Páxina 496 – Xornal da Coruña – Noticias da Coruña e área Metropolitana

A ministra Nadia Calviño respalda a posta en marcha da Aesia na Coruña

europapress

-

19 Outubro, 2023

A ministra Nadia Calviño respalda a posta en marcha da Aesia na Coruña

A alcaldesa da Coruña, Inés Rey, e a vicepresidenta e ministra de Asuntos Económicos e Transformación Dixital do Goberno en funcións, Nadia Calviño, abordaron nun encontro a folla de ruta para a posta en marcha da Axencia Estatal para a Supervisión da Intelixencia Artificial (Aesia) na cidade.

En relación a esta actuación, Rey sostivo que se segue “adiante e cumprindo en base aos prazos previstos”. No encontro, Rey e Calviño tamén repasaron as convocatorias de fondos europeos ás que se presentou o Concello, subliñando a importancia deste financiamento para impulsar medidas que contribúan á sostibilidade e futuro das cidades.

CIDADES INTELIXENTES

Por outra banda, a alcaldesa herculina e vicepresidenta primeira da Federación Española de Municipios e Provincias (FEMP) participou na apertura do III Congreso Nacional da Rede de Cidades Intelixentes de España, celebrado en Madrid. A rexedora destacou a necesidade de que a incorporación tecnolóxica ás cidades veña acompañada de desenvolvemento empresarial.

A borrasca ‘Aline’ obriga a decretar alerta vermella na costa da Coruña por ondas e vento

europapress

-

19 Outubro, 2023

0

A borrasca ‘Aline’ obriga a decretar alerta vermella na costa da Coruña por ondas e vento

A borrasca ‘Aline’ obrigou á Axencia Estatal de Meteoroloxía (Aemet) a decretar un aviso vermello por fenómenos costeiros na costa atlática da Coruña e todo o litoral cantábrico desde Galicia ata Euskadi.

Segundo indicou o instituto meteorolóxico, o perigo será “extremo” a partir da medianoite do xoves ao venres e nas primeiras horas do venres –ata as 12,00 horas desta xornada–. As ondas poderían superar os 8 metros de altura.

Tras fortes precipitacións rexistradas na pasada xornada, este xoves segue en Galicia unha situación meteorolóxica adversa, con choivas persistentes e vento forte. A situación é complicada no mar, con ondas de forza 8 e con intervalos de forza 9 entre Fisterra e Ribadeo.

Nos valores máximos de Meteogalicia faise constar que en Forcarei se rexistrou un acumulado de precipitacións 98,7 l/m2; e refachos de vento de 122,4 km/h na estación de Lardeira, en Carballeda de Valdeorras (Ourense) ou os 100.4 km/h de Lira (Carnota)

Mapa Incidencias AXEGA Alerta Vermella — Así está o mapa de incidencias de AXEGA nestes momentos

AVISO LARANXA DE METEOGALICIA

Así, o boletín de avisos do instituto galego fai constar para este venres, 20 de outubro, que haberá temporal no mar con fientos fortes do noroeste e ondas superando o cinco metros de altura.

Deste xeito, por ventos haberá aviso amarelo a partir de medianoite en varias zonas da Coruña, litoral de Pontevedra, A Mariña e as áreas de montaña de Lugo e Ourense. Por ventos no mar, na costa galega haberá aviso laranxa a partir de medianoite e na mañá do venres.

Mentres, por ondada, Meteogalicia decreta unha alerta laranxa no litoral de Pontevedra desde a próxima medianoite ata as 18,00 horas do venres; e tamén durante a maior parte da xornada na costa de Pontevedra e A Mariña de Lugo.

A SITUACIÓN NO MAR MELLORA O SÁBADO

A situación no mar irá mellorando progresivamente, segundo Meteogalicia, finalizando o día 21 fose dos límites de aviso.

En todo caso, nas primeiras horas do sábado manterase o aviso amarelo por ondada en toda a costa galega.

Defensa do Común pide que a Solana volva ser xestionada polo Concello cando remate da concesión

editor

-

19 Outubro, 2023

0

Defensa do Común pide que a Solana volva ser xestionada polo Concello cando remate da concesión

Trala sentenza do TSXG que permite recuperar a titularidade pública e evitar a venda do complexo deportivo da Solana, a primeira reacción chega por parte da plataforma cívica Defensa do Común, cuxo voceiro é o noso colaborador Ricardo Vales. Unha Plataforma constituída en marzo de 2016 precisamente para preservar a titularidade pública dos espazos da cidade e para coñecemento da opinión pública, que quere facer as seguintes puntualizacións.

A entidade, que valora o “papel importante” que ten xogado “informando e mobilizando á cidadanía”, considera “unha boa noticia a sentenza”, ao tempo que critica a intención do PP de converter o espazo en terreos privados, para conseguir us ingresos para pagar a débeda da construción do Porto Exterior.

