Inicio Blog Páxina 407

Loli Silva presentada como candidata do PP en Oleiros

europapress
-
0
Loli Silva presentada como candidata do PP en Oleiros

Loli Silva presentou a súa candidatura para a alcaldía de Oleiros. A directora do IES de Santa Cruz, estivo apoiada polp presidente do PP da provincia da Coruña, Diego Calvo, que puxo en valor o seu “liderado” e “valentía”.
A candidata comprometeuse a escoitar e a chegar os “10.000 veciños que non adoitan acudir ás urnas nas municipais” e subliñou que Oleiros é un concello “cheo de oportunidades” no que “queda moito por facer en materia de accesos”.

No acto de presentación de Silva, Calvo referendou a aposta dos populares por unha persoa que “demostrou ser valente polo paso á fronte que deu, ter carácter e estar preparada” para liderar un proxecto no que, asegurou, puxeron “moitas esperanzas”.

Neste sentido, o presidente dos populares coruñeses insistiu na necesidade de que o seu partido se achegue aos veciños para “falar de Oleiros en positivo, para falar das oportunidades que se merecen e para falar de plans cos que este concello deixe de ser noticia sempre polos enfrontamentos”.

“É o momento de pór fin a un goberno local caduco, é o momento de pasar páxina, de presentar aos veciños un proxecto que ilusione, que trate a todo o mundo por igual e que deixe atrás o sectarismo ao que estamos adoitados”, reivindicou.

 

Recrean 350.000 anos de historia na Coruña… así foron as glaciacións, o cambio de especies e a chegada do home

Xurxo Salgado
-
0
Recrean 350.000 anos de historia na Coruña… así foron as glaciacións, o cambio de especies e a chegada do home

Estación Visual A Coruña presetou este venres o resultado do‘crowfunding’ para financiar o seu proxecto de reconstrución virtual da historia do territorio da cidade herculina desde hai 350.000 anos, así como da evolución da Torre de Hércules co paso dos mesmos. “Foi un proxecto integrador no científico e no histórico pola súa escala espacial e temporal á que podemos achegarnos cun fotorrealismo de escala humana”, indicou Enrique Cabarcos, portavoz do proxecto, durante a presentación na que participou un dos maiores especialistas galegos en xeografía, Juan Ramón Vidal Romaní, que tamén participou no proxecto, e o reitor da UdC, Xulio Abalde.

Este gran proxecto reconstrúe boa parte da historia xeolóxica da Coruña e permite que nos acheguemos a feitos universais como as glaciacións, as subas e baixadas do nivel do mar, os cambios nas especies, a chegada do ser humano ou o Imperio Romano. “O proxecto móvese nas dúas direccións: permite ver “todo” a través da Coruña, pero tamén coloca A Coruña no centro”, indicou Cabarcos.

Recreación da Torre de Hércules nas súas orixes/ Estación Visual

Estación Visual realizou un gran proxecto para entender doutro xeito o que foi a evolución da Coruña como paisaxe e como cidade. “Nós vivimos vidas nas que a paisaxe natural é moitas veces case inmutable. Pero, a outra escala, esa paisaxe inmutable é circunstancia. E tamén o libro ten un certo valor evocador nese sentido. Tantas transformacións naturais ata chegar ao mapa recoñecible”, suliñou.

POR QUE NON SE IMPLICAN AS INSTITUCIÓNS?

Este proxecto non queda só na época romana. O proxecto completo está concibido (e traballado en parte) ata o século XIX. Por iso, o obxectivo agora é reconstruir eses case 1.500 anos que aínda quedan por coñecer da cidade. Por iso, o proxecto está aberto a que as institucións públicas (ou entidades privadas) para que promovan economicamente a súa ampliación e continuidade.

“É un proxecto aberto a medrar permanentemente tanto polo traballo de fondo como por concepto, polas disciplina e novidades que pode incorporar e, en último termo, sempre adaptable aos novos avances tecnolóxicos”, dixo Cabarcos. O obxectivo é que A Coruña sexa unha cidade de referencia ao ter un Observatorio do seu propio pasado con todas esas características.

