Unha pequena boa nova para os mariscadores da ría do Burgo, despois de anos de problemas. O Centro de Investigacións Mariñas (CIMA) de Galicia, dependente da Consellería do Mar, entregou hoxe un lote de 183.000 unidades de ameixa babosa á confraría de pescadores da Coruña con destino á recuperación produtiva da ría do Burgo. A semente, que acada un peso total de 72 quilos e un tamaño medio de 14 milímetros, procede dos labores de preengorde realizados no pantalán do Vicedo (Lugo).
Esta actuación enmárcase dentro das entregas periódicas do CIMA para a subministración
regular de cría ás diferentes confrarías galegas. A través deste tipo de achegas, o obxectivo é favorecer a rexeneración das zonas de traballo e contribuír de forma directa á sustentabilidade da actividade marisqueira na comunidade, garantindo o futuro produtivo e económico do sector extractivo.
Pois si que están caros os bolis e os apartamentos en Valladolid… Ante a valancha de peticións de entradas para viaxar a gozar do posible ascenso do Dépor en Valladolid, están as plataformas de venda de segunda man como Wallapop ou Milanuncios cheos de ofertas curiosas.
Aquí os amosamos algunhas capturas que recollimos entre onte e hoxe
A Policía Nacional detecta estafas
Moi ollo, que a Policía Nacional xa detectou estafas de venda de entradas entre particulares para o partido de fútbol Valladolid-Deportivo, utilizando as redes sociais.
Cando alguén expresa interese en mercar estas entradas, pídeselle que manteña unha conversa por WhatsApp e posteriormente que realice o pago mediante Bizum. Unha vez realizado o pago, córtase toda comunicación, o comprador queda bloqueado en todas as aplicacións e, por suposto, nunca se entrega ningunha entrada
O cantante Bunbury actuará na Coruña o 10 de decembro dentro da súa xira ‘Nuevas Mutaciones Tour 2026’, con entradas xa á venda para o que será o seu único concerto en Galicia. Será no marco dunha xira que percorrerá América e España presentando un novo espectáculo, acompañado por unha formación de dez músicos, subliña o consistorio.
A xira chegará a España unicamente con catro datas: Madrid, Valencia, A Coruña e Zaragoza. Farao tras a publicación de ‘De un siglo anterior’, o novo traballo discográfico de Bunbury, editado o pasado 17 de abril. Gravado no Deserto dos Leóns, en México, e producido polo propio artista xunto a Ramón Gacías, o álbum nace da exploración das posibilidades sonoras e rítmicas da música latinoamericana en diálogo con outros xéneros contemporáneos.
A Domus da Coruña acolleu este luns a presentación oficial da XVII edición do (S)8 Mostra de Cinema Periférico, que este ano dedica a súa imaxe á eclipse do 12 de agosto. Esta nova entrega do festival, que se celebrará do 2 ao 7 de xuño en cinco localizacións diferentes da cidade herculina, baterá marcas de proxeccións cun total de 161 películas e máis de 80 invitados.
Na rolda de prensa, o concelleiro de Cultura e Turismo do Concello da Coruña, Gonzalo Castro, resaltou o feito de que a mostra estea a piques de cumprir “a maioría de idade, sendo unha das mellor valoradas polo Observatorio de Cultura”. O edil estivo acompañado polos codirectores do evento, Ana Domínguez e Ángeles Vázquez; a coordinadora de política audiovisual da Axencia Galega de Industrias Culturais (Agadic), Dores Meijomín; a deputada provincial da Deputación da Coruña, Avia Veira; e a directora de programación de Acción Cultural Española (AC/E), Inmaculada Ballesteros.
A Mostra de Cinema Periférico incluirá na súa carteleira deste ano a proxección de 161 obras, entre as que destacan 35 estreas mundiais e 20 pezas de autoría galega.
Silvio Rodríguez volverá a España este 2026. O cantautor cubano, unha das grandes figuras da canción iberoamericana e un dos nomes fundamentais da Nova Trova, anunciou o seu regreso aos escenarios españois cunha xira especial que se desenvolverá durante os meses de setembro e outubro e que terá parada na Coruña o 19 de setembro, no Coliseum. A noticia deuse a coñecer, segundo informaron os organizadores, a través dun vídeo dirixido aos seus seguidores en España e abre unha primeira fase de rexistro na web oficial, onde o público poderá apuntarse para recibir o aviso de saída de entradas.
“O regreso de Silvio Rodríguez a España ten unha dimensión que supera o ámbito estritamente musical”, apuntan desde a organización. Autor de cancións como Oxalá, Unicornio, A maza, Óleo de muller con chapeu, Praia Girón ou Douche unha canción, Silvio Rodríguez ocupa un lugar singular na música en español. Segundo engaden, “o seu repertorio atravesou décadas sen quedar fixado unicamente a unha época”, porque nel conviven a poesía, a observación do mundo, a intimidade, a crítica, a tenrura e unha escrita que fixo da canción un territorio propio.
A súa obra, marcada por unha voz recoñecible e unha forma de entender a canción como pensamento e emoción, segue a dialogar con varias xeracións de oíntes. A xira española de Silvio Rodríguez en 2026 arrincará o 1 de setembro no Gran Teatre del Liceu de Barcelona e continuará por cidades como Zaragoza, Bilbao, Valencia, A Coruña, Sevilla, Murcia e Madrid, onde está previsto que remate o 4 de outubro no Movistar Arena. En Galicia, a cita será o 19 de setembro no Coliseum da Coruña.
Ata o cartel da 29ª edición do Salón do Cómic Viñetas do Atlántico únese á febre do eclipse. O cartel, deseñado polo autor galego Miguel Robledo, representa a eclipse total de Sol —que coincidirá na cidade coa celebración do festival—, así como a memoria social cunha escolla de personaxes populares da banda deseñada e da animación.
A semana central do evento será do 10 ao 16 de agosto, aínda que parte da súa programación se estenderá dende o mes de xuño ata finais de setembro.
O acto de presentación desenvolveuse o pasado venres no stand institucional de promoción da banda deseñada galega dentro do festival Comic Barcelona, que se celebra esta fin de semana na capital catalá. Alí estiveron un avance dos convidados desta nova edición do Viñetas: Pep Brocal, José Pablo García e Sebas Martínez, xunto co director do festival Manel Cráneo e o edil de cultura Gonzalo Castro.
Cráneo explicou que este ano se consolida a nova etapa do festival, na que se está poñendo especial atención na inclusividade e nas temáticas sociais.
Avanozou que o salón contará con relevantes figuras do panorama da banda deseñada en España, como Pep Brocal. Outros dos convidados será o tamén catalán Sebas Martín, máximo representante do cómic LGTBI+ na banda deseñada estatal. José Pablo García será outro dos convidados para esta edición. Coa súa recente publicación ‘Palindrotiras’ está causando sensación entre a crítica e os lectores grazas ao seu dominio do humor e das diferentes técnicas de debuxo.
Entre os nomes propios do festival destaca tamén o da galega Xulia Pisón, que contará con unha exposición na Casa Museo María Pita en colaboración co festival Elas son artistas. A autora coruñesa é responsable, entre outros moitos títulos na súa carreira, da serie de tres volumes de divulgación científica ‘Microalgas’.
Afiánzase o Tío Ovidio como sala activa da cidade. Fantásticas son xa as foliadas mensuais que enchen o lugar de música tradicional e licor café, pero o espazo da Rúa Alta conta cunha programación estable e variada.
Durante este mes de maio hai monólogos, concertos e sesións micro aberto do máis divertidas. Esta semana hai cita coa risa o xoves 21, jazz o venres e o concerto de “Venticuatro Tres” o sábado, e o mes remata o mércores 27 cunha nova sesión de micro aberto e o xoves 28 cunha nova Foliada.
Corujazz
Interesante é a colaboración coa asociación cultural CORUJAZZ para a celebración dun novo concerto + jam neste venres 22 de maio ás 21:30.
O concerto será ofrecido polo trío de Xurxo Estévez, un contrabaixista galego de ampla traxectoria que compartiu escenario con grandes artistas como Perico Sambeat, Chris Kase ou Kurt Weiss, e que estará acompañado polo saxofonista Miguel Seoane e a batería Iranzu Elizondo.
Este será o cuarto evento organizado por CORUJAZZ, nunha proposta está orientada a apoiar e visibilizar o traballo e os proxectos de músicos, tanto a nivel local como internacional, así como a impulsar e difundir o jazz e a música en directo na Coruña, fomentando a diversidade dentro do panorama cultural da cidade.
Seguen as 3 parcelas que foron propiedade do Ministerio de Defensa da Maestranza, pendentes das sentenzas xudiciais. Esta semana o pleno tiña que asumir a Parcela número 3 estará destinada a espazo libre público, e non vai ser unha urbanización de vivendas de protección oficial como se prometera (en paralelo á de Adelaida Muro). Un in informe de Patrimonio inciden na afectación aos restos do sistema defensivo da Cidade Vella, catalogado como BIC, e provocaron o cambio de calificación.
Unha calificación que dende entidades como Defensa do Común consideran que debe extenderse ás outras dúas parcelas, por canto todas no seu conxunto integran a muralla. Con todo, a realidade das outras dúas parcelas (a 1 e a 2) parecen destinadas a un futuro ben diferente, unha vez que xa foron vendidas polo ministerio a promotoras unbanísticas (Lipromo), e mesmo xa se están a vender os pisos antes de edificar.
Pisos de entre 520.000€ (2 dormitorios) a 730.000€ (4 dormitorios)…
Mapa das parcelas da Maestranza
O caso é que mentres Lipromo vende os seus pisos da Parcela 2, esta parcela segue pendente de notificación da sentenza do TSXG (xa redactada pero aínda non enviada) relativa ao Estudo de Detalle da parcela P2, impugnado por Defensa do Común. A entidade recorreu tamén a licenza municipal, por ser outorgada seguindo o Plan Especial aprobado en 1994, no que non se tivo en consideración os restos arqueolóxicos.
Nese sentido, Defensa do Común tamén segue a demandar a modificación do PEPRI da Cidade Vella do 2015, tanto para deixar sen efecto o Plan Especial da Maestranza de 1994 como para concretar a delimitación e medidas de protección dos restos das murallas. “Resulta inadmisible que no 2026 se pretenda executar un plan de 1994, totalmente obsoleto, que non tivo en conta daquela o sistema defensivo da cidade vella e seus valores arqueolóxicos e patrimoniais”, denuncian.
En resumo, a situación das 3 parcelas é a seguinte:
P1 (propiedade de Lipromo): denegado pola XGL (novembro 2025) o último Estudo de Detalle presentado pola promotora
P2 (propiedade de Lipromo): Estudo de Detalle aprobado no 2023; pendente de notificación de sentenza polo TSXG do recurso de Defensa do Común, que tamén impugnou a Licenza de obras no Xulgado do contencioso, impugnación en trámite.
P3 (propiedade de INVIED-Defensa): cualificada como EL (espazo libre público) na MP-PXOM aprobada provisioalmente polo Pleno o pasado xoves.
Salvamento Marítimo remolcou un veleiro irlandés con tres tripulantes a bordo tras comunicar problemas pola meteoroloxía e un cabo en hélice cando navegaba fronte a A Coruña.
Segundo informaron desde Salvamento Marítimo, a embarcación, de 15 metros de eslora, solicitou axuda cando se atopaba a 40 millas ao norte de A Coruña. O Centro de Coordinación de Salvamento (CCS) de Fisterra movilizou o buque María Pita, que o remolcou ata a cidade herculina.
O grupo Amnistía Internacional da Coruña, organiza este mércores 20 de maio unha palestra con Alejandro Amaro, representante para o Estado español da Alianza Europea para a defensa das persoas prisioneiras de Palestina.
Falará sobre “Presos e presas palestinas” a partir das 20:00h na sede herculina de Amnistía Internacional, situada na Rúa Rafael Alberti N5 1C, na segunda fase de Elviña.
