A Comisión pola Recuperación da Memoria Histórica da Coruña (CRMH) da Coruña ven de denunciar diante da Consellería de Cultura da Xunta, o incumprimento sistemático e constante por parte da administración xeral do Estado (como propietario a todos os efectos) do réxime de visitas que establece a Lei de Patrimonio Cultural de Galiza.
Sorprende o feito que “agora que o Pazo de Meirás é un ben público a todos os efectos, sexa precisamente a etapa que máis limitacións se dan á visita pública (imposíbel ás estancias interiores das edificacións) que contrasta coa etapa anterior na que os herdeiros do ditador Franco eran os propietarios formais deste ben”.
Hai que subliñar que “os Franco amosaban e permitían estas visitas interiores en cumprimento precisamente da Lei de Patrimonio Cultural de Galicia, que non en poucas ocasións tivemos que denunciar o seu incumprimento, o que provocou tamén a apertura dalgún expediente por parte da Consellería de Cultura”.
Agora a Comisión pide á Xunta que faga cumplir unha lei que está incumprindo o propio estado de xeito reiterado
Desde a CRMH da Coruña reclaman de novo que se reformulen e convoquen as comisións de traballo previstas no protocolo que asinou no Pazo de Meirás no ano 2021 a iniciativa do goberno do Estado (e que non convocou desde ese ano), que permitan comezar nos diferentes traballos que quedan pendentes para desenvolver, e avanzar así na normalización democrática e converter Meirás nun espazo real de memoria.