Re reación da torre de Hércules e da Baía da Coruña / Estación Visual

Piden cárcere e inhabilitación para o alcalde de Oleiros pola derriva dun inmoble modernista en ruínas

europapress
-
0
Piden cárcere e inhabilitación para o alcalde de Oleiros pola derriva dun inmoble modernista en ruínas

O Ministerio Público solicita un ano e tres meses de cárcere para o alcalde de Oleiros, Anxo García Seoane, pola derriba da Casa Carnicero, un inmoble modernista de principios de século XX que estaba en ruínas e que sufrira un incendio.

Así o comunicou o propio rexedor coincidindo coa súa presenza na presentación do que será o candidato de Alternativa dos Veciños en Sada, Paris Joel, nas próximas eleccións municipais.

O Ministerio Público entende que o feito supuxo un delito contra o patrimonio histórico. Con todo, o alcalde rexeitou estes argumentos e asegurou que “todos os informes” eran “favorables” á derriba, “mesmo un do Colexio de Arquitectos”.

Tamén argumentou que se derrubou polo “perigo” que levaba e que “non había peza que gardar nin que preservar”. Ademais, asegurou que había “un risco importante de desprendementos” e que xa se produciron algúns “polo mal tempo”.

Sobre o delito que se lle imputa, manifestou que lle tratan coma se fose un “cuatrero”, despois de que se lle pidan tamén 12 anos de inhabilitación. “Pero son como a ave fénix, que rexorde das súas cinzas”, sentenciou o alcalde, que volverá repetir como candidato de Oleiros nas municipais de maio.

Os procesados polo desaloxo da Insumisa non ingresarán en prisión

europapress
-
0
Os procesados polo desaloxo da Insumisa non ingresarán en prisión

Momento convulso o daquel maio de 2018, cando a Policía Nacional desaloxaba, ás ordes do goberno da Marea Atlántica, o Centro Social Okupado A Insumisa, afincado dende había tempo no antigo edificio da Comandancia de Obras da Coruña, sito na avenida Metrosidero e de titularidade municipal.

O dispositivo conseguiu recuperar as instalacións de forma pacífica posto que nese momento, á primeira hora da mañá, non se achaba ninguén no interior. Con todo, sobre as 12,30 horas, produciuse unha concentración de persoas ante as portas do recinto, convocadas por redes sociais, reclamando a recuperación da instalación como centro social.

Durante o Xuizo, se ben Fiscalía solicitaba inicialmente penas de prisión de entre dúas e 10 anos, 5 dos 7 acusados veñen de chegar a un acordo polo que aceptan penas de entre 18 meses e dous anos de prisión. Os outros dous acusados foron absoltos da pena de cárcere.

Os procesados recoñeceron ser autores de delitos de atentado, desordes públicas, lesións e danos agravados. Con todo, os letrados pediron a suspensión das penas de prisión impostas e o fiscal aceptou a petición. A xuíza acordou a suspensión firme das condenas coa condición de pagar as indemnizacións pactadas e non cometer delitos nun prazo de tres anos.

 

 

 

O primeiro debate electoral de ASCEGA volve ficar nunha serie de acusacións mutuas

Ubaldo Cerqueiro
-
0
O primeiro debate electoral de ASCEGA volve ficar nunha serie de acusacións mutuas

Artellou esta pasada mañá de xoves a Asociación de Emprendedores de Galicia (ASCEGA) o primeiro debate electoral sobre a realidade da Deputación da temporada. Bernardo Fernández (alcalde de Pontedeume e Secretario Provincial do PSOE); Gumersindo Galego (alcalde de Fene polo PP) e Gelo García (alcalde de Oleiros por Alternativa dos Veciños) (non puido asistir Carmen Muíño polo BNG e a Marea non respondeu) foron os protagonistas dun novo exercicio de reproches e acusacións mutuas.

Como recoñece a propia entidade organizadora, a xornada estivo protagonizada polo cruce de reproches entre os ponentes. Por un lado, o Gelo de sempre, máis simpático e populista, loubando o papel da Deputación socialista e criticando á Xunta popular. No medio, Bernardo cun ton algo máis calmado pero botando sempre a culpa ao PP. E no bando contrario, Gumersindo, que malia incidir na necesidade de afrontar en serio o saneamento das parroquias, deixou claro que “o que a xente valora é asfalto e farolas”.

