Medio centenar de persoas participaron onte no quinto dos 11 encontros participativos para axudar a deseñar o futuro plan da rede de autobús urbano. Nun distrito, o 7, o de Monelos, que é o que maior poboación da Coruña (60.748 habitantes), e tamén o que máis liñas (1, 1A, 2, 2A, 4, 5, 12, 12A, 14, 17, 20, 21, 22, 23, 23A, 24, UDC) e paradas ten (107 paradas).
O equipo técnico do estudo do transporte urbano presentou o proceso participativo e pasou a equisa. Os participantes valoraron, como nos anteriores encontros, os prezos foron o elemento mellor valorado, cunha media de 9 puntos e case todas os aspectos foron puntuados por enriba de 5, coa accesibilidade (6,9) como segundo aspecto mellor valorado. Séguenlle as liñas e paradas (5,7), as marquesiñas (5,4) e a frecuencia dos servizos (5.1). A intermodalidade foi o aspecto peor valorado (4,6), así como o único que non acadou a metade da escala.
Neste sentido, a cidadanía identificou como ámbitos prioritarios de mellora a puntualidade e as frecuencias (30%) xunto coa accesibilidade (13%) e a adaptación a eventos masivos (12%).
Próximos encontros
- 20 de maio: Centro Cívico do Birloque
- 29 de maio: Centro Cívico dos Rosales
- 5 de xuño: Fórum Metropolitano
- 10 de xuño: Centro Cívico de Eirís
- 12 de xuño: Centro Cívico de Elviña
- 14 de xuño: Circo de Artesáns
As persoas interesadas en participar nalgún ou nalgúns dos Encontros de Barrio programados ata mediados de xuño xa poden formalizar a súa inscrición a través desta ligazón.
Máis novas
A veciñanza dos Mallos pide máis frecuencias nos buses urbanos
Gran interese no primeiro encontro participativo para deseñar a nova rede de bus urbano en Mesoiro
A veciñanza do Castrillón pide un “modelo baseado en transbordos e liñas curtas con boa frecuencia”
