Chegou outro outono, xa o cuarto dende que, en 2021, a Asociación Cultural O Mural denunciou no Concello da Coruña o abandono dos frescos que Urbano Lugrís pintou na rúa dos Olmos, “sen que ninguén, nin o Concello nin a Xunta (a nova propietaria dos murais) fixera nada”.
Así lamenta a entidade que “dúas administracións veñen de desaproveitar a estación con menos choivas -época ideal para facer as obras precisas nos edificios que evitarían máis danos nas pinturas- sen facer nada. Se todo segue así, e ninguén asume as competencias de protección de patrimonio cultural que corresponden as dúas administracións, para que gastou a Xunta os 36.000,00 € que pagou polas pinturas?”
“Volveu chover arreo sobre o ruinoso tellado do número 25 de Olmos e volveu caer auga sobre a vista da Coruña e o resto dos 11 murais de Urbano Lugrís e ninguén fai nada”, conclúen.
A CIG e a Universidade da Coruña (UDC) completaron o acordo de subida salarial para o persoal, fixando as condicións da súa aplicación, segundo informa a central sindical.
O texto final é froito do acordo ao que chegaron o sindicato e a universidade no Tribunal Superior de Xustiza de Galicia (TSXG) para pór fin ao conflito colectivo promovido pola central sindical.
Así todo o persoal que percibe as súas retribucións con cargo ao capítulo V dos orzamentos da UDC terá un incremento do 9,26% na súa nómina do mes de outubro.
Esta subida corresponde aos incrementos dos anos 2022 (3,5%), 2023 (3,5%) e 2024 (2%), “que a UDC non abonou a esta persoal, seguindo un criterio aplicando polo tres universidades galegas como na inmensa maioría das universidades do Estado”, engade.
Este sábado tivo lugar a terceira edición do Camiña Coruña, unha andaina non competitiva ideada para explorar moitos dos espazos emblemáticos da cidade, unha iniciativa da Agrupación de Montañeiros Independentes (AMI), que conta coa colaboración municipal.
Centos de persoas partían o Pazo dos Deportes, facendo tres distancias distintas: a máis curta, de 16 quilómetros, e as outras dúas de 28 e 50 quilómetros, respectivamente, aproveitando os espazos peonís e sendeiros da Coruña e, no caso do percorrido de 16 quilómetros, incluíuse tamén unha proba de geocaching, modalidade que consiste na busca e resolución de adiviñas ou enigmas escondidos ao longo do traxecto, con información de interese sobre a cidade.
Tivo lugar este venres unha nova sesión da Comisión Especial da Fachada Marítima. O voceiro da Comisión, o edil do BNG, Francisco Jorquera, xunto con Lage Tuñas (PSOE) e Antonio Deus (PP), recibía no Pazo de María Pita aos presidentes da Comisión Aberta en Defensa do Común da Coruña, Manuel Monge, da Asociación Veciñal Oza-Gaiteira-Os Castros, Paulo Sexto.
A Comisión abre así ás portas ao debate co tecido social da Coruña, para estudar conxuntamente a reordenación da fronte litoral da nosa urbe cotraslado de parte das actividades comerciais portuarias ao Porto Exterior da Punta Langosteira, no marco dun ciclo de xuntanzas nas que tamén participaron presidente da Autoridade Portuaria, Martín Fernández Prado; o autor do informe da UDC sobre a transformación do porto interior, Carlos Nárdiz; o presidente do Colexio de Enxeñeiros, Camiños, Canles e Portos de Galiza, Enrique Urcola; o presidente da Fundación Juana de Vega, Enrique Sáez, e o director da Escola Galega da Paisaxe, Pedro Calaza.
Con todo, o tecido social segue a ser algo escéptico coa labor desta Comisión, pero esperan que as demandas veciñais sexan trasladas á Comisión Institucional, o ente que verdadeiramente vai decidir o futuro da nosa vlla.
Urbanizacións
Unha das chaves, outra vez, de todo o proxecto, é a posible urbanización de vivendas privadas no peirao de San Diego, a “xoia de toda a fachada”. Os colectivos sociais teñen claro que ese terreo debe seguir sendo público e de dotación de servizos, coa creación dun bosque, un corredor verde, unha nova lonxa, unha residencia de maiores, equipamentos culturais e deportivos e tamén unha zona para vivendas sociais .