Un debate no que a pesar da presenza de entidades como COGAMI, a Fundación Érguete, apenas se propuxeron alternativas sociais. De feito, a pesar de que o último bloque ía directamente dirixido ás posibles solucións de futuro para combater a desigualdade, esta palabra non saíu da boca de ningún dos tres poñentes.

Ácedas foron as intervencións do público, xa acostumado ao longo dos anos a participar nestes exercicios de liberdade total que ofrece ASCEGA, e que deixou patente que a sociedade xa está cansa de que os debates se resuman ao PP e o PSOE botándose en cara o “ti máis”, saíndo a colación precisamente a necesidade de tomar medidas reais como eliminar a cita previa de todas as accións administrativas para poder saír da “tiranía da dixitalización”.

A entidade continuará cunha serie de debates ata o 11 de maio, con diferentes bloques temáticos para finalizar coa presentación de candidat@s.

O novo contrato de Axuda a Domicilio do Concello da Coruña adxudicado por 30 millóns

europapress
-
0
O novo contrato de Axuda a Domicilio do Concello da Coruña adxudicado por 30 millóns

O Concello da Coruña aprobou, en Xunta de Goberno, a adxudicación do sete lotes que compoñen o novo Servizo de Axuda a Domicilio (SAD), un servizo que permite a atención directa á cidadanía en situación de dependencia recoñecida e que conta con case 1.200 persoas usuarias no termo municipal.

O novo contrato do Servizo de Axuda a Domicilio conta cun orzamento superior aos 30 millóns de euros para o período 2023-26: 6,7 millóns, correspondentes ao ano 2023; e 10,1 e 10,8 millóns para cada unha das anualidades correspondentes aos anos 2024 e 2025 e 3,3 millóns no 2026.

O contrato, “fundamental para reforzar os servizos sociais da cidade”, sinala o goberno local, concibiuse, engade, “baixo a premisa de garantir un servizo máis eficiente ás persoas usuarias e as súas familias, e dar as mellores condicións posibles ás 400 auxiliares que traballan ao seu lado”.

A principal novidade do novo Servizo de Axuda a Domicilio é a distribución da cidade en cinco zonas de atención diferenciadas (norte, oeste, centro, leste e sur), “un formato ideado para reforzar o concepto de proximidade, facilitar as substitucións puntuais e tamén o apoio entre auxiliares ante situacións imprevistas”.

O Concello de Granada formaliza recurso ante o Supremo para saber por que se elixiu a A Coruña como sede da Aesia

europapress
-
0
O Concello de Granada formaliza recurso ante o Supremo para saber por que se elixiu a A Coruña como sede da Aesia

O Concello de Granada formalizou este venres o recurso ante o Tribunal Supremo contra o acordo do Consello de Ministros do pasado 5 de decembro polo que se determinou que A Coruña sexa a sede física da futura Axencia Española de Supervisión de Intelixencia Artificial (Aesia), á que tamén optaba a cidade da Alhambra, a fin de “esixir transparencia” sobre os criterios que guiaron este proceso.

O portavoz do equipo de goberno local, Jacobo Calvo (PSOE), recalcou en rolda de prensa que con este recurso non se pretende ir “contra ninguén” senón pedir “transparencia” para coñecer de maneira “nítida” por que se tomou esa decisión co fin de defender os intereses dos granadinos. Segundo precisou, o recurso presentouse de acordo á estratexia acordada polos gabinetes xurídicos das distintas institucións implicadas, que ademais do Concello son a Deputación, a Universidade de Granada e a Xunta de Andalucía.

Neste punto do proceso –no que agora o Tribunal Supremo deberá decidir se admite a trámite o recurso– non se solicitou a adopción de medidas cautelares, como podería ser a suspensión cautelar da designación da Coruña como sede física da Aesia. Calvo explicou que, “de forma maioritaria”, os gabinetes xurídicos consideraron que de momento non é necesario nin “imprescindible” pedilas, dado que se pode facer máis adiante sen que iso afecte o obxecto do recurso nin a unha posible revogación do acordo do Consello de Ministros.

“Cando no prazo de 20 días recibamos a documentación iranse dando os pasos pertinentes”, precisou o portavoz do equipo de goberno no Concello de Granada, quen lembrou que a decisión de presentar este recurso ante o Supremo xorde do acordado no Pacto por Granada, onde están as distintas institucións, así como o sector empresarial e os sindicatos. O asunto tamén se abordou na comisión correspondente e en pleno.

