Páxina 382 – Xornal da Coruña – Noticias da Coruña e área Metropolitana

Docentes e estudantado únese á sociedade civil no seu apoio ao pobo paestino

-

15 Abril, 2024

Docentes e estudantado únese á sociedade civil no seu apoio ao pobo paestino

Varios centros da Coruña responderon á chamada do colectivo Docentes con Palestina de realizar unha conncentración o pasado venres en apoio ao pobo palestino. Numerosos centros de toda Galicia secundaron esta iniciativa apoiada polos sindicatos de docentes STEG e CIG, e o Sindicato de Estudantes, e saíron aos seus patios a esixir o fin do xenocidio sionista en Gaza.

“A comunidade educativa non pode permaner impasible ante o masacre da poboación civil que está tendo lugar en Palestina”, entenden os docentes máis comprometidos. Utilizaron o cancelo #oensinogalegoconpalestina nas redes sociais para visibilizar que o colectivo tamén está presente

“Con este acto simbólico, queremos mostrar que Gaza somos todas e todos. A súa dor é a nosa, a súa esperanza, é o noso compromiso e solidariedade co pobo palestino”, sinalaron.

IES Adormideras de A Coruña Docentes por Palestina — IES Adormideras

NOVA CONCENTRACIÓN, LUNS 15

Igualmente, os colectivos Galiza por Palestina, Mar de Lumes, Asoc. Galaico Árabe e BDS Galiza volven convocar a concentración dos luns para este día 15, ás 20:00h no Obelisco, coma sempre.

MÁIS NOVAS

O Basquet Coruña, a dous chanzos da ACB

DEPORTES

Ubaldo Cerqueiro

-

14 Abril, 2024

0

Despois da nova vitoria contundente deste domingo do Leyma Coruña ao UEMC RV Baloncesto, quedan 4 xornadas para o remate da LEB ORO e o Leyma Basquet Coruña saca 2 vitorias e o basketaverage aos seus principais rivais: Tizona Burgos (ao que vencía a semana pasada nun partidazo), San Pablo Burgos e Força Lleida.

O vindeiro venres toca en Alicante, e de gañar o equipo laranxa xa podería mesmo celebrar o ascenso o sábado 27 de abril en Oviedo. Pero vaia, xa sabemos que pasa coas celebracións, que como dicía Arsenio, “te las quitan de los fuciños”.

Un partido “fácil”

Malia haber 3815 persoas no Forno de Riazor, unha grandísima entrada, non houbo o ambiente de, por exemplo, a semana pasada ante Tizona. Non era o mesmo rival, nin foi o mesmo partido. Foi un choque malo, con baixas porcentaxes de tiro nos dous equipos, no que o cadro herculino dominou dende o segundo cuarto, cando o Valladolid comezou a baixar o seu rendemento en ataque de forma considerable. Fixo moito, certo, a intensa defensa dos laranxas, que forzaba malos tiros nos visitantes.

O playback de “Habló Pablo”, que presentou esta semana o seu tema “Coruña es naranja” puxo cor ao descanso, cando o partido xa estaba case que encamiñado. Ademais, o club recibiu sobre o parqué ás xogadoras do Maristas, que se meteron na Fase de Ascenso á Liga Challenge, a 2ª Estatal.

Na segunda puidemos disfrutar de varias desas contras que tanto caracterizan a este conxunto; ademais da maxia do pase de Huskic, dun gran Lundqvist e varias perlas de Jakovics. Pero sobre todo foi a defensa a que decidiu o partido para os laranxas, que seguen soñando, e cada vez con máis razón, con toda unha ACB.

Antu Diagne no Basquet Coruna — O moi querido Antu Diagne fixo un bo partido, con varios tapóns, pero marcou mancado nun nocello

Máis novas

O Basquet Coruña, a 3 pasiños do ascenso ao ACB tralo remontadón ante Tizona

O Concello de Oleiros solicita á Xunta a cesión urxente do porto de Santa Cruz

europapress

-

15 Abril, 2024

0

O Concello de Oleiros solicita á Xunta a cesión urxente do porto de Santa Cruz

O Concello de Oleiros solicitou a cesión urxente do porto de Santa Cruz “debido á deterioración paulatina e constante causado polos múltiples temporais”. Tamén, engade nun comunicado, á “inacción da Xunta e do Ministerio” en relación ás “melloras necesarias relativas á rexeneración da praia”.

