Páxina 410 – Xornal da Coruña – Noticias da Coruña e área Metropolitana

Vari@s xogador@s do Fill@s de Breogán, ao Mundial de Fútbol Gaélico

DEPORTES

-

18 Xullo, 2023

Vari@s xogador@s do Fill@s de Breogán, ao Mundial de Fútbol Gaélico

A familia do Fútbol Gaélico Galego medra paseniñamente. Este deporte de orixe irlandesa, que enche estadios de 100.000 persoas no seu país malia ser “senporsen” amateur, ten en Galicia unha Liga das mellores de Europa, que representa a irmandade galego-irlandesa.

E así o demostrará a Selección Galega do 24 a 27 de xullo de 2023, coa súa participación no Mundial de fútbol gaélico que se vai celebrar na localidade norirlandesa de Derry. O combinado galego tentará repetir os éxitos alcanzados no último Mundial en 2019 cando alcanzou a 3ª posición na categoría feminina.

A expedición, formada por 60 persoas, ten todo preparado para saír cara Irlanda do Norte para competir por chegar ao podio tanto en categoría feminina como masculina.

Nos combinados haberá representación herculina, da man das Fill@s de Breogán. O club coruñés alzouse co título da Liga Galega 2022/2023 en categoría masculina e campioas no primeiro All-Galicia feminino.

Así recibían #OsNosos o título da Liga galega 22/23. Parabéns, Fillos!!! pic.twitter.com/fiENd9CBND

— A Coruña Fillos de Breogán (@FillosdeBreogan) June 5, 2023

Así, nos combinados galegos, nas féminas entre as seleccionadas atopamos as coruñesas Jenny Gonzalez, Eva Lago, Vanesa Puente, Leticia Zapata e Alba Fontán.
Entre os homes: Bruno López, Javier Cagiao e Sergio Serantes.

Todos formarán parte da historia da Selección Galega de Fútbol Gaélico.

Pero ademais hai outros que competirán con outros combinados:

concretamente:
– Javi García coa selección de Europa masculina.
– Paula López, Olalla García e Carmen Fernández coa selección de Iberia feminina.
– Martín Fernández, Diego Sánchez, Álvaro Formoso e Víctor Santos coa selección de Iberia masculina.
– Jois Lelli coa selección de Italia masculina.

A ausencia da vítima obriga a aprazar o xuízo contra un acusado de apuñalar a un menor no Obelisco

SUCESOS

europapress

-

18 Xullo, 2023

0

A ausencia da vítima obriga a aprazar o xuízo contra un acusado de apuñalar a un menor no Obelisco

A sección segunda da Audiencia Provincial da Coruña aprazou o xuízo fixado para este martes contra un home acusado de apuñalar a un menor nunha pelexa no Obelisco, na Coruña, e o seu irmán, pola incomparecencia da vítima e dun dos peritos. A vista oral está previsto que se celebre o próximo 12 de setembro.

“O Ministerio Fiscal e acusación consideran a esta testemuña absolutamente imprescindible”, declarou aos medios o avogado da acusación particular, quen engadiu que é probable que na nova data “exista un acordo entre a defensa e as acusacións e simplemente quede nun recoñecemento dos feitos, o pago dunha indemnización e unha rebaixa considerable das penas”.

A Fiscalía pide 8 anos de cárcere para este procesado e a acusación particular 9.

FEITOS

Segundo recóllese no escrito fiscal, sobre as 04,00 horas do 3 de xullo de 2022, dous menores atopábanse na rúa Socorro, na Coruña. Alí estaba tamén un dos procesados, maior de idade.

Sobre esa hora houbo varios incidentes. Primeiro entre os dous menores e, a continuación, entre un deles e un dos procesados, que golpeou á vítima en diferentes partes do corpo. Foron separados por varias persoas que se atopaban no lugar, aínda que pouco despois o acusado volveu golpear ao menor.

A continuación, desprazáronse á zona do Obelisco, onde apareceu tamén o irmán do menor golpeado, que fose alertado do incidente anterior. Así, tal e como consta no escrito fiscal, este último dirixiuse ao outro menor coa intención de acabar coa súa vida.

Cun coitelo de 26 centímetros de folla que portaba apuñalouno en dúas ocasións, unha delas na zona abdominal no flanco esquerdo e a outra na rexión superior do hemitórax esquerdo.

O presunto agresor foi localizado polos axentes da Policía Local pouco tempo despois na rúa Ribadavia, observando os axentes que as roupas que levaba o procesado estaban manchadas de sangue. Este procesado atópase en situación de prisión provisional por esta causa desde o día 5 de xullo de 2022.

Por estes feitos, o Ministerio Fiscal procede impor a pena de oito anos de prisión polo delito de tentativa de homicidio, así como a prohibición de achegarse á vítima a unha distancia inferior a 200 metros e comunicarse con el por calquera medio durante nove anos.

O outro acusado estivo en situación de prisión provisional desde o día 5 de xullo de 2022, acordando o Xulgado a súa liberdade provisional o día 13 de xullo de 2022. Agora, Fiscalía solicita para el a pena de tres meses de multa polo delito leve de lesións.

O PPdeG agarda 3.000 persoas no acto final de campaña de Feijóo na Coruña

editor

-

18 Xullo, 2023

0

O PPdeG agarda 3.000 persoas no acto final de campaña de Feijóo na Coruña

Ao redor de 3.000 militantes e simpatizantes do PP arrouparán ao seu líder e candidato á Moncloa, Alberto Núñez Feijóo, no acto de peche de campaña que os populares preparan na Coruña para este venres.

Fontes da dirección autonómica do partido consultadas por Europa Press ratificaron que o acto, previsto para última hora da tarde do venres, celebrarase no Palexco. Ademais de Feijóo, intervirán no acto o vicesecretario de Organización do PP, Miguel Tellado, cabeza de cartel pola Coruña ao Congreso dos Deputados, e o líder do PP galego, Alfonso Rueda.

Feijóo volverá así a Galicia para despedir o último tramo da carreira electoral que desembocará nas urnas o vindeiro domingo 23 de xullo. Nela estivo xa poucas horas antes do arranque formal da campaña. E é que para o pistoletazo de saída, tamén como unha chiscadela ao rural, optou pola súa localidade natal de Os Peares, onde se reivindicou como un candidato “de pobo”.

Pero, ademais, Feijóo elixiu un lugar simbólico para os populares –a Praza de Touros de Pontevedra, onde se reuniron unhas 12.000 persoas– para un dos principais actos da súa campaña.

Exposición ‘Fotografías da Natureza 2023’ no Aquarium Finisterrae presentada polo Concello da Coruña

A CORUÑA

monchomarino

-

17 Xullo, 2023

0

Exposición ‘Fotografías da Natureza 2023’ no Aquarium Finisterrae presentada polo Concello da Coruña

O Aquarium Finisterrae acolle desde este luns a exposición ‘Fotografas da Natureza 2023’ que conta con imaxes premiadas na última edición do ‘European Wildlife Photographer of the Year’.

Segundo informou o Concello da Coruña, a mostra foi presentada este luns polo concelleiro da área de Fomento e Promoción da Cidade, Gonzalo Castro, xunto co director Técnico do Aquarium Finisterrae, Francisco Armesto.

“A Coruña conta desde este luns coas mellores instantáneas da natureza no mundo, polo que aquelas persoas que se acheguen a coñecer o Aquarium levarán tamén un anaco do mundo”, explicou o concelleiro. O certame de fotografía de natureza é o “máis prestixio de Europa” e ten como obxectivo remarcar o valor da natureza e a biodiversidade para sensibilizar ao público co seu coidado.