“Este é un goberno que cumpre, a prioridade é Granada e cando consideramos que levan a cabo decisións que afectan os intereses da cidade témolo claro”, abundou. En contraposición, opinou que “hoxe é un mal día para o PP”, ao que acusou de tentar “en todo momento sacar rédito político con algo que non é positivo para Granada” afeando que “estivesen expectantes” de que o goberno local dese “un paso a atrás” neste asunto.

“Non somos todos iguais, cando as prioridades se sitúan en Sevilla ou Madrid eles dobréganse e crense que este tipo de prácticas tamén se aplican no noso caso e é todo o contrario, mantemos o que dixemos; Granada é o primeiro e queremos coñecer os criterios” polos que se decidiu o emprazamento da Axencia Española de Supervisión de Intelixencia Artificial.

A Sala Terceira do Contencioso-Administrativo do Tribunal Supremo xa admitiu a trámite o pasado 25 de xaneiro un primeiro recurso por este asunto presentado pola Asociación Sociedade civil de Granada ‘Xuntos por Granada’ e requiriu ao Ministerio da Presidencia, Relacións coas Cortes e Memoria Democrática que remita no prazo “improrrogable” de 20 días o expediente administrativo completo.

Xunto a iso, o Alto Tribunal acordou a formación dunha peza separada de medidas cautelares, despois de que a asociación granadina solicitase a suspensión cautelar da designación da Coruña como sede da axencia ata que se resolva este procedemento.

Manuel Murguía: da orixe da RAG á bandeira galega

editor
-
0
Manuel Murguía: da orixe da RAG á bandeira galega

Arrincaron onte as xornadas que a Real Academia Galega organizan co gallo do centenario do pasamento do seu primeiro presidente, o escritor, historiador e político Manuel Murguía. Fíxoo cunha mesa redonda centrada na relación do homenaxeado coas institución As sesións teñen lugar co apoio económico da Xunta de Galicia e contan coa colaboración das devanditas entidades e do Concello da Coruña.
Uns encontros (que se poden en directo pola canle de Youtube da RAG)

«As Xornadas Manuel Murguía comezan o día do centenario do seu pasamento, que aconteceu o 2 de xaneiro de 1923. A RAG conmemora con elas a figura do seu fundador, pero a Murguía tamén lle debemos os alicerces históricos do galeguismo, así como símbolos da identidade galega», así arrincou a directora da Sección de Literatura, Marilar Aleixandreque dedicou as xornadas Xosé Ramón Barreiro (1936-2021), gran biógrafo de Murguía e que tamén foi presidente da RAG.
«O programa trata de revelar a pluralidade e a complexidade da súa figura e obra. Murguía foi o pensador que construíu o paradigma do celtismo e do rexionalismo, foi unha personalidade clave na institucionalización da cultura galega e desempeñou tamén un papel importante nas relacións coa colectividade galega en América. A súa é unha vida moi completa que merece ser rescatada e lanzada cara ao futuro, cómpre traer ao primeiro plano un Murguía complexo, diverso e fundamental», engadeu o director da Sección de
Historia, Ramón Villares.
Tras a inauguración, na que interviñeron o presidente da RAG, Víctor F. Freixanes, o secretario xeral de Política Lingüística, Valentín García, e Marilar Aleixandre, a académica correspondente Ana Romero Masiá abordou os precedentes da RAG. Deseguido o investigador Emilio Xosé Ínsua centrouse nos primeiros anos da Academia, sinalando os conflitos que viviu naquel momento, as limitacións que sufriu e tamén os logros. O académico Xosé Luís Axeitos analizará despois o ambiente político e cultural da Coruña na que se fundou a RAG e o deseñador Pepe Barro ofrecerá unha intervención sobre a bandeira galega.

