O presidente de Abanca, Juan Carlos Escotet, informou de que a entidade financeira retomará en setembro as negociacións sobre a venda de Nuevva Pescanova, á vez que cualificou de “indispensables” os cambios realizados no Deportivo.
Respecto diso da primeira operación, que recoñece de “alta complexidade”, Escotet sinalou que a empresa “vai especialmente ben este ano” e iso permitiu ao banco “non ter ningún tipo de présa”. “É conveniente non facer as cousas con ningún tipo de prema. Aproveitamos o receso estival para tomarnos esta pausa e retomaranse as negociacións en setembro”, destacou.
A continuación, preguntado polo Deportivo e recentes cambios executados no club, subliñou que “eran indispensables” e “son claramente para mellor”. É un equipo “que ten polos seus antecedentes a obrigación de volver á categoría de elite e leva catro anos fóra do fútbol profesional”, constatou. “Iso hai que cambialo con toda celeridade“, chamou a atención.
Neste sentido, mandou á afección a mensaxe de que o compromiso de Abanca “é de longo prazo” e non descansará “ata que o equipo volva á primeira división”.
A organización ecoloxista Arco Iris reclamou á Xunta que “proceda de inmediato” a aplicar a recentemente aprobada Lei de Ordenación do Litoral na zona afectada polo recheo de lodos na marxe da ría do Burgo que corresponde ao Concello de Oleiros.
Nun comunicado, a entidade explica que “hai uns días” enviou unha solicitude telemática á Consellería de Medio Ambiente para instala a que proceda a esta aplicación ante “a gravidade da situación no recheo de O Paraíso”.
Arco Iris lembra, ademais, que o Executivo autonómico aprobou o 6 de xullo a Lei de ordenación e xestión integrada do litoral de Galicia, que foi publicada no Diario Oficial de Galicia (DOG) o pasado 13 de xullo e que “está plenamente en vigor“.
Por todo iso, a asociación ecoloxista solicita á Consellería de Medio Ambiente “interpor un conflito de competencias ante o Estado”, na defensa dos criterios de ordenación litoral “moitos de cuxos artigos entran en confrontación coas actuacións xa perpetradas e que poderían ter efectos irreversibles, a expensas das posibles consecuencias penais para os seus inductores ou colaboradores necesarios”.
O Concello de Betanzosestuda levantar as restricións da auga no municipio ao limitarse a presenza de norovirus, segundo informa. En concreto, sinala que se faría excepto na parte do municipio que depende do depósito de Xanrozo.
En concreto, precisa que as últimas analíticas apuntan a que os traballos de desinfección realizados pola empresa concesionaria “están a dar os seus froitos” e avanza que “a próxima semana podería cambiar a situación” no municipio, en referencia ás restricións.
Faino tras a reunión mantida pola alcaldesa, María Barral, con responsables técnicos de Saúde Pública e Augas de Galicia para valorar as últimas actuacións e as analísticas que diariamente se están realizando.
A rexedora apuntou que actualmente a presenza de norovirus, segundo os informes das analísticas, mantense soamente no depósito de Xanrozo.
Para o luns, está previsto que se tomen novas mostras de confirmación “e no caso de que os resultados obtidos, que se coñecerán a próxima semana, sexan satisfactorios, levantaríanse as restricións, excepto nos núcleos que abastece o depósito de Xanrozo”.
Un de cada tres cidadáns de Galicia son asiduos ao formato pódcast. Unha cifra que demostra que o formato xa non se conxuga en futuro, destacando que cada vez son máis as xentes que se animan a crear un podcast sobre o que máis lle gusta. Así o comprobando analizando a ampla e diversa lista de podcasts en galego que colleita “podgalego”.
Para axudar a crear podcast, creouse o proxecto Onda ODS. Unha iniciativa que enmarca a guía, cOmunicánDonoS, unha “Guía práctica para a elaboración de contidos auidovisuais e podcast relacionados cos Obxectivos de Desenvolvemento Sustentábel”. A Rede de Emisoras Municipais Galegas EMUGA Radiofusión, en colaboración coa Rede de Medios Comunitarios, a EmarTV, a e RTVC veñen de crear esta guía arredor destes novos formato de audio e outras ferramentas para comunicar no 2030.
O pleno da Deputación da Coruñaaprobou este xoves a proposta de organización do goberno provincial para o mandato 2023-2027 con dez áreas de goberno e co PSdeG na presidencia e o BNG na vicepresidencia.
