesmo, Palavea celebra as festas de Santo Antonio e Santa Cristina a partir do sábado ás 13.00 h, momento no que comezará a sesión vermú co grupo Los Kibbis. Ás 16.00 horas será a actuación do Grupo de Musicoterapia de Palavea. Ás 17.00 h, a presentación dun libro de fotografía sobre o barrio, de José Carlos Alonso, no centro cívico. E, á mesma hora, a actuación de Kamándula. Ás 18.00 h, unha actividade de iniciación á esgrima coa entidade deportiva 100 Tolos. Á mesma hora, subirá ao escenario a Agrupación Musical Emilia Pardo Bazán. A partir das 20.00 h, tocarán xuntos os artistas Camino Karachi, Gitano Antón e Maxi Jeremies, seguidos por Los Platinos, ás 21.30 h. Pechará a primeira xornada DJ Takesound ás 00.00 h.
O programa do domingo comezará aínda máis cedo, ás 10.00 h, coa alborada a cargo da Asociación Cultural Folclórica Folerpas. Ás 12.00 h, será a misa na capela de Santo Eduardo e a tradicional procesión. Ás 14.00 h, sesión vermú con Yeisimusic, e despois de comer, ás 17.00 h, abrirá a Área Infantil de Xogos Variados para os nenos e nenas. Ás 18.00 h actuará A Trova Coruñesa, ás 20.00 h o Grupo 13B e, ás 21.00 h haberá unha queimada. O grupo Caramba chegará ás 21.30 h e, como colofón final, os ritmos de DJ
Marcos Magán, ás 00.00 h.
Máis novas