Defensa do Común “continuará este traballo para conseguir que, acabada a concesión en 2027 dos terreos que hoxe ocupan A Solana e o vello Hotel Finisterre, pasen a propiedade do concello da Coruña”.

Lembra que a día de hoxe a zona do aparcamento que usa a Solana, diante do Castelo de San Antón, xa deberían ser considerados espazos públicos.

Tamén pide que se modifique a altura da edificación de A Solana, hoxe ximnasio, que impide a visibilidade do mar. Pero para iso é consciente de que é necesario que “o concello da Coruña aprobe unha planificación urbanística nos peiraos sen uso, pensando no interese público e non na súa privatización e venda”.

Máis novas

A Solana volverá ser para os e as coruñesas

O historiador Luís Lamela lanza un novo libro sobre a guerrilla antifranquista en Galicia

CULTURA

editor

-

19 Outubro, 2023

0

O historiador Luís Lamela lanza un novo libro sobre a guerrilla antifranquista en Galicia

O escritor corcubionés afincado no Campo da Leña, saca novo libro de ensaio, “A Loita dos perdedores. Razón e xénese da guerrilla antifranquista en Galiza” [Ed. Laiovento]. Un relato que supón “a investigación máis ampla que se puido facer ata agora sobre a guerrilla de Galiza”.

Please wait while you are redirected...or Click Here if you do not want to wait.

Confirman a condena de 8 anos de prisión para unha muller que tentou matar á súa parella no seu domicilio

europapress

-

19 Outubro, 2023

0

Confirman a condena de 8 anos de prisión para unha muller que tentou matar á súa parella no seu domicilio

A Sala do Civil e Penal do Tribunal Superior de Xustiza de Galicia (TSXG) confirmou a sentenza da Audiencia Provincial da Coruña na que condenou a oito anos de cárcere a unha muller por tentar matar á súa parella en 2022 no seu domicilio. A Sala rexeitou o recurso presentado pola procesada e ratificou a súa condena como autora dun delito de homicidio tentado, concorrendo a circunstancia de parentesco como agravante.

O TSXG, avala o relato de feitos probados do fallo de primeira instancia, no que os maxistrados indican que a muller, despois de estar bebendo bebidas alcohólicas, “aínda que en cantidade non precisada e sen que conste que afectasen dalgunha maneira as súas facultades”, e de falar coa súa irmá, residente en Alemaña, enfadouse porque lle dixo (ou ela así o entendeu) que o seu compañeiro sentimental estaba a flirtear con ela.

Entón, colleu na cociña un coitelo, e, “coa intención de matalo”, cravoullo con forza á súa parella no abdome. A vítima, que saíu á rúa desde a súa vivenda buscando axuda, aínda que percorridos uns metros esborrallouse, foi trasladada ao hospital, “onde recibiu a asistencia precisa para salvarlle a vida”.

Universidades galegas tecen redes de colaboración sobre innovación docente nunha xornada na Coruña

europapress

-

19 Outubro, 2023

0

Universidades galegas tecen redes de colaboración sobre innovación docente nunha xornada na Coruña

Representantes das universidades galegas reivindicaron a importancia da innovación docente nunha xornada na Coruña, que contou tamén coa presenza do secretario xeral de Univeridades da Xunta, José Alberto Díez de Castro.

Foi no marco da xornada promovida polo Centro de Formación e Innovación Educativa da Universidade dá Coruña (UDC), xunto coa Universidade de Santiago de Compostela (USC) e a de Vigo. Trátase da primeira edición da Xornada Interuniversitaria Galega de Innovación Docente que aspira, segundo os seus responsables, a ser “un punto de encontro entre docentes universitarios de toda Galicia para pór en común experiencias e tecer redes de colaboración”.

“A innovación docente é un alicerce básico”, sinalou a Europa Press o vicerreitor de Titulacións e Innovación Docente da UVigo, Alfonso Lago, quen o cualificou tamén como un “desafío”. Por iso, destacou estas xornadas para incentivar a colaboración en proxectos deste ámbito.

Na mesma liña, o reitor da UDC, Julio Abalde, remarcou a importancia de que as xornadas se promovan polo tres universidades dando continuación a unha actividade que ata agora organizaba exclusivamente a universidade coruñesa.

Este venres inaugúrase o primeiro edificio da Cidade das TIC na antiga Fábrica de Armas

ECONOMÍA

editor

-

18 Outubro, 2023

0

Este venres inaugúrase o primeiro edificio da Cidade das TIC na antiga Fábrica de Armas

Este venres 20 de outubro de 2023 terá lugar a inauguración do primeiro dos edificios en poñerse en marcha na Cidade das TIC (Avda. Pedralonga). O Centro de Servizos Avanzados (CSA) é o primeiro edificio acondicionado nos antigos terreos da Fábrica de Armas da Coruña, que trata de convertirse da man da Universidade da Coruña e o Clúster TIC Galicia nun polo tecnolóxico e de innovación dixital de referencia a nivel internacional.