”A renovación urbana destes terreos debe atender a un modelo de cidade baseado na calidade ambiental, conservación do patrimonio e a paisaxe, así como o equilibrio, dos usos produtivos, residenciais e terciarios sustentables e resilientes, polo que se fai necesaria a revisión modelo vixente para a súa adaptación aos paradigmas do urbanismo actual. Modelo que ao mesmo tempo xurda dunha construción colectiva dende o conxunto das administracións, colectivos, institucións, empresas, e cidadanía en xeral”, propoñen dende Oza-Gaiteira-Os Castros..
Recollemos así as propostas das dúas entidades:
Propostas de Defensa do Común
Instar ao Goberno municipal a que elabore no prazo de seis meses as bases dunha proposta de ordenación (de usos e urbanística) e de xestión para o porto interior (peiraos de Bateria/Calvo Sotelo e San Diego), aos efectos do seu traslado e negociación coas restantes administracións competentes e co obxectivo de conveniar, deixando sen efecto os Convenios de 2004, os seguintes apartados:
a) Modificación dos instrumentos de ordenación de usos (Documento de utilización dos espazos portuarios) e urbanísticos (Plan especial de ordenación da zona de servizo do porto e PXOM).
b) Modelo de gobernanza (ente público de xestión).
2.- Apoio e potenciación da continuidade da actividade portuaria no porto interior, en especial no referido ás actividades pesqueiras e de transformación, de economía azul e de actividades comerciais portuarias.
Nos terreos funcionalmente ou tecnicamente non necesarios para a actividade portuaria, integración do uso de interacción porto-cidade, con destino a usos dotacionais públicos
(equipamentos, espazos libres e zonas verdes) dentro do obxectivo dun gran parque urbano.
3.- Mantemento da natureza demanial dos terreos, como dominio público marítimo-terrestre, evitando a desafectación e correlativa mutación a patrimoniais dos mesmos.
4.- Coherencia e axuste da futura ordenación do porto interior dentro do ámbito do conxunto do bordo litoral e da súa continuidade polas Xubias até A Pasaxe, en especial no relativo aos sistemas xerais e ás normas de aplicación directa de preservación dos valores ambientais, naturais e paisaxísticos.
5.- Caracterización da natureza e réxime xurídico da entidade pública de xestión dos terreos de interacción porto-cidade, así como das súas fontes de funcionamento.
6.- Esixencia ao Goberno do Estado da condonación do préstamo de Portos do Estado coa Autoridade Portuaria, así como a dotación plurianual significativa de financiamento ás actuacións urbanizadoras de interacción porto-cidade no porto interior, debendo en ambos casos ser incluidas na programación plurianual dos Orzamentos xerais do Estado para o 2025. Todo isto sen prexuizo da procedencia de renegociación das condicións (amortización e intereses) de dito préstamo.
7.- Previsión dentro do novo Plan estratéxico e Plan de empresa da suficiencia de recursos ordinarios derivados da actividade portuaria (taxas de ocupación e de actividade) cos que asegurar tanto a cobertura do financiamento de investimentos operativos como do pago do servizo da débeda.
8.- Dentro do obxectivo do marco de referencia supra-municipal da futura ordenación do porto interior, integrar a mobilidade metropolitana (viaria e ferroviaria) como eixo fundamental na ordenación, coa previsión de integración da estación de San Diego nunha futura rede de cercanías.
9.- Asegurar a imprescindible participación pública e cidadá en todas as fases definidoras do novo escenario do porto interior. Creación dunha plataforma ou foro de participación estable sobre o litoral, aberto a entidades representativas, aos efectos de colaboración participada na elaboración de propostas, en especial as relativas aos apartados 1 e 5 antes sinalados.
10.- Someter a consulta popular (art. 71 Lei 7/1985) a proposta definitiva sobre a ordenación e xestión do ámbito.
PROPOSTAS DA ASOCIACIÖN OZA-GAITEIRA-OS CASTROS
Transformación de cidade portuaria. Unha revisión documental longo de diferentes experiencias de transformacións de frontes litorais e estratexias de renovación urbana noutras cidades costeiras e aproveitar os traballos realizados.
Sector produtivo. Proxectos inspiradores en canto á integración da sustentabilidade e da innovación social nas súas transformacións de áreas urbanas degradadas ou na reformulación de espazos produtivos (economía Azul).
