InicioDEPORTESUn once de garantías

Un once de garantías

Publicada o

Por Miguel Barreiro Bugallo
  • Xornada 27 – Nástic 1 – Depor 1
  • O Depor segue no alto da clasificación cun ritmo moi alto de puntos
  • Vixésimo sétimo partido de Imanol Idiakez como adestrador do Depor en partido oficial (14V 9E 4D).

— — —

Cortouse a serie impresionante de vitorias do Depor nas últimas sete semanas cun empate pelexado e meritorio contra o Nástic en Tarragona. Un partido que puido ter os tres resultados e, que con calquera deles, sería xusto co que se veu no campo. O Nástic empezou moi forte sabedor de que tiña ante si a posibilidade de voltar ao liderato se gañaba tralo empate do Fortuna e a Ponferradina na tarde do sábado e meteu un ritmo alto dende o comezo do encontro. Aturou ben o Depor este arranque e soubo agardar o seu momento e, xa na segunda metade nunha das escasas chegadas, vacinou ao rival cunha rápida combinación de Mella e Barbero que o canteirán resolveu de forma brillante. O encontro entrou nun momento de siesta controlada polo Depor, tan só alterada por dúas xogadas ben combinadas polo Nástic. Unha acabou tocando as redes e a outra, por ben pouco e polo bo facer de Parreño, non correu a mesma sorte para os locais. Así o Depor sae líder do campo máis difícil que lle quedaba por visitar.  

A situación do equipo e ben distinta a cando comezou o ano 2024 e agora o obxectivo do ascenso pinta mellor. Por varias razóns, pero a máis importante é que o míster foi quen de atopar un once que xoga exactamente igual na casa que fóra e onde non se adapta o esquemade xogo ao rival que ten diante. O Depor fixo un troco de xogadores contra a Ponferradina, baixando a Lucas á mediapunta e deixando a Davo en punta coma referencia, ademais de poñer a Villares de compañeiro de Jose Ángel en detrimento de Salva Sevilla. Pois ben, o mesmo esquema e os mesmos xogadores (salvo algún troco obrigado por lesión de Pablo Martinez ou expulsión de Davo) foron os artífices da serie de sete vitorias consecutivas. Tamén e xusto ter en conta que os xogadores que saíron dende o banco de suplentes sumaron ao rendemento dos titulares, caso de Dani Barcia ou Raúl Alcaina.

Aínda é cedo para facer contas polo ascenso porque restan moitos partidos entre os rivais que agora ocupan prazas de playoff e vanse quitar moitos puntos entre eles. Aquí o Depor xoga cunha pequena vantaxe, pois tan só lle resta xogar co Barca B e Cultural, ambolos dous en Riazor. Como adianto dos 11 encontros que faltan por xogar, 6 serán na casa e 5 fóra. Estes cinco encontros fóra da casa serán contra tres rivais que agora ocupan prazas de descenso (Majadahonda, Teruel e Sestao) e dous andan pola zona morna da clasificación, mais preto do descenso que do playoff (Real Sociedade B e UE Cornellá). Haberá que ir partido a partido, pero dende logo a situación pinta mellor que hai unhas semanas.

miguel barreiro

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

ÚLTIMAS

Rueda asegura que “se tomarán todas as medidas” necesarias para “facer cumprir a lei” na Casa Cornide

O presidente da Xunta de Galicia, Alfonso Rueda, afirmou que o Goberno galego tomará...

A plataforma AGalega estrea ‘Curando o mundo’, a serie documental sobre o cirurxián coruñés Diego González

A plataforma dixital AGalega estrea este martes os dous primeiros capítulos da serie documental 'Curando...

30 entidades piden o liderato municipal e a participación pública na definición do futuro dos peiraos

O 7 de maio de 2017, máis de 5000 persoas, entre elas o PSOE,...

Culleredo convoca reunións sobre as servidumes do aeroporto, publicadas no BOE e “incluídas no Plan de 2022”

O Concello de Culleredo convocará reunións sobre as servidumes acústicas e aeronáuticas do aeroporto...

DEIXAR UN COMENTARIO

Please enter your comment!
Please enter your name here