Esta semana, o novo goberno municipal de Cambre (lembren que dende abril a nova alcaldesa é do PP) enviou unha carta, en man, a cada un dos traballadores municipais, na que anunciaban a suspensión das reunións cos sindicatos comprometidas. Os traballadores, que levan máis dun ano mobilizándose por unha mellora das súas condicións e pola renovación da Relación de Postos de Traballo, volvían saír á rúa a pasada semana, e esta nova concentración non sentou nada ben no seo municipal.

Na, o goberno municipal asegura ter recollido en abril “un concello ao bordo do colapso” e cun cadro de traballadores “totalmente demotivado”. Aseguraban na súa carta a alcaldesa Diana Piñeiro a súa disposición a dialogar cos representantes sindicais, pero ao mesmo tempo fai algunhas “aclaracións”: un dos acordos foi implantar as 35 horas semanais; ir actualizando o pago das axudas sociais que levan dende 2022 sen pagar; a aprobación dunha nova RPT e o mantemento de xuntanzas mensuais cos sindicatos.

Pero ante a mobilización do pasado 30 de setembro non gustou no goberno municipal que decide anunciar nesa carta que “con moita tristeza suspéndese o diálogo cos representantes sindicais”.

A resposta dos traballadores

Non tardou a xunta de persoal en dar contestación a “comunicación” entregada por persoal de Alcaldía en man aos traballadores, entendendo que “contén graves imprecisións, confusión de asuntos e falta de veracidade no texto”. Con todo, afirman ser “conscientes de que a situación actual non é responsabilidade exclusiva do goberno municipal actual, mais tamén entende que é este quen ten nas súas mans a posibilidade e a responsabilidade de poñerlle solución, mediante o diálogo e o respecto institucional que tanto o persoal municipal como a veciñanza de Cambre merecen”.

Así, debullan as ideas que contrapoñen á carta enviada pola rexedora:

• “Falta de persoal”: Os traballadores deixan claro que o Concello segue a necesitar persoal cualificado para poder facer fronte a toda a xestión interna que temos pendente e a imposibilidade de ampliar plantilla apenas pola limitación que establece a “Taxa de reposicion de efectivos” (TRE) estatal e que esgana a unha estrutura que non creceu no seu momento cunha población demandante de xestións e servizos que sí o fixo. “É tan grave a falta de persoal suficiente para dar uns servizos áxiles, que hai que poñer en valor aos traballadores existentes e mal pagados”.
• “Plantilla totalmente desmotivada”: esta frase afectou especialmente a moitos traballador@s que a pesar de non cobrar o que lles corresponde mostraron dende o minuto 1 do novo goberno boa disposición para o que se necesitase…. Aseguran “están a asumir traballos que non lles corresponden, traballo extraordinario, sobrecarga de traballo constante e urxente, instruccions e urxencias de representantes politicos e xefes de servizo indistinta e simultáneamente causando mais estrés aos traballadores, aceptando sustitucións de outros postos en materias que non manexan e con gran responsabilidade en caso de erros, asunción de tarefas de outros departamentos, etc… “Non sabemos onde esta esa plantilla totalmente desmotivada da que fala a Alcaldesa”.
•  “Neste periodo fixeronse varias xuntanzas cos sindicatos”: Afirman dende a Xunta que “dende a chegada deste goberno simplemente se publicou un acordo previo de horario de verán e se acordou a regularización do horario laboral, deixando fora ao colectivo da policía local ao que se lle está esixindo a realización de 40h semanais, en virtude dun acordo do ano 1996. Os representantes sindicais reclamamos que se lles aplicara a mesma xornada que o resto de traballadores. A partir destas medidas que non supuxeron ningún esforzo para o goberno, comezou unha fase de “non negociación”, falta de información e dilación de decisións. En setembro tivemos unha reunión informal (non unha mesa xeral de negociación) onde se preguntou pola proposta de Carreira remitida ao goberno en xullo e os pagos pendentes e nos comunicaron que habia que centrarse no pago de nominas en prazo e que a Carreira Horizontal non tiveran tempo a mirala. Nesta reunion tamen reiteramos a necesidade do reforzo do departamento de persoal”.
• “Diálogo aberto”: Denuncian os traballadores que “houbo un claro cambio de actitude pouco despois de asumir o goberno municipal. Dende ese momento estivemos observando como as nosas solicitudes de reunions oficiais e obligatorias tiñan sempre a calada como resposta”.
• “Nesta ultima xuntanza o martes 30 setembro”: A do martes 30 de setembro, para os traballadores, non foi “unha xuntanza… o martes 30 de setembro houbo unha reunion ordinaria de Comision Paritaria cunha orde do dia clara”. Nesta reunion tratouse a constitucion da comision cos novos representantes do goberno, “aprobáronse 2 solicitudes pendentes de anticipo de nomina e entregouse a proposta da partesindical de axudas sociais 2023. Non se aprobou a proposta de axudas xa que o concelleiro solicitou revisalas. Queda pendente a tramitación sen que teñamos data para a proxima reunion. Nesa Comision Paritaria NON se falou de nada máis”. denuncian
• “Acordouse crear en outubro unha mesa de traballo para tratar o da Carreira Horizontal e o aprobamento dunha nova RPT”: “Isto é completamente FALSO”, segundo sinala a Xunta de traballadores. “En ningún momento se acordou en ningunha reunión de Mesa de Negociación isto. O dialogo que plantexa o goberno unha e outra vez consiste en crear unha mesa de traballo composta por representanes sindicais, politicos, secretaria e interventora municipais e o xefe de urbanismo e rexime interior para tratar temas como a modificacion da RPT , a Carreira Profesional e outros sen determinar”.
• “Ademais dunhas xuntanzas mensuais”: I”sto o propuso o concelleiro de persoal na primeira reunion informal que se tivo en Alcaldía o 9 de setembro. Recordamos que a negociación colectiva se produce unicamente no seno dunha Mesa Xeral de Negociación, segundo establece o TREBEP. En todo caso sempre estivemos e estaremos abertos a manter reunions informais”, sinalan os traballadores.
• “O mercores dia 1 asinouse por parte do concelleiro de persoal unha providencia solicitando a asinación das axudas sociais do ano 2022”: “o que se asinou foi , SIMPLEMENTE , unha providencia dirixida ao xefe da Area de Urbanismo e Rexime Interior para que fixera un informe, pero non é garantia do cobro de esas axudas”, apuntan os traballadores.
• “Mantivose unha conversa cos lideres dos traballadores”: “Neste centro de traballo non existen líderes, existen representantes dos traballadores elixidos democraticamente”, sinalan con rotundidade.
• “Suspendese o dialogo cos representantes sindicais”: Son aquí moi críticos os traballadores que lembran que estas comisións son “dunha obriga legal pola cal seguiremos reclamando o seu cumprimento”.

O “obxectivo real destas protestas”

Os traballadores repiten que só buscan, con estas mobilizacións, acadar uns “mínimos”:

1. O pago de todo o que se debe aos traballadores: o Pago da nomina ordinaria antes da finalizacion do mes como viña sendo costume.o Pago do complemento de productividade en prazo, tal como se recolle no seu regulamento publicado no BOP.

• • Pago da subida do 0,5% aprobada polo goberno do estado cos seus atrasos.
  • o Pago de axudas económicas recollidas no Acordo Regulador que se deben correspondentes aos anos 2022, 2023 e 2024.

2. Convocar todas as Comisions pendentes (obrigatorias) :

• • Comisión Paritaria (a única constituída polo de agora)
  • Comisión de Productividade
  • Comité de Seguridade e Saúde
  • Comisión de Plan de Pensions

3. Aprobación da proposta de complemento de Carreira Horizontal elaborada pola Xunta de Persoal, con efectos a 1 xaneiro 2026.

Máis novas

Os traballadores municipais de Cambre volveron á rúa para esixir “un traballo digno”