Aspectos de interese:
Territorio: A creación dun novo (CORREDOR VERDE) como eixo territorial de grande impacto ambiental con novas áreas verdes e un espazo público importante para a cidade (XARDÍN BOTÁNICO, ZONAS DEPORTIVAS E DE XOGOS, BOSQUE DE SAN DIEGO… COMO PROLONGACIÓN DOS XARDÍNS DE MÉNDEZ NUÑEZ) restauración tamén permite conectar cultural e ambientalmente.
Sera imprescindible a creación de un plan director para a modificación do PXOM.
Sustentabilidade: O proceso debe contar ca participación pública. A preservación do medio ambiente é unha demanda.
Aposta por unha nova política de transporte enfocada ao transporte público (ESTACIÓN FFCC CERCANÍAS, CARRIL BUS, TRASPORTE MARÍTIMO METROPOLITANO ZONAS PARA TRÁNSITO DE BICICLETAS/CARRIL BICI…).
Queremos dotar de infraestructura, servizos ea unha zona que estaba en deterioro, e xenerar unha nova imaxe para a zona 2 é e certa capacidade residencial para vivienda publica en reximen de aluguer e creación de equipamentos (como Residencia para maiores).
Ademais, a recuperación de parte da recuperación de parte do Río Monelos, que ten un grande consenso social e se recuperaría un antigo espazo da cidade.
Unha das propostas para presentadas pola AVV
Vindeiras citas
Nas próximas semanas as comparecencias iranse completando coas de Cosme Damián Romai Cousido, do grupo naturalista Hábitat; Ruth Varela, da delegación coruñesa do Colexio Oficial de Arquitectos de Galiza; Fernando Vidal, presidente da Asociación de Usuarios do Porto; Juan Carlos Corrás, presidente da Lonxa; Severino Ares Lago, da Asociación Pesca Galicia-Arpega-O Barco (asociación de armadores de buques pesqueiros de Galiza); Pilar Parra, directora corporativa de Portos do Estado, ben como tamén representantes da Coruña, Acerga (Asociación de Armadores do Cerco de Galiza) e Arpesco (asociación provincial de armadores de buques de pesca da Coruña).
O complexo industrial de Repsol comeza hoxe unha parada programada en oito plantas da súa área de combustibles, situadas en Bens, que durará máis de 60 días. Segundo informa, o resto das unidades funcionarán con normalidade. Repsol destinará 24,8 millóns de euros á parada. Cun orzamento de máis de 12,5 millóns de euros, realizaranse traballos de mantemento nas plantas con intervención en 200 equipos. Doutra banda, investiranse 12,3 millóns de euros na execución de iniciativas de innovación no medio ambiente, seguridade dos procesos e fiabilidade das unidades.
As instalacións coruñesas están nun proceso de transformación industrial nun polo multienerxético, que contribúe ao obxectivo de Repsol de ser cero emisións netas en 2050. “Deste xeito, durante a parada programada, incorporaranse novas tecnoloxías e levaranse a cabo investimentos centrados no aumento da eficiencia enerxética das plantas e a redución de CO2.” Nesta parada, ademais do persoal de Repsol, traballarán case 700 profesionais cada día.
Esta tarde, ás 20:00h, o Obelisco acollerá unha nova, pero especial, concentración en favor do pobo palestino polo remate do xenocidio sionista.
Unha concentración que chega no marco da folga xeral convocada polos colectivos CGT Galiza, Solidariedade Obreira Galiza, CNT Galiza, a Asemblea Internacionalista de Compostela e a Rede Galega pola Palestina.
A CGT considera que a xornada de Folga Xeral tivo unha “moderada incidencia na provincia da Coruña”. Na cidade houbo incidencia no transporte ferroviario coa supresión dun dos trens que unen A Coruña con Vigo. Houbo un seguimento salientable no sector de telemárquetin e na empresa de Correos, sendo no resto dos sectores e empresas un seguimento parcial.
Ao longo do día, produciranse manifestacións e concentracións en solidariedade co pobo palestino, co apoio de colectivos sociais. A cita na Coruña, ás 20:00h no Obelisco.
A alcaldesa da Coruña, Inés Rey, requiriu á empresa concesionaria do servizo de conserxería das instalacións deportivas da cidade a facerse “cargo” dos pagos das retribucións e pluses que reclaman e que motivará o inicio de mobilizacións este domingo, día 29.
A preguntas dos xornalistas, na rolda de prensa que ofreceu este venres sobre asuntos municipais, indicou que “a empresa é a que se ten que facer cargo dos pagos das retribucións e pluses que lles deben”. “Requeriremos para que así o faga”, engadiu.
En concreto, persoal de conserjería das instalacións deportivas municipais da Coruña iniciará mobilizacións este domingo, día 29, para reclamar á empresa concesionaria, Ilunion Outsourcing, que “cumpra” co convenio colectivo e pague o complemento de polivalencia por importe de 300 euros.
Segundo informou a CIG, desde o pasado mes de agosto a compañía négase a pagar este complemento alegando que “o Concello da Coruña non lle abona a contía”. Por este motivo, o colectivo insta á empresa e ao Consistorio a que “cumpran cos dereitos salariais” dos 80 traballadores afectados e que “de inmediato” se proceda ao pago das cantidades debidas.
Mentres, o calendario de protestas do persoal comezará este domingo cunha repartición de panfletos informativos na contorna do Coliseum ao comezo do partido do Básquet Coruña contra o Real Madrid. Esta acción repetirase “en todas as competicións deportivas destacadas que teñan lugar na cidade”, avanza a organización sindical.
Ademais, o 3 de outubro ás 09.00 horas concentraranse na praza de María Pita durante a celebración do pleno municipal, onde xogarán un partido de fútbol reivindicativo. Doutra banda, o comité de empresa, formado por CIG, UXT e CCOO, anunciou que presentará unha denuncia contra Ilunion Outsourcing e o Concello herculino por “o incumprimento do abono do plus de polivalencia que recolle o convenio colectivo”.
Un camión de grandes dimensións, e dedicado ao transporte de vehículos, provocou un colapso de tráfico no centro da Coruña ao quedar atrancado mentres realizaba unha manobra. Fontes municipais consultadas por Europa Press informaron que, sobre as 11:10 horas, o tráiler portacoches “quedou bloqueado” no tramo final da rúa Juan Flórez.
En concreto, o incidente rexistrouse á altura da Falperra, debido a que o seu condutor “se confundiu de ruta” e quixo rectificar a súa dirección. Ás 12:15 horas, precisaron, o incidente quedou “resolto” tras saír o vehículo “marcha atrás” ata poder incorporarse á avenida de Alfonso Molina.
#Coruña – Caos de tráfico 🚙🚗 en Juan Flórez con la Falperra por un camión 🚛 atascado. Varios carriles cortados ⛔
Boas novas para o audiovisual galego. O coruñés Cristóbal Añón acaba de colocar a súa primeira obra na final do Festival de curtas “Rodando en donde puedas”, convocado por el Conseyu de Xixón. O director herculino realizou o proxecto como Traballo de Fin de Grao da carreira Comunicación Audiovisual na Universidade de A Coruña, e os seus profesores calificaron a obra cun 10.
Somnia será a única curta en galego que participe no festival, dando conta da importancia de espallar a nosa lingua polo resto do estado. Ademais, o feito de ser un thriller psicolóxico feito polas novas xeracións do noso audiovisual fai que sexa un atractivo máis para que a ligue maride coa mocidade. “Creo que é moi importante crear contidos audiovisuais en galego e dalos a coñecer ao mundo, xa que aquí tamén hai boas ideas e talento”, apúranos Cristóbal.
A curta xa está en fase de distribución.
Votacións
A xente poderá votar á curta galega, dende as 14:00h deste venres 27 ata ás 14:00h luns 30 de setembro, en cmx.es.
Residente en Cambre, Cristóbal Añón naceu en Suiza como moitas familias da terras de Soneira (a súa familia é de Carnés, Vimianzo). Na carreira uníu forzas con outras compañeiras para sacar adiante este proxecto: Xian García (Diseño de producción), Mar Diaz (Produción), Marta Rodriguez (Directora de Foto) complentan o elenco de creadores que rodaron en escenarios Cambre, Cerceda e Oleiros.
Sinopse
Nesta ficción contan a historia de Marga, “unha psicóloga obsesionada polos problemas dos seus doentes e que a somerxen nunha viaxe cara os abismos da súa propia mente, onde os límites entre a realidade e os soños se desdebuxan. A obsesión lévanos a deixar de distinguir certas realidades e a encontrar similitudes onde non as hai. En “Somnia” cóntase como o subconsciente nos pode conducir ao límite e a reordear as nosas prioridades, buscando tapar aquelas feridas que están sen cicatrizar”, explicanos Añón.