Antecedentes, atrancos e logros dos primeiros pasos da RAG

En 1883 a creación da Sociedad de Folklore Gallego, con Emilia Pardo Bazán como presidenta. «A nova sociedade iniciou a súa actividade a partir de 1884, pero aos poucos anos foi esmorecendo por diversas razóns, de modo que en 1894 a xunta directiva, encabezada polo vicepresidente, o médico republicano Ramón Pérez Costales, en ausencia de Pardo Bazán, decidiu que Folklore Gallego cambiase o seu nome polo de Academia Gallega e que pasasen tanto os membros de Folklore como parte dos seus fondos á nova Academia», repasa a historiadora Ana Romero Masiá. Pero diversos problemas políticos e persoais entre os dirixentes máis destacados imposibilitaron que esta Academia se consolidase, de modo que sería preciso reiniciar as xestión que callarían na inauguración da actual Real Academia Galega no ano 1906.

A bandeira galega de Manuel Murguía e Rosalía de Castro

Pepe Barro presentará no encontro unha contribución sobre a bandeira de Galicia. O deseñador sostén, a partir de distintos documentos, que Murguía foi o creador do símbolo que chegou á actualidade. «Ao longo do Rexurdimento sentiuse a necesidade dunha bandeira galega. No século XIX estaba estendida a vaga idea de que era branca, quizais coa cruz de Santiago no seu centro.

En 1891, Manuel Murguía crea a bandeira galega coa banda azul transversal sobre fondo branco. Iso é o que indica un documento que sinala a Murguía e á súa filla Alexandra como autores da bandeira, con ocasión da encomenda dun estandarte para o Centro Galego da Habana en 1891. E outro documento de 1892 explica como é a bandeira do dito estandarte», detalla.
Pepe Barro asegura ademais que existe unha imaxe desas bandeiras que desfilaron na Habana no IV Centenario do descubrimento de América e que informacións algo posteriores (1898) remiten ao traslado dos restos de Rosalía a Bonaval como o acontecemento no que por primeira vez loce a bandeira galega, en maio de 1891.

Máis citas

O programa, coorganizado polas seccións de Historia e Literatura da Academia, arrincou na Fundación Luis Seoane da Coruña e continuará os xoves 9 e 16 de febreiro no paraninfo da Universidade de Santiago de Compostela e na Fundación Rosalía, na Casa da Matanza de Padrón.

O litoral de Galicia, unha competencia irrenunciable

Juan Díaz Villoslada
-
0
O litoral de Galicia, unha competencia irrenunciable

Unha nova ordenación do litoral de Galicia esixe o máximo esforzo de entendemento parlamentario para acordar unha lei que garanta un verdadeiro exercicio das competencias autonómicas na nosa extensa costa.

 

Aínda que se trata dun asunto clave para a nosa política autonómica que se ten debatido en anteriores ocasións pero sen resultados, asistimos desde o pasado verán de novo á discusión entre o Goberno central e a Xunta de Galicia acerca das competencias e a xestión dos usos do noso litoral.

Este debate intensificouse lóxicamente con motivo da recente exposición pública por parte do Gobierno autonómico do Anteproxecto de Lei de Ordenación do Litoral de Galicia, que tivo como base as propostas elaboradas polo Observatorio do Litoral da Universidade da Coruña e os ditames do Consello Consultivo de Galicia.

Coñecemento e competencia

“Galicia ten o coñecemento e as competencias para xestionar a súa costa”, titulaba unha recente entrevista ao catedrático da UDC, Javier Sanz Larruga, director do Observatorio do Litoral. E este pode ser o mellor resumo do debate. Coñecemento e competencia.

Coñecemento porque Galicia ten case 1.500 Km dunha intrincada e marabillosa costa (do total do 8.000 km da costa española), 73 municipios costeiros con case mil areais, nos que viven case un millón e medio de persoas (algo máis do 50% da poboación galega) e nos que se desenvolve unha potente industria vinculada ao mar que alcanza os 9.000 millóns de euros de valor global do sector en datos de 2019, un 5% do PIB Galicia, xerando 40.000 empregos directos e constituíndose así na cuarta actividade da nosa economía.

E competencia porque Galicia xa dispón do marco estatutario necesario para exercer atribucións e xestionar os usos e ocupacións no dominio público marítimo-terrestre. O artigo 27.3 do Estatuto de Autonomía xa recolle desde a súa aprobación a nosa competencia exclusiva en materia de ordenación do territorio e do litoral.

