Páxina 302 – Xornal da Coruña – Noticias da Coruña e área Metropolitana

O profesorado do cole de Miño ponse en pé contra os recortes

SOCIEDADE

-

9 Setembro, 2024

O profesorado do cole de Miño ponse en pé contra os recortes

Normalmente son as familias as que saltan á rúa para denunciar os eternos e continuos recortes da Xunta en materia de ensino. Pero no caso do CPI Castro Baxoi (Miño) é o profesorado o que veñen de denunciar publicamente a situación crítica de indefesión que vive o centro

A Consellería de Educación decidiu unilateralmente recortar profesorado do centro (dúas prazas menos que o ano pasado e máis alumnado), non respectar as ratios, non ter en consideración o cambio de horario (o alumnado da ESO ten un horario ilegal, pois pode ter
clases de 45, 50 ou 55 minutos dependendo do día) e outras tantas medidas que non fan máis que prexudicar a calidade do ensino no noso centro”, lamentan.

Neste verán asignaron dúas prazas de profesorado menos, polo que tiveron que suprimir varias optativas (Cultura financeira e Cultura clásica en 3.º ESO e Filosofía e Dixitalización (materia de opción) en 4.º ESO, quedando deste xeito unhas optativas de case 30 alumnos.

O recorte no profesorado provocou tamén que un grupo de 1º ESO que traballaba de forma flexible por ámbitos non poida manterse en 2º ESO.
Por este motivo, os 12 alumnos e alumnas do ámbito vense na obriga de seren incorporados no grupo ordinario, conformando aulas de case 30 persoas, coa problemática que conlevará isto para eles. Un dato salientable: en 2.º ESO hai un 35 % de alumnado con necesidades educativas especiais (moi por riba da porcentaxe recomendada e moi contraditorio respecto ás directrices de atención á diversidade).

Por outra banda, afirman non contar espazos para todo o alumnado (neste verán tabicaron algunhas das aulas máis grandes para dividilas en dúas e poder albergar así todo o alumnado). As aulas están totalmente masificadas.

“Somos un centro que recibe alumnado durante todo o ano (no curso 2023/24 matriculáronse arredor de 60 persoas novas durante o período escolar nos tres niveis educativos). Gran parte deste alumnado procede do estranxeiro (sirva como dato significativo que temos asignado un profesor de relixión evanxélica a tempo completo) e dun centro de menores próximo”, explican.
Dada esta casuística entenden que “o Castro Baxoi debería ser considerado un centro de réxime especial e non sufrir recortes tan abruptos e arbitrarios no persoal docente”.

“A Consellería fixo uns números cunha calculadora que non se adaptan en absoluto á realidade do centro”, lamentan. E por iso, as familias e mesmo a ANPA e o consello escolar manifestaron ao longo do período estival a súa desconformidade con todo o anterior, polo que o profesorado do CPI Castro Baxoi tomou a decisión de facer visible a nosa protesta todos os días no centro ás 13 horas desde o mércores 4 ata o comezo das clases.

En marcha a necesaria unión do carril bici do paseo marítimo e os Cantóns

BARRIOS

editor

-

8 Setembro, 2024

0

En marcha a necesaria unión do carril bici do paseo marítimo e os Cantóns

Era unha das grandes eivas do mapa do carril bici da Coruña, como cada ano se comprobaba ao ver as propostas nos Orzamentos Participativos. O crecemento importante das rutas urbanas ciclables (no 2019 había 23 quilómetros de vías ciclables na cidade, en catro anos duplicouse esta cifra, superando os 50 quilómetros xa o ano pasado) estaba cortado en dúas zonas, pero a partir deste comezo de 2025 esa problemática será solventada.

O Concello pon en marcha, aproveitando as obras de San Andrés, a construción do novo treito de carril bici entre a Pescaría e o Paseo Marítimo, que conectará os Cantóns coa praia do Orzán. Xa comezaron este venres os traballos preliminares para vertebrar un percorrido ao longo da rúa Nova e a rúa Alta, partindo desde o carril bici xa existente preto do Obelisco, que chegará ata o carril segregado que transcorre polo Paseo Marítimo na contorna do Orzán cruzando as rúas de San Andrés e Socorro.

