Inicio Blog Páxina 444

Xaneiro de cine con pouso

Ubaldo Cerqueiro
-
0
Xaneiro de cine con pouso

Hai cine que nunca pasa de moda, pero hai veces que o cine de sempre ponse de moda. Así acontece na Coruña, onde varios os ciclos de cine conflúen para traer á gran pantalla pelis míticas. Ao eternos programas do Forum Metropolitano e Centro Galego de Arte e Imaxe (CGAI) únese este trimestre o Teatro Colón co seu ciclo “As mellores películas da historia”.

O ciclo que levará grandes filmes ao escenario do Colón arrinca este xoves 11 de xaneiro ás 19:30 coa proxección de ‘El apartamento’ (1962) de Billy Wilder (ver entradas). A sesión contará co posterior coloquio de Elvira Lindo, escritora e xornalista de reputada traxectorio a nivel nacional.
Esta será a primeira cita do ciclo, que continuará o 15 de febreiro con ‘Al final de la escapada’, un dos grandes filmes da “nouvelle vague” francesa, obra de Jean-Luc Godard. A ela sumaránselle ‘Ciudadano Kane’, de Orson Welles, o 14 de marzo; ‘El piano’, de Jane Campion, o 11 de abril; e ‘Psicosis’, de Alfred Hitchcock, o 23 de abril. Pecharase o ciclo de xeito moi especial, con ‘El espíritu de la colmena’, de Víctor Erice o 13 de xuño, para a que está previsto contar co propio cineasta ou coa actriz Ana Torrent.

O Fórum Metropolitano inicia xaneiro con dous novos ciclos de cinema en VOSE

Mentres as salas Marylin Monroe e Francisco Rey do Forum Metropolitanun contarán con cadanseu filme semanal no marco dos ciclos ‘Estreas en VOSE’ e ‘Cinema de Oriente’ durante 18 días (ver entradas)

Na sala Marilyn Monroe proxectaranse catro filmes no marco do ciclo ‘Estreas en voz orixinal’, con filmes de Francia, Romanía, Taiwan ou Reino Unido. As proxeccións comezarán este xoves 11 de xaneiro con ‘Alis’ (2022), de Clare Weiskopf & Nicolas van Hemelryck. A cita correspóndese, ademais, coa proxección do documental do mes que relata a historia de dez mozas residentes nun fogar social de Bogotá, que abren os seus corazóns a través da creación dunha amiga imaxinaria. Sumaranse os filmes ‘Une belle course’ (2023), de Christian Carion, o venres 12 e sábado 13, ‘Pour la France’ (2023), de Rachid Hami, os días 18, 19 e 20. E ‘Minamata’ (2021) de Andrew Levitas, os días 25, 26 e 27 de xaneiro.
En canto á sala Francisco Rey, iniciarase o ciclo dedicado ao cine oriental con catro proxeccións de filmes chegados de diferentes puntos do continente asiático. Comezará esta fin de semana, tamén o xoves 11, co filme ‘Ah fei zing zyun’ (1990) de Wong Kar-Wai, que se proxectará tamén os días 12 e 13 de xaneiro. Completaranse con ‘Hyakka’ (2022) de Genki Kawamura, os días 18, 19 e 20 de xaneiro e ‘Inteurodeoksyeon’ (2020) de Hong Sangsoo os días 25, 26 e 27.

CGAI

A que nunca para é a programación do Centro Galego de Arte e Imaxe (CGAI), situado na Biblioteca provincial de Durán Loriga.

Son 3 os ciclos especiais que mantén en marcha: Cancións de Pedro Costa, un sobre Pier Paolo Pasolini e outro de Esencias de Masahiro Shinoda. Esta semana, de martes 9 a sábado 13 hai 9 proxeccións que podedes ver no Programa de Xaneiro 2024 do CGAI.

O BNG urxe ao goberno coruñés a crear o Consello Local da Lingua

editor
-
0
O BNG urxe ao goberno coruñés a crear o Consello Local da Lingua

A concelleira do BNG Mercedes Queixas acaba de rexistrar unha moción, para o seu debate no Pleno do vindeiro xoves 11 de xaneiro. A edil solicita o impulso dun Plan de  Normalización e a creación do Consello Local da Lingua, dous puntos que levan en vigor dende que en xuño de 2021 se aprobou a Ordenanza do Galego (A Coruña foi a última cidade galega en aprobalo)

Queixas ponlle un prazo ao cumprimento destas previsións, o primeiro semestre deste novo ano. “Resulta difícil de comprender como é posíbel que, máis de dous anos e medio despois, o Goberno Local non teña avanzado nada na elaboración do Plan de Normalización Lingüística nin na creación do Consello Local da Lingua”, afirma a concelleira nacionalista.