Os pronunciamentos do Tribunal Constitucional

Como xa ditaminou o propio Tribunal Constitucional, na súa sentenza 149/1991 sobre a Lei estatal de Costas de 1988, a titularidade estatal sobre o dominio público marítimo-terrestre (titularidade que non se discute agora) non é en si mesmo un criterio de delimitación competencial; desa titularidade emanan unha serie de facultades para o Estado susceptibles de condicionar ou modular as competencias autonómicas, cando tales competencias se despreguen no demanio público de titularidade estatal. Sinala así esta sentenza de clara que as leis non poden outorgar á Administración das Estado atribucións sobre actividades que se desenvolven no dominio natural sen respectar os ámbitos materiais que os estatutos de autonomía reservan ás súas respectivas Administracións, como é o caso do estatuto de Galicia.

Recentemente de novo pronunciouse o TC, na súa sentenza 18/2022, para concluír que a competencia sobre a xestión dos títulos de ocupación do dominio público marítimo-terrestre intégranse na competencia máis ampla de ordenación do litoral, de forma que a xestión dos
devanditos títulos non menoscaba a atribución (que non competencia) estatal sobre protección do litoral derivada do artigo 132.2 da Constitución.

Galicia conta ademais con competencias estatutarias, con distinto nivel de intensidade lexislativa ou de execución, sobre actividades e sectores que se desenvolven sobre a franxa costeira, en materia de portos, de ordenación do sector pesqueiro, marisqueiro e da acuicultura, de promoción e ordenación do turismo, de promoción do deporte, sobre verteduras ao litoral e, por suposto, en materia de urbanismo e protección do medio ambiente.

Unha ordenación integrada do litoral

A ordenación do litoral galego debe ordenarse, como acertadamente indica o anteproxecto de lei, desde un enfoque sistémico e integrado, contemplando todos os espazos de terra e mar que integran o litoral de Galicia cunha escala de ordenación axeitada, a autonómica.
Suxerir a necesaria modificación do noso Estatuto de Autonomía, mesmo a necesidade dunha lei orgánica de transferencia do Estado desta competencia a Galicia, poden ser argumentos para demorar calquera decisión ou para a mera confrontación política (lembremos a “eterna”
transferencia a Galicia da AP-9 aínda pendente). Fronte a constantes e recentes traspasos a outras comunidades históricas, Galicia non recibiu máis traspasos efectivos de competencias desde 2008, baixo a presidencia autonómica de Emilio Pérez Touriño. Desde aquel momento ata hoxe, nin Gobierno central nin Xunta de Galicia materializaron novas transferencias.

Pero o marco competencial, o bloque normativo de constitucionalidade na materia, é xa suficiente para que Galicia poida xestionar os usos e títulos de ocupación (ou de non ocupación) do noso litoral. O que si precisa Galicia é o verdadeiro recoñecemento do seu marco estatutario, a efectiva transferencia dos medios de Estado en materia de costas, como por outra banda xa acordou noutras Comunidades Autónomas.
Nin sequera faría así falta unha nova lei para facer efectivas competencias xa existentes, aínda que carentes de medios; con todo, unha nova lei que articule un tratamento máis integral do noso bordo litoral é unha oportunidade para un gran acordo político que reforza as nosas
capacidades para xestionar a costa galega, coas súas peculiaridades, actividades e riscos ambientais.

E isto non supón ningunha sorte de pretensión independentista, senón o efectivo respecto e cumprimento do marco de autogoberno do que actualmente goza Galicia.

  • Juan Díaz Villoslada. Ex concelleiro de Urbanismo e Mobilidade co PSdeG-PSOE.

Liberan a unha menor tras quedar a súa man atrapada no ascensor dun supermercado na Coruña

europapress
-
0
Liberan a unha menor tras quedar a súa man atrapada no ascensor dun supermercado na Coruña

Esta pasada tarde de xoves, despois das 19:00h, unha familiar dunha menor de idade chamaba ao 112 solicitando auxilio para unha nena que tiña a man atrapada no ascensor dun supermercado na rúa Agra do Orzán, na Coruña.

O CIA112 avisaba Urxencias Sanitarias de Galicia-061, os Bombeiros da Coruña, axentes da Policía Local e a Agrupación de Voluntarios de Protección Civil do municipio.

Unha vez no punto, os Bombeiros da localidade fixeron uso do seu material de excarceración para separar a porta do ascensor e liberar a man da nena, que foi finalmente trasladada polos servizos sanitarios.

1...406407408...464Page 407 of 464

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES