O Palacio de Exposicións e Congresos da Coruña (Palexco) acollerá o 21 de marzo a segunda edición da cea de gala ‘Xanela Solidaria’ en beneficio de persoas afectadas pola Esclerose Lateral Amiotrófica (ELA) e a asociación Agaela, co obxectivo de reunir fondos para proporcionar apoio integral aos afectados e as súas familias.
Segundo informa a organización, este evento enfocarase en recadar fondos para proporcionar servizos de psicoloxía especializados para persoas con ELA e os seus coidadores principais. A ELA, apunta, é unha enfermidade que impacta significativamente na vida de quen a padecen, “cun estimado de tres novos casos diagnosticados e tres falecementos diarios en España”.
A gala contará con actividades deseñadas para recadar fondos, un posto que porá a asociación Agaela, un sorteo de agasallos, e música en directo. Os fondos recadados destinaranse a custear un proxecto para proporcionar aos pacientes, “apoio psicolóxico e emocional necesario desde o diagnóstico ata a fase final da vida, realizando avaliacións psicolóxicas clínicas e facilitando a comprensión e manexo da enfermidade”.
O grupo mexicano ‘Los Tigres do Norte‘ anunciaron que tras 14 anos sen visitar España, farán unha xira europea en 2024 na que hai 5 datas nas cidades de Madrid, A Coruña, Barcelona, Bilbao e Pamplona. Así, o 4 de abril actuarán no Wizink Center de Madrid; o 5 de abril no Coliseum da Coruña; o 7 de abril en Auditori Forum, Guitar BCN de Barcelona; o 12 de abril no Bilbao Area; e o 13 do mesmo mes, en Navarra Area.
As entradas, que están dispoñibles en SeeTickets, wizinkcenter.es, ataquilla.com, www.guitarbcn.com e navarrarena.com, xa están á venda. ‘Los Tigres del Norte’ naceron no ano 1968 en Rosa Morada, no estado mexicano de Sinaloa, e desde entón, a banda formada por curmáns e irmáns da familia Hernández Angulo gravaron máis de 55 álbums con máis de 700 cancións, das cales venderon ao redor de 30 millóns de copias e foron galardoados con 7 Premios Grammy e outros 7 Latin Grammy.
O Teatro Colón acollerá o 16 de marzo a gala dos premios culturais da Deputación da Coruña, un evento que terá lugar a partir das 19.00 horas. A deputada de Cultura, Natividade González; a condutora da gala, a actriz Sabela Arán e Lucía Aldao, de Aldaolado, o proxecto músical e de poesía escénica que comparte con María Lado, presentaron a gala.
A música das Aldaolado soará na cerimonia de entrega, na que tamén actuará Satélite Salitre, un dos que recollerán o premio esa noite como gañador do concurso Fran Pérez ‘Narf’. Por outra banda, a Deputación da Coruña publica este luns no Boletín Oficial da Provincia (BOP) a concesión provisional das subvencións dirixidas a entidades sen fin de lucro para o mantemento de programas e servizos en materia de servizos sociais para este ano, cun investimento de algo máis de 884.000 euros. As axudas chegarán a 67 entidades.
O Concello da Coruña inaugurou este luns unha mostra que recolle o legado do arquitecto galego Antonio Palacios e que estará aberta ás visitas na sala municipal de mostras do Palacio de Congresos e Exposicións (Palexco). Na inauguración, o concelleiro de Urbanismo, Vivenda e Rehabilitación, Francisco Díaz Galego, puxo en valor a traxectoria de Palacios.
Del, dixo que “mostra a súa preocupación polo urbanismo das nosas cidades e vilas, tamén por un estilo arquitectónico propio, acorde coa nosa cultura”. A mostra chega á Coruña grazas a un convenio existente entre o Concello e a Fundación Arquitectura COAM para exhibir na cidade exposicións de interese nacional no ámbito da arquitectura.
Mentres, na Coruña, a concentración realizouse nas inmediacións do Obelisco e incluíuse tamén neste acto mención a Yoel Quispe, nova asasinado na Coruña o 24 de decembro de 2023, con cánticos como A Policía mata xente cada día’, ‘As vidas negras tamén importan’ ou ‘Na esquerda e na dereita hai racismo estrutural’.
Imaxe da concentración desta mañá de domingo no Obelisto-Foto-SOSRacismo
A entidade SOS Racismo considera a morte de Henry Casimiro un “asasinato racista”, a pesar de que a policía declarou que era un home violento, “sen enunciar o racismo sistemático que concluíu co asasinato dun home negro cun trastorno psiquiátrico diagnosticado”, insisten desde a asociación.
