Páxina 144 – Xornal da Coruña – Noticias da Coruña e área Metropolitana

A AVV Castrillón-Urbanización Soto IAR pide que a nova zona residencial se basee no concepto de “supermazá”

BARRIOS

-

5 Xuño, 2025

A AVV Castrillón-Urbanización Soto IAR pide que a nova zona residencial se basee no concepto de “supermazá”

O pleno deste xoves aprobou, co voto a favor de PSOE e BNG e o voto en contra do PP, o texto definitivo do convenio urbanístico mixto de planeamento e execución para o desenvolvemento do API Q28 no parque de Oza, que prevé a recuperación dos soares e leiras esquecidos no barrio, entre o parque e o polideportivo municipal do Castrillón para a urbanización que creará 1.000 novas vivendas.

Respondía rapidamente a AVV Castrillón-Urbanización Soto IAR, que amosou a súa satisfacción pola aprobación, porque “permitirá desbloquear o desenvolvemento dunha importante unidade urbanística que leva 20 anos paralizada”. Con todo, esperanque se desenvolva un “modelo urbanístico avanzado, ecolóxico e medioambiental baseado no concepto de “supermazá”, fronte ao trasnoitado modelo de mamotretos de vivedas e rúas que propiña a ordenación de 1998”. A entidade califica como “lamentable” a actuación do PP, “con informacións inexactas”, que defendía o proxecto de hai 30 anos”. A entidade asegura que manterá vixilancia especial ás fases do proxecto

Novas do proxecto

A veciñanza do Castrillón pide menos edificabilidade e máis VPO na nova urbanización

A veciñanza do Castrillón amosa as súas inquedanzas ante a creación de 1.000 novas vivendas

O Castrillón: Así será a necesaria reforma da praza José María Hernansáez

Avogados critican que haxa un xulgado de violencia sobre a muller na Coruña “á conta de suprimir” un de instrución

europapress

-

5 Xuño, 2025

0

Avogados critican que haxa un xulgado de violencia sobre a muller na Coruña “á conta de suprimir” un de instrución

O Colexio de Avogados da Coruña manifesta o seu rexeitamento á decisión de crear un xulgado de violencia sobre a muller na Coruña mediante a conversión dun dos actuais xulgados de instrución. O Colexio de Avogados considera que a creación de órganos especializados en violencia de xénero “é unha necesidade indiscutible, que debe ser atendida con urxencia e determinación”. “Non entanto, esta medida non se pode levar a cabo á conta de suprimir outros xulgados esenciais para o funcionamento do sistema xudicial, como son os de instrución”. Neste sentido, o Colexio de Avogados da Coruña advirte de que os xulgados de instrución xa presentan unha carga de traballo excesiva, “situación que se vería agravada coa supresión dun deles”. “Esta decisión, lonxe de mellorar o servizo público de xustiza, xeraría un prexuízo directo”.

Achegados de Yoel Quispe piden “xustiza” e que se amplíe a causa a máis mozos

europapress

-

5 Xuño, 2025

0

Achegados de Yoel Quispe piden “xustiza” e que se amplíe a causa a máis mozos

Achegados de Yoel Quispe, o mozo de 22 anos apuñalado mortalmente na Noiteboa de 2023 na Coruña, mobilizáronse este xoves ante os xulgados da cidade herculina para pedir “xustiza”. Fixérono ao reclamar tamén que se amplíe a causa pola súa morte a máis novos. “No seu momento pediramos que se imputasen a dous mozos máis no procedemento principal e a Audiencia –da Coruña– dixo que non”, expuxo a Europa Press o letrado da familia, Adrián Borrajo. Iso provocou que se desdobrase a causa ao entender que si podían ser xulgados por lesións.

Ambos estaban hoxe citados para declarar, acolléndose un ao seu dereito a non facelo e outro contestando só a preguntas da súa letrada para negar participación nos feitos. “A nosa intención é seguir defendendo que non son causantes dunha lesión senón da morte de Yoel”, aseverou o letrado en liña coa nai do novo, Maritza Yovana Gómez, quen esixiu que paguen “os culpables”. “O meu fillo está só, once contra un”, dixo sobre vídeos difundidos en redes sociais tras os feitos.

