O Salón Dourado do Palacio Municipal de María Pita acollía onte unha nova sesión ordinaria da Comisión Permanente do Consello Municipal da Cultura (CMC), presidida polo concelleiro de Cultura, Museos Científicos e Bibliotecas, Gonzalo Castro. O Consello Municipal de Cultura, constituído en decembro de 2023, formouse a través dun cento de representantes das diferentes entidades do sector e tecido asociativo da cidade, así como de institucións implicadas no organismo como a Universidade da Coruña, a Deputación da Coruña ou a Consellería de Cultura da Xunta de Galicia.

Durante esta sesión, unha das poucas convocadas ata o momento, a Comisión Permanente aprobouse a creación de dous novos grupos sectoriais: Artes Vivas e Patrimonio Cultural, co obxectivo de reforzar a estrutura participativa do Consello e de dar resposta ás demandas do sector, nunha liña de traballo sostida no tempo pola que se vén apostando desde o Goberno de Inés Rey para consolidar espazos de reflexión colectiva e impulsar políticas culturais acordes á realidade diversa da cidade.

Máis novas

A Fundación Luís Seoane recúa e volverá a abrir o procedemento de designación da dirección

“O Consello da Memoria Democrática leva 4 anos sen se convocar”

As entidades toman con esperanza a renovación do Consello Municipal do Deporte