Así, cre que a actuación da policía foi “absolutamente desproporcionada”, ao tratarse de “un home só, sen outros civís aos que danar, nun polígono apartado, fronte a unha patrulla policial” e inciden en que “non é casualidade que as actuacións máis violentas dos corpos de seguridade sexan cara a persoas negras, racializadas, migrantes e xitanas”.
Por iso, denuncia que os acontecementos “forman parte da armazón institucional e policial de supremacía branca, racista e colonial, no que as detencións por perfilamiento racial son diarias”, así como as medidas migratorias impostas pola Unión Europea, pois pensan que “ser migrante e racializado neste territorio segue estando criminalizado”.
Por último, sinala que o movemento estadounidense ‘Black Lives Matter’ tamén é unha realidade en España, e esixen “xustiza para a familia de Henry, responsabilidade política e institucional e que se abra unha investigación a fondo que aclare o sucedido”. De non aclararse, reprocha, podería sentar “un precedente terrible de impunidade”.
“Seguiremos esixindo xustiza para Henry e a súa familia, para cada unha das vidas negras, xitanas, migrantes e racializadas. Porque non seguiremos permitindo que estas barbaridades sobre as nosas corporalidades queden impunes. Porque todes aquí sabemos que se fose branco sería noticia nacional”, conclúe o manifesto lido pola entidade nesta xornada.
Imaxe do altar a Yoel Quispe que hai na rúa Sinfónica de Galicia
O navegante Philippe Delamare é o flamante gañador da Global Solo Challenge, unha esixente proba marítima consistente en dar a volta ao mundo a vela. Unha proba cun gran prestixio internacional e que ten o seu final no porto da Coruña. E a pesar diso, e da súa sona entre mariños de todo o mundo, non había ningún representante público, nin do Concello, nin da Xunta de Galicia para recibilo. Tampouco medios de comunicación galegos para recoller esta xesta.
Pero Philippe non estivo só a súa chegada á Coruña. Alí o agardaban multitude de amigos de varias partes do mundo e a súa familia, que tamén veu expresamente de Francia, así como xornalistas deste país e numerosos navegantes galegos, entre eles, a mariña e deportista Maite Rojo.
Philippe Delamare, ten 61 anos que fixo o 27 de xaneiro en plena travesía. É un navegante experimentado e capitán de veleiros. Esta é a primera circunnavegación do francés e a súa primeira participación nunha proba deste estilo na que pulverizará o rexistro dos seus compañeiros e compañeiras de competición. Finaliza esta xesta en menos de cinco meses. Partiu co seu veleiro Mowgli o 30 de setembro do pasado ano e chega unha semana antes que a estadonidense Cole Brauer, a bordo do First Light, que ten previsto atracar na Coruña a principios de marzo.
Temporal co que estivo navegando o navegante Philippe Delamare no Global Solo Challenge
NOITE COMPLICADA
A noite foi moi complicada. Tivo que facer fronte a ondas de nove metros polo forte temporal que se rexistra en Galicia e que o tiraban para a Costa da Morta. Sobre as 02.00 horas da madrugada conseguiu endereitar o rumbo xa que, de ser empurrado polo vento e as ondas, tería que atracar noutro porto. E todo foi feito a vela, xa que está prohibido poñer o motor.
“É incríble. Aínda non creo que estea aquí”, asegurou Philippe en porto tras recoñecer que leva varios días con moi mal tempo ata chegar a coruña. “O melllor momento desta experiencia é estar aquí“, di en declaracións en exclusiva a Xornal da Coruña.
Hai tres puntos míticos nunha volta ao mundo no mar; o cabo de Boa Esperanza, en Sudáfrica; o Cabo Leeuwin, en Australia e o Cabo Hornos, en Chile. Onde máis problemas tivo foi no Cabo Leeuwin con moitas avarías, especialmente, co piloto autonómoco. Ademais saíu voando o toldo que utilizaba para resgardarse e tamén unha polea que levou o vento. Nunha semana tivo “uns seis ou sete” problemas mecánicos. “Foi unha semana dificíl na que temín non rematar”, lembra. “Pero non podía parar, merecía isto. No podía fracasar e, afortunadamente, non parei”, sinala.
O navegante Philippe Delamare é o flamante gañador da Global Solo Challenge no Porto da Coruña / Maite Rojo
A EXPERIENCIA DO CABO HORNOS
O paso polo cabo de Hornos é mítico para calquera navegante. Era a súa terceira vez alí, pero, desta volta, competindo. “Foi moi emocionante. Gocei moito indo só”, apunta. Alí tamén sufriu mal tempo que, ademais, coincidiulle cunha lumbalxia moi forte que o fixo estar case que a catro patas. “Tomei té con azúcre durante unha hora e media porque estaba cheo de frío e, ademais, a catro patas”, rememora.
Philippe Delamare descansa agora cos seus tras cinco meses de fortes emocións. Agora é a quenda do resto de participantes. Cole Brauer aínda ten unha semana para chegar a Galicia e a terceira da competición, a italiana Andrea Mura, co seu Vento di Sardegna, aínda dúas.
Precisamente esa idea de que a bicicleta é un medio de transporte é o fío deste libro que contén 3 relatos (de Carlos Risco, Daniel Díaz e Iria Vázquez), un apartado máis técnico, e varias análises vinculadas á mobilidade.
Foi o propio Díaz o que repasou a historia do uso da bici na cidade da Coruña, resaltando o momento histórico que vivimos co aumento de carrís bici e do servizo de Bicicoruña.
Ao remate, as 30 persoas asistentes participaron nin interesante coloquio sobre os carrís, e mesmo sobre os roubos.
Buxán presentará o libro tamén nas Xornadas Biocultura que se celebran estes 1, 2 e 3 de marzo en ExpoCoruña.
Se desexan un exemplar podedes pode poñerse en contacto con Mobi-Liza a través do correo amobiliza@gmail.com ou por teléfono ao 679.744.920, ou ben achegarse ao taller social Reciclos calquera martes ou mércores de 17:30 a 21:00.
Xa non é portada nos medios, pero Israel segue batendo un día tras outro á poboación Palestina. A guerra de Oriente Próximo xa leva 6 meses en marcha e a comunidade internacional nada fai por evitalo. A sociedade civi é a única que segue a pé de rúa esixindo dende o mesmo outubro con continuas manifestación o cese da violencia por parte do estado sionista israelí.
Este vindeiro luns 26 de febreiro de 2024, a sociedade galega volverá saír á rúa, acodindo ás concentracións convocadas e máis de 20 cidades do país polos colectivos Galiza por Palestina, Mar de Lumes, Asociación Galaico Árabe Jenin ou BDS Boicote e Desinvestimentos a Israel.
Na Coruña, será, coma sempre, ás 20:00h no Obelisco.
Pechouse na Coruña o ciclo de roteiros xornalísticos para rescatar a memoria da prensa en galego que a Asociación de Medios en Galego vén realizando neste mes de febreiro co gallo do Día dos Medios en Galego.
Da man dun excepcional guía como Xurxo Souto, gracias á coorganización do Xornal da Coruña e a incombustible Asociación Cultural Alexandre Bóveda, máis de 60 persoas “molláronse pola lingua” e descubriron a potencia da cidade da Coruña como gran precursora da prensa en galego.
Así arrincaba o roteiro, baixo a chuvia, no Campo de Marte, con Ubaldo Cerqueiro debullando a AMEGA e o XornalUbaldo Cerqueiro e Xurxo Souto
Coa corna de Xurxo resoando polo barrio, a comitiva trasladábase por rúa da Torre arriba cara a segunda parada, na veciña oficinal da Revista Luzes, onde Xosé Manuel Pereiro falou deste proxecto de entidade, e calidade, que aposta polo xornalismo pausado nesta sociedade que sobrevalora a actualidade. “A xente ve ben os medios en galego pero non se comprome”, lamentou, destacando, a contra vento, que “o futuro é o papel”, e acabou véndose obrigado a cantar o mítico himno “Coma o vento”, da súa banda Radio Océano, ao son do acordeón de Xurxo.
Xosé Manuel Pereiro en LuzesXoán Costa, de Nós Diario, no IES Zalaeta, onde foi a imprenta do Hospicio
A seguinte parada foi no IES Zalaeta, o que significou “unha revelación” para moitos dos presentes, como recoñecía o propio Xurxo, xa que “ninguén nolo contou”. Ninguén nos contara o que nos dixo Xoán Costa, membro do Consello de dirección de Nós Diario, outra das grandes referencias dos medios en galego. O IES está situado no que foi o Hospicio, que albergara a primeira imprenta fixa da cidade da Coruña onde xa se publicara en 1808 o pioneiro “Diario de La Coruña”, ou en 1860, o Vello Pico Sagro,o primeiro en galego na Coruña e posiblemente de todo o país.
Costa falou tamén doutras publicacións históricas como o “Álbum de la Caridad”, dun dos primeiros dicionarios galegos impresos no Hospicio en 1873; ou “O Señor Pedro”, unha publicación que contén a primeira publicación científica en galego, como apuntou Martín Pawli, da Asociación Ío.