“É urxente e necesario que a Xunta ceda a Oleiros a concesión do porto outorgada por Costas do Estado”, afirma o alcalde, Ángel García Seoane, nun comunicado.

Por outra banda, en relación ao Executivo estatal, sinala que “a restauración da beira de Oleiros na ría do Burgo quedou pendente tras a recuperación do espazo marítimo terrestre”. “Dar continuidade ao paseo marítimo litoral entre Oleiros, Cambre e Culleredo, así como restaurar zonas que se utilizaban para o baño, son aspectos que esperan a resposta da Delegación do Goberno”, engade.

Piden entre catro e seis anos de cárcere para 8 persoas que vendían droga nos aparcadoiros de Espazo Coruña, Torre de Hércules, Alcampo e Pocomaco

europapress

-

14 Abril, 2024

0

Piden entre catro e seis anos de cárcere para 8 persoas que vendían droga nos aparcadoiros de Espazo Coruña, Torre de Hércules, Alcampo e Pocomaco

A Audiencia da Coruña xulgará o vindeiro martes, mércores e xoves a oito persoas que se dedicaban ao tráfico de drogas en varios puntos da cidade herculina e para os que Fiscalía solicita penas que van desde os catro aos seis anos de cárcere. Segundo recolle o escrito do Ministerio Público, os feitos desenvolvéronse entre 2014 e 2016 cando o corpo da Policía Nacional realizou un dispositivo de vixilancia por mor de informacións veciñais.

Coa investigación puideron interceptar a varios compradores da sustancia estupefaciente así como ao home que abastecía á parella que vendía a droga desde un piso localizado en Novo Mesoiro. Así, a un dos acusados, con numerosos antecedentes penais xa cancelados, realizábanlle os pedidos de cocaína por teléfono cunha chamada ou ben a través de mensaxes de texto para os que utilizaban unha xerga específica para non ser descubertos, por exemplo “pekes” para referirse a a cocaína.

Ademais da parella que realizaba a venda dos estupefacientes desde o inmoble, a organización operaba e distribuían a droga desde outros puntos como eran o aparcadoiro do centro comercial Espazo Coruña, o da torre de Hércules, o do Alcampo e o polígono de Pocomaco. Para todos eles a Fiscalía solicita penas que van desde os catro aos seis anos de prisión, sete deles enfróntanse a multas de máis de 8.370 euros e para o outro acusado unha de máis de 5.580 euros.

O IES Rafael Puga Ramón e Agra do Orzán e os CPR Eirís e As Escravas gañan os premios Imaxina 2024

europapress

-

13 Abril, 2024

0

O IES Rafael Puga Ramón e Agra do Orzán e os CPR Eirís e As Escravas gañan os premios Imaxina 2024

O concelleiro de Educación da Coruña, Juan Ignacio Borrego, entregou este sábado na Domus os premios da terceira edición do programa Imaxina Coruña, unha iniciativa impulsada polo Goberno de Inés Rey e destinada a difundir a cultura científica e tecnolóxica entre o alumnado de Educación Secundaria da cidade.

Os gañadores desta edición do certame foron o CPR Internacional de Eirís na categoría de sustentabilidade, co proxecto ‘Ecomoda’; o IES Rafael Puga Ramón na categoría de Innovación, co proxecto ‘La ciudad de cristal desde la perspectiva STEAM y de sostenibilidad’, e o CPR Escravas do Sacro Corazón na categoría de compromiso social, co proxecto ‘Concienciarte’.

Ademais, o IES Agra do Orzán recibiu o premio ao mellor vídeo-relato do seu proxecto, concedido por votación popular. O concelleiro destacou a calidade e a orixinalidade dos traballos presentados, que orbitaron ao redor da temática das artes, ciencia e tecnoloxía. Na actividade participaron 71 estudantes e 16 profesores de dez centros educativos, que presentaron un total de 20 proxectos. Os tres equipos premiados viaxarán a Bilbao para visitar a feira científica Zientzia Azoka, e os centros aos que pertencen recibirán un cheque regalo por importe de 500 euros para adquirir material científico e tecnolóxico.

Máis de 20.000 persoas asistirán na Coruña ao Encontro Mundial de Humorismo

europapress

-

15 Abril, 2024

0

Máis de 20.000 persoas asistirán na Coruña ao Encontro Mundial de Humorismo (EMHU), que terá lugar en dez días, sgún informa a organización, nun evento con propostas entre o 25 de abril e o 5 de maio.

A capital do pecado 2.0, Mentes perigosas, Isto non é un show, A ruína, Humoris Causa e Fantastic Colofon colgaron o cartel de entradas esgotadas hai semanas, do mesmo xeito que actividades como ‘O que me ensinaron os maiores’ e ‘O sentido da birra’.

No entanto, aínda quedan entradas para outros espectáculos como Celebreixon, Go Home, Teño cousas para facer e A nova normalidade, segundo explica a organización.

Por outra banda, EMHU colaborará coa Obra Social Abanca na campaña Cultura por Alimentos, convidando ao público asistente ás actividades paralelas gratuítas que teñan lugar na sede de Afundación a que faga as súas achegas con produtos non perecedoiros que distribuirán, posteriormente, desde o Banco de Alimentos Rías Altas.

Falece un motorista de 40 anos ao caer da moto na AC-14, ao seu paso polo barrio de Elviña

Ángela Precedo

-

13 Abril, 2024

0

Falece un motorista de 40 anos ao caer da moto na AC-14, ao seu paso polo barrio de Elviña

Un motorista de 40 anos perdeu a vida este sábado tras sufrir unha caída cando circulaba pola estrada AC-14, ao seu paso polo barrio coruñés de Elviña, despois de saírse da vía pola marxe esquerda. Segundo informou o 112 Galicia, o sinistro produciuse sobre as 16.46 horas no quilómetro 1,5 desta vía, sentido saída da cidade. Ata o lugar desprazáronse axentes da Garda Civil de Tráfico, da Policía Local e persoal do servizo de mantemento de estradas, ademais dos profesionais do Servizo de Urxencias Sanitarias de Galicia-061, que só puideron confirmar o falecemento.

Operativo especial no Porto da Coruña para embarcar seis estruturas para evitar inundacións en Países Baixos

europapress

-

13 Abril, 2024

0

Operativo especial no Porto da Coruña para embarcar seis estruturas para evitar inundacións en Países Baixos

O Porto Exterior da Coruña acolleu esta semana unha nova operativa singular de estiba. Nela, o buque Schokland embarcou seis grandes estruturas de bombeo deseñadas para evitar inundacións nos Países Baixos durante os próximos cen anos. Segundo informaron desde o Porto, a operación foi coordinada por Pérez Torres Marítima, empresa que exerceu como consignataria do buque e estibadora da carga.

O transporte das estruturas corresponde a un encargo do Goberno dos Países Baixos á multinacional Flowserve, líder na fabricación de sistemas de control de caudais, ante a posibilidade de que os actuais sistemas de contención do mar sexan insuficientes pola subida do nivel do mar que se prevé ao longo do século XXI. Flowserve encomendou parte do traballo á empresa coruñesa Herederos de Ignacio de la Iglesia, coñecida como Metalúrgica Gallega, que conta cunha fábrica no polígono de Sabón, contiguo ao Porto Exterior. O proxecto comezou a desenvolverse fai catro anos.

As pezas foron construídas nas instalacións de Metalúrgica Gallega e ensambladas durante as últimas semanas no Porto Exterior. Este venres realizouse a operación de embarque no Schokland, e o buque partiu a última hora da tarde con destino ao porto de Róterdam. O peso total das estruturas é de 90 toneladas, ás que se suman outras 42 toneladas da plataforma habilitada para o transporte.

