Coñecémolo dende que sacou en 2023 O Latexar do Barrio, unha ollada de relatos ao Monte Alto que o viu medrar. Dende aquela regalounos a súa prosa cunha marea de artigos sobre a cidade ben auténticos.
Falamos do escritor herculino Tito Pérez, que tras lanzar a súa primeira novela, O Grupo [Medulia, 2021], leva vairos anos preparando o seu novo libro, Rumbo Fendido [Loto Azul Editorial]. Xa dispoñible nas librarías, trátase dunha novela realista, que roza o estudio sociolóxico sobre a emigración galega. “Como realismo, está inspirado nas miñas experiencias e nas experiencias da xente que me arrodea”, explica.
”A emigración de xente moza con moita preparación é un tema constante nas últimas décadas e penso que totalmente infrarrepresentado na literatura ou no cine. É dicir, é unha cuestión de importancia vital sobre a que se corre un tupido velo de desinterese ou negacionismo”, sinala explicando de onde nace esta obra.
Sinopse
Entre o ano 2010 e o 2021 calcúlase que 330.890 persoas abandonaron Galiza camiño da emigración. A diferenza de pasadas vagas migratorias, os e as afectadas foron persoas con estudos medios ou superiores. A meirande parte contaban con menos de corenta anos. Esta novela é unha descrición das vivencias de dúas delas, Laura e Arturo. Un estudo do vencello co seu entorno a todos os niveis, familiar, laboral, social, sentimental, das súas arelas e conflitos, comezando na mocidade e concluíndo na adultez plena. Rumbo fendido non é unha novela amable ou de autoaxuda, é a pura realidade coas súas sombras. Unha realidade á que o construto social dos nosos tempos, imbuído na inmediatez, o polemismo e as grandes disxuntivas mediáticas, elude enfrontarse e ofrecer solución.
Máis novas
Tito Pérez: “Trato de contar historias da nosa sociedade, de aquí, con argumentos de aquí”
ARTIGOS DE TITO PÉREZ EN XDC
- Reflexión de Nadal: Gastronomía alóctona na Coruña
- Coruño. Mitos e realidades (parte I)
- Coruño. Mitos e realidades (parte II)
- Coruño. Mitos e realidades (parte III).
- LEAVIN A CORU
- A IMPORTANCIA DA COLOCACIÓN DO PRONOME ÁTONO NA FRASE.
- A SARRETA DE 32cm.
- RETALLOS DO FÚTBOL DE BARRIO CORUÑÉS
- O San Xoán que foi.