O Concello levará a cabo un investimento de máis de 104.000 euros nesta actuación, que terá un prazo de execución de catro meses.

Datos

O carril será bidireccional, con anchos de entre 1,90 e 2,5 metros en función do sector. O percorrido ciclista pola rúa Nova, ata o cruzamento con San Andrés, estará delimitado sobre o propio pavimento de adoquín, coa correspondente sinalización horizontal.
A medida máis destacada no contexto desta intervención será a que se levará a cabo no segundo sector, coa peonalización do treito da rúa Alta entre San Andrés e Cordelaría. Neste treito, o carril bici substituirá o espazo destinado actualmente ao paso do tráfico rodado, o que tamén permitirá gañar espazos peonís e mellorar a accesibilidade universal da rúa.

Xa no terceiro sector, o correspondente ao treito da rúa Alta entre Cordelaría e o cruzamento da avenida Pedro Barrié de la Maza e a rúa Socorro, o percorrido ciclista cobrará forma como un carril segregado —tamén pintado en cor vermella sobre o asfalto—, lindeiro ao carril destinado ao paso do tráfico rodado que acceda desde a rúa Cordelaría en dirección ao Paseo Marítimo.
A conexión co carril bici do Paseo Marítimo transcorrerá parcialmente sobre a beirarrúa que marca a bifurcación entre Pedro Barrié de la Maza e a rúa Socorro. Ao igual que no primeiro treito, o da rúa Nova, neste punto delimitarase o percorrido ciclista coa correspondente sinalización horizontal na beirarrúa. Ademais, crearase un paso ciclista específico, lindeiro ao paso peonil do Paseo Marítimo, pintado en cor vermella, que xa confluirá no propio carril bici do Paseo.

Máis novas

A Marea sobre BiciCoruña: “O servizo debe mellorar nos barrios para que sexa unha alternativa na mobilidade cotiá”

Piden máis carril bici nas avenidas da cidade

A Escola da Bici de Mobiliza ou como perder o medo a circular pola cidade

O Taller Reciclos, o paraíso social para os amantes das dúas rodas

Un final abrupto e violento dos muros do Castro de Elviña

editor

-

8 Setembro, 2024

0

Un final abrupto e violento dos muros do Castro de Elviña

O Instituto de Ciencias do Patrimonio do CSIC vén de facer públicas as conclusións da escavación realizada durante o mes de maio o Castro de Elviña. E unha das grandes hipóteses ratificadas na campaña dirixida e coordinada por Samuel Nión Álvarez sustenta a teoría de que as súas defensas sexan moi anteriores ás doutros grandes poboados fortificados galegos.

A campaña trataba de identificar os motivos e as datas da destrución dunha das torres do acceso exterior sudoeste. I é que non é normal atopar esta clase de fortificacións abandonadas abruptamente, polo que se formulan a idea dunha “destrución violenta en época antiga”, segundo expón Samuel Nión.

As mostras de carbón e sedimento para obter datacións de C14 (carbono 14) non deron información concluínte sobre as datas de construción, mais si sobre a súa construción. “As analíticas realizadas sinalan que as mostras tomadas formaban parte do material construtivo da torre e do sistema defensivo do castro, amosando unha data particularmente sorprendente: o século V a.C., ou o que é o mesmo, 2.500 anos antes do presente”, indica Nión.

Para amosar a relevancia deste achado, cómpre ter en conta que o coordinador da escavación consideraba unha data próxima ao século III a.C. para a súa construción, ao tempo que outros arqueólogos daban por feito que tivese sido construída xa en época galaicorromana, no século I d.C. Estas datacións non só desbotan esta posibilidade, senón que sinalan o carácter particularmente temperán dos achados “e, ademais, que as defensas monumentais de Elviña —que evidencian que o poboado foi froito dunha planificación estruturada e coidada desde os seus inicios— son moi anteriores ás doutros grandes poboados fortificados galegos como San Cibrao de Lás ou Santa Trega”.

