Inicio Blog Páxina 546

O Ciclo Norte Cinema Diverso amplíase a tres días e abre unha sección de curtametraxes en galego

editor
-
0
O Ciclo Norte Cinema Diverso amplíase a tres días e abre unha sección de curtametraxes en galego

O festival de cine LGTBIQ+ Norte Cinema Diverso, que empezou a súa andaina en 2023, xa ten datas para a segunda edición. Serán os días 29 de febreiro, 1 e 2 de marzo de 2024, polo que o certame amplía de dous a tres días a súa duración. Serán tres días, con cinco sesións e un novo encontro con algúns dos artistas e cineastas participantes.

NCD celebrarase un ano máis no teatro Colón e coa mesma idea da primeira edición. “En 2023 superamos as expectativas que tiñamos na organización”, asegura Fernando Cayazzo, codirector do festival. “Nestes momentos, a asociación Palestra e a cinemateca da  Fundación Pedro Zerolo estamos a pechar a programación de 2024. Queremos que cada ano Norte Cinema Diverso creza e sexa máis forte.”

A finalidade da mostra é amosar as diferentes realidades do colectivo LGTBIQ+. “Que mellor que facelo a través do cinema, unha ferramenta fundamental para a transformación da sociedade e un atallo que nos axude a chegar axiña á igualdade real das persoas do noso colectivo”, comenta Cayazzo.

Outra das novidades de 2024 será a sección de curtametraxes en idioma galego. “Todas aquelas obras gravadas en galego, e que non vaian máis aló dos trinta minutos, poden inscribirse antes do 12 de xaneiro. Para participar só é necesario enviar a obra a
nortecinemadiverso@gmail.com”, explica Fernando Cayazzo.

Tamén en 2024 entregarase o premio Marieta á mellor curtametraxe, que o ano pasado recibiu Una dedicatoria a lo bestia, dirixida por Nucbeade, formado pola madrileña Quiela Nuc e a coruñesa Andrea Beade.

Luz verde da Xunta á declaración ambiental da planta de amoníaco verde de Punta Langosteira

europapress
-
0
Luz verde da Xunta á declaración ambiental da planta de amoníaco verde de Punta Langosteira

A Vicepresidencia Segunda da Xunta e a Consellería de Medio Ambiente deu luz verde á planta de produción de amoníaco verde, impulsada por Harmonía Green Galicia, no porto exterior da Coruña, en Punta Langosteira, municipio de Arteixo. O sistema de produción de amoníaco conta cunha capacidade de produción anual de 725.000 toneladas cando se alcance a última fase do proxecto. O amoníaco producido almacenarase en tres tanques, cunha capacidade total de máis de 100.000 toneladas. As instalacións ocuparán máis de 100.000 metros cadrados.

As futuras instalacións teñen como obxectivo a produción de amoníaco mediante o sistema de Haber-Bosch, co emprego no proceso de nitróxeno e hidróxeno electrolítico. O amoníaco almacenado enviarase ata o peirao chamado O Martelo para a súa carga en barcos de cara á súa exportación, do mesmo xeito que se contempla a posibilidade de proceder á descarga de amoníaco procedente de trens.

Os efluentes de augas que xerará esta produción distribuirase en: pluviais potencialmente contaminadas, pluviais limpas, de lavados e sanitarias, “non xerándose por tanto augas residuais de proceso”. Procederase á descarga ao medio mariño previo tratamento. En concreto, as augas potencialmente contaminadas serán tratas nun separador de hidrocarburos e as sanitarias serás evacuadas a unha fosa séptica.

O informe ambiental (do que informa o Diario Oficial de Galicia deste luns) avala que as actuacións “afectan de forma significativa a hábitats de interese comunitario”, aínda que se atopa nunha zona dentro do límite da reserva da biosfera Mariñas Coruñesas e Terras do Mandeo.

PLAN DE INFRAESTRUTURAS DO LAGO DAS PONTES

Por outra banda, Medio Ambiente acordou non someter ao procedemento ordinario de avaliación ambiental o plan especial de infraestruturas e dotacións no lago artificial das Pontes, posto que “non se prevén efectos ambientais adversos significativos”. Este plan ten como fin posibilitar a implantación de diferentes dotacións para o uso recreativo, deportivo e de lecer na contorna do lago artificial (unha contorna de 8,7 quilómetros cadrados creado no oco da antiga mina ao descuberto), así como as infraestruturas necesarias en materia de vías, aparcadoiro, saneamento ou electricidade, entre outros.

STOP Accidentes premia os traballos de sensibilización de 14 centros educativos da cidade

editor
-
0
STOP Accidentes premia os traballos de sensibilización de 14 centros educativos da cidade

O Salón de Plenos do Concello da Coruña acollía onte a entrega de premios da novena edición do concurso escolar ‘Ahora vamos andando al cole’, unha iniciativa impulsada pola asociación STOP Accidentes e no que colabora o Concello da Coruña.

