A representación sindical do persoal da Fundación Camiña Social reclamou á Xunta máis recursos para a xestión do centro de menores Concepción Arenal, na Coruña, ao quedar, informa a CIG, deserto o concerto. Nun comunicado, