Fundamental o proxecto que lidera o Grupo Naturalista Hábitat para o Concello da Coruña de protección do Espazo Natural de
Interese Local (ENIL) Torre de Hércules. A unlla de gato (Carpobrotus spp), unha carnosa especie invasora, hai tempo que leva intentando colonizar a contorna, eliminando especies autóctonas como o brezo ou o propio toxo.
E contra esta invasión, non hai outra que a erradicación: xuntarse e arrincar e retirar a man estas loncas plantas. Para iso, o GH e o Concello levan anos facendo xornadas medioambientais, (xa superan as 100) que contan coa colaboracón medio cento de alumnos e alumnas de 6º de primaria do CEIP Víctor López Seoane, un colexio situado a apenas 500 metros do espazo.
As xornadas, así, ademais de efectivas, teñen un componente de concienciación ambiental moi importante, gracias ás explicacións do responsable da entidade e coordinador do proxecto, Andrés Pereira.
Durante este centenar de xornadas, nas que participaron máis de 2.000 voluntarios, retiráronse máis de 90.000 quilos da especie, recuperándose así para as especies autóctonas o 60% da superficie ocupada por esta especie invasora.
A contorna de la Torre de Hércules declarouse ENIL de forma provisional a comezos de 2020. En maio do ano pasado formalizouse a declaración definitiva coa aprobación dun Plan de Conservación que regula o uso das 40 hectáreas protexidas (desde a praia das Lapas ata Durmideiras) baixo a premisa de facer compatible o uso cidadán coa máxima protección da biodiversidade
A zona do Acuarium, zona perdida
Entre os colectivos medioambientais hai preocupación tamén pola zona do Acuarium, onde a unlla de gato ten arrasado coa flora local dende hai tempo, sen que haia apenas control.
Máis novas
Retirada unha tonelada de especies invasoras na contorna da Torre de Hércules
A Xunta ratifica a declaración da Torre de Hércules como asegunda zona ENIL da Coruña
