A Coruña acollerá este domingo, 28 de abril, a edición número 29 da Carreira Alternativa, unha proba inclusiva e solidaria organizada pola Asociación Galega de Xestión Deportiva AGAXEDE e Be One que conta coa colaboración do Concello.
O lema desta carreira é ‘Pola inclusión e a igualdade’ e desde a organización inciden en que non se trata dunha competición, senón dun evento lúdico que se pode facer correndo, andando, en patíns, en bicicleta ou en cadeira de rodas, tal e como se indica no cartel. A carreira partirá ás 11:00 da praza de María Pita, onde tamén estará a liña de meta, e un vehículo marcará o ritmo máximo na cabeza. As máis de 1.000 persoas participantes atravesarán a Marina, rúa Nova e rúa Alta e percorrerán o paseo marítimo en dirección á Torre de Hercules, volvendo a María Pita polo Parrote, tras percorrer uns 7km.
Esta carreira ten un forte compoñente reivindicativo e súmase ás numerosas probas deportivas que promove o Goberno de Inés Rey na cidade. Nesta carreira non será necesario inscribirse previamente e non haberá dorsais, reforzando deste xeito o seu carácter lúdico.
Ademais, na praza de María Pita haberá diferentes actividades e xogos para todos os públicos.
Un coche envorcou esta tarde, sobre as 15,55 horas, na AP-9 ao seu paso polo municipio de Culleredo, á altura do Burgo, segundo informa o consistorio. Un turismo que circulaba en dirección A Coruña sufriu unha saída de vía xunto ao acceso á área de servizo da autoestrada. O vehículo quedou envorcado no espazo que divide o carril dereito da vía de saída cara á área de servizo.
As dúas ocupantes que viaxaban no coche quedaron atrapadas, non podendo saír debido ás varandas. O Servizo de Emerxencias do Concello de Culleredo procedeu á excarceración das dúas persoas. Ao longo do proceso incorporáronse os Bombeiros da Coruña.
Unha vez foron liberadas recibiron atención do 061, que desprazou unha ambulancia medicalizada. Aparentemente, ambas as ocupantes atopábanse ben, aínda que con golpes polo accidente. A Garda Civil de Tráfico asumiu o ateigado. Tamén acudiu o servizo de mantemento de estradas.
O Concello da Coruña acolleu este xoves a presentación dun catálogo antolóxico do pintor Cheché Martín, xogador, entre outros equipos, do Deportivo, At. Madrid ou o Barcelona. Un “home de mundo” que tivo moitas aristas que cómpre revisar, xa que despois de ser un defensa por varios equipos de toda España durante os anos 60, acabou dedicándose á arte como pintor e tamén adestrou varios equipos.
O acto contou coa presenza do comisario da mostra e autor do catálogo, Rubén Ventureira, e familiares de Cheché Martín, organizado coincidindo coa celebración dos cen anos do seu nacemento.
O catálogo forma parte da mostra ‘Cheché Martín. A vida nun trazo’, que acollerá a sala de exposicións do Palacio Municipal de María Pita do 20 de xuño ata o 28 de xullo.
A sétima edición do festival de música contemporánea RESIS programa unha decena de concertos desde o 3 de maio e ata o 9 de xuño na Coruña. Haberá, segundo informouse nun acto con presenza da alcaldesa, Inés Rey, no Palacio Municipal de María Pita, concertos en espazos singulares da cidade. Por primeira vez, esténdese o programa cunha cita en Roma e outra en Madrid.
Inés Rey destacou a excelencia e a innovación deste certame, “para achegar estea xénero a novos públicos”, remarcou, xunto ao concelleiro de Promoción da Cidade, Gonzalo Castro; o director artístico do festival, Huego Gómez-Chao, quen, entre outras cuestións, destacou o concerto previsto na Real Academia de España en Roma. Tamén estiveron presentes, o xerente da Orquestra Sinfónica de Galicia, Andrés Lacasa, e Rosario Fernández-Albarat, xefa do servizo de coordinación cultural do departamento territorial da Consellería de Cultura.
O programa incluirá unha decena de concertos, oito deles de absoluta estrea, unha exposición e proxeccións, ademais de actividades paralelas como a terceira edición do proxecto didáctico ‘A Proxección Sonora III’. Nesta edición, haberá, directores, músicos e agrupacións como a Nova Orquestra Nacional de España, o cuarteto Arditi ou o director holandés Bas Wiegers.
O festival Mar de Mares converterá á cidade da Coruña en xuño na “capital mundial dos océanos”, segundo informa a organización.
O evento celebrarase por undécimo ano consecutivo con actividades multidisciplinares para abordar a divulgación dos océanos. Será entre os días 8 ao 16 de xuño.
Entre as novidades desta edición, figura, ademais do cambio de data para coincidir co Día Mundial dos Océanos, a estrea da súa nova sede.
O edificio do mercado de San Agustín foi o lugar elixido este ano para instalar o clásico Mercado do Mar e celebrar a “maior festa do mar”, engade. Xunto a ela, e baixo a lema ‘Éncheche de océano’, haberá expresións artísticas e culturais, así como outras vinculadas co activismo ou a gastronomía.
Así daba conta no programa El Hormiguero, onde anunciaba a posta en marcha deste proxecto innovador equipado coa última tecnoloxía, que marca un fito na medicina moderna. Este vehículo revolucionario está deseñado para levar a cirurxía minimamente invasiva, mediante incisións de só dous centímetros, ata os recunchos máis remotos do planeta. A técnica do cirurxián coruñés, o Uniportal VATS.
Rivas, que xa ten viaxado por todo o mundo facendo estas intervencións, era consicente de que a gran problemática era a falta de recursos nos hospitais de países en desenvolvemento.. E de aí nace esta unidade co capacidade funcionar de forma autónoma con enerxía solar durante 30 horas continuas, integrando tecnoloxía de punta e equipamentos cirúrxicos equiparables aos mellores hospitais de España o mundo, e poder “dispoñer desta tecnoloxía para poder ofrecer ás persoas máis desfavorecidas dos países en vías de desenvolvemento as mesmas garantías de cirurxía minimamente invasiva que terían se fosen operadas nun país desenvolvido.
“O que creamos cambiará o panorama da atención sanitaria global”, dixo o doutor, pois “esta unidade móbil permite realizar cirurxías moi complexas en calquera lugar, garantindo que a distancia ou a falta de infraestruturas non limiten o acceso a tratamentos que salvan vidas”.
Malia ser un proxecto con claras raíces coruñesas, a Unidade Móbil, foi fabricada integramente en Zaragoza. E sen tempo a descansar parte este venres cara a África, co seu primeiro destino Ghana onde se realizarán as primeiras operacións. O médico estará acompañado do seu equipo habitual de enfermeiras e anestesistas que o acompañarán nesta misión de achegar servizos cirúrxicos avanzados a comunidades antes inalcanzables.
No marco do falso proceso de unificación, a Rede de Bibliotecas tiñan como obxectivo marcado a súa ampliación coa creación das bibliotecas de Novo Mesoiro e Palavea, e a ampliación da da Sagrada Familia. Así o corroboran os orzamentos de 2024, onde figuran partidas para estes proxectos.
Pero por agora, segundo denuncia o BNG, non hai movemento, e por iso, dende o grupo da oposición veñen de rexistrar preguntas.
”O Goberno Local comprometeuse a dotar Novo Mesoiro de biblioteca, aula informática e espazo interxeracional. E Palavea, de biblioteca e nova aula informática”, sinala Mercedes Queixas que lembra que tamén hai hai diñeiro consignado para “ampliar a biblioteca da Sagrada Famlia pondo en marcha un proxecto de innovación bibliotecaria e de participación cidadá coñecido como A Eira, un proxecto que leva sendo adiado xa durante demasiado tempo”, precisa.
Efectivos policiais desprazáronse este xoves á zona da Rolda de Nelle, na Coruña, por unha falsa alarma vinculada co que parecía ser unha arma.
Ao lugar, trasladáronse axentes da Policía Nacional e tamén da Local polo aviso de que unha persoa nova ía cunha arma de balines.
“Un mozo novo, non sabemos se menor, ía xogando, facendo movementos, pero non houbo incidente xa que con toda probabilidade era simulada”. “Aparentemente non era real”, precisaron sobre o sucedido fontes consultadas por Europa Press.
Anunciáronse onte os finalistas aos Premios Martín Códax 2024. A Asociación Músicas ao Vivo fixo pública a lista de 57 proxectos que optan ás 19 categorías dos premios coñecidos como os Grammy galegos.
E a presenza da cidade da Coruña é bastante singular.
A mítica Sala Mardigrass, presente na final dos Martín Códax
A Sala Mardigras, que xestiona Tomi Legido, está entre as Salas finalistas xunto coa Pousada da Galiza Imaxinaria (Boiro) e a ourensá Arca de Noé. A tremenda programación da mítica sala herculina merece este e moitos premios máis.
As outras grandes protagonistas son as Leria, a banda de indiepop galaico formada por Mayra Vila (voz e guitarra), Helena Barreiro (batería e coros), Itzi de Blas (baixo e coros) e Andrea López (teclas e coros está nominada á mellor Artista Emerxente, xunto con Mondra e Gloria Pavía.
A cantautora Lucía Aldao é finalista, gracias ao seu traballo PAVA, na categoría Pop e Indie, na que competirá cos muradáns The Rapants e a banda ribeirense Mai.
A eterna gaiteira de Cecebre, Susana Seivane, volve á primeira liña como finalista na categoría Folk xunto coas costeiras Caamaño&Ameixeiras e o grupo compostelá De Ninghures, que vén de levar o premio aRi[t]mar.
Un pouco herculina tamén é a banda A Gramola Gominola, que ten a Paco Cerdeira, Pakolas (mexicano de Cerceda), como doble finalista da categoría infantil coa divertida Banda Uxía Lambona e a Banda Molona.
A Blues, Funk e Soul ten acento coruñento. Por un lado temos, entre os finalistas, a Brais Morán & Nasaufunk, ourensán pero xa herculino de adopción, que volve á primeira liña da escena galega contemoránea co traballo “Revolución Chic”. Unha das bandas máis bailablles de toda Galicia.
Paula Martins e Víctor Aneiros onte na presentación dos finalistas dos Premios Martin Códax
Tamén forma parte dos finalistas Martíns Aneiros Band, a banda do ferrolán Víctor Aneiros e a mítica cantante coruñesa Paula Martins, que foi a voz da Big Bottom Band, e doutras moitas bandas con esa rasgada e inconfundible voz. Aínda a vemos estas semanas pola rúa Real herculina dando verdadeiros espectáculos.
A bandaRYMER, con raíces en Arteixo, compiten na categoría Metal e Heavy con Her Anxiey e Youcanthide.
Na categoría de músicas urbanas, a axencia discográfica AAldea Music Group compite con dous dos artistas coruñeses: hydn, artista introspectiva conectada ás tendencias culturais, que combina a moda e o estilismo coa produción creativa no seu proxecto; e C Mirazo, artista e compositor galego que bebe da escena musical de Europa e LATAM e experimenta con distintos xéneros da música urbana, apostando por un son propio e recoñecible.
O Concerto das Letras Galegas, que se celebrará o próximo 16 de maio no Teatro Colón. A cita, organizada polo Consello de Cultura Galega (CCG), porá en valor a faceta musical de Luisa Villalta (A Coruña, 1957-2004), artista homenaxeada este 17 de maio, con “unha presenza moi destacada de violíns”.
Así o anunciaron, na presentación da décimo cuarta edición deste evento, a presidenta do CCG, Rosario Álvarez; o concelleiro de Fomento e Promoción da Coruña, Gonzalo Castro; a irmá de Luisa, Susana Villalta; e o director do Grupo Instrumental Século XX, Florian Vlashi.
O obxectivo desta homenaxe, explicaron, é “unir literatura e música, dous fíos que están na propia biografía e actividade cultural” da artista, unha “recoñecida violinista”.
O concerto, que se emitirá en directo na web do CCG, celebrarase na véspera do Día dás Letras Galegas, a partir das 20,30 horas e a entrada será libre.
