A vicepresidenta segunda do Goberno e candidata á Presidencia do Goberno por Sumar, Yolanda Díaz, elixiu Galicia para arrincar a campaña electoral e farao acompañada da ex alcaldesa de Barcelona, Ada Colau, coa que participará na tradicional pegada de carteis que dá o pistolezato de saída da carreira cara ás urnas.
Díaz, que compartirá dous actos de campaña coa líder de Podemos, Ione Belarra, así como tamén estará co coordinador federal de EU, Alberto Garzón, e a líder de máis Madrid, Mónica García, desprazarase deste xeito á cidade herculina que, xunto a Barcelona, foi unha dos concellos ‘do cambio’ en 2015, cando precisamente coincidiron no bastón de mando Ada Colau e o entón rexedor coruñés, Xulio Ferreiro. Ao día seguinte a candidatura de Sumar estará en Zaragoza, arroupada, entre outros, por dirixentes da Chunta.
Yolanda Díaz aposta así pola súa terra para iniciar dúas semanas nas que prevé percorrer boa parte da xeografía galega e faino nun das dúas prazas nas que estivo na campaña das municipais, A Coruña, onde nomes próximos a eles concorreron tamén nas municipais. Con todo, o 28M deixou fóra da corporación local ás dúas alternativas que se presentaron, por separado, de leste mesmo espazo político, aínda que ambas superaron o 4 por cento e achegáronse ao 5 que lles daría acceso a María Pita.
Convertiuse a cidade da Coruña nun escenario deportivo de primeiro nivel. Probas internacionais como a de halterofilia ou o triatlón combináronse á perfección co espectaculo ofrecido na enseada do Orzán na VII e VI Bandeira Cidade da Coruña de traiñeiras. Tratábase da primeira proba da competición de traiñeiras máis importante a nivel estatal, que reúne aos mellores equipos do territorio nacional.
20 equipos, 12 de categoría masculina e 8 de categoría feminina, participaron ao longo do domingo na vistosa proba, que fixo lucir a nosa península nas retransmisións en directo da TVG e a ETB. O paseo marítimo era un fervedoiro de xente vendo as carreiras
Na categoría feminina, denominada Euskotren Liga, levaron a bandeira as deportistas do Donostia Arrau Lagunak, por diante de Tolosaldea, e Donostiarra. Non puideron subir ao podio ás representantes galegas de SD Tirán Pereira, e Cabo da Cruz.
Pola súa banda, na categoría masculina, denominada Eusko Label Liga, gañou Zierbena Bahías de Bizkaia, superando a Hondarribia e Getaria.
María Casals e David Castro gañan o Campionato de España de tríatlon de distancia olímpica 2023
Maria Casals e David Castro na meta
Unha galega e un de Albacete foron os protagonistas da proba raíña. María Casals, da Cidade de Lugo Fluvial, e David Castro, do EQTR Rodacal Beyem, impuxéronse no Campionato de España de Tríatlon de Distancia Olímpica celebrado na Coruña.
A galega acadou o título elite feminino de campioa de España de Tríatlon na distancia olímpica cun tempo de 1:54:56 tras unha apaixonante remontada na que superou á outra gran protagonista da proba, Iratxe Arenal, do Náutico de Narón, que foi líder durante boa parte da carreira a pé.
A proba masculina tamén foi moi emocionante, con dous grupos que se xuntaron ao final do segmento ciclista no que estaban os principais favoritos, e o ataque de David Castro no inicio do tramo de carreira a pé que o español manchego mantería ata o final. para gañar cun tempo de 1:40:29. O segundo posto foi para Esteban Basanta, do Cidade de Lugo Fluvial, e terceiro o seu compañeiro Antonio Serrat, nun emocionante duelo final con Iván Gil, do Diablillos de Rivas VAS Cycling Boutique, polo podio.
Copa do Mundo de Paratriatlón A Coruña 2023
A representación española colleitou un bo número de medallas no Mundial de Paratriatlón A Coruña 2023, que abriu o ciclo puntuable para a clasificación para os Xogos Paralímpicos de París 2024. Na categoría masculina PTS2, o ouro foi para Lionel Morales, de España, por diante de Geoffrey. Wersy, de Francia, e Louis Rolfe, de Gran Bretaña.
No PTS2 feminino, vitoria da alemá Neele Ludwig, por diante do español Rakel Mateo.
Pho3nix Kids Triathlon Series de Javier Gómez Noya
A finde tamén tivo tempo que unhas 100 promesas desyte deporte competisen nesta proba que leva o nome do triatleta máis laureado da historia deste deporte. Gómez Noya non quixo perderse o evento e participou nel dando as saídas ás carreiras e entregando as medallas de finisher a cada participante na meta.