De acordo co articulado desa ordenanza, o Plan de Normalización Lingüística contemplaría medidas para garantir “o proceso de avance para o uso normalizado da lingua galega no Concello da Coruña”, ben como o Consello Local da Lingua cumpriría a “función básica de velar e avaliar a aplicación da ordenanza”.

A marea de pellets xa chegou á Coruña

Ubaldo Cerqueiro
-
0
A marea de pellets xa chegou á Coruña

Chegou a marea de microplásticos que vén invadindo o litoral galego de sur a norte ás praias da Coruña. Ao longo desta fin de semana reis, as praias do Portiño ou As Lapas (o Areal), recibiron a visita dos pellets de resina, ese gravoso contaminante, de menos de 5 milímetros de diámetro, que serve de base para a realización numerosos elementos de plástico.
A marea contaminante parte da perda o pasado 8 de decembro á altura de Viana do Castelo, de varios containers da empresa Maersk, que caían cando viaxaban a bordo buque “Tucana”, de bandeira dos Países Baixos. Calcúlanse que hai 78.000 toneladas de microplásticos esparexidos por todo o litoral atlántico e cantábrico.

E mentres a Xunta pon a responsabilidade nos Concellos, segue se activar realmente un protocolo de emerxencia medioambiental, e se dedica a enganar á cidadanía con propaganda a través dos seus medios, a veciñanza comprometida e as asociacións ambientais xa se están a mobilizar, trasladando o debate ao centro do estado.

Se pola comarca do Barbanza levan semanas de limpezas continuas, esta fin de semana a Costa da Morte reviviu os tempos do Prestige, cunha marea solidaria, pero insuficiente, para loitar con este pequeno e esquivo axente contaminante. Aparellos de cociña non son suficientes para loitar contra os pellets.

Tamén nas praias da Coruña houbo mobilizacións 40 persoas achegáronse á praia das Lapas, ou O Areal como foi coñecida sempre, da man dos colectivos Comité de Defensa das Rías Altas (CDRA) e Ecoloxistas Costa Meiga Atlántica e Verde. Dende as 16:00h ata que anoteiceu axudaron con esta ardua e manual tarefa de eliminar a meirande parte de pellets que puideron, ademais de outros residuos.

No Portiño e no Orzán

Tamén, a través de diferentes grupos de whastapp a veciñanza coruñesa organizouse para realizar batidas de limpeza das praias de O Portiño e Orzán.

 

View this post on Instagram

 

A post shared by Silcerino (@silcerino)

O Concello da Coruña fai unha mostra

 

Ao longo desta mañá de luns, o Concello da Coruña levou a cabo a recollida dunha mostra dos pellets e enviouse ao laboratorio para poder coñecer a composición. Todo apesar de que xa se teñen realizado numerosas análises, que demostran que é un polietileno moi utilizado en envases alimenticios, pero que supón un claro risco para a cadea trófica.

Dende o Concello lembran que todavía non recibiron ningunha notificación por parte da Xunta de Galicia sobre a posta en marcha da Fase I do Plan de Emerxencia, tendo en conta que ao longo da mañá a Xunta confirmaba que non ía elevar o nivel de emerxencia ao non falarmos de “material tóxico”.

 

Concello de Oleiros denuncia

O que nunca cala é o concello de Oleiros que lanzaba esta mensaxe á Xunta:

Atracan a punta de pistola unha gasolineira na Coruña

europapress
-
0
Atracan a punta de pistola unha gasolineira na Coruña

A Policía Nacional busca á persoa que este venres atracou a punta de pistola unha gasolineira situada en Palavea, na Coruña, nas proximidades do supermercado Alcampo.

Segundo fontes consultadas por Europa Press, o atraco produciuse a sobre as 20,00 horas cando no lugar atopábase unha empregada do establecemento. Polo momento non houbo detencións relacionadas con este caso e a investigación permanece aberta.

Localizado o home de 73 anos que buscaban desde esta madrugada en Oleiros

europapress
-
0
Localizado o home de 73 anos que buscaban desde esta madrugada en Oleiros

O Concello de Oleiros informou de que xa foi localizado Francisco Pazos, o home de 73 anos que desaparecera durante a madrugada deste sábado no lugar de Lorbé, pertencente á parroquia de Dexo.

Segundo informou o Concello, foi a familia do desaparecido a que alertou á Policía sobre as 03,00 horas deste sábado ao decatarse da ausencia do home, que padece alzheimer. O consistorio municipal agrade a “extraordinaria colaboración veciñal”, así como o traballo da Policía Local, o Servizo Municipal de Emerxencias e operarios municipais de Servizos.

18F.- Patricia Iglesias e Julio Abalde, propostas do PSOE provincial da Coruña

europapress
-
0
18F.- Patricia Iglesias e Julio Abalde, propostas do PSOE provincial da Coruña

O PSOE provincial da Coruña proporá á letrada maior do Consello de Contas Patricia Iglesias e ao exreitor da Universidade da Coruña, Julio Abalde, para ocupar o postos número uno e dous da candidatura ás eleccións autonómicas.

Segundo confirmaron fontes socialistas consultadas por Europa Press, esta proposta será abordada na reunión que a dirección provincial do PSOE mantén na de teste luns. Os nomes que saian das reunións provinciais terán que ver o visto e prace do Comité Nacional do PSdeG e da Comisión Fedal de listas.

Da reunión que a executiva provincial mantén na tarde deste luns sairán os outros nomes que figurarán na proposta provincial, entre os que se barallan o do secretario xeral do PSOE de Santiago, Aitor Bouza, e a ata agora parlamentaria autonómica Begoña Rodríguez Rumbo.

Evacuada unha pasaxeira de 93 anos dun cruceiro para ser trasladada a un centro sanitario na Coruña

europapress
-
0
Evacuada unha pasaxeira de 93 anos dun cruceiro para ser trasladada a un centro sanitario na Coruña

Unha pasaxeira de 93 anos do cruceiro ‘Queen Vitoria’ foi trasladada este venres por un helicóptero de Salvamento Marítimo ao requirir asistencia médica. Así o informa Salvamento Marítimo, a través de redes sociais. En concreto, explica que desde o centro de Fisterra mobilizouse ao helicóptero Helimer 402 cando o cruceiro estaba ao oeste do cabo Fisterra. A pasaxeira, xunto á médica do buque da pasaxe, foi trasladada ata ao aeroporto coruñés de Alvedro, para levala a un centro sanitario.

Doce acusados de traficar con drogas fai dez anos na cidade chegan a un acordo

europapress
-
0
Doce acusados de traficar con drogas fai dez anos na cidade chegan a un acordo

Doce acusados por tráfico de drogas na cidade herculina aceptaron penas de entre 14 e 10 meses de cárcere, así como multas de entre 1.500 e 500 euros por uns feitos que se remontan a fai dez anos. Os procesados non entrarán en prisión tras un acordo.

Fixérono nun xuízo fixado para este martes na sección primeira da Audiencia Provincial da Coruña e tras un acordo entre Fiscalía e as defensas ao recoñecer os feitos os procesados e acordarse unha rebaixa da condena concorrendo a circunstancia atenuante de dilacións indebidas moi cualificadas.

Con todo, os letrados solicitaron a suspensión das penas de prisión impostas e o fiscal aceptou a petición. O tribunal acordou a suspensión firme das condenas coa condición de pagar as indemnizacións pactadas e non cometer delitos nun prazo de dous anos.

Os feitos, segundo o escrito fiscal, remóntanse aos meses de maio, xuño e xullo de 2013 ao constatarse que un colectivo de persoas dedicábase na cidade herculina á comercialización de heroína. Esta actividade, explica, supuña para eles obter “un rendemento económico que lles permitía atender as súas necesidades cotiás sen ter que desenvolver de modo exhaustivo ningunha actividade profesional lícita”.

Os acusados participaban nunha armazón no que cada un deles asumira diferentes funcións. Entre eles, un encargábase de coordinar a repartición da droga mentres que outros, algunha parella, recollíana, previa indicación telefónica, e vendíana, principalmente, no barrio coruñés de Monte Alto e arredores.

A xira ‘Ni santos ni inocentes’ de Robe Iniesta pasará pola Coruña en xullo

europapress
-
0
A xira ‘Ni santos ni inocentes’ de Robe Iniesta pasará pola Coruña en xullo

Robe Iniesta levará a súa xira ‘Ni santos ni inocentes’ por toda España nunha serie de concertos que terá dúas paradas en Galicia, a primeira, na Coruña a mediados de xullo e a segunda, en Vigo, onde o líder de Extremoduro pechará a súa viaxe por territorio estatal cun concerto no Ifevi o 9 de outubro.