Foron premiados 16 nenos e nenas de 14 centros educativos da cidade. Os textos e os debuxos premiados levan implícitas mensaxes a prol de respectar os espazos comúns, respectar os sinais de circulación e impulsar novas formas de mobilidade na cidade, conceptos nos que o Concello traballa a diario con centros educativos e forzas de seguridade.

As nenas e os nenos gañadores desta oitava edición do concurso escolar ‘Ahora vamos andando al cole’ foron os seguintes:

  • CEIP Plurilingüe José Cornide Saavedra: Laura Riobó Sanmartín (11 anos)
  • CEIP Plurilingüe Concepción Arenal: Mar Meitín Blanco (11 anos)
  • CEIP Plurilingüe José Cornide Saavedra: Marco Martinez Varela (9 anos)
  • CEIP Rosalía de Castro: Lola Roca Casal (10 anos)
  •  CEIP Sal Lence: Daniela Arén González (8 anos)
  • CEIP Plurilingüe María Barbeito e Cerviño: Leire Gigirey Guerra (8 anos)
  • CEIP Sagrada Familia: Gabriela Mosquera Bonja (8 anos)
  • CEIP Plurilingüe Alborada: Paula González Pérez (9 anos)
  • Colegio Hogar de Santa Margarita: Carolina Díaz López (11 anos)
  • CEIP Juan Fernández Latorre: Penélope Rodríguez Pawlow (8 anos)
  • CEIP Plurilingüe San Pedro de Visma: Eric Canosa Tomé (8 anos)
  • CEIP Plurilingüe de Prácticas: Andrea Iankova Lado (11 anos)
  • Colegio Santo Domingo-FESD: Dulce Leira López (8 anos)
  •  CEIP Plurilingüe Manuel Murguía: Azul del Mar Carrillo González (10 anos)
  • CEIP Sagrada Familia: Yasmin Er Rady Da Silva (12 anos)
  • CEIP Plurilingüe Concepción Arenal: Nieves López Pichel (10 anos)

Un menor precipítase desde un noveno andar na Coruña

europapress
-
0
Un menor precipítase desde un noveno andar na Coruña

Un menor precipitouse na mañá deste martes desde un noveno andar nun edificio situado no barrio dos Rosales, na Coruña.

Segundo fontes consultadas por Europa Press, os feitos sucederon sobre as 11,00 horas. Ao parecer, o menor caeu desde o noveno piso do edificio, que conta tamén cun baixo comercial, sobre un vehículo estacionado na rúa Simon Bolívar.

Ata o lugar desprazáronse os servizos sanitarios, que trasladaron ao menor con vida ao Hospital Materno Infantil Teresa Herrera.

Tamén acudiron patrullas da Policía Local e da Policía Nacional, que investiga os feitos. Polo momento, as mesmas fontes apuntan a que non se trataría dun feito delituoso e non descartan ningunha hipótese.

O TS desestima o recurso de Granada contra a elección da Coruña como sede da Axencia de Intelixencia Artificial

europapress
-
0
O TS desestima o recurso de Granada contra a elección da Coruña como sede da Axencia de Intelixencia Artificial

O Tribunal Supremo desestimou o recurso do Concello de Granada contra o acordo do Consello de Ministros, de 5 de decembro de 2022, polo que se determina á Coruña como sede física da futura Axencia Española de Supervisión de Intelixencia Artificial (AESIA).

A Sala do Contencioso-Administrativo asegurou que a decisión final motivada desta selección incumbe ao Consello de Ministros, que elixiu unha do tres candidaturas que se cualificaron pola comisión consultiva correspondente como ‘de excelencia’ –Alacante, Granada e A Coruña–.

Os maxistrados concluíron que tendo en conta que o Goberno explicou correctamente as razóns polas que adoptou esta a decisión, non se lesionou o principio de obxectividade baixo o que debe realizar a súa actividade a administración pública

O Concello da Coruña investigará os “actos de sabotaxe” en camións de recollida de lixo

europapress
-
0
O Concello da Coruña investigará os “actos de sabotaxe” en camións de recollida de lixo

A alcaldesa da Coruña, Inés Rey, condenou os “actos de sabotaxe” que se produciron este fin de semana en torno ao servizo de recollida de lixo na cidade herculina tras as denuncias de picadas en rodas de camións.

Rei instou, ademais, en referencia a unha folga convocada polo comité de empresa da concesionaria, Prezero, a partir da medianoite do día 24, a que o paro se desenvolva “sen ningún tipo de acto vandálico”.

“Condenamos rotundamente os incidentes de sabotaxe que antes de comezar a folga están a producirse, concretamente nos camións de recollida de lixo”, afirmou a rexedora, quen apelou a que a folga “se faga con responsabilidade e que non se produza ningún tipo de acto vandálico”. Por iso, alertou que o consistorio estará “vixiante para que iso non ocorra e tamén para esixirlle á empresa que se cumpran os servizos mínimos”.

As Tanxugueiras fan historia e seguen rompendo barreiras da música galega contemporánea

Ubaldo Cerqueiro
-
0
As Tanxugueiras fan historia e seguen rompendo barreiras da música galega contemporánea

Incrible o concerto que armaron as Tanxugueiras este pasado sábado no Coliseum. Case 10.000 persoas (agotáranse as entradas) ateigaron o auditorio pechado máis grande da cidade e do país, para demostrar, unha vez máis, que a música galega contemporánea non ten límites.

Era unha cita especial, como peche da súa xira “Diluvio”, que contou con grandes colaboracións como as de Mondra ou a Fillas de Cassandra, dúas das revolucións do “tradi” galego que abriu o festival. Pasaron polo escenario Rayden, Rozalen ou Guadi Galego, facendo as delicias dos asistentes .

As crónicas de todos (ou case) xornais recollen o fito histórico deste concerto para unha banda do país:

A compañía coruñesa Docuten firma con Canon para eliminar o papel da empresa

editor
-
0
A compañía coruñesa Docuten firma con Canon para eliminar o papel da empresa
“Eliminar o papel de todo tipo de organizacións” e “acelerar a transición dixital da empresa” son os obxetivos principais do novo acordo asinado por Canon España e a compañía herculina Docuten. A empresa de firma dixital e facturación electrónica chega a un acordo coa multinacional Canon para “facilitar a adopción da nova Lei Crea e Crece”, que fará obrigatorio este tipo de facturación a empresas e autónomos, equiparando a súa situación co que xa sucede no ámbito da Administración Pública.
“Este proxecto de colaboración xunto a Docuten está aliñado coa nosa visión estratéxica a longo prazo e supón unha gran oportunidade para contribuír xuntos a facilitar a transición de compañías de todo tipo cara á factura electrónica, tanto na súa emisión como na súa recepción. Isto é algo no que ambas empresas levamos tempo traballando e agora poderemos incrementar o noso alcance e efectividade traballando xuntas”, conclúe Eva Sánchez-Caballero, Head of Solutions en Canon.

 

Brais Mendez Docuten
Brais Méndez, CEO de Docuten

Pola súa parte, Brais Méndez, CEO de Docuten, destaca que este acordo de colaboración con Canon “supón unha gran oportunidade para acelerar a transición dixital de moitas empresas, ao poñer á súa disposición ferramentas e servizos de eficacia comprobada que ofrecen múltiples posibilidades, caracterizadas pola máxima seguridade e garantía no seu funcionamento”.

 

Alicia Chamorro, campioa do mundo sub16 de Kickboxing e Muaythai

editor
-
0
Alicia Chamorro, campioa do mundo sub16 de Kickboxing e Muaythai

Hai apenas un mes e medio conseguía o subcampionato mundial en Munich. Pero esta cullerdense non para de medrar, e onte domingo, 17 de decembro, Alicia Chamorro subiu un chanzo no podio e proclamouse campioa do mundo sub-16 de Muaythai en Sorrento, Nápoles, tras unha dura loita contra Cancello.

Esta brava deportista do Iago Barros Fight Club herculino, confírmase como unha das mellores loitadoras do mundo na súa disciplina.

Máis info

A cullerdense Alicia Chamorro, subcampiona do mundo de kickboxing

Segue crecendo a burbulla das vivendas en aluguer da Coruña

editor
-
0
Segue crecendo a burbulla das vivendas en aluguer da Coruña

O prezo da vivenda de aluguer en Galicia subiu un 8,1% en novembro con respecto ao mesmo mes de 2022, cun custo medio de 8,52 euros o metro cadrado ao mes, segundo datos do Índice Inmobiliario Fotocasa. Desta maneira, Galicia sitúase como a 11ª Comunidade española onde máis creceu este prezo e sitúase por encima da media do Estado, que quedou no 6,1%. A variación mensual foi do 0,9% respecto de outubro na rexión.

Por provincias, na Coruña o prezo do aluguer subiu un 9,8% no último ano e baixou un 0,5% respecto de outubro, con 8,55 euros o metro cadrado. En Pontevedra, este custo subiu un 8% desde novembro de 2022 e un 3% desde o mes pasado, ata 9,58 euros o metro.

Pola súa banda, en Ourense o prezo quedou en 6,55 euros o metro cadrado, incrementándose un 0,5% no último mes e un 3,1% no último ano. Lugo foi a única provincia galega onde caeu o prezo do aluguer, baixando un 2,1% desde novembro de 2022, aínda que subindo un 0,2% entre outubro e novembro deste ano.

1...545546547...818Page 546 of 818