Investigan a un veciño da Coruña acusado de numerosos furtos en establecementos comerciais de Oleiros e concellos próximos

europapress

-

13 Abril, 2024

0

Investigan a un veciño da Coruña acusado de numerosos furtos en establecementos comerciais de Oleiros e concellos próximos

A Garda Civil identificou e procedeu á investigación dun individuo residente na Coruña como presunto autor dunha serie de furtos en establecementos comerciais, tanto na localidade de Oleiros como noutros municipios próximos. Segundo informou o corpo, os furtos que se lle atribúen ascenden a un valor de máis de 8.000 euros só nunha cadea de supermercados, cuxos responsables pediron unha orde de afastamento para o sospeitoso.

Ademais, a investigación tamén apunta á súa autoría noutros roubos en negocios próximos. A Garda Civil continúa indagando para esclarecer posibles complicidades, especialmente de terceiros que poderían aproveitarse da condición de drogodependencia do imputado para instarlle a cometer estes delitos.

Sábado de Estudios Abertos

editor

-

12 Abril, 2024

0

Chega unha nova edición do esperado programa de Estudios Abertos, nos que poderemos entrar nos espazos de traballo de 35 artistas da cidade. A xornada deste sábado 13 de abril, recollendo as sinerxias do ano pasado, contará con ata 14 actividades paralelas e outras sorpresas nos diferentes espazos.

Os estudios participantes (hai escultura, pintura, fotografía, ilustración, debuxo, cerámica ou multidisciplinar) estarán abertos, con entrada de balde, de 11.00 a 21.00 horas.

O obxectivo desta xornada é coñecer de primeira man os artistas coruñeses, os seus centros de traballo e creación e os seus procesos creativos. Son todos eles e elas profesionais radicados na cidade e que desenvolven o seu traballo nela.

Actividades paralelas

Ao longo do día haberá actividades paralelas nos seguintes estudios:

● Ali Ali: Pintura para nenos de 14.00 a 16.00 horas.

● Chelo Facal: Visitas guiadas durante a xornada, obradoiro para nenos (12.00 – 13.30 horas) e peche coa performance de Willy Eter: conversas entre artes plásticas e teatro.

● Edgar Ortiz: Visita guiada infantil polo estudio con percorrido a través das distintas fases da creación artística: dende a concepción da idea, pasando polo proceso pictórico ata o resultado final. Ás 11.00 horas.

● Ese Sitio: De 13.00 a 18.00 horas. Hika: Pequenas viñetas, obradoiro rápido sobre crear unha viñeta autoconclusiva, nocións básicas de composición e guión, xerar nunha soa folla unha viñeta autoconclusiva utilizando a linguaxe de cómic como medio de expresión.

● Cris Alborjart: Obradoiro de deseño de personaxes de lendas galegas.

● Espacio Línea Noroeste: Obradoiro de iniciación á Cyanotype. Horario de mañá de 12.30 a 13.30 e de tarde de 18.00 a 19.30 horas.

● Espazo Salgado: Debuxo en directo no cristal da galería a cargo de María Salgado.

● Fernando Blanco: Obradoiro de gravado político con Linóleo

● Gisela Galván, Lara / La chica de la cinta e Juan Balay: Durante todo o día soará música de fondo cun tocadiscos.

● Gosia Trebacz: Obradoiro de colaxe de 12.00 a 13.00 horas. Actuación de baile e música de 18.00 19.00 horas con Amparo Martínez (bailarina) e Ber Martínez e Fito Ares (músicos)

● Maica Gómez: Recital poético a cargo de Eugenia San Martín (cantante e compositora) e Patricia Fernández (poeta). Ás 19.00 horas.

● Óscar Cabana: Elaboración dun mural colectivo enfocado á rapazada durante todo o día.

● Pedro Bueno: Visita guiada de mañá e tarde o día do evento

● Victoriano Fernández: Demo de pintura en espazos de realidade virtual e a presentación dun vídeo interactivo.

● Xulia Weinberg: Obradoiro durante varias horas continuas de reciclaxe de vidro, pintado de botellas, frascos, placas de vidro, restauración de vidro.

A GUÍA

Máis novas

35 artistas volverán abrir as portas do seus Estudios

Descubrindo as entrañas dos nosos artistas