PETICIÓNS DE CÁRCERE

En relación á súa morte, e no seu escrito de acusación, a familia pide penas de entre 15 e 25 anos de cárcere para tres novos, para un deles como autor de asasinato, para outro como cooperador e un terceiro como cómplice. Con iso, amplían a petición de condena a máis persoas fronte a Fiscalía que ve responsable dun delito de homicidio ao principal investigado. A acusación particular entende que é autor dun delito de asasinato e que as outras dúas persoas tamén tiveron implicación en relación a uns feitos que se produciron sobre as 06.30 horas na confluencia das rúas Juan Flórez e Sinfónica de Galicia.

Fiscalía sostén que o único novo para o que pide condena viu a varios individuos agredíndose mutuamente, polo que se achegou para pór paz entre eles. “Por motivos non aclarados, a actitude inicialmente conciliadora do acusado deu paso a outra agresiva contra Yoel e, de feito, un e outro empezaron a golpearse mutuamente con empurróns, patadas e puñadas”, expón no seu escrito. Tamén que, nun momento dado, tería ido xunto un amigo coller unha navalla, sen que estea acreditado, para o Ministerio Público, se este segundo home animouno ou non a utilizala contra Yoel. A partir de aí, abriu a folla desta arma branca e atacou á vítima realizándolle varios cortes na clavícula e no coiro cabeludo, para logo apuñalalo no corazón e no abdome.

Mobilización diante do Corte Inglés do persoal de limpeza na Coruña “en defensa dun convenio”

europapress

-

5 Xuño, 2025

0

Mobilización diante do Corte Inglés do persoal de limpeza na Coruña “en defensa dun convenio”

Persoal da limpeza mobilizouse na Coruña, ante El Corte Inglés, “en defensa dun convenio” no sector e para urxir á patronal estatal a chegar a un acordo na mesa de negociación.

Foi con fregonas, elemento de limpeza que usaron tamén en anteriores protestas, e con proclamas demandando melloras salariais e laborais.

“O convenio terminou hai ano e medio e levamos máis dun ano tentando negociar un novo convenio”, aseverou Juan Carreira, de UGT, quen asegurou que a patronal provincial está disposta a “aceptar un acordo”.

“Pero a estatal, onde están as grandes empresas do sector, négase”, dixo para citar que, entre outras cuestións, reclaman unha subida conforme ao IPC.

Pola súa banda, Paulo Rubido, da CIG, manifestou que seguirán con protestas ante centros de traballo que son clientes da patronal estatal para que os que os visiten coñezan a situación deste persoal e as súas demandas. Todo de cara á reunión que manterán o día 9 con ambas as patronais co obxectivo de “salvar os salarios de 2025”.

Mentres, avanzaron que xa están programadas novas mobilizacións, con protestas primeiro en Santiago de Compostela e logo en Ferrol.

Protesta de persoal do sector de limpeza na Coruña. CIG

SOS Sanidade Pública chama a unha nova mobilización o 12 de xuño contra a precariedade da Atención Primaria

MOV. SOCIAIS

editor

-

5 Xuño, 2025

0

SOS Sanidade Pública chama a unha nova mobilización o 12 de xuño contra a precariedade da Atención Primaria

As listas de agarda cada vez son maiores, e o estado da Atención Primaria é cada vez máis precaria. Así o entende a plataforma SOS Sanidade Pública que chama a mobilizarse o vindeiro 12 de xuño ante o “risco de colapso irreversible” da Atención Primaria. Baixo o lema “Listas de Agarda. Máis transparencia. Máis recursos públicos”, convoca varias manifestacións en todo o país, tendo lugar na Coruña o xoves 12 de xuño ás 20:00h no Obelisco

Lembran que “as listas de agarda para primeiras consultas de especialistas creceron un 15% desde 2019, cunha espera media de 60 días (un 19,3% máis). As probas diagnósticas, como resonancias ou TAC, aumentaron un 18%, con demoras de ata un ano nun 93% dos casos. As listas de espera cirúrxicas son especialmente preocupantes, cun incremento do 28% respecto a 2019, unha espera media de 76 días (17% superior) e demoras dun ano que se dispararon un 83%”.