Esta fin de semana o peirao de Batería acolle o festival Noites do Porto, cos concertos de Delaossa, Baiuca e Carlangas como grandes reclamos. Pero é que este ano, o festival promovido por Masgalicia e moi respaldado polas administracións, quixo extendelo implicando ás salas e nos bares da cidade.
A primeira parte da semana transcorreu no pequeno Jazz Filloa. Un dos espazos máis míticos da música coruñesa, acollía dúas citas. O luns eran Alina Bzhezhinska & Tony Kofi Duo os que homenaxeaban a Pharoah Sanders. A arpista ucraína, ao comezo da primeira actuación e tras unha breve presentación musical, agradeceu aos asistentes a súa presenza “por xerar un ambiente tan especial nun recinto tan ‘chulo’ con 44 anos de historia”, como é o Jazz Filloa.
Para pechar, Alina e Tony sorprenderon ao público interpretando After The Rain, de John Coltrane, para celebrar que este luns día 23 o recoñecido artista estadounidense celebrase o seu 98 aniversario.
O martes, coas entradas agotadas rapidamente, o jazz deu paso ao flamenco coa cordobesa Rocío Luna, aclamada como “a nova perla do flamenco” entre a crítica especializada, que chegou acompañada do guitarrista Francis Gómez.
A pasada noite de mércores o festival desprazouse a outra das salas importantes da cidade, o Garufa. Abría a xornada o mítico cantautor e bluesman herculino Néstor Pardo, cun concerto, en solitario pero entre amigos que enchían a sala, de blues crú, que remataba a contracorrente cunha rancheira adicada á Coruña máis cascarilleira.
A bomba chegou con La Perra Blanco. Menuda guitarrista pasou por Coruña. A gaditana puxo a bailar a toda a sala co seu rockabilly tremendamente cañeiro, e cunha pose e unha entrega dignas de auténtica rockstar. Acompañada por Jesús Vázquez, se cadra o mellor batería de rockabilly de España; Ivan Kovaceciv, o contrabaixista serbio que substituía ao habitual Guillermo González; e Gerart Vercher, con espectaculares aparicións ao saxo e aos teclados, teñen un “produtazo” para incendiar cada sala do estado e para levantar calquera festival.
A corda rota da guitarra da artista e o baile do tupé do contrabaixista deron boa conta da candela que se viviu na sala.
A cervexería Malte da Praza das Atochas acollerá este xoves outra xornada de ‘Noites nos Bares’, un programa posto en marcha este ano por Noites do Porto que dá continuidade á actividade musical e a expande polos locais de hostalería da cidade a través de sesións de DJ. A partir das 23:00 horas, o público poderá gozar de DJ Marcus Harris, residente no White Heat Club de Londres, con acceso gratuito ata completr aforo.
Tamén toca esta noite unha das bandas sensación do momento, Alcalá Norte na Garufa, pero as entradas levan agotadas meses. A viguesa La Toñi será a teloneira cunha proposta que se move entre o indie sleaze e o electropop.
Venres de sala e Batería
O venres estréase o peirao nas Noites do Porto. Pola noite, o peirao de Batería acollerá o debut na Coruña dunha das voces máis destacadas do panorama rap, Delaossa.
E paralelamente, a sala Inn Club será o escenario no que Bala, que publica o videoclip de Ouveo, presentará por primeira vez, en directo e en directo, o seu último LP: Besta.
Ademais, a A Barbería (Orzán, 15) acollerá tamén o venres unha nova xornada de ‘Noites nos Bares’. A partir da medianoite, o público poderá gozar dunha sesión do máis ecléctica e bailable grazas aos vinilos da británica Melanie Xulu (fundadora e editora da revista de arte e música psicodélica MOOF) e Sofia of Africa. acceso será gratuíto ata completar aforo;
Sábado de peirao
Batería acolle a xornada central do festival, coa visita de Baiuca e Carlangas y Los Cubatas.
As sesións sabatinas das Noites nos Bares serán en horario vermú en La Mar Salada, e pola noite no Bristol, con Jeff Higgins.
Domingo, peche na Mardi
E para a xornada de peche, o festival aposta pola Sala Mardigras, que recibirá a Bernard Butler.
