Inicio Blog Páxina 340

As traballadoras de ABAI Coruña concéntranse diante da tenda de Movistar

editor
-
0
As traballadoras de ABAI Coruña concéntranse diante da tenda de Movistar

As traballadoras da empresa de telemarketing ABAI concentráronse esta mañá de venres 28 de outubro ás portas da tenda de Movistar da Rúa Barcelona. Convocadas pola CGT, alzaron a voz en protesta pola destrución de postos de traballo nos diferentes servizos de Telefónica.

O Sindicato denuncia que nos últimos anos a empresa de telecomunicacións non deixou de destruír emprego. As súas subcontratas, ABAI e Atento, reduciron os seus cadros de persoal de maneira dramática nos centros de traballo que teñen nesta cidade no resto do Estado. Nestes momentos, ABAI e Movistar teñen en marcha un ERTE en Madrid que deixará a máis de 100 persoas no paro durante 8 meses.

O representante da CGT declara que “estamos moi preocupadas pola perda de postos de traballo nos servizos de Telefónica. A pesar de que a carga de traballo é a mesma ou maior en moitos departamentos, o cadro de persoal non para de reducirse”. “Cremos que as consultas dos clientes de Telefónica están a ser desviadas a centros de chamadas situados noutros países onde as condicións laborais son aínda peores que as que sufrimos nós”. “As
subcontratas e Telefónica buscan incrementar os seus avultados beneficios á conta da explotación de miles de traballadoras”.

 

Trátase de primeira acción visible que ten programa este sindicato, e o luns 21 de outubro ás 18:30 está prevista unha nova concentración no mesmo lugar.

Os traballadores de Nacev maniféstanse en Repsol ante a falta de pago

editor
-
0
Os traballadores de Nacev maniféstanse en Repsol ante a falta de pago

Coincidindo coa xornada de folga (cun seguemento do 100%), os traballadores e traballadoras de Navec (empresa que realiza servizos de mantemento para a industria) concentráronse esta mañá de venres 18 de outubro na porta principal da refinería de Repsol en demanda de garantías no cobro das súas nóminas.
Aproveitando que saíron compañeiros doutras contratas a apoialos (no tempo do bocadillo), fíxose unha pequena manifestación dende a porta da refinería ata a rotonda de Meicende con arengas claras en alusión á falta de cobro.

Segundo explican dende a CIG, a empresa, que xa viña arrastrando atrasos no ingreso dos soldos atópase en concurso de acredores dende o 27 de setembro, polo que, ante a falta de información concreta sobre o abono das nóminas e a continuidade dos empregos, o persoal acordou iniciar mobilizacións e ir á folga para reclamar un plan de viabilidade.

Concentracion traballadores NAVEC REFINERIA-CIG

Os traballadores atópanse nun contexto de total incerteza, xa que a administración concursal lles comunicou aos comités de todo o grupo Navec que non sabe o día no que se poderán pagar as nóminas, así como a súa intención de iniciar os trámites dun ERE concursal.

A CIG, que ostenta a maioría do comité, está en comunicación coa administración concursal e personada no xulgado do mercantil de Tarragona para seguir o desenvolvemento do proceso e velar para que se respecten os dereitos do persoal. Esixen o cumprimento do dereito á subrogación recollido no convenio colectivo de siderometal da Coruña.
Os traballadores voltarán á folga os martes e xoves.

Denuncian que o IES Adormideras da Coruña expulsou varios alumnos por facer folga o 11 de outubro

europapress
-
0
Denuncian que o IES Adormideras da Coruña expulsou varios alumnos por facer folga o 11 de outubro

O Sindicato de Estudantes Galiza denunciou que o IES Plurilingüe Adormideras da Coruña expulsou durante dous días, entre este xoves e este venres, a varios alumnos de 3º e 4º de ESO por secundar a folga do pasado 11 de outubro contra a falta de información –segundo explicaban os convocantes– ao redor da nova Proba de Acceso á Universidade (PAU).

Con todo, a dirección, tal e como xustifican fontes do centro consultadas por Europa Press, asegura que a medida disciplinaria non ten que ver coa folga, senón con que este grupo de menores abandonou o centro “sen autorización” dos seus pais.

Este xoves, o Sindicato de Estudantes emitiu un comunicado no que se congratula do “gran triunfo” da folga para esixir que todas as comunidades autónomas tivesen publicados os modelos de exame este mes.

Por iso, o sindicato lamenta que a dirección do IES Adormideras da Coruña decidise “reprimir con saña” a varios alumnos da ESO con “expedientes de expulsión fulminantes”. De feito, membros do sindicato acudiron ao centro a reunirse co director e notificaron á Inspección a “vulneración flagrante dos dereitos” dos estudantes a partir de 3º de ESO –de 14 anos en diante– a acudir a folga sen necesidade de autorización paterna.

Ante a denuncia desta sanción que consideran “ilegal”, fontes do centro consultadas por Europa Press ratifican que o motivo da expulsión disciplinaria “non ten que ver coa folga”, senón con que os mozos deixaron o instituto “sen autorización”.

O Sindicato de Estudantes Galiza nega que se tratase dunha ausencia sen permiso e cre que as familias recibiron unha “información falsa” por parte do centro, porque estes alumnos simplemente “exerceron o seu dereito a folga”.

Investigan as causas da morte dunha muller na Coruña

europapress
-
0
Investigan as causas da morte dunha muller na Coruña

A Policía investiga as causas da morte dunha muller este xoves na Coruña. Foron os Bombeiros os que atoparon este xoves á muller no interior da súa vivenda da Coruña cando acudiron para comprobar un posible incendio.

A voz de alarma deuna a coidadora da muller, ao redor das 11.30 horas, ao ver que esta, de avanzada idade, non contestaba o teléfono. Do piso no que vivía a muller, situado na rúa San Andrés, saía ademais cheiro a fume.

Ao acceder á vivenda pola fachada do edificio, os bombeiros atopáronse á muller falecida no chan e unha pota ao lume, que foi retirada. No operativo participou tamén o 061.

A RCP, o método para salvar vídas que toda a poboación debería saber

Ubaldo Cerqueiro
-
0
A RCP, o método para salvar vídas que toda a poboación debería saber

Debería ser obrigatoria en todas partes, colexios, clubs deportivos… E así o entende a directiva do Club do Mar de San Amaro, que organizou durante a pasada tarde de mércores 17 de outubro, co gallo do Día Mundial da Parada Cardíaca e a Reanimación Cardio Pulmonar, uns talleres de Reanimación (RCP).

Varios membros de Protección Civil e técnicos sanitarios de emerxencias das ambulancias do 061 da cidade compartiron o seu tempo e a súa sabedoría para que a cidadanía aprendamos a salvar vidas en caso de

Porque os exercicios de Reanimación Cardio Pulmonar multiplica por 3 a probabilidade de salvar a vida dunha persoa que está en parada cardiorespiratoria, isto é, que non responde a estímulos e que non respira. Con excelsa amabilidade, os voluntarios foron explicando as partes máis básicas dos exercicios, aderezados por importantes datos sanitarios.

Foron ducias de socios e socias os que practicaron estes exercicios, que deberían saber toda a poboación, para que en caso de estarmos nunha emerxencia, poidamos manter ao paciente no mellor estado posible antes da chegada dos técnicos sanitarios.

RCP no Club do Mar 1

A única muller acusada no crime de Samuel Luiz inculpa ao seu exmozo e outros dous procesados

europapress
-
0
A única muller acusada no crime de Samuel Luiz inculpa ao seu exmozo e outros dous procesados

Catherine S.B., a única muller acusada polo crime de Samuel Luiz inculpou ao seu exmozo, Diego M.M., e tamén a outro dos procesados, Alejandro F.G., da agresión ao novo — falecido na madrugada do 3 de xullo de 2021 no paseo marítimo coruñés — e limitou a súa actuación a un intento de lograr que a súa entón parella parase.

Arquivo - Catherine S.B., acusada pola malleira mortal a Samuel Luiz, xunto ao seu avogado, Luciano Prado. M DYLAN - Arquivo
Arquivo – Catherine S.B., acusada pola malleira mortal a Samuel Luiz, xunto ao seu avogado, Luciano Prado. M DYLAN – Arquivo

“Deixa de gravar, a ver se te mato maricón”, manifestou a procesada, no xuízo que se celebra na Audiencia da Coruña, sobre o que lle dixo Diego M.M. a Samuel Luiz cando pensou que este lle estaba gravando, ao que a vítima replicoulle que facía unha videollamada.

Na súa declaración, a moza — a quen como Diego M.M. piden 25 anos de prisión por asasinato con aleivosía e asaña e agravante de discriminación por orientación sexual da vítima — confirmou tamén que Samuel Luiz estaba só e atribuíu os primeiros golpes ao seu entón noivo.

Como Alejandro M.R. — outro procesado en liberdade provisional como ela e o primeiro en declarar — manifestou que viu a Alejandro F.G. agarrando polo pescozo á vítima. “Diego tírase encima deles e eu estou a tentar sacar a Diego de aí”.