María Xose Bravo falando sobre A nosa Terra no PapagaioMaría Xosé Bravo, Maribel Longueira e Carmela Galego
María Xosé Bravo, presidenta da da co organizadora AC Alexandre Bóveda, tomou a palabra no Papagaio para descobrirnos que a gran referencia do xornalismo en galego, A Nosa Terra, 18 anos da explosión das Irmandades da Fala, xa se lanzara dende un despachos dos Cantóns.
O roteiro quixo lembrar tamén a figura de Luisa Villalta, a coruñesa que este ano protagoniza o Día das Letras Galegas. E tivo sorte de contar con Maribel Longueira, creadorado libro “O Papagaio” que relata coas súas imaxes, e con poemas de Luísa, o cambio que viviu este singular barrio. Longueira espera que o libro poida volver editarse este ano.
O lugar foi escollido porque dende O Papagaio tamén Villalta escribiu moitas das súas columnas xornalísticas para a renovada A Nosa Terra ou Tempos Novos. Foi Carmela Galego, vicepresidenta da propia ACAB a que, ademais de destacar esa revolución que propuxo a creadora unindo a historia da literatura e da poesía coa da música, a que destacou “o compromiso” como terceiro alicerce que fai de Villalta unha auténtica pioneira.
Tomás Legido contou a historia de CUAC FM
O roteiro remataba no Campo da Leña, onde Tomás Legido resumía 29 anos de asociación e 28 de radio á fronte da CUAC FM, “aradio da cidadanía coruñesa, que a a Asociación Cuac FM só xestiona”, lembrou. Quixo describir o proxecto como “o mellor xoguete da cidade para a xente ao que lle guste a comunicación”, abrindo a emisora a todo o mundo, e lembrou aquel 2017 nos que a radio comunitaria venceu nos xulgados a toda unha Xunta de Galicia que quixo multar con 200.000€ a un proxecto social cunha historia de máis de 450 programas.
Lembrou que CUAC é dos poucos medios da cidade que si cumpre coa Leo do galego, e animou a todo o mundo a achegarse á proxección especial do documental “Nada que ver”, que se vai celebrar o 17 de marzo, no 28 aniversario da emisora, nos Cantones Village, un evento solidario coa Cociña Económica.
Coa CUAC FM
Xurxo Souto despediu a xornada facendo que toda a comitiva acabase cantándolle ao Orzán, e pechando unha xornada de descuberta e coñecemento da nosa propia historia.
O Tribunal Superior de Xustiza de Galicia (TSXG) confirmou a condena a dous homes por tentar matar a outro e roubar na súa vivenda na Coruña, segun informa o alto tribunal galego. En concreto, rexeita os recursos interpostos por ambos tras ser condenados como autores dun delito de tentativa de asasinato e outro de roubo con violencia en casa habitada. Entre outras cuestións, nos recursos alegouse vulneración de presunción de inocencia, falta de vontade de atentar contra a vida da vítima ou drogadicción.
“O relato de feitos probados da sentenza alude a unha afectación da capacidade volitiva e control conductual como consecuencia dos hábitos de consumo”, recolle no seu fallo o TSXG que coincide en que se descarte “a apreciación de atenuante algunha con relación ao delito de tentativa de asasinato tendo en conta da desconexión funcional que existe co mesmo como consecuencia dos hábitos de consumo”.
FALLO DA AUDIENCIA
A desestimación dos recursos prodúcese despois de que a sección segunda da Audiencia Provincial da Coruña condenase a 17 e 13 anos de cárcere, respectivamente, aos dous homes acusados de tentar asasinar a un home na Coruña, en maio de 2022, no Barrio das Flores.
O tribunal impuxo a un deles a pena de 13 anos de prisión polo delito de tentativa de asasinato e outro catro polo de roubo con violencia. Ao outro procesado, condenouno a nove anos de cárcere por tentativa de asasinato e catro anos e catro meses por roubo con violencia.
Fíxoo ao considerar que ambos “planearon facerse con diñeiro e calquera outro obxecto de valor que puidese haber no domicilio” da vítima e “decidiron aproveitarse” de que esta era “unha persoa de acusada vulnerabilidade física, cunha minusvalía recoñecida do 85% e graves problemas de mobilidade”.
Unha vez dentro da vivenda, subliñan os maxistrados, un dos procesados “apoderouse dunha especie de catana que se achaba exposta na parede”, comezou a golpear “brutalmente” á vítima e “foi plenamente consciente dos seus actos e aceptou un posible resultado letal destes”. O seu compañeiro, mentres isto sucedía, asumía “igualmente” que o ataque “puidese causarlle a morte”.