Nunha sesión con todos os puntos do día aprobados por unanimidade, acordouse a repartición de áreas nun goberno provincial conformado por socialistas e nacionalistas tras o pacto de goberno asinado entre ambas as formacións. Valentín González Formoso (PSOE) repetirá como presidente e Xosé Regueira como vicepresidente.
En canto ás comisións, estarán integradadas por doce deputados, dos que cinco pertencerán ao grupo popular, catro ao socialista, dous ao BNG e un ao de Alternativa dos Veciños.
Respecto das retribucións, o presidente provincial pasa dun salario bruto de 77.394 euros a 80.000 euros, mentres que o vicepresidente pasa de 68.171 euros a 72.369,75 euros anuais.
Os deputados con dedicación exclusiva terán unha retribución de 69.441,14 euros brutos ao ano. En total, no pleno aprobáronse 17, as mesmas que no anterior mandato.
O pleno do Concello da Coruña aprobou, nunha sesión de carácter extraordinaria, un modificativo de crédito por importe de 2,2 millóns de euros destinado ao Instituto Municipal Coruña Espectáculos (IMCE) para facer fronte á programación de verán. Foi con respaldo do BNG á iniciativa do goberno local socialista e a abstención do PP.
Os concelleiros tamén deron luz verde, esta vez por unanimidade, á modificación do persoal municipal no relativo ao persoal eventual. O portavoz do goberno municipal, José Manuel Lage, argumentou que as cidades teñen que investir para manter e mellorar a súa dinamización económica, crear emprego e xerar recursos.
Ao mesmo tempo, incidiu en que o obxectivo é que a cidade herculina sexa “un referente cultural e de lecer no norte de España” e, para iso, considerou necesario “un esforzo investidor importante”. “Digo investimento que non gasto polo retorno que ten para a economía da cidade”, puntualizou.
Lage explicou que este modificativo finánciase principalmente co remanente líquido de tesouraría, dun millón de euros, e con fondos procedentes doutras partidas xenéricas non esgotadas do orzamento de 2022.
CRITICAS DA OPOSICIÓN
Pese ao apoio do BNG, o seu portavoz, Francisco Jorquera asegurou que o modificativo “chega tarde” e incidiu en que entrará en vigor cando “moitos dos gastos están comprometidos”. Isto atribuíuno a que non se aprobasen uns orzamentos para este ano e se prorrogaran os de 2022. “É unha práctica sistemática no goberno da Coruña, comprometer gasto antes de que ese gasto estea aprobado”, lamentou.
Na mesma liña, o popular Roberto Rodríguez recalcou que este modificativo chega “in extremis” pola “incapacidade” do goberno de realizar unha xestión “eficiente e eficaz”. Así mesmo, argumentou que a súa abstención se debe ás súas “dúbidas sobre a idoneidade dalgunhas das partidas” e á “escasa transparencia” á hora de xustificar os máis de dous millóns de euros de suplemento destinado ao IMCE. Rodríguez reclamou “diálogo” e instou ao goberno local a “tramitar con seriedade e antelación suficientes” estas cuestións.
A Federación de Librarías de Galicia é a entidade organizadora das Feiras do Libro que se fan na nosa comunidade. Este ano son 14 feiras as que visit an distintas vilas e cidades galegas.
Un dos obxectivos da FLG é establecer un marco de diálogo permanente coas distintas administracións, Xunta de Galicia, Deputacións Provinciais e Concellos onde se celebran cada unha das feiras, co obxeto de consolidar acordos que doten de estabilidade as feiras en tódolos aspectos.
Nestes últimos anos a FLG leva traballando na proposta dun convenio co Concello de A Coruña que definitivamente recoñeza a importancia que esta Feira do Libro ten para a cidade, e para todo o tecido do libro en Galicia.
Despois de infinidade de contactos e reunións, onde o Concello amosou o seu compromiso para avanzar na sua sinatura, a pasada semana comunicousenos que finalmente, o convenio non vai ser asinado, e que unicamente contamos co compromiso verbal do concello de investir 15.000 €, como cada ano ven destinando a súa Feira do Libro, unha aportación evidentemente deficiente para a maior feira do libro de Galicia, un evento que cada ano reune a milleiros de visitantes de toda Galicia.
Dende a FLG queremos trasladar o seguinte a opinión pública:
1. O noso profundo malestar por esta decisión, que ademais se produce sin recibir ningunha explicación fundada por parte do Concello.
2. Dende a FLG estamos comprometidos a mellorar as Feiras do libro de Galicia, e para iso precisamos dun apoio decidido por parte da Administración ao libro e á Cultura do noso país. A Feira do libro de A Coruña recibe cada ano entre 120 e 150 mil visitantes ó longo dos 10 días de feira. Nos últimos anos vense facen do un importante esforzo por parte da organización para mellorar constantemente a oferta, cada ano o número de casetas, autores e eventos aumenta, e este 2023 non é excepción, con 32 casetas participantes. Con esta decisión do Concello de A Coruña, queda claro que esta no parece ser a súa prioridade. prioridade.
3. É evidente a grande diferencia orzamentaria que existe entre a aportación a Feira do Libro, e as aportacións do Concello (en algún caso de varios centos de miles de euros) que reciben algúns outros eventos culturais, moitos de eles de índole completamente privada.
4. A Coruña é unha cidade que conta cunha rede de bibliotecas públicas moi importante, e con maior número de usuarios en términos relativos. Dispón tamén dunha amplia rede de librerías con unha oferta variada e de calidade, o que a transforma nunha cidade literaria, en definitiva, unha cidade vencellada ó libro. Por iso, esiximos do Concello que cumpra o seu compromiso de colaboracióncoa Feira do Libro de A Coruña e poña en marcha o convenio colaboradora coa Federación de Librarías de Galicia a tales efectos.
A Cultura non é algo accesorio. As persoas que dun ou outro xeito formamos parte dela esiximos da Administración que cumpra coa sua responsabilidade, que asuma as súas obrigas, e que entenda que este inmenso patrimonio é de todos, e que entre todos temos que preservalo e fomentalo.
Por último, queremos convidar a todo o mundo á Feira do Libro de A coruña. Coma sempre, atoparemos centos de actividades para todos os públicos, unha programación diversa, equilibrada e de calidade, e vivir a experiencia de compartir momentos cas nosas escritoras e escritores preferidos, en definitiva Vivir os Libros.
Os Xardíns de Méndez Núñez volverán ser epicentro cultural da cidade durante este mes de agosto. A cita anual coa Artesanía de Galicia marida á perfección coa Feira do Libro de Galicia.
MOSTRART
A feira de artesanía MOSTRART, que se celebra na Corũna dende 1985, abriŕa a śua edicíon ńumero 39 o sábado 29 de xullo, e podeŕa visitarse ata o d́ia 27 de agosto nos Xard́ins de Ḿendez Ńũnez na zona de Avenida da Marina – Cantón Grande, en horario de 11 a 14 e de 17:30 a 22 h.
A inauguración da feira terá lugar ás 12 h do sábado 29 de xullo.
Este ano Mostrart acolle a 66 artesáns profesionais en 43 casetas. Son 52 artesáns galegos e outros 16 talleres doutras comunidades autónomas e mesmo un participante de Francia.
O cartel desta edición foi creado polo recoñecido ilustrador Javier Fernández Carrera, Pintu, e representa ó deus grego Hefestos, que nunha das súas atribucións representa á Artesanía, e máis concretamente aos oficios relacionados co lume, a forxa e os metais.
O vindeiro 1 de agosto inaugúrase, ás 12.30 horas, a Feira do Libro da Coruña, co pregón da poeta Dores Tembras, cun programa que propón 10 días (ata o 10 de agosto) de actividades culturais na cidade.
Este ano participan máis dun centenar de autores, 7 editoriais, máis dunha veintena de librarías, 32 casetas e 2 carpas para actividades:
Esperan entre 120.000 e 150.000 persoas visitantes que poderán disfrutar dunha oferta cultural sen precedentes e da posiblidade de charlar cos seus autores favoritos -acompañada dun 10% de desconto- nas 32 casetas participantes. A esta programación únense os eventos programados cada tarde nas dúas carpas, que darán cabida a charlas, mesas redondas, actividades culturais e de ocio, e presentacións de libros.
Silvia Penide é unha das mellores artistas da cidade, tanto pola calidade musical como pola humana. Así o recoñece a xente que a coñece de preto, e o público que leva tanto tempo seguíndoa por todo o país.
Onte celebraba os seus 20 anos na escena musiqueira, e faino coa presentación do seu novo traballo, ‘Mientras dura el aplauso’, un vinilo branco que recolle as cancións máis emblemáticas dos seus vinte anos sobre os escenarios.