Campionatos Junior e Xuvenil
Sprint na proba Júnior Feminina
Os campionatos de España de Tríatlon das categorías Xuvenil e Junior pecharon o programa de competicións nacionais e internacionais para a fin de semana na Coruña cun espectáculo. As probas júnior tamén tiveron un final espectacular con dous sprints en categoría feminina e masculina, nos que se impuxeron Alejandra Seguí, do CEA Bétera, e José Ramón Jiménez, do Saltoki Trikideak. As vitorias nas categorías xuvenís foron para Cristina Jiménez-Orta, do Saltoki Trikideak; e Héctor Tolsá, do CEA Bétera. Todas as clasificacións da xornada e da fin de semana pódense consultar aquí.
Alejandra Seguí, do CEA Bétera, e Ana Gómez, do Tríatlon Villalba, protagonizaron un espectacular sprint na liña de meta, vencendo a valenciana para converterse en campioa de España júnior feminina cun tempo de 59:48. A terceira posición foi para Carla Martínez, de Diablillos de Rivas VAS Cycling Boutique.
José Ramón Jiménez, do Saltoki Trikideak, impúxose tamén ao sprint nunha pelexa pechada con Jesús Vela, da Peñota Dental Alusigma, marcando un tempo de 52:39; completando o podio individual masculino júnior Julen Andueza para o Saltoki Trikideak.
Na categoría xuvenil feminina a vitoria foi para Cristina Jiménez-Orta, do Saltoki Trikideak, cun tempo de 1:00:05, por diante de Miriam Zafra, do Capex; e Mara Novo, da Cidade de Lugo Fluvial. Por equipos, o Náutico de Narón fíxose co título, por diante do Cidade de Lugo Fluvial e do CEA Bétera.
A proba xuvenil masculina foi marcada por Héctor Tolsá, do CEA Bétera, por diante de Lucas García, do Cidade de Lugo Fluvial; e Alejandro López, de Prat Triatló 1994.
Un home acusado de acoitelar na cara a outro nunha rúa da Coruña aceptou unha pena de tres anos de prisión, sustituibles pola súa expulsión do territorio nacional durante oito anos, no xuízo fixado para este luns na sección primeira da Audiencia Provincial coruñesa.
Fíxoo tras un acordo entre Fiscalía e defensa ao recoñecer o feitos o procesado e acordarse unha rebaixa da pena que o procesado aceptou por un delito de lesións con deformidade. En concreto, os feitos remóntanse á noite do 15 de outubro de 2020, cando o acusado se atopaba na Avenida de Finisterre da Coruña.
Por razóns que non constan, encarouse coa vítima, ao que coñecía de vista, forcexeou con el e ambos caeron ao chan. Unha vez alí, o acusado sacou unha navalla de oito centímetros de folla, coa que cortou na cara ao outro home.
Como consecuencia, produciulle tres feridas na cara, a máis grande delas de 12 centímetros, que lle deixaron secuelas visibles.
A Coruña convertiuse en escenario de probas internacionais de renome, como a Bandeira de Traiñeiras, ou o Triatlón. Unha delas foi o XXVI Trofeo Internacional de Halterofilia Cidade da Coruña, que xuntou atletas de 6 nacionalidades (Dinamarca, Alemaña, Hungría, Portugal e Reino Unido, ademais dunha selección galega e española) no polideportivo municipal dos Rosales.
Un dos grandes protagonistas foi o galego Víctor Castro, do Club Halterofilia Coruña, que se fixo co ouro na categoría masculina seguido do portugués Miguel Portasio, segundo posto; e de Martín Liste, tamén do Club de Halterofilia Coruña, que obtivo a medalla de bronce.
Pola súa banda, a portuguesa Eduarda Morais, foi a gañadora da categoría feminina, seguida das coruñesas Irene Blanco, da Selección Galega A, que obtivo a medalla de plata; e Ruth Fuentefría no terceiro posto, do Club de Halterofilia Coruña.
No canto dos equipos mixtos, o Club Halterofilia Coruña gañou o primeiro premio do XXVI
Trofeo Internacional de Halterofilia Cidade da Coruña. O equipo Galicia A obtivo o segundo
premio e Dinamarca, o terceiro posto. Nesta edición participaron un total de 36 deportistas.
Un home resultou ferido ao golpearse nas costelas tras rescatar aos seus netos dunha lancha a remos que ía á deriva na Prata de Arnela Grande, en Sada.
Segundo informou o CIAE 112 Galicia, o suceso ocorreu este domingo sobre as 19,00 horas, momento no que o 112 Galicia recibiu chamadas de auxilio para tratar de axudar aos mozos, que eran incapaces de volver a terra.
Para iso, mobilizáronse os servizos Salvamento Marítimo, a Garda Civil, o Servizo Municipal de Protección Civil de Sada e Protección Civil de Bergondo cunha zódiac.
Con todo, o pai dos mozos, xunto co avó, lograron achegarse á lancha a remos cunha embarcación particular. Foi, precisamente, durante este rescate cando o señor se golpeou nas costelas, polo que necesitou máis tarde asistencia médica. Por iso, interviñeron tamén os profesionais de Urxencias Sanitarias de Galicia-061 e os axentes da Policía Local
Non houbo case sorpresas na asignación de áreas de traballo dentro de novo goberno municipal. José Manuel Lage segue a ser o home forte, desempeñando tamén o papel de eminencia gris dentro do Concello, dada a súa condición de segredario de organización do PSdG-PSOE. As competencias das que dispuña no anterior mandato foron ampliadas, principalmente as relacionadas coa cuestión urbanística. O tándem Inés Rey-José Manuel Lage parecen querer asegurarse de que ninguén lles fará sombra dentro do seu xardín municipal, evitando reproducir outro caso como a renuncia de Juan Díaz Villoslada no curso do mandato anterior. Para elo, confían na súa propia capacidade política para orientar o futuro da cidade, dotándose dun equipo monocolor.
A segunda consideración é sobre a asunción da responsabilidade dos barrios por parte da alcaldesa. Polo que se vai anticipando, o obxetivo é que os movementos sociais teñan unhas canles de trasmisión das aspiracións veciñais directamente coa alcaldía, sen intermediarios, que a miúdo converten en máis complexa esas relacións. A excesiva burocracia é, precisamente, unha das acusacións máis severas que se fan moitas veces da xestión municipal. A este respecto, bótase de menos un regulamento que posibilite a participación efectiva da veciñanza a través das súas organizacións representativas. Cabe indicar que a participación veciñal foi dende a primeira corporación democrática unha especie de sono inacabado. I é que participación é un concepto equívoco, do que se abusa constantemente nos períodos electorales, confundindo os fins que se pretenden, mais que as boas intencións derrúbanse coa entrada no Concello.
Dentro deste contexto, un dos exemplos máis reveladores foi a aprobación en 1981 dun Regulamento de Participación Cidadá, considerado polos analistas do momento, como exemplar no conxunto de España. Con José Manuel Rey Pichel, concelleiro de Relacións Cidadáns, presidindo as reunións, aprobouse un texto que articulaba o dereito da iniciativa popular, creaba os consellos territoriais e sectoriais en áreas como sanidade, ensino, cultura, deportes e urbanismo, facilitaba a presenza das asociacións representativas nas comisións municipais e permanentes, previa solicitude, ao tempo que contemplaba a posibilidade do referendo e a consulta popular para asuntos trascendentais. Igualmente, regulaba a participación das asociacións veciñais nas festas dos barrios, así como a recepción das actas dos temas a tratar nos plenos e permanentes, antes de que se celebraran. A Xunta anulara os artigos referidos ao referendo e a consulta popular, mais malia todo, o texto adquiriu un prestixio definitorio, mesmo fora da cidade. Unha das primeiras decisións adoptadas por Paco Vázquez foi eliminar un regulamento do que 42 anos despois hai que recoñecer o esforzó e ata a valentía que supuso aquel primeiro paso nun diálogo sobre algo que resultaba tabú despois de corenta anos de soportar unha corporación franquista.
Ben, todo isto é historia pasada, e o seu recordatorio apenas serve de lección nada máis que para quen a vivimos. Mais que a alcaldesa asuma en primeira persoa as relacións cos barrios pode ser un ponto de partida axeitado para abrir un espazo de reflexión e debate entre o conxunto dos movementos sociais que permita desenvolver as súas reivindicacións de xeito máis axil e eficaz. Eu seguirei esperanzado pola elemental inxenuidade de supoñer que aínda é posíbel facer un Regulamento de Participación Cidadá na Coruña.
Ricardo Vales é expresidente da Asociación Veciñal de Atochas-Monte Alto e Responsábel de Comunicación da Plataforma Cívica Defensa do Común.
Algas sobre a area e as rochas, recendo a mar e xente aproveitando a marea para recoller ameixas ou mollar os pés na auga salgada. Inmersos na actividade cotiá desta praia perdida, alleos á beleza do momento que están a vivir. Se os trasladásemos directamente ó noso tempo, pode que tivesen que esquivar algunha bola de pádel ou tentar seguirlle o ritmo á clase de zumba. Pero aínda non.
Ó lonxe intúese a liña branca de edificios acristalados da Pescadería, a liña negra da vexetación dos xardíns e diante os almacéns do porto. E no centro da imaxe, case pegadas á praia, emerxen por riba das murallas da Cidade Alta dúas robustasedificicacións. Vemos a fachada traseira do Pazo de Capitanía, caleada e rematada con miradores de galería. Á súa esquerda, no centro da imaxe, pendurado literalmente das murallas, o Cárcere Real. Entre os dous, ademais dun anaco da Casa Gótica, pódese apreciar un pequeno muro branco con tellado, unindo os dous edificios. Dous edificios ligados entre si dende sempre pola súa función.
En Capitanía residía o Capitán Xeral do Reino de Galicia, no lado dereito. A metade esquerda do edificio estaba reservada para a Audiencia Real, máximo tribunal galego, institución precursora do actual Tribunal Superior de Xustiza de Galicia. O Capitán non só era a principal figura mililtar en Galicia, tamén era o principal maxistrado da Audiencia. E esta Audiencia tiña ó seu carón un presidio. Esa estrutura que conectaba os dous edificios era un pasadizo elevado e cuberto para trasladar ós presos directamente das salas do tribunal ós calabozos, sen saír á rúa.
O edificio do penal ergueuse a mediados do século XVIII e cumpriu coa súa tristefunción ata a inauguración do novo presidio na zona da Torre de Hércules, en 1927. Ó ano seguinte derrubaráse, cousa que non pareceu mal ó historiador Carré Aldao quen falaba do caserón coma “sórdido e lóbrego, que atristura o ánimo”. Din que as mazmorras, na pranta inferior, quedaban baixo o nivel do mar na marea alta, e que seus muros zumegaban salitre. Xa en 1886 o historiador Rey Escariz comentaba que “aínda que sólido, o edificio non reúne as condicións necesarias para esta clase de establecementos” e solicita outro á altura dos adiantos da época. Habería que agardar corenta anos máis.
Descoñezo quen foi o fotógrafo que nos permitiu ollar atrás ata ese momento, pero captou a estraña fotoxenia deste edificio, potenciada neste caso co espectacular reflexo na auga do mar. É difícil explicar como pode protagonizar unha imaxe tan bonita un edificio con tan escura historia.
Fernando Campos. Coruñés ata a médula e fanático da Historia, sobre todo se esa Historia é coruñesa. Máis de quince anos impartindo obradoiros culturais coma “Un paseo pola cidade”, “Personaxes da cidade” ou “ A Cidade Perdida” no Fórum Metropolitano e no Centro Ágora.
O Ministerio Fiscal pide cinco anos de cárcere para un home acusado de acoitelar na cara a outro nunha rúa da Coruña. A Audiencia Provincial acollerá a vista este luns, día 3. En concreto, segundo o escrito de acusación, os feitos remóntanse á noite do 15 de outubro de 2020, cando o acusado se atopaba na Avenida de Finisterre da Coruña.
Por razóns que non constan, encarouse coa vítima, ao que coñecía de vista, forcexeou con el e ambos caeron ao chan. Unha vez alí, o acusado sacou unha navalla de oito centímetros de folla, coa que cortou na cara ao outro home. Como consecuencia, produciulle tres feridas na cara, a máis grande delas de 12 centímetros, que lle deixaron secuelas visibles.
O fiscal considera os feitos constitutivos dun delito de lesións e pide para o acusado cinco anos de prisión, sustituibles pola súa expulsión do territorio nacional durante 10 anos. Tamén reclama que indemnice á vítima con 17.000 euros.
A Audiencia Provincial da Coruña xulgará este martes, día 4, a un matrimonio de Oleiros acusado de estafar 87.000 euros a unha persoa coa venda ficticia dun piso, un caso no que tamén está implicado o seu fillo.
En concreto, segundo o escrito de acusación fiscal, o matrimonio eran os únicos socios dunha sociedade mercantil a través da cal se realizou, en febreiro de 2001, un contrato de opción de compra dun inmoble en Arteixo a un veciño que, en total, entregou 87.146,76 euros, 14 millóns e medio das antigas pesetas.
Unha vez obtido o diñeiro por ese piso, o fillo dos procesados solicitou á vítima que “cedese o piso obxecto do contrato” para “poder entregarllo a unhas persoas que se atopaban en situación de gran necesidade”. A cambio, díxolle, “entregaríalle outro inmoble” e, a maiores, outra praza de aparcadoiro, e devolveríalle 36.000 euros.
A vítima aceptou, crendo a palabra do home. Con todo, esta transacción non se produciu, nin lle entregaron cantidade económica algunha. Por iso, o Ministerio Público considera os feitos constitutivos dun delito de estafa ou, alternativamente, dun delito de apropiación indebida, e pide para cada un deles dous anos de prisión, así como a devolución do diñeiro.