Así, tras o concurso a organización preparou unha exposición coas imaxes premiadas para levalas a diferentes europeas e achegar á cidadanía diferentes perspectivas sobre o mundo natural. A exposición está organizada en nove seccións, aves, mamíferos, outros animais, mundo submarino, eloxio das plantas, paisaxes, o home e a natureza, forma e composición, e novos fotógrafos.

Cada unha das seccións conta cunha imaxe gañadora ademais das finalistas, algunhas recoñecidas con mención de honra. A exposición poderá visitarse ata finais de novembro, previa retirada de entrada.

Denuncian que case se duplicaron os níveis de ruído permitidos no parque de Bens durante o macrofestival

editor

-

17 Xullo, 2023

0

Denuncian que case se duplicaron os níveis de ruído permitidos no parque de Bens durante o macrofestival

O macrofestival Wake up & Dream, de música techno, que se celebrou no Parque de Bens tamén tivo un importante impacto neste espazo. Así defende Ecoloxistas en Acción A Coruña, que xa viña advirtindo dende fai varias semanas que o macrofestival tería unha gran pegada ambiental, afectando gravemente á biodiversidade do parque, no que viven especies protexidas como o Lagarto Arnal, así como na contorna do parque, onde se poden atopar as Illas de San Pedro, consideradas Espazo Natural de Interese Local.

Ecoloxistas en Acción confirmou os temores de contaminación acústica facendo medidas arredor do parque, onde chegaron a alcanzarse cotas superiores ós 100dB, moi superiores a os permitidos nunha zona que conta especial protección contra o ruído, limitando a 60dB o máximo de sonido, para protexer á súa fauna.

Segundo o grupo, isto afectou a varias especies de aves que non puideron realizar a cría, “sen contar con todas as especies que poideron morrer a causa da actividade humana e a constante vibración do solo provocada pola música”. “O martilleo era constante, escoitabase dende a urbanización dos Rosais sen problemas, e as nosas medicións estaban limitadas ás zonas periféricas do Parque de Bens, xa que este se atopa pechado ao acceso público, con toda seguridade no propio parque as medidas terían sido superiores”, di.

O acceso ao recinto do Parque natural de Bens estivo totalmente restrinxido durante o transcurso do macrofestival, “pechouse todo o parque, público, que ten un área de 600 mil metros cadrados, cando a zona do festival, que é organizado por unha empresa privada para o seu lucro, ocupaba menos do 5% do mesmo”.

E, segundo Ecoloxistas en Acción, ese 5% por cento foi o mais afectado. “Pódese apreciar perfectamente a zona que ocupou o festival pola degradación do solo, foi como se pasase atila, non quedou nada vivo na zona, toda a zona axardinada vai ter que ser recuperada, se o é, e iso pode custar mais cartos para a cidadanía”, critica.

Outra das súas queixas foi a falta de transparencia do concello respecto do tema. Nas pasadas semana, a alcaldesa Inés Rey asegurou que o macrofestival contaba con todos os requisitos para a súa realización, cousa que dende a organización poñen en dúbida, xa que se trata dunha zona de especial contra o ruído. Os ecocoloxistas critican que non foron capaces de acceder ao informe ambiental que é necesario para a realización nunha zona natural como o Parque de Bens, “ata onde sabemos, é posible que tal informe nunca se realizase”.

Alertan de que o Parque Eólico das Encrobas podería comprometer a operatividade do aeroporto

editor

-

17 Xullo, 2023

0

Alertan de que o Parque Eólico das Encrobas podería comprometer a operatividade do aeroporto

A Asociación Salvemos o Val de Barcia e o Monte Xalo continúa a súa loita por evitar a construción do Parque Eólico As Encrobas. Xa teñen presentado 181 alegacións e realizado numerosas mobilizacións pero non decaen ata que consigan paralizar a construcións destes 4 xigantes no cal a carón das súas casas.

Desta volta fanse eco da información vertida polo colectivo “Vuelamasalto” que fai referencia ás afeccións que terá o PE á operatividade do aeroporto de Alvedro. Aseguran que 3 dos 4 aeroxeradores proxectados, así como a torre meteorolóxica “violaría a zona de servidumes do aeroporto”, “converténdose en obstáculos”.

Dende VuelaMásAlto consideran que “isto pode ter un gran impacto negativo no día a día do aeroporto, xa que a súa localización nunha das partes máis altas do monte Xalo e a gran altura dos muíños -200 metros que hai que sumar. á elevada cota do terreo-, podería interferir nas manobras de despegue e aterraxe na cabeceira 21 -a máis próxima á ría do Burgo-, o que suporía un incremento dos mínimos das manobras de aproximación”. Deste xeito, “os desvíos en situacións de pouca -ou non tan pouca- visibilidade incrementaríanse de forma moi significativa e ao mesmo tempo, no que se refire ás saídas, aumentaría a demanda do desnivel de ascenso ao despegar tamén desta pista.

A Coruña, unha das cidades co maior incremento de cotizantes na Seguridade Social

europapress

-

17 Xullo, 2023

0

A Coruña, unha das cidades co maior incremento de cotizantes na Seguridade Social

O número de persoas afiliadas á Seguridade Social aumentou nos últimos 12 meses (de maio de 2022 a maio de 2023) nas sete grandes cidades galegas, segundo os datos que publica este luns o Instituto Galego de Estatística (IGE).

Os maiores incrementos déronse nos concellos da Coruña e Santiago, con alzas nos cotizantes do 2,3% e do 2,7%, respectivamente. En concreto, en maio, a comunidade rexistrou 1.057.831 afiliacións, un 0,6% máis que o mes anterior. Delas, 1.033.266 (o 97,7%) corresponden a persoas cuxa residencia se atopa nun dos municipios de Galicia.

Ugly Kid Joe, cabeza de cartel do Rock in Cambre

editor

-

17 Xullo, 2023

0

Ugly Kid Joe, cabeza de cartel do Rock in Cambre

Vén de presentar o Concello de Cambre o cartel da XXXI edición do Rock in Cambre, un dos festivais máis lonxevos do xénero na provincia. O evento terá lugar o sábado 5 de agosto e contará co grupo californiano Ugly Kid Joe como cabeza de cartel.

Dende o Concello salientan que un dos aspectos máis importantes do Rock in Cambre é a presenza das bandas cambresas, dándolles a posibilidade de coñecer o seu traballo e compartir escena con grupos de talla internacional.

Así serán os locais Lost Minnow, Low Gain e Replicantes os encargados de reivindicar o talento local e compartir escenario coa banda estadounidense, ademais dos madriñelos, Sex Museum, Bala, Los Rastreros e ITH.

Os concertos comezarán arredor das 18.00 horas coa actuación de Low Gain. Seguirán Replicantes (19.15 horas) e Lost Minnow (20.30 horas). O resto:

ITH (21.35 horas)
Bala (22.40 horas)
Ugly Kid Joe (00.10 horas). Cambre será una de las dos únicas paradas que el grupo hará en España.
Sex Museum (1.55 horas)
Rastreros (3.20 horas)

Unha das dúas paradas en España dos Ugly Kid Joe

Cambre será unha das dúas únicas paradas que fará Ugly Kid Joe en toda España. Ademais de Rock in Cambre, a banda actuará no festival Leyendas del Rock de Villena.

Ugly Kid Joe é un referente do xénero, interpretando numerosas cancións pertencentes ao hard rock, funk metal, grunge, rock alternativo e heavy metal. No seu repertorio destacan temas como “Everything about you”, “ats in the Cradle” ou “Neighbor”.

A calidade do aire en Galicia empeora en 2022, segundo un informe de Ecoloxistas en Acción

editor

-

17 Xullo, 2023

0

A calidade do aire en Galicia empeora en 2022, segundo un informe de Ecoloxistas en Acción

A calidade do aire empeorou en Galicia en 2022 debido á contaminación, o que rompe coa mellora que se rexistrou en 2021, segundo o informe anual elaborado por Ecoloxistas en Acción.

Así, apunta que a totalidade da poboación galega estivo exposta en 2022 a uns niveis de contraminación “insalubre”. Rexístrase un aumento dos niveis de ozono troposférico e de partículas en suspensión (PM10 e PM2,5) e dióxido de nitróxeno (NO2), aínda que sen alcanzar as concentracións anteriores á pandemia, segundo datos recolleitos en máis de medio centenar de estacións.

Unha das cuestións sobre as que chama a atención Ecoloxistas en Acción é o “feito moi preocupante” de que se supera o valor medio anual recomendado pola OMS para o cancerígeno benzopireno (BaP) na área industrial da Coruña e Arteixo, así como nas contornas da fábrica de coches de Stellantis en Vigo e a planta de produción eléctrica con biomasa de Greenalia en Teixeiro (Curtis, A Coruña). Por iso, reclama á Xunta ampliar as medicións deste contaminante e profundar no seu estudo.

Ademais, apunta que tres de cada dez galegos respiraron en 2022 un aire que incumpriría os novos estándares legais propostos pola Comisión Europea para 2030.

Así, as partículas en suspensión PM10 e PM2,5 seguen afectando principalmente as sete principais cidades e ás zonas industriais de Arteixo, A Mariña e Oural (Sarria, Lugo), onde se superaron os valores medios diarios e anuais recomendados pola Organización Mundial da Saúde (OMS) para estes contaminantes. Tamén se recollen valores superiores de PM2,5 na Galicia rural.

Ademais, Vigo e A Coruña obsérvanse os niveis máis altos de dióxido de nitróxeno (NO2), como consecuencia do intenso tráfico, tamén por encima da recomendación da OMS, algo que ocorre en menor medida en Santiago, Pontevedra e Ourense. De feito, Vigo supera o límite legal da Comisión Europea para NO2 e tamén para partículas en suspensión.

Pola súa banda, Arteixo –refinaría de petróleo de Repsol-– e Oural (Sarria, Lugo) –Votorantim Cementos Oural– superan o valor máximo diario de dióxido de xofre (SO2).

Xunto a isto, a vaga de incendios de xullo de 2022 deu lugar a que se superasen as medicións de contaminación por ozono troposférico (O3) en diferentes puntos de Galicia –Ourense, Vigo, Ordes, As Pontes e Poio–, sobre o cal a Xunta “se limitou a difundir avisos informativos rutineiros”.

Castrexos e Romanos selaron a paz na Galaicoi

Ubaldo Cerqueiro

-

17 Xullo, 2023

0

Castrexos e Romanos selaron a paz na Galaicoi

Despois dunha fin de semana de batallas encarnadas, castrexos e romanos conseguiron liquidar as súas diferenzas e enterrar o machado no peche da VI edición da festa Galaicoi. Tras disputar a batalla final na zona do castro, os xefes de ambos os clans acordaron asinar a Tessera Hospitalis como mostra da paz que reinará en Cambre ata, polo menos, o próximo ano.

Este acto foi o broche de ouro do programa do sexto Galaicoi, no que o Concello de Cambre rexistrou un auténtico éxito de asistencia ao longo dos tres días. Unha festa na que a veciñanza é protagonista o que lle dá un impulso máis auténtico e máis participativo.

De feito, a Galaicou conta cunha ampla representación do tecido asociativo. En total, foron 23 as asociacións veciñais, culturais e deportivas de Cambre que ocuparon as cabanas castrexas. As entidades amenizaron a cita durante toda a fin de semana, comendo, bailando e facendo música. É dicir, converter o castro nunha romaría tradicional.

A programación deste ano incluíu un concerto da Compañía Festicultores, representacións teatrais da compañía Noite Bohemia, recreacións de batallas, showcookings de pratos típicos da época, pasarrúas musicais e teatreiros, obradoiros de artesanía tradicional e un mercado con preto de 50 postos.