Detidas 12 persoas en 15 días por roubos con forza en establecimeintos da Coruña

europapress

-

5 Xuño, 2025

0

Detidas 12 persoas en 15 días por roubos con forza en establecimeintos da Coruña

Un total de 12 persoas foron detidas na última quincena de maio na Coruña. Segundo explica a Policía nun comunicado, estes roubos foron cometidos por diferentes autores en diversas zonas da cidade, maioritariamente en horario nocturno, e tendo como obxectivos desde edificios en obras, nos cales o obxecto do roubo eran utensilios ou maquinaria, ata establecementos comerciais de restauración e lecer, levándose nestes casos a recadación das caixas ou algún dispositivo electrónico.

Algúns dos autores foron detidos in fraganti ou ben nas inmediacións, aos poucos minutos da comisión dos roubos. En gran parte dos roubos, foi determinante a colaboración cidadá; as chamadas ao 091 de veciños ou viandantes, unidas á rápida actuación policial, propiciaron a detención inmediata dos autores. Ademais, destacan que a rapidez nas intervencións policiais permitiu frustrar os roubos con forza, así como recuperar os obxectos subtraídos para a reintegración aos seus lexítimos propietarios.

Atopan morta a unha veciña nunha vivenda de Cambre, aínda que non hai indicios de criminalidade

europapress

-

5 Xuño, 2025

0

Atopan morta a unha veciña nunha vivenda de Cambre, aínda que non hai indicios de criminalidade

O cadáver dunha muller foi atopado no seu domicilio en Cambre, tras ser alertados os Efectivos de Emerxencias por un familiar que non lograba entrar no domicilio. Segundo informaron fontes do CIAE 112 Galicia e do Consorcio Provincial contra Incendios e de Salvamento da Coruña, sobre as 22,00 horas o 112 recibiu un aviso dun particular que alertaba de que estaba a chamar á vivenda da súa irmá, na rúa Curros Enríquez, pero que ela non respondía e el non conseguía entrar.

Desde Emerxencias mobilizouse aos bombeiros do parque de Arteixo para facilitar o acceso ao domicilio. Unha vez no interior, comprobouse que a inquilina estaba falecida. No operativo tamén participaron a Garda Civil e os servizos sanitarios. Fontes da Garda Civil consultadas por Europa Press confirmaron que, a priori, a situación do cadáver non fai pensar en indicios de criminalidade, aínda que se confirmará definitivamente cando estean os resultados da autopsia.

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

BARRIOS

europapress

-

4 Xuño, 2025

0

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro cívicio de Santa Lucía. Tras décadas de esquecemento, parece que a reforma integral do espazo comezará neste 2025.

Así se conclúe trala aprobación na Xunta de Goberno municipal do último trámite necesario para poder licitar as obras: a aprobación do convenio coa Xunta para o financiamento dos traballos.

O investimento será de 10,3 millóns, dos que o Concello achega case a metade, un total de 4,7 millóns, e a Xunta, 5,5 millóns.

Máis novas do proceso

Novo pasiño para o Centro de Santa Lucía

Conformidade da Xunta ao proxecto do novo centro de saúde de Santa Lucía

Cando limpar praias é un verdadeiro exercicio de inclusión

Ubaldo Cerqueiro

-

4 Xuño, 2025

0

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de Fábula unía forzas coa Fundación Érguete Integración, o CEEPR Nosa Sra. de Lourdes de Aspronaga, o Centro de Inserción Social e o Centro Penitenciario de Teixeiro para celebrar o Día dos Océanos. É que mellor que unha limpeza medioambiental, reconvertida en sesión de inclusión social.

Rosaura Romo da Fundacion Erguete Integracion xunto con Virxinia e Xose Manuel Barros de Mar de Fabula — Rosaura Romo da Fundación Érguete Integración xunto con Virxinia Barros e Xose Manuel Barros de Mar de Fábula arrincando a xornada

Unha marea de voluntarios da entidade camellá, medio centenar de usuarios de Aspronaga, 10 internos chegados dende Teixeiro, e 15 persoas en réxime de semiliberdade do CIS Coruña, unían as súas mans para deixar o areal de Riazor listo para a temporada de verán.

Limpeza da praia de Riazor de Mar de Fabula Erguete e Cis e Teixeiro 3 — Unha interna limpando o areal

Limpeza da praia de Riazor de Mar de Fabula Erguete e Cis e Teixeiro 2

Porque a interacción destes diferentes colectivos unidos pola vulnerabilidade representa un perfecto exemplo do traballo en rede, nun exercicio de empatía, conciencia cidadá e respecto. Ver a un interno de Teixeiro que levaba tempo sen ver a rúa, axudar a unha persoa con discapacidade de Aspronaga a recoller aqueles anacos de plástico, é todo unha experiencia que invita a reconciliarse coa sociedade.

O que parecía un areal limpo dende arriba, tornouse en batalla. O argazo da zona intermareal estaba cargada de pequenos plásticos, dende minúsculos sorportes das depuradoras (menuda paradoxa), pasando por bastonciños, ata os taponciños laranxas das cremas solares de spray que a xente cisca sen piedade.

Limpeza da praia de Riazor de Mar de Fabula Erguete e Cis e Teixeiro-Clasificando — O proceso de separación e análise do lixo recollido é fundamental

Non faltaron ducias de envases tipo botellas de plástico, latas, aparellos de pesca… Nin sobre todo cabichas, moitas cabichas. Máis de 1.2000 cabichas contou Miguel, un dos participantes durante o ano pasado do proxecto Entre Crebas, convertido, unha vez que rematou de cumplir a súa condena, en voluntario medioambiental de Mar de Fábula. O círculo que ratifica a importancia de accións coma estas.

En total, ducias de quilos que non volverán ao mar.

Limpeza da praia de Riazor de Mar de Fabula Erguete e Cis e Teixeiro-1200 cabichas — 1200 cabichas recollidas en apenas unha hora de traballo

View this post on Instagram

A post shared by Xornal da Coruña (@xornaldacoruna)

Máis novas

As persoas en réxime de semiliberdade que seguen loitando contras as cabichas

Cando as persoas privadas de liberdade se convirten en “axentes do cambio”

O proxecto Entre Crebas avanza cara o primeiro aniversario en clave de reinserción e concienciación medioambiental

A incansable loita contra as cabichas nas praias

A labor de reinserción das limpezas medioambientais de Entre Crebas

A Xunta propón recuperar e expoñer os murais de Urbano Lugrís na rúa Olmos

europapress

-

4 Xuño, 2025

0

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o futuro dos murais de Urbano Lugrís, coa formulación da Administración galega, que os adquiriu, de recuperalos e exhibilos na rúa Olmos.

Foi unha mesa de diálogo con presenza do conselleiro de Cultura, José López Campos; dos directores xerais de Cultura, Anxo M. Lorenzo, e Patrimonio Cultural, Anxo Miramontes, ademais do concelleiro de Cultura da cidade herculina, Gonzalo Castro, e con chamamento por parte destas administracións a que se some ás reunións a Deputación da Coruña.

López Campos incidiu en que, con iso, dáse cumprimento aos acordos a este respecto no Parlamento galego e no consistorio coruñés para dar unha solución futura aos murais, situados nun antigo restaurante da rúa Olmos.

“É importante que as administracións camiñemos xuntas”, dixo en coincidencia co edil herculino que apelou á colaboración institucional. Ademais, lembrou que a Xunta adquiriu os murais por un importe de 36.000 euros e que, tras iso, iniciáronse os traballos técnicos para concretar o futuro dos mesmos, no mesmo lugar ou ben situándoos noutro.

Neste contexto, situou o encontro deste mércores de cara a avaliar as distintas opcións e tomar unha decisión, como mantelos no mesmo espazo onde foron concibidos. “Na Coruña hai unha vontade importante para que sexa así, ou desprazalos a outra localización”, precisou o conselleiro.

Fronte á retirada e traslado das pezas, cun custo superior ao millón de euros, apuntou á outra opción. A recuperación “in situ con acondicionamento do local” e chegando a un acordo cos actuais propietarios.

As obras necesarias para acondicionar o baixo onde se sitúan ascenderían a uns 400.000 euros, cun custo no que se refire a a recuperación dos murais de 150.000 euros.

“Proporemos esta opción, que é a máis viable aliñada coa estratexia do propio concello”, recalcou destacando que o obxectivo é “preservar ese gran legado”.

Pola súa banda, o edil de Cultura avanzou que o consistorio leva varias propostas, das que non quixo adiantar o seu contido, pero tamén con intención de “escoitar”. Todo co obxectivo de conservar os murais na cidade. “O lóxico é que continúen onde están e aí hai varias alternativas”, sentenciou.