O novo traballo da cantautora conta coa colaboración de Eladio Santos, Mercedes Ferrer, Víctor Manuel, Ugía Pedreira, Félix Arias, Javier Álvarez, Andrés Suárez, a asociación West Galicia e Guadi Galego, con quen reinterpreta o sinxelo ‘El salto’, que se converteu no primeiro sinxelo do novo LP. “A canción gaña moito con ela. A súa voz funciona moi ben, parece que che está cantando ao oído”, sinala a artista.
Silvia Penide co seu equipo
Ademais, o fermoso formato de edición limitada, coidada e exquisita (ollo que só hai 250 exemplares e numerado a man pola propia Penide) demostra a intención da cantautora de agradecer ao público a súa compañía ao longo da súa carreira: “Para ti , que me escoitas e me compartes; que me escribas ou me achegues despois dun concerto; que non deixes que os aplausos se esmorezan. A ti, porque seguirei camiñando mentres dure precisamente iso: o teu aplauso”, sinala.
Como broche de ouro, o LP péchase con Diferentes Diferencias, o tema que parte do libro homónimo escrito polo cantautor Arturo Vaquero (ademais encargado da mezcla e o master) e que neste caso conta coa colaboración, nos coros, de membros da asociación para raros. enfermidades e epilepsia Galicia Occidental e o alumnado do CEIP Novo Mesoiro da Coruña.
Xira e venda
En breve comezará a xira de presentación do disco. As primeiras localizacións confirmadas -ademais dos festivais que anunciarán o seu cartel nos próximos días- son Barcelona (15 e 16 de setembro), Pontevedra (23 de setembro no Teatro Principal, onde estará acompañada por unha banda e unha intérprete de lingua de signos), Sevilla (novembro) e Arteixo, berce de Silvia Penide (29 de decembro, data coa que rematará o ano).
O vinilo xa está nas tendas físicas da Coruña, en Psicodelia (Nova, 25) e A tenda de Marián (Avenida Novo Mesoiro, 30).
En Arteixo, o disco pódese adquirir no Café Cultural Melandrainas (Nicaragua, 4) e na Peluquería Manuel Campos (Avenida Fisterra, 18). En Santiago de Compostela, o vinilo está á venda en Trisquel Artesanía (Acibechería, 31) e, en Vigo, en Pick Up Discos (Progreso, 31). En breve chegará a Madrid (Escridiscos. Las Navas de Tolosa, 4); e, para o resto de localidades da península e Baleares, pódese solicitar a través de silviapenide.com.
As pioneiras do cómic en España serán as protagonistas de Viñetas desde o Atlántico 2023, unha cita de especial importancia trala saída de Miguelanxo Prado da dirección do festival, que se celebrará na Coruña desde o 7 ao 13 de agosto. “Será unha edición moi especial, cun novo rumbo impulsado e organizado polo Concello da Coruña da man do sector do cómic coruñés cunha programación exclusiva de gran nivel internacional”, sinalou a alcaldesa na presentación das festas de María Pita.
O evento servirá para rendera homenaxes aos autores falecidos Francisco Ibáñez e Calpurnio Pisón.
Entre outros nomes, o festival traerá a nomes como Laura Pérez Vernetti, Alberto Vázquez, Teresa Radice, Stefano Turconi, Isa Feu, Marta Guerreiro, Marika Vila ou Elisa McCausland.
Viñetas desde o Atlántico contará coas seguintes exposicións:
‘Mujercitas do mundo enteiro, unídevos!’ (Quiosco Alfonso);
Unha homenaxe a Calpurnio, con 200 orixinais e un centenar de obxectos (Palexco);
Unha mostra sobre o autor galego Alberto Vázquez, director de ‘Unicorn Wars’ (Palexco);
Outra dedicada aos italianos Teresa Radice e Stefano Turconi, creadores de ‘As mozas do Pillar’ (palacio municipal);
‘VIVE A VIDA e outras poesías gráficas de Luís Alberto de Conca. Por Laura Pérez Vernetti’ (casa museo de Picasso);
BD na Coruña que bonita é. Banda deseñada creada desde A Coruña’, comisariada por Manel Cranio (Sala Municipal de Exposicións Salvador de Madariaga).
Especial mención merece a homenaxe a Francisco Ibáñez, que visitou as Viñetas en 1998 con motivo do 40 aniversario de ‘Mortadelo e Filemón’. Haberá un punto continuado de lectura das súas obras no Quiosco Alfonso e nas bibliotecas municipais da cidade.
Entre outras actividades haberá charlas, firmas de libros, proxección de películas e talleres para profesionais e público infantil.