Antes, a xira que abrirá o 11 de maio no Auditorio Mariña Sur recalará na cidade herculina o 13 de xullo dentro do ciclo ‘Coruña Sounds’. Tras abrir a xira na capital valenciana, Robe acudirá co seu proxecto persoal a Cáceres, a localidade madrileña de Rivas Vaciamadrid (25 de maio) e Irún (31 de maio). Posteriormente, o primeiro día de xuño, a banda acudirá a Pamplona e despois irá a Valladolid (7 xuño), Ponferrada (8 xuño), Zaragoza (15), Sevilla (21) e Alacante (29).

En xullo, seguiranlles Xixón (12), A Coruña (13), Santander (20), Almería (26) e Málaga (27). Durante os meses de agosto e setembro, Robe actuará en Xirona (10 de agosto); San Fernando (Cádiz, 16 de agosto); Almendralejo (Badaxoz, 17 agosto); Albacete (24 de agosto); Conca (31 de agosto). En setembro, a xira continuará en Toledo (7 de setembro); Logroño (14); Granada (20); Murcia (21); Vitoria (27); Salamanca (28).

En outubro, a quenda será para Barcelona (5), Palma de Mallorca (12) e Bilbao (19). O final chegará en novembro con Las Palmas de Gran Canaria (1); Santa Cruz de Tenerife (2) e Vigo (9). Robe Iniesta baralla celebrar un segundo concerto en Cáceres o venres 17 de maio, ademais do previsto o sábado día 18, ou ampliar o aforamento deste concerto co obxectivo de sacar máis entradas á venda, xa que hai varios días que as entradas para a súa actuación na capital cacereña están esgotadas.

Segundo se anuncia na súa páxina web e recolle Europa Press, están a estudarse dúas opcións para ampliar o aforamento. Unha sería sacar outro día á venda no mesmo Recinto Hípico, o venres 17 de maio, e a outra posibilidade sería ampliar o aforamento trasladando a montaxe ao anexo Recinto Feiral. En canto a organización teña claro “cal é a mellor opción e teñamos os permisos, sacaremos novas entradas á venda”, anuncia a súa web oficial.

A Deputación da Coruña e AGA Ucraína exploran novas formas de colaboración

europapress
-
0
A Deputación da Coruña e AGA Ucraína exploran novas formas de colaboración

O presidente da Deputación da Coruña, Valentín González Formoso e a deputada provincial de Política Social, Mar García Vidal, reuníronse este luns coa presidenta da asociación AGA – Ucraína, Masha Pavlenko, para abordar a situación actual do conflito ucraíno e as posibles formas de colaboración por parte da entidade provincial.

Formoso indicou que desde a Deputación manteñen o seu compromiso de colaboración coa asociación “para asistir e colaborando á hora de facilitar a vida dos refuxiados que chegan á Coruña”. A este respecto, lembrou que desde que empezou a guerra, Galicia acolleu a case 1.500 persoas.

Pola súa banda, a presidenta da asociación agradeceu o apoio da Deputación, sobre todo á hora de axudar aos refuxiados ucraínos asistidos na residencia do IES Rosalía de Mera da institución provincial, así como as axudas que lle proporcionaron á asociación para manter a actividade diaria e as ambulancias doadas pola Deputación para atender as necesidades sanitarias da poboación civil.

A asociación foi creada ao comezo da guerra para dar “resposta inmediata” ás necesidades da poboación desprazada na comunidade, onde colaboran na acollida de persoas refuxiadas.

Desde ese momento, mobilizouse para conseguir o envío de bens de primeira necesidade ás persoas en primeira liña deste conflito. Ademais, xestiona os proxectos humanitarios de axuda médica no seu país a través da colaboración coa asociación local Kolo, o que lles permite estar presentes nas diferentes zonas de guerra.

ENTREGA DE VEHÍXULOS A ENTIDADES SOCIAIS

Por outra banda, Formoso ha entragado tres furgonetas, dúas delas adaptadas para o transporte de persoas con diversidade funcional, destinadas a outras tantas entidades sociais sen ánimo de lucro da provincia.

Así, a Asociación Coruñesa de Esclerose Múltiple (ACEM), Ambar Barbanza e a ONG Sénvalos contan desde este luns con novos vehículos cedidos pola institución provincial para o transporte dos usuarios destas entidades sociais.

1...443444445...726Page 444 of 726

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES