O Goberno municipal da Coruña mantivo esta mañá unha reunión para avanzar no establecemento dunha nova ordenanza reguladora para as vivendas de uso turístico (VUT) do municipio. Foi en marzo de 2023 cando o Concello anunciaba esta medida, permitindo dende entón que se duplicara o número de licenzas, sendo xa vivendas turíticas 3 de 4 que están en aluguer.
Esta mañá o concelleiro de Urbanismo, Rehabilitación e Vivenda, Francisco Díaz, mantivo un novo encontro na mesa sectorial creada para avanzar no novo regulamento da man das distintas entidades.
Acudiron representantes da Federación de Asociacións de Veciños, Aproinco, Aviturga, Hospeco, Colexio Oficial de Administradores de Fincas, Colexio Oficial da Propiedade Inmobiliaria, COAG e Unión de Consumidores de Galicia.
No encontro, o concelleiro analizou as achegas recibidas durante o período de consulta pública, e explicou as liñas xerais do borrador de ordenanza no que está a traballar o Concello. Díaz indicou que durante as dúas vindeiras semanas está previsto traballar para consensuar a nova ordenanza a nivel político e avanzou que a mesa reunirase de novo tras ese período para escoitar tamén as aportacións que poidan facer as distintas partes.
Máis novas
#Ninmedionormal, a campaña de @o.novo.normal.coruna pola Emerxencia Inmobiliaria
3 de cada 4 vivendas que se ofertan na Coruña xa son de uso turístico
O PP pídelle á alcaldesa da Coruña unha política de vivenda “real” con fondos do Goberno central
