Un camión de grandes dimensións, e dedicado ao transporte de vehículos, provocou un colapso de tráfico no centro da Coruña ao quedar atrancado mentres realizaba unha manobra. Fontes municipais consultadas por Europa Press informaron que, sobre as 11:10 horas, o tráiler portacoches “quedou bloqueado” no tramo final da rúa Juan Flórez.
En concreto, o incidente rexistrouse á altura da Falperra, debido a que o seu condutor “se confundiu de ruta” e quixo rectificar a súa dirección. Ás 12:15 horas, precisaron, o incidente quedou “resolto” tras saír o vehículo “marcha atrás” ata poder incorporarse á avenida de Alfonso Molina.
#Coruña – Caos de tráfico 🚙🚗 en Juan Flórez con la Falperra por un camión 🚛 atascado. Varios carriles cortados ⛔
Boas novas para o audiovisual galego. O coruñés Cristóbal Añón acaba de colocar a súa primeira obra na final do Festival de curtas “Rodando en donde puedas”, convocado por el Conseyu de Xixón. O director herculino realizou o proxecto como Traballo de Fin de Grao da carreira Comunicación Audiovisual na Universidade de A Coruña, e os seus profesores calificaron a obra cun 10.
Somnia será a única curta en galego que participe no festival, dando conta da importancia de espallar a nosa lingua polo resto do estado. Ademais, o feito de ser un thriller psicolóxico feito polas novas xeracións do noso audiovisual fai que sexa un atractivo máis para que a ligue maride coa mocidade. “Creo que é moi importante crear contidos audiovisuais en galego e dalos a coñecer ao mundo, xa que aquí tamén hai boas ideas e talento”, apúranos Cristóbal.
A curta xa está en fase de distribución.
Votacións
A xente poderá votar á curta galega, dende as 14:00h deste venres 27 ata ás 14:00h luns 30 de setembro, en cmx.es.
Residente en Cambre, Cristóbal Añón naceu en Suiza como moitas familias da terras de Soneira (a súa familia é de Carnés, Vimianzo). Na carreira uníu forzas con outras compañeiras para sacar adiante este proxecto: Xian García (Diseño de producción), Mar Diaz (Produción), Marta Rodriguez (Directora de Foto) complentan o elenco de creadores que rodaron en escenarios Cambre, Cerceda e Oleiros.
Sinopse
Nesta ficción contan a historia de Marga, “unha psicóloga obsesionada polos problemas dos seus doentes e que a somerxen nunha viaxe cara os abismos da súa propia mente, onde os límites entre a realidade e os soños se desdebuxan. A obsesión lévanos a deixar de distinguir certas realidades e a encontrar similitudes onde non as hai. En “Somnia” cóntase como o subconsciente nos pode conducir ao límite e a reordear as nosas prioridades, buscando tapar aquelas feridas que están sen cicatrizar”, explicanos Añón.
Esta fin de semana o peirao de Batería acolle o festival Noites do Porto, cos concertos de Delaossa, Baiuca e Carlangas como grandes reclamos. Pero é que este ano, o festival promovido por Masgalicia e moi respaldado polas administracións, quixo extendelo implicando ás salas e nos bares da cidade.
A primeira parte da semana transcorreu no pequeno Jazz Filloa. Un dos espazos máis míticos da música coruñesa, acollía dúas citas. O luns eran Alina Bzhezhinska & Tony Kofi Duo os que homenaxeaban a Pharoah Sanders. A arpista ucraína, ao comezo da primeira actuación e tras unha breve presentación musical, agradeceu aos asistentes a súa presenza “por xerar un ambiente tan especial nun recinto tan ‘chulo’ con 44 anos de historia”, como é o Jazz Filloa.
Para pechar, Alina e Tony sorprenderon ao público interpretando After The Rain, de John Coltrane, para celebrar que este luns día 23 o recoñecido artista estadounidense celebrase o seu 98 aniversario.
O martes, coas entradas agotadas rapidamente, o jazz deu paso ao flamenco coa cordobesa Rocío Luna, aclamada como “a nova perla do flamenco” entre a crítica especializada, que chegou acompañada do guitarrista Francis Gómez.
A pasada noite de mércores o festival desprazouse a outra das salas importantes da cidade, o Garufa. Abría a xornada o mítico cantautor e bluesman herculino Néstor Pardo, cun concerto, en solitario pero entre amigos que enchían a sala, de blues crú, que remataba a contracorrente cunha rancheira adicada á Coruña máis cascarilleira.
A bomba chegou con La Perra Blanco. Menuda guitarrista pasou por Coruña. A gaditana puxo a bailar a toda a sala co seu rockabilly tremendamente cañeiro, e cunha pose e unha entrega dignas de auténtica rockstar. Acompañada por Jesús Vázquez, se cadra o mellor batería de rockabilly de España; Ivan Kovaceciv, o contrabaixista serbio que substituía ao habitual Guillermo González; e Gerart Vercher, con espectaculares aparicións ao saxo e aos teclados, teñen un “produtazo” para incendiar cada sala do estado e para levantar calquera festival.
A corda rota da guitarra da artista e o baile do tupé do contrabaixista deron boa conta da candela que se viviu na sala.
A cervexería Malte da Praza das Atochas acollerá este xoves outra xornada de ‘Noites nos Bares’, un programa posto en marcha este ano por Noites do Porto que dá continuidade á actividade musical e a expande polos locais de hostalería da cidade a través de sesións de DJ. A partir das 23:00 horas, o público poderá gozar de DJ Marcus Harris, residente no White Heat Club de Londres, con acceso gratuito ata completr aforo.
Tamén toca esta noite unha das bandas sensación do momento, Alcalá Norte na Garufa, pero as entradas levan agotadas meses. A viguesa La Toñi será a teloneira cunha proposta que se move entre o indie sleaze e o electropop.
Venres de sala e Batería
O venres estréase o peirao nas Noites do Porto. Pola noite, o peirao de Batería acollerá o debut na Coruña dunha das voces máis destacadas do panorama rap, Delaossa.
E paralelamente, a sala Inn Club será o escenario no que Bala, que publica o videoclip de Ouveo, presentará por primeira vez, en directo e en directo, o seu último LP: Besta.
Ademais, a A Barbería (Orzán, 15) acollerá tamén o venres unha nova xornada de ‘Noites nos Bares’. A partir da medianoite, o público poderá gozar dunha sesión do máis ecléctica e bailable grazas aos vinilos da británica Melanie Xulu (fundadora e editora da revista de arte e música psicodélica MOOF) e Sofia of Africa. acceso será gratuíto ata completar aforo;
Sábado de peirao
Batería acolle a xornada central do festival, coa visita de Baiuca e Carlangas y Los Cubatas.
As sesións sabatinas das Noites nos Bares serán en horario vermú en La Mar Salada, e pola noite no Bristol, con Jeff Higgins.
Domingo, peche na Mardi
E para a xornada de peche, o festival aposta pola Sala Mardigras, que recibirá a Bernard Butler.
Segundo estimacións do sindicato, víronse afectados uns 500 viaxeiros, xa que se trata dun dos servizos de hora punta.
O tren non saíu “ao non presentarse parte da tripulación de abordo”, que secundou o paro. Pola lexislación vixente en tema de folga, non está permitido establecer servizos alternativos para estes casos. Renfe informou por mensaxe aos pasaxeiros con billete e tamén intensificou os anuncios por megafonía.
A Policía Nacional detivo na Coruña a unha muller como autora dun roubo con violencia producido o pasado 13 de setembro en cálea Marqués de Amboage. Tal e como informou a Policía, a vítima, unha muller de avanzada idade, camiñaba pola rúa axudada da súa andador. Nese momento, unha muller achegóuselle por detrás e empuxouna, o que provocou que caese ao chan e recibise un golpe na cabeza.
Coa vítima nesta situación, a ladroa aproveitou para levar o seu bolso sen que puidese opor resistencia e fuxiu correndo. A vítima, debido á violencia exercida sobre ela, sufriu contusións e feridas polas que foi asistida médicamente.
Desde ese momento, o Grupo de Policía Xudicial do Distrito Norte da cidade herculina iniciou unha investigación que levou á identificación da autora dos feitos. Finalmente, foi detida o día 23 de setembro por un delito de roubo con violencia e posta a disposición xudicial. Tras iso, a Autoridade Xudicial ordenou o seu ingreso en prisión.
Un home resultou ferido este venres tras chocar o vehículo no que circulaba pola estrada DP-2101, ao seu paso polo municipio coruñés de Carral, contra unha árbore.
Segundo informou o 112 Galicia, a central de emerxencias tivo constancia deste sinistro a través do aviso automático dun teléfono móbil. Así, os xestores lograron contactar co seu propietario, que explicou que acababa de saírse da vía co seu coche á altura da parroquia de Beira.
Ademais, na súa comunicación, o ferido sinalaba que era incapaz de abrir as portas, xa que se atopaban bloqueadas despois de chocar contra unha árbore situada na marxe da estrada. Así mesmo, o condutor afirmou que o accidente se produciu tras sufrir unha indisposición mentres circulaba.
Con todos estes datos, os operadores do 112 mobilizaron aos profesionais do Servizo de Urxencias Sanitarias de Galicia-061, á Garda Civil de Tráfico e ao Servizo Municipal e Agrupación de Voluntarios de Protección Civil. Posteriormente, os servizos sanitarios trasladárono ao Complexo Hospitalario Universitario da Coruña (CHUAC) en ambulancia, aínda que o seu estado non reviste gravidade.
O Subsector de Tráfico da Garda Civil da Coruña investigou a un condutor que circulou en sentido contrario pola autoestrada A-6, entre os puntos quilométricos 548,900 e 564, que discorren entre os municipios coruñeses de Aranga e Coirós. En concreto, circulaba sentido Madrid polos carrís destinados ao tráfico sentido Arteixo.
Segundo informou o Instituto Armado, foi un garda civil do Subsector de Tráfico de Lugo que se atopaba fóra de servizo e que circulaba pola mesma vía quen deu a voz de alarma e activouse o protocolo existente para estas incidencias e foron alertadas as patrullas en servizo.
Así, tras 15 quilómetros circulando en sentido contrario, foi detido polos compoñentes dunha patrulla do destacamento de Tráfico da Coruña. Os axentes comprobaron ante as respostas dadas ás preguntas realizadas que o condutor e único ocupante do vehículo, un home de 61 anos, presentaba unha evidente deterioración cognitiva, polo que será proposto para un recoñecemento médico extraordinario para a valoración das súas condicións psicofísicas.
A Garda Civil procedeu á investigación desta persoa como presunto autor dun delito de condución temeraria agravado, enfrontándose a penas de prisión de dúas a cinco anos, multa de 12 a 24 meses e privación do dereito a conducir vehículos a motor ou ciclomotores de seis a 10 anos en caso de ser condenado.
Unha trintena de rexedoras participarán o día 1 na Coruña no II Encontro de Alcaldesas, segundo informa o consistorio, que avanza que se celebrará baixo o lema ‘Tomando decisións para cambiar o mundo’. Con iso, darase continuidade ao encontro posto en marcha no pasado mandato “co obxectivo de fomentar o liderado das mulleres en política e reflexionar sobre o papel das mulleres no poder municipal“.
O encontro, aberto á cidadanía, terá lugar a partir das 16.15 horas no Palacio de Congresos e Exposicións (Palexco) cunha apertura institucional “a cargo da alcaldesa, Inés Rey, coa Consellería de Política Social e Igualdade da Xunta e a vicepresidenta primeira e ministra de Facenda, María Jesús Montero”. Posteriormente, haberá dúas mesas redondas. Unha primeira baixo o título ‘Mulleres no poder local: novas políticas nas axendas do cambio’ e outra sobre ‘A cidade das mulleres: traballando desde o espazo urbano para a innovación local’, coa participación de alcaldesas.
”Labañou aberta ao mar” reza, dende hai anos, unha pequena pintada nunha caixa eléctrica en pleno paseo marítimo, debaixo dun campeiro que fica esquecido, esperando polo cemento.
Calquera día, a Xunta de Goberno Local anunciará na letra pequena a aprobación do proxecto das Percebeiras. Outro novo vello proxecto de hai máis de 20 anos, que o goberno socialista intenta sacar adiante nesta leexislatura por mor da súa incongruente política urbanística (patente é a contradición coas estratexias de sustentabilidade e mobilidade), na cidade das 20.000 vivendas baleiras.
O proxecto das Percebeiras, que promove Metrovacesa (tamén implicada nos delirios de Visma e Castrillón), é calificado como “despropósito urbanístico” por diferentes entidades sociais, pero segue avanzando na súa tramitación, a través do chamado plan especial de Labañou.
A parcela verde afectada polo proxecto, visto dende Monte Alto
Polo de pronto, as últimas novidades é que o proxecto está paralizado, e que nada se mudou desde que se levou á Xunta de Goberno Local o mandato pasado, despois de pasar o trámite de Avaliación Ambiental Estratéxica e cun informe de Costas moi escueto, pero que complica a execución do Plan Especial das Percebeiras.
Tras moitas leas, varios procesos de participación en clave de lavado de imaxe, a presión veciñal conseguíu eliminar o “mamotreto”, como coñecían á torre de 20 pisos, quedando a día de hoxe un proxecto formulado con 8 grandes bloques de 8 alturas, que crearán un total de 400 vivendas (certo que neste caso a porcentaxe de protección oficial sobe ata o 40%). O proxecto inclúe tamén a construción dun túnel de 180 metros que unirá a parte baixa dos Rosais co paseo marítimo.
O último proxecto feito público por Metrovacesa
Se ben o movemento veciñal está algo paralizado, a veciñanza, que leva anos pedindo espazos públicos na zona, lamenta que a urbanización vaia ser un claro muro que separe do mar un barrio que sempre foi salgado. E non só polas vistas.
A alcaldesa da Coruña, Inés Rey, cualificou de “tertuliano de programas lixo” ao portavoz do grupo municipal do PP no Concello herculino, Miguel Lorenzo, despois de que este acusásea de “abdicar” as súas responsabilidades no concelleiro de Economía, José Manuel Lage.
Lorenzo referiuse con iso ao decreto asinado pola rexedora en relación ás competencias que asumirá o tamén portavoz do goberno local en relación a proxectos estratéxicos da cidade.
A preguntas dos xornalistas, a rexedora socialista ironizou coas manifestacións do edil do PP. “Grazas por darme a consideración de alteza real, vou seguir sendo alcaldesa”, expuxo para recalcar que os cidadáns poden estar “tranquilos”.
“Hai alcaldesa para longo, con moitas ideas e moitos proxectos”, sentenciou para incidir en que ten “un modelo de cidade” e que a firma do decreto obedece á “reorganización do goberno” e aos proxectos que afectan “a varias áreas e necesitaban dunha organización a nivel interno”. Ademais, cualificou com “algo habitual” os decretos.
Por outra banda, lamentou o posicionamento do edil do PP. “Esperábame máis del, converteuse nun tertuliano de programas lixo, iso evidencia que non ten un modelo de cidade e ningunha idea que achegar”, apostilou.