“NON AGREDÍN A NINGUÉN”

Alejandro M.R., acusado de participar na malleira mortal a Samuel Luiz en xullo de 2021 no paseo marítimo coruñés e en liberdade provisional por estes feitos, manifestou que a súa participación ese día limitouse a tentar “separar” nun primeiro momento tras comprobar que había unha pelexa, pero negou que golpease a alguén. “Non agredín a ninguén”.

Así o expuxo na súa declaración tras aceptar facelo ante todas as partes personadas no xuízo que se celebra na Audiencia da Coruña. Segundo o seu relato, tras saír desprazado do “tumulto”, opta por non querer “saber nada” e coller outro camiño. “Desvincúlome desa agresión”, apuntou.

Sobre o día dos feitos, explicou que subiu as escaleiras próximas ao local de lecer onde estivera cos acusados e outras persoas — ratificando que a Diego M.M. botárono pola súa “mala actitude”-– porque escoitou “berros” e interpretou “que hai algún tipo de pelexa”. “Veñen correndo comigo outras persoas, visualizo o tumulto e vexo que Diego estaba a lanzar unha serie de puñadas”.

“Había unhas persoas rodeándoo, había unha multitude, Catherine dime non fagas nada, é todo culpa de Diego, eu non sei por que se inicia a agresión, tento acceder — ao seu amigo — con intención de separar”. Tamén expuxo que viu a outro dos acusados, Alejandro F.G., “collendo do pescozo” a Samuel e dixo que logo a Catherine e a Kaio achegarse cara á dirección na que ían os senegaleses tratando de axudar á vítima.

Convocan unha Concentración nacional en Compostela contra os recortes no ensino

editor
-
0
Convocan unha Concentración nacional en Compostela contra os recortes no ensino

De seguro que ducias de familias da Costa da Morte se achegarán este vindeiro 26 de outubro a Santiago de Compostela para unirse á gran mobilización convocada contra os recortes. A Plataforma Galega en defensa do ensino público chama a toda a comunidade educativa a manifestarse despois de comprobar neste convulso mes, o proceso de desmantelamento do ensino público por parte da goberno Xunta do Partido Popular

A Plataforma denuncia “o contraste entre a propaganda da Consellaría e as protestas máis numerosas dos últimos anos protagonizadas polas ANPAs e polos centros educativos ante a falta de profesorado, sobre todo de especialistas para a atención á diversidade nos colexios de infantil e primaria, así como pola desatención absoluta ás demandas de alumnado e profesorado dos centros de secundaria, FP e ensinanzas de réxime especial”.

A trampa do PROA é un dos mellores exemplos, pois a Xunta está intentando cubrir necesidades estruturais dos centros cos parches financiados con fondos europeos e con menos atribucións. Ademais, a pesar do propagandístico PROA, numerosos centros do país (ata 120 segundo a CIG) quedaron auxiliares de Pedagoxía Terapéutica ou Audición e Linguaxe, ademais de quedar tamén sen o reforzo educativo para o que están destinadas as axudas europeas.

Definiron algunhas das eivas que sofren os centros de ensino: “Desdobres non autorizados en aulas que superaban abertamente as ratios máximas, incremento da matrícula nos cursos que xa tiñan entre 20 e 25 estudantes, non computar como dobre ou triple o alumnado con trastorno de conduta, discapacidade ou dependencia, aulas con nenos de distintos niveis ou idades nas que non se cumpren as ratios máximas, falta de profesorado especialista, sobre todo de Pedagoxía Terapéutica, Audición e Linguaxe e orientación, que cada vez máis teñen que compartir varios centros ou se contratan a media xornada, así como falta de persoal coidador”.

Unión fronte a división

As organizacións convocantes coinciden en que “o ensino público galego está a deteriorarse e que é preciso unha reacción conxunta e contundente de toda a comunidade educativa, que non acepta parches nin remendos e na que se unan todas as reivindicacións, de todas as etapas educativas, de todos os colectivos”. “Isto é especialmente importante porque a Consellaría tamén xoga á estratexia de dividir, de que cada centro teña que pelexar pola dotación de máis persoal de forma individual, de que as necesidades nunhas etapas educativas poden ser diferentes ás doutras polo propio perfil do alumnado, pero na marcha do día 26 hai un punto en común: a defensa do ensino público galego, desde os 3 anos ás ensinanzas postobrigatorias, e de aí que fagamos un chamamento a participar a toda a comunidade educativa e tamén a toda a sociedade, porque a educación pública é un tema transversal como o é a sanidade ou os servizos sociais”, sentenciaron indo máis alá: “Ademais as Anpas por primeira vez en moito tempo atopámonos coa censura e ocultación de información, dado que os equipos directivos dicíannos que non nos podían dar datos por orde das inspeccións”.