Acodirán ao acto o presidente da Xunta de Galicia, Alfonso Rueda, o delegado do Goberno en Galicia, Pedro Blanco; a alcaldesa da Coruña, Inés Rey; o presidente da Deputación da Coruña, Valentín González Formoso; o presidente do Clúster TIC Galicia, Antonio Rodríguez del Corral; e o reitor da #UDC, Julio Abalde.

Despois do acto institucional haberá un evento sobre intelixencia artificial e empresa, con expertos de Denodo, NTT Data, MásMóvil e Telefónica. Tendes o programa na web da USC.

O edificio, de 5.000 metros cadrados, será a sede das empresas Imatia, cinfo, ITG, Xoia Extending Reality, Enxenio e Odeene. Ademais, na planta inferior haberá unha sala versátil.

As traballadoras das Escolas Infantís da Xunta únense á folga das compañeiras das Escoliñas Municipais

MOV. SOCIAIS

Ubaldo Cerqueiro

-

19 Outubro, 2023

0

As traballadoras das Escolas Infantís da Xunta únense á folga das compañeiras das Escoliñas Municipais

Este mediodía de xoves 19 de outubro comezan as xornadas de folga das traballadoras das escolas infantís privadas e de xestión directa (na Coruña as escoliñas municipais) para conseguir un convenio digno. Unha loita á que se unen as traballadoras das Escolas Infantís dependentes do Consorcio de Igualdade e Benestar (as Galiñas Azuis) da Xunta, a pesar da falta de información entre sindicatos.

Así o denuncia a CUT Galiza, o sindicato que abandeira a loita tanto nas residencias de maiores como nas escoliñas dependentes do Consorcio Galego da Xunta nos últimos anos. Un sindicato que lembra que falamos “dun sector, o dos coidados, absolutamente feminizado que a duras penas chega ao SMI, e que sen dúbida é un dos máis precarizados do país”.

A CUT denucnia que “as profesionais das Escolas Infantís 0-3 afrontan diariamente xornadas cun nivel de exixencia por parte da Xunta, Concellos e empresas humanamente imposible na maioría dos casos, asumindo unha grande carga de traballo e de estrés”. Por iso, reiteran as peticións que levan anos realizando (moitas coicidentes coas das compañeiras), como o pago dos veráns ao persoal temporal, a conversión de prazas ADIX e REOGAL en interinidades, a redución horaria de 18 e 21 horas…

Así, representantes das traballadoras dependentes da Xunta tamén formarán parte da manifestación que sairá ás 12:00h dende a Praza de Pontevedra até o Obelisco.

Servizos Mínimos Abusivos

O Colectivo herculino @educadorasenloita xa nos trasladaba onte que “non imos poder asistir á folga porque marcan uns servizos mínimos abusivos, deixando unha educadora por aula, o que vén sendo a ratio normal”.

Unha denuncia que comparte a CIG ensino, que considera igual de abusivos os servizos mínimos impostos pola Xunta para as Galiñas Azuis como polos Concellos da Coruña, Arteixo e Santiago para as escoliñas privadas ou de xestión indirecta (as coñecidas como “municipais”).

Como exemplo, a CIG-Ensino destaca que nalgunha destas escolas só poderán ir á folga 3 das 20 traballadoras, as que fan apoios, pois estarán obrigadas a traballar unha persoa por cada unidade, dúas para abrir e pechar o centro e logo unha na cociña e outra de limpeza.

”A CIG-Ensino lamenta que “estas administracións, gobernadas ademais por diferentes organizacións políticas (PP, PSOE, BNG), se unan en poñer paus nas rodas das lexítimas demandas dun persoal que presta un servizo que debería ser de xestión pública”. “Por riba de manter unha xestión indirecta e privatizada, poñéndose habitualmente de perfil nas demandas de melloras laborais, alegando que estas dependen da negociación colectiva coas patronais, agora os gobernos municipais e a propia Xunta, de quen depende o Consorcio, si toman partido, mais do lado da patronal”, denuncian.

Máis novas

As traballadoras das escolas infantís municipais critican os servizos mínimos abusivos para a súa folga

Traballadores en escolas ‘Galiña Azul’ e en atención a maiores maniféstanse na Coruña contra a temporalidade

A Xunta ratifica que recorrerá a sentenza que anula o plan de espazos do novo Chuac

europapress

-

18 Outubro, 2023

0

A Xunta ratifica que recorrerá a sentenza que anula o plan de espazos do novo Chuac

O presidente galego, Alfonso Rueda, confirmou que a Xunta recorrerá ante o Tribunal Superior de Xustiza de Galicia (TSXG) a sentenza que anula o plan de espazos do Complexo Hospitalario Universitario da Coruña (Chuac), por non estar suficientemente xustificada a súa localización en Eirís.