Excursión coa ACLP Roxín Roxal e Felipe Senén

A Biblioteca de Monte Alto acolle unha exposición para ollar a pobreza sen receos

Ubaldo Cerqueiro

-

8 Setembro, 2024

0

A Biblioteca de Monte Alto acolle unha exposición para ollar a pobreza sen receos

Con motivo do seu 25 aniversario, a Fundación Érguete-Integración lanzaba, o pasado mes de maio, a campaña Olladas sen Receos, coa que sitúa o foco nas persoas que viven baixo o limiar da pobreza e en situación de rúa nas nosas cidades e vilas.
Como primeira acción desta campaña, púñase en marcha unha exposición fotográfica itinerante con imaxes do artista Andrés Terraza, que a finais de xullo recalou no concello da Coruña. Tras pasar polo Centro de Inserción Social Carmela Arias y Díaz de Rábago e o centro penal de Teixeiro, a mostra será acollida na Biblioteca Municipal Monte Alto. Alí estará aberta ao público xeral, que poderá visitala en horario de 9:00 a 14:00 horas e de 16:00 a 20:00 horas de luns a venres, dende o luns 2 e ata o xoves 12 de setembro.

Con esta acción, a entidade busca non só denunciar a vulnerabilidade e falta de recursos coas que deben lidar as persoas sen fogar, senón tamén realizar unha chamada de atención a unha sociedade que contempla con desconfianza e temor a quen sobrevive nas circunstancias máis difíciles. Trátase de derrubar prexuízos e estereotipos e comprender que, na maioría das ocasións, son circunstancias fortuítas as que levan a estas persoas a situarse nas marxes dunha sociedade que as penaliza dobremente, culpabilizándoas da situación que atravesan.

Trátase de sete instantáneas que amosan a realidade das persoas sen fogar e en situación de exclusión social severa. Sete olladas profundas, que nos ofrecen a posibilidade de achegarnos ás difíciles historias de supervivencia daquelas persoas que viven na rúa, en terra de ninguén. Sen axudas sociais, acompañados de preto pola enfermidade mental, buscando espazos medianamente iluminados que ofrezan certa seguridade ou procurando un imposible descanso sobre uns cartóns que separen o seu corpo do frío chan, estas son algunhas das situacións ás que nos podemos asomar, sen receos, a través destas imaxes.

Máis novas

A Biblioteca de Monte Alto, 25 anos tecendo unha rede de amizade a través da amabilidade

A Fundación Érguete, Agalure, AFACO e a Fundación Mulleres, os premios socias da Deputación

Humanizar os patios das escolas para humanizar as persoas privadas de liberdade

As cabichas, as grandes contaminantes do Areal da Torre

M.AMBIENTE E PATRIMONIO

Ubaldo Cerqueiro

-

8 Setembro, 2024

0

As cabichas, as grandes contaminantes do Areal da Torre

O proxecto Entre Crebas será presentado como ponencia polo CIS e Mar de Fábula no 7º Encontro Internacional do Lixo Mariño a celebrar no CEIDA, no Castelo de Santa Cruz, Oleiros, nos días 5 e 6 do vindeiro mes de outubro.

Porque falamos dun proxecto especial, no que os internos en réxime de semiliberdade do Centro de Inserción Social da Coruña se convirten en salvadores, en coidadores dun areal. O Areal das Lapas, que se atopa entre o CIS e a Torre de Hércules, leva 12 meses limpo como unha patena, gracias a este proxecto que ten por obxectivo formar ás persoas residentes nesta institución en materia medio ambiental, respecto ao entorno e coidado do medio mariño.

Unha vez deixados atrás os meses de xullo e agosto, inoperativos para este proxecto
porque os concellos meten os tractores nas praias e alteran os areais, esta semana volveron os padriños á area para rescatar todo o lixo mariño que contamina o noso mar.

Coa participación de 15 voluntarios do CIS e 2 membros de Mar de Fábula, o resultado da
colleita de lixo foi completa: cordas e tanzas, tapóns, máis de 100 anaquiños de plástico, 300 anacos de vidro, 16 bastonciños, 54 anacos de Metal/textil/madeira/cerámica.

O tabaco volve ser o meirande contaminante desta praia urbana, pois atoparon nada menos que 403 e 15 paquetes tabaco.

O proxecto Entre Crebas medra entre cabichas

Os salvadores de Entre Crebas denuncian o uso de tractores para a limpeza nas praias: “Coidan as apariencias e agochan as vergoñas debaixo da alfombra”

O Concello da Coruña presenta ampliación da súa denuncia pola queima de camións de recollida de lixo

SOCIEDADE

europapress

-

6 Setembro, 2024

0

O Concello da Coruña presenta ampliación da súa denuncia pola queima de camións de recollida de lixo

O Concello da Coruña presentou a ampliación da súa denuncia pola queima de camións na empresa Prezero, concesionaria do servizo de recollida de lixo. Así o informou a rexedora, a preguntas dos xornalistas, coincidindo coa súa presenza na visita a unha escola infantil municipal con motivo do inicio do curso escolar.

“Hoxe remítese o escrito á Fiscalía“, dixo sobre a ampliación da denuncia que presentou o consistorio coruñés tras a queima de colectores. Este suceso produciuse despois de que hai unhas semanas acordásese levantar a folga convocada polo comité de empresa, liderado polo Sindicato de Traballadores de Limpeza, tras o acordo inicial do persoal e a posterior decisión do persoal de suspendela.

O reitor da UDC urxe financiamento para as universidades na apertura do curso académico

SOCIEDADE

europapress

-

6 Setembro, 2024

0

O reitor da UDC urxe financiamento para as universidades na apertura do curso académico

O reitor da Universidade dá Coruña (UDC), Ricardo Cao, demandou un incremento do financiamento destinado ás universidades galegas na apertura do curso académico. Fíxoo nun acto central no paraninfo coruñés, con presenza dos demais reitores (Manuel Reigosa, da Universidade de Vigo (UVigo) e Antonio López, da Universidade de Santiago de Compostela (USC))e de autoridades. Mentres, o conselleiro de Educación, Román Rodríguez, indicou que Galicia é das autonomías que “máis e mellor” financiadas.

No seu discurso, Cao dixo que é “urxente” compasar o plan de financiamento “ás necesidades reais dos custos estruturais do sistema universitario, dando tamén cumprimento ao obxectivo de alcanzar o investimento do 1% do PIB en universidades” como fixa, lembrou, a Lei Orgánica do Sistema Universitario Español (LOSU). Para iso, apelou a un consenso entre Xunta, universidades e forzas políticas parlamentarias.

E é que ante os retos que deben afrontar as universidades, entre eles o ámbito da investigación e a captación de fondos, sinalou que é necesario sustentar o apoio económico en fondos “estruturais” e non “extraordinarios”.

Por outra banda, na súa intervención incidiu noutros dos obxectivos que deben encarar as universidades, e citou, xunto á internacionalización, a renovación dos seus persoais para o que considerou importante programas específicos de incorporación do talento novo.

O reitor da UDC, que cualificou de “acertado” as novas titulacións implantadas no sistema universitario galego, apelou tamén ao consenso coa Consellería de Educación nesta materia e no posible desenvolvemento dunha nova lei de universidades.

“A LOSU fai previsible que en Galicia se opte por desenvolver unha nova lei ou modificar a existente“, sinalou nun asunto no que recalcou a demanda das universidades de lograr “o maior consenso” para regular, entre outros aspectos, as titulacións universitarias. Todo iso nunha intervención na que incidiu en velar polo “benestar psicosocial” da comunidade universitaria.

Un accidente entre dous coches en Cambre deixa retencións dun quilómetro

europapress

-

6 Setembro, 2024

0

Un accidente entre dous coches en Cambre deixa retencións dun quilómetro

O 112-Galicia rexistrou na tarde deste venres un accidente de tráfico en Cambre, que se saldou con dúas persoas feridas e retencións de ata un quilómetro.
O accidente produciuse minutos antes das 14:30 horas, no quilómetro 1 da DP-1706. Segundo a información que recolleu o 112 Galicia a través de varios particulares, produciuse un impacto entre dous turismos, cunha persoa inconsciente.