A manifestación

A convocatoria para todas as comunidades educativas (familias, estudantado e profesorado) está lanzada por Plataforma Galega en Defensa do Ensino Público, CIG-Ensino, ANPAS Galegas, ERGUER, Asociación Socio-Pedagóxica Galega /AS-PG), BNG e Galiza Nova. A manifestación sairá da Alameda ás 12:00h.

Cartel manifestacion 26 outubro 2024 ensino publico

Máis novas sobre os recortes

As familias de Oleiros maniféstanse en contra dos recortes no colexios

Denuncian “problemas” cos recortes en 62 centros de ensino da provincia da Coruña

Xurxo Souto volve guiar as andainas etnográficas polos barrios

editor
-
1
Xurxo Souto volve guiar as andainas etnográficas polos barrios

Volven as andainas ‘A Coruña das letras’ este outono, e volven co ánimo de coñecer a historia dos barrios da cidade. co músico e escritor Xurxo Souto, como xa aconteceu o ano pasado en clave de toponimia.

Nesta edición realizaranse tres visitas guiadas. Comezan hoxe, sábado 19 de outubro, cunha ruta por Monelos. Continuarán o vindeiro 26 de outubro por San Roque de Fóra e Labañou e o 9 de novembro pola agra e o cemiterio de Santo Amaro. Nesta última andaina Xurxo Souto contará coa colaboración da escritora Emma Pedreira.

A actividade, dirixida a maiores de 16 anos, ten unha duración de aproximadamente hora e media. Poden inscribirse dende o luns anterior a cada andaina, a través do correo,  inscricionslingua@coruna.gal, indicando nome e apelidos e un teléfono de contacto.

 

Máis novas

Memoria Emocional. Construíndo a memoria de Oza

Descubrindo a riqueza da toponimia da Agra do Orzán

A AMEGA descubriu a Coruña como gran precursora dos medios en galego

Monte Alto rescata a lenda do Santo Amaro

Artigos de Xurxo Souto no XDC

O retorno dos Homes Mariños

A toponimia das pedras Percebeiras do Mar da Torre, a Ruta de Emilio Mariñas

Dicionario antroideiro coruñés (II) A chistera marabillosa do señor Canzobre

Volven as protestas para blindar as pensións de toda a poboación

editor
-
0
Volven as protestas para blindar as pensións de toda a poboación

Este venres, 18 de outubro, ás 12:00 horas, fronte ao Concello de A Coruña, así como noutras 50 cidades de todo o estado, a Mesa Estatal pola Blindaxe das Pensións (MERP) convoca de novo a toda a veciñanza a participar nunha concentración para que a Consitución garanta o dereito ás pensións para toda a sociedade.

De feito, o lema elixido, “Somos 48 millóns de pensionistas”, fai referencia, explican desde a MERP, “á unidade de todos os sectores da sociedade que somos ou seremos pensionistas”.

Dende a plataforma lembran que no mes de marzo próximo cumprirase o prazo para a revisión da reforma das pensións por parte de Bruxelas, “e, por tanto, do noso Sistema Público de Pensións”. “Noutros momentos vimos como Bruxelas propoñía, e ás veces impoñía, recortes que afectaron á vida de amplos sectores da sociedade”, aseguran, “polo que é máis necesario que nunca avanzar no consenso para blindar as pensións na Constitución prohibindo a súa privatización”.

Para quen representa á plataforma, “estamos a vivir ataques contra as pensións públicas, algúns cuestionando, unha vez máis, a súa sustentabilidade, e outros enfrontando aos nosos maiores coa mocidade, os traballadores, ou mesmo a uns pensionistas contra outros”.

Un acertante na Coruña gaña máis de 1,1 millón de euros no sorteo de ‘A Bonoloto’

europapress
-
0
Un acertante na Coruña gaña máis de 1,1 millón de euros no sorteo de ‘A Bonoloto’

O dono dun boleto de ‘A Bonoloto’ validado na Coruña percibirá máis de 1,1 millón de euros ao ser o único acertante de Primeira Categoría no sorteo celebrado este mércores, segundo informou Lotarías e Apostas do Estado.

O boleto gañador foi validado na Administración de Lotarías número 7 da Coruña, situada en Rúa Nova, 4.

En concreto, o seu propietario cobrará un total de 1.187.797,01 euros.

A combinación gañadora do sorteo da Bonoloto celebrado este mércores, 16 de outubro, estivo formada polos números 1, 7, 16, 31, 43, 44. O número complementario é o 14 e o reintegro, o 9. A recadación ascendeu a 2.622.233 euros.

De Segunda Categoría (cinco acertos máis complementario) existen dous boletos acertantes, que recibirán 80.215 euros.

1...339340341...780Page 340 of 780