Neste contexto, tal e como asegurou na comparecencia posterior á reunión semanal do Consello, Rueda mostrouse confiado en que “non haberá problemas” para continuar coa tramitación das obras, despois de que hai dúas semanas –tras emitirse a sentenza– o Goberno galego aprobase para o Novo Chuac a declaración de proxecto de interese autonómico (PIA), que permite reducir prazos administrativos, entre outras vantaxes.

O titular da Xunta confirmou que “en principio” si se recorrerá o fallo ditado polo Xulgado do Contencioso-Administrativo número 1 de Santiago, que deu a razón aos veciños do barrio de Eirís afectados as expropiacións para acometer as obras. En concreto, o que fixo o xulgado foi anular o plan funcional e de espazos aprobado en 2020 que fixou a localización do proxecto.

Segundo Rueda, que dixo “non” coñecer os detalles da sentenza, a aprobación do PIA inclúe unhas “cuestións xurídicas” que agora o TSXG poderá ter en conta. Por iso mesmo, cre que “non haberá problemas” para que continúe a tramitación da ampliación do hospital coruñés.

A Solana volverá ser para os e as coruñesas

editor

-

18 Outubro, 2023

0

A Solana volverá ser para os e as coruñesas

O TSXG desestima os recursos da Autoridade Portuaria e dá validez ao acordo plenario para recuperar a titularidade pública da Solana

— —

Vén de ditar sentenza o Tribunal Superior de Xustiza de Galicia, desestimando en todos os seus termos o recurso interposto pola Autoridade Portuaria da Coruña, contra o acordo unánime do pleno municipal do 16 de xaneiro de 2020 de aprobación definitiva da modificación puntual do PXOM para recuperar a titularidade pública da Solana. Os privilexiados terreos quedarán como chan dotacional público no canto de chan dotacional privado.

A sentenza considera que “a decisión municipal non é arbitraria ao perseguir o interese público fronte á sua posible subasta”, con “motivación suficiente e coherencia co interese xeral”, dada ademais “a singularidade do entorno no que se ubica”, dentro do ámbito PEPRI. Deste xeito, O Parque Deportivo La Solana, fica suxeito á Ordenanza de Espazos Libres e Zonas Verdes Públicas. Ademais, “o paso situado entre a devandita dotación e as murallas da cidade pasa de dotación local a viario, tamén de titularidade pública”.

O Tribunal, que en varias ocasións sinala as “incoherencias” do Concello (e dos variados grupos políticos que pasaron polo goberno nesta década) en todo o procso, critica o enfrontamento entre administracións, calificando este proceso xudicial como a consecuencia da “frustración da negociación” entre Concello e Autoridade Portuaria.

A sentenza impón as costas á APAC, se ben cabe recurso de casación ante o Tribunal Supremo.

Proceso de recuperación dos terreos

A sentenza explica o proceso temporal, despois de que en 2013, o PP deixase a porta a unha posible privatización dos terreos, cunha modicación no Plan Xeral que podería permitir a venda do complexo para paliar a débeda contraída pola contrución da Dársena do Porto Exterior.

Foi o 01-09-2017 cando o Pleno do Concello da Coruña aprobou tres mocións (presentadas por BNG, PSOE e Marea Atlántica e apoiadas por unanimidade) que instaban, a garantir a titularidade pública dos terreos que integran o Conxunto La Solana, que foran incorporados ao dominio público portuario. estado ata que foron desafectados mediante a Orde do 28-12-1999, pasando así a ser ben patrimonial.

A raíz de tales mocións incoa un expediente de modificación puntual do PXOM vixente, co fin de cambiar a titularidade privada deste tipo de espazos a titularidade pública.

Foi o 03-05-2018 cando por acordo plenario se produce a aprobación inicial, no 14-01-2019 a aprobación provisional, e finalmente a definitiva no pleno do 16-01-2020.

O concello defende que “o porto non está en venda”

O portavoz do goberno local da Coruña, José Manuel Lage, defendeu que “o porto non está en venda” despois de trasladar a satisfacción municipal polo fallo do Tribunal Superior de Xustiza de Galicia (TSXG) que avala a modificación do plan urbanístico da cidade que converteu os terreos de La Solana en espazo público.

“Porque quería vender eses terreos e agora dannos a razón”, insistiu tras o fallo do alto tribunal galego en relación a este asunto e no que se considera “motivada” a decisión. Ademais manifestou a “mensaxe clara” de que o porto “non está en venda” e que “ten que seguir sendo un espazo público”.