Enseguida, desde o CIAE 112 Galicia puxéronse os feitos en coñecemento do Servizo de Urxencias Sanitarias de Galicia-061, da Garda Civil de Tráfico, da Policía Local e do Servizo Municipal e da Agrupación de Voluntarios de Protección Civil de Cambre.

Ata o punto se deslazaron dúas ambulancias para trasladar ás dúas persoas feridas. Ademais, os servizos de emerxencias explicaron que había bastantes restos do accidente esparexidos pola vía e unha mancha de aceite, co que a circulación pola estrada supuña un perigo para os vehículos. Debido a iso, pechouse carril e medio da estrada, o que provocou retencións de ata un quilómetro.

Inés Rey apela ó aumento de investimento en bolsas comedor e nega que quede fóra xente “necesitada”

SOCIEDADE

europapress

-

6 Setembro, 2024

0

Inés Rey apela ó aumento de investimento en bolsas comedor e nega que quede fóra xente “necesitada”

A alcaldesa da Coruña, Inés Rey, apelou ao aumento de investimento en bolsas comedor e rexeitou que quede fóra xente “necesitada”, a preguntas dos xornalistas despois de que o PP local anunciase iniciativas no pleno.

“É unha partida que se aumentou, pero aumentou o número de familias solicitantes”, apostilou. “Lamentablemente queda xente fóra, pero non a máis necesitada“, recalcou. Fíxoo nunha visita á escola infantil municipal Luís Seoane, con motivo do novo curso educativo e nun acto acompañado polo concelleiro de Educación, Juan Ignacio Borrego.

BOLSAS USA

Este último, cuestionado sobre as demandas de traballadoras respecto ao cociente de persoal en relación ao número de alumnado, tamén en escolas infantís municipais, manifestou que as competencias para fixar o mesmo corresponden “á Xunta” e dixo que o consistorio actuará en función da posible modificación ou non que faga a Administración galega.

Mentres, sobre as Bolsas USA, despois de que 13 mozos que as obtiveron quedasen sen praza, precisou que están a traballar para “dar unha solución” para que “o ano que vén os alumnos que faltan poidan facer ese curso de primeiro de Bacharelato como tenian previsto”.

Liberadas tres vítimas de explotación sexual na Coruña obrigadas a exercer todos os días

europapress

-

5 Setembro, 2024

0

Liberadas tres vítimas de explotación sexual na Coruña obrigadas a exercer todos os días

A Policía Nacional liberou a tres vítimas de explotación sexual na Coruña que eran obrigadas a exercer a prostitución nun piso do centro da cidade herculina “debendo estar dispoñibles as 24 horas do día e o sete días da semana”. Por estes feitos, hai catro detidas.

Segundo informa, esta actividade era “controlada” pola responsable do piso e outras tres mulleres máis, “que exercían o rol de encargadas”. A intervención policial realizada o pasado 1 de agosto, permitiu a detención deste catro persoas e a liberación de tres mulleres “que se atopaban en situación de vulnerabilidade e eran sometidas a explotación sexual”.

Tras ser rescatadas, as vítimas foron derivadas a recursos asistenciais especializados, onde recibirán atención médica, psicolóxica e legal para “axudalas a superar as secuelas da súa explotación e facilitar a súa reintegración social”.

REXISTRO “CLAVE”

Durante este operativo, levado a cabo pola Unidade contra as Redes de Inmigración Ilegal e Falsidades Documentais (UCRIF) da Coruña, foi realizado un rexistro no que os axentes incautaron unha “cantidade significativa” de diñeiro en efectivo, unha arma longa e varios documentos en formato físico e electrónico “con anotacións relevantes para a investigación”.

Estes materiais, explica a Policía Nacional, serán “clave” para avanzar no caso e determinar a “posible implicación” doutros membros da organización criminal. As catro detidas foron postas a disposición xudicial aínda que as investigacións “continúan abertas e non se descartan futuras detencións” en relación con esta operación.