Este sábado 30 de setembro terán lugar na Sala Mardi Gras a XXV Edición da Batalla de Bandas e Solistas de CUAC FM, o concurso musiqueiro máis lonxevo de Galicia.
Dende 1997, con 30.000 pesetas en premios, CUAC FM apostou por un concurso de aporte visibilidade ás bandas e solistas emerxentes de todo o estado español.
As bandas Apart (Carballo) e Vuelve Abril (Murcia) actuarán na Mardi para disputarse o primeiro e o segundo posto de entre os máis de 120 proxectos que se presentaron, con entrada libre, ainda que poden facerse aportacións de donativos voluntarios para a Cociña económica.
No descanso entre bandas entregarase o premio Eva Coyote á mellor banda coruñesa, premio que levou nesta ocasión Wasted Wiltons.
Vuelve Abril
Dende Murcia chega a banda de pop rock Vuelve abril, un cuarteto que tamén ofrece a súa música en castelán.
Apart
Apart, o quinteto de Carballo no que está vivindo un gran momento e participou este verán en Festivais como o Morrriña Fest ou o Super Bock.
Quedan aínda moitos días para que peche o prazo de inscrición e a Carreira ENKI xa bateu a súa mellor marca. Máis de 10.000 persoas xa reservaron o seu dorsal convertendo a proba na que conta con máis participación de Galicia e unha das máis grandes de España.
A proba, que se celebrará o 21 de outubro na Coruña, celebrárá os seus 10 anos con este fito, e o presidente de ENKI, Ángel López, recoñecía que “estamos moi contentos coa transcendencia social que acadou este evento deportivo co que buscamos visibilizar que o deporte é unha actividade para todos, independentemente das nosas condicións físicas e psíquicas”, proseguiu.Esta edición, que leva por lema “10 anos correndo por un mundo inclusivo, son só o comezo” deixa patente que o formato ENKI “aínda ten moito que dar”.
A cita será unha festa para toda a familia, e servirá para achegarnos ao mundo da inlusión e coñecer unha marea de entidades vencelladas ao espazo solidario Entidades en Movemento.
A recadación destinarase á compra de material deportivo adaptado e á posta en marcha de actividades lúdicas e deportivas para entidades sociais.
Como en edicións anteriores, a proba, apta para toda a familia consistirá nunha carreira de obstáculos adaptada, con probas únicas como a montaña de pneumáticos, o labirinto de cordas ou a bomba de fariña, entre outras. Aínda que tamén é unha oportunidade para achegarse a outras entidades sen ánimo de lucro do
Ademais, este ano que cumpre o seu décimo aniversario, esta nova edición contará con novidades e multitude de sorteos, tanto para particulares como para grupos, e mesmo para os centros educativos que participen; que farán desta experiencia unha obrigada para os membros de toda a familia.
Esta fin de semana de 30 de setembro e 1 de outubro, chegan as Festas de Monte Alto. Unhas festas que contan co concerto de Baiuca como punto álxido, pero que terán unha marea de actividades para toda a familia.
O Concerto de Baiuca, o proxecto liderado por Alejandro Guillán que xa é todo un referente da música electrónica no país grazas á súa experimentación coa música tradicional galega, serán no escenario que se instalará na rúa da Torre, o sábado ás 23.00 horas. Antes, ás 21.00 horas, tamén actuará AMILicia Bravú, a Banda de Fran Amil. Ás 22.45 horas, entre actuación e actuación, terá lugar o pregón a cargo da revista Luzes.
Durante a xornada do sábado, pola mañá, haberá pasarrúas musical con Os Bregadiers e sesión vermú con The Tetas Van desde as 14.00 horas. Pola tarde haberá actividades para toda a familia con xogos populares de 16.00 a 19.00 horas e o espectáculo de circo de Sue Moreno ás 19.00 horas, no Campo de Marte.
O domingo haberá alborada con Latexo e ás 12.00 horas actuación do Circo Chosco co seu espectáculo ‘FORZU2’. As festas rematarán ás 14.00 horas coa actuación do conxunto de música tradicional Tiruleque. Como consecuencia da celebración das festas na rúa da Torre, pecharase a estación de BiciCoruña desta rúa desde o sábado ás 13.00 ao domingo ás 16.00 horas.
A Garda Civil detivo a un veciño de Arteixo ao que lle constaban dous requisitorias xudiciais con orde de procura para a súa detención e ingreso en prisión. O home, segundo informa a Benemérita, cumpría condena por varios delitos relacionados coa violencia de xénero.
O posto principal de Arteixo tiña coñecemento da existencia desta orde de ingreso en prisión e o perigo do individuo, tendo aínda activa unha orde de protección sobre unha das súas vítimas ata o ano 2026.
Ante esta situación, establecéronse diversos mecanismos para a súa localización, pero ata a data tiveran un resultado negativo polas medidas de precaución que adoptaba a persoa fuxida, limitando ao máximo as súas saídas á vía pública.
Finalmente, o día 25, sobre as 21.30 horas, cando un dos gardas civís destinado no posto de Arteixo dirixíase á súa quenda de traballo de noite, puido comprobar a presenza do fuxido na travesía de Arteixo.
INTERVENCIÓN
Nese momento, detivo o seu vehículo e, tras analizar a situación e ante o risco de que volvese darse á fuga, decidiu intervir. Tras identificarse como axente cominoulle a deterse, “pero lonxe de facer caso ás ordes do axente abalanzouse sobre o mesmo, con intención de agredilo e proseguir a súa fuxida”.
Os dous, detido e axente, caeron ao chan sufrindo o garda civil, que lle requiriu para que depuxese a súa actitude, lesións leves e abrasiones.
Unha moza que estaba nas proximidades escoitou os berros e o forcejeo, ao identificar a actuación do garda civil e, seguindo as indicacións de leste, comunicou o caso ao COS (Central Operativa de Servizo) da Garda Civil, desde onde puideron enviar unha patrulla en apoio. Unha vez reducido púidose comprobar que o detido, entre as súas roupas, portaba unha arma branca que non exhibiu en ningún momento.
Ao fuxido constábanlle en total dous requisitorias xudiciais, con ordes de ingreso en prisión dos Xulgados do Penal 6 da Coruña e do Penal 1. Ademais, investígaselle como presunto autor dun delito de atentado contra axentes da autoridade.
OUTRO CASO DE VIOLENCIA DE XÉNERO
Esa mesma tarde, produciuse a intervención da Garda Civil noutro caso de violencia de xénero. En concreto, unha moza denunciou que unha amiga súa estaba a ser retida contra a súa vontade nunha vivenda da Arteixo e que tiña coñecemento de episodios de violencia entre eles a través de vídeos e fotografías. O autor destes feitos sería o seu actual parella.
Dada a corpulencia e características da persoa a deter preparouse un dispositivo que permitise unha actuación en caso de ser necesario. Con todo, a intervención inicial de dúas patrullas do posto de Arteixo foron suficientes para a detención do agresor.
Ver de novo xuntas bandas como Meu ou Deluxe ou gozar de bandas de renome como Rodrigo Cuevas, Nada Surf ou Triángulo de Amor Bizarro, foron algunhas das propostas máis destacadas desta nova edición das Noites do Porto, evento impusaldo por MasGalicia, co apoio da Xunta de Galicia, Concello da Coruña, Porto de A Coruña e Estrella Galicia.
A fermosa carpa burbulla instalada no porto de Batería acolleu esta serie de 12 directos únicos en Galicia, que acolleron un total de 8.400 persoas.
”En dous anos pasamos de 3 a seis 6, de unha a tres sedes. Desfrutamos da estrea en Galicia dos últimos discos de artistas galegos excepcionais, como Sen Senra ou Triángulo de Amor Bizarro; asistimos ao debut na cidade de Porridge Radio, La Plazuela ou Dalsi; pero Noites do Porto tamén foi o escenario coruñés no que, un ano máis, déronse cita dúas das bandas máis especiais das últimas décadas para a cidade: Deluxe e MEU”, explica o responsable da programación musical de Noites do Porto, Héctor César.
Precisamente, na liña deste reencontro entre público e grupos, César tamén destaca como moi positiva a estreita vinculación do ciclo con locais de hostalería e salas de concertos, “os templos da música en directo”. 5 das 6 Noites acadaron o cheo, e quedarán momentos para a lembranza como ese berro “Que no” co que Xoel despedía o concerto da reencontrada banda herculina.
Centos de profesionais manifestáronse este mediodía de martes 26 de setembro na cortorna do CHUAC, atendendo á convocatoria do Colectivo A por todas (APT), un movemento formado antes do verán por enfermeiras das distintas áreas de Galicia, que xorde como resultado dun maltrato mantido durante anos cara a súa profesión.
Como xa fixeran en xuño saíron á rúa e paralizaron os accesos ao Centro Hospitalario denunciando o “deterioro progresivo dos nosos dereitos e condicións laborais”. “Vemos cada dia unha sanidade, cada vez máis deshumanizada, na que tanto usuarios como traballadores somos números que só contan para as estadísticas”, denunciaron mentres berraban “Dirección, Dimisión” e lucían pancartas de “Vocación, non explotación”.
Esixen medidas tan evidentes como máis persoal (un maior ratio enfermeira-doente), mellor contratación (máis estabilidade), pluses de festivos os sábados, xubilación anticipada aos 60, ou que se valore a experiencia laboral noutros países da UE na carreira profesional.
O Colectivo APortodas recibía esta mesma mañá o apoio do Colexio de Enfermaría, un apoio que agradecían a pesar de valorar que chegaba “algo tarde”. Sinalan que a Dirección de RRHH do SERGAS xa coñece as peticións do sector, e esperan unha resposta das Xerencias.
A Garda Civil, no marco da operación Abezan do equipo de prevención e resposta en materia de ciberdelincuencia, investiga a un home de Cantabria como presunto autor dun delito de estafa por internet no aluguer dun piso a unha veciña de Cambre.
Tal como informou a Benemérita, foi por mor da denuncia interposta pola vítima cando se iniciou a investigación, despois de que esta comunicase ser estafada por internet no aluguer dun piso estudantil en Carballo. Segundo relatou, tras enviar o diñeiro da fianza e un mes de adianto (500 euros en total), comprobou finalmente que o aluguer era falso.
A partir de aí, os axentes comezaron a operación, pescudando que o actual investigado, natural de Cantabria, era titular da conta bancaria onde fora ingresado o diñeiro, a pesar de que non tiña nexo de conexión veciñal con Carballo. As dilixencias polos feitos xa foron postas a disposición do Xulgado de Garda da Coruña.
A Direccion Xeral de Emerxencias e Interior dá Vicepresidencia dá Xunta anunciou unha alerta laranxa por temporal costeiro a partir da xornada de mañan.
A costa noroeste da Coruña e a Costa da Morte estarán este mércores en aviso amarelo, entre as 21.00 horas e a madrugada do xoves, por mar de fondo con ondas que poden alcanzar os catro metros. Segundo informa Meteogalicia, está previsto que este aviso amarelo por mar de fondo se prolongue ata as 3.00 horas da madrugada do xoves.
Unha nova fronte atlántica traerá este mércores un ascenso das temperaturas máximas, que subirán na área cantábrica, alto Ebro, Ibérica e Xirona, segundo a predición da Axencia Estatal de Meteoroloxía (AEMET) que alerta de intervalos de vento forte no litoral noroeste de Galicia e de levante na área do Estreito, polo que se activarán os avisos costeiros en Cádiz.
É moi diferente a vida dun interno nun módulo de respecto que nos módulos máis ordinarios. As normas básicas de funcionamento destes módulos permiten pasar o día a día con máis cousas que facer, con máis actividades e, polo tanto, menos tempo para deixarse caer.
Este é un dos fitos alcanzados polo Centro Penitenciario de Teixeiro nestes últimos anos, no seu cambio de modelo de tratamento, cambiando o foco castigo á reinserción, como se recoñece na exposición que acolle a Fundación Barrié sobre o 25 aniversario do penal.
O Centro celebrou este martes (o CIS da Coruañ fíxoo o pasado venres) o seu 25 aniversario no marco dos actos da Mercé, a patroa do sistema penintenciario. Fíxoo cun acto no que participou o secretario de Estado de Institucións Penais, Ángel Luís Ortiz, que puxo en valor que este penal conte cun 60% de internos en módulos de respecto, un modelo que fai aos presos “copartícipes e responsables” da súa volta ao exterior.
Na súa intervención, o representante do Goberno destacou as infraestruturas penais que, do mesmo xeito que o centro coruñés, construíronse a partir dos anos 90. Trátase de máis dunha vintena de penais construídos desde entón con estruturas modulares, con 60 celas en cada módulo dun tamaño de entre 10 e 13 metros cadrados, patio, sala común, comedor ou economato, tal e como detallou.
Ademais dos módulos residenciais, existen edificios tamén para enfermaría, área deportiva ou área cultural, precisamente, na que este martes se celebrou este acto conmemorativo.
A esta altura do seu discurso, o secretario de Estado aproveitou para reivindicar os módulos de respecto, que en Teixeiro acollen ao 60% dos internos, o que para Anxo Luís Ortiz, “dá unha idea de en que medida consolidouse un modelo que fai aos presos copartícipes e responsables da súa volta ao exterior”.
En concreto, recoñeceu o ‘Módulo Nelson Mandela’ como “exemplo de colaboración e coordinación entre administracións”, xa que tamén traballan profesionais da Xunta de Galicia, e explicou que desde xuño de 2021 funciona como módulo mixto. “É unha aposta por garantir a igualdade no acceso para os homes e mulleres que cumpren condena”, aseverou.
Como “un gol a favor da igualdade”, tamén definiu o permiso excepcional que a Real Federación Galega de Fútbol outorgou a unha interna para que puidese participar co equipo masculino de fútbol sala do presidio.
En canto aos módulos, Ángel Luís Ortiz tamén tivo palabras destacadas para o especializado en saúde mental, onde con “sensibilidade, dedicación e saber facer” traballan os profesionais deste centro nun departamento “tan sensible”.
Tampouco se quixo esquecer dunha das últimas iniciativas: a unidade canina, que presta os seus servizos tamén nos cárceres de Bonxe e Monterroso (Lugo).
Rosaura Romo, coordinadora de Erguete Coruña, a subdirectora do CP Teixeiro, Nadia Arias, o secretario xeral de Instituciones Penitenciarias, Ángel Luis Ortiz González, Ana Suárez tamén de Érguete e o director do centro, José Ángel Vázquez Yáñez.
BALANCE INSTITUCIÓNS PENAIS
Na súa intervención, o secretario de Estado de Institucións Penais fixo balance da situación que hoxe presenta o departamento que dirixe despois dun lustro á fronte del.
Entre os datos que destacou: a ocupación das prisións, que se atopan, apuntou, “contorna ao 72%”, fronte outros países como Italia ou Francia onde “superan o 100%”; o descenso dos internos nos centros penais da administración xeral do Estado; as ofertas de emprego público; ou un plan de modernización con melloras salariais.
Entre os retos, “seguir mellorando as condicións dos profesionais”, incrementar a presenza da muller dentro da administración –sobre o que sinalou que nas últimas promocións “alcanzan xa o 60% das persoas que ingresan”– ou o obxectivo da dixitalización para tratar de “posibilitar que as persoas privadas de liberdade poidan mellorar as súas habilidades e incorporarse á sociedade”.
Tamén avanzou que continuarán “deseñando programas para axustarse ás realidades cambiantes e impulsando a igualdade de oportunidades”.
Así mesmo, reivindicou o labor dos máis de 450 funcionarios que exercen a súa profesión no penal coruñés, “un exemplo de traballo ben feito” e que forman parte de “unha engrenaxe moi complexa no que cada peza resulta esencial”.
CONMEMORACIÓNS
Pola súa banda, o director do centro, José Ángel Vázquez, destacou que as prisións tipo, como é o caso de Teixeiro, melloraron tanto as condicións laborais como as condicións de vida dos internos e mostrou o seu “orgullo” por poder dedicar parte da súa vida a esta institución e a este centro.
Durante o acto, que se celebrou no espazo socio-cultural do centro, as autoridades fixeron entrega de conmemoracións a todos os directores que pasaron por Teixeiro durante estes 25 anos, así como numerosas mencións honoríficas a funcionarios e persoal do penal.
Ademais, fíxose unha mención honorífica ao funcionario do corpo de axudantes Curro Molina Sierra pola súa actuación “na resolución do grave incidente do 22 de xullo de 2023, onde un interno prendeu lume á súa cela”.
Delegados sindicais de CCOO e traballadores de Nervión Industries, empresa auxiliar na refinaría de Repsol na Coruña, mobilizáronse ante o complexo industrial para denunciar o “incumprimento” do convenio colectivo” por parte de Nervión e que Repsol “permite que isto estea a suceder”.
“O convenio colectivo negociado hai moitos anos inclúe un plus económico de toxicidade,penosidade e perigo que ten que ver coa existencia dun risco“, explicou o secretario xeral do sindicato comarcal CCOO de Industria, Arturo Julián. “Importe que en Nervión non se chegou a pagar“, asegurou.
“É incongruente que unha empresa principal como Repsol non obrigue a cumprir o mínimo dereito necesario ás auxiliares que desenvolven actividades dentro das súas instalacións”, engadiu. “Ten responsabilidade subsidiaria solidaria, debe esixir que se cumpra o convenio colectivo”, demandou.
O dirixente sindical indicou que, se a compañía “non foi capaz de eliminar o risco”, os traballadores que conviven con el “aínda que cos seus EPIS correspondentes e con todo relativamente apantallado” terán que percibir estas contías “en función de se persiste unha circunstancia, dúas ou tres”, isto é, “toxicidade, penosidade ou perigo”.
Por todo iso, explicou que convocaron a concentración para “dar visibilidade” a esta situación. “Hai empresas auxiliares que realizan o mantemento de Repsol que están a incumprir o convenio colectivo e o grupo permite que isto estea a suceder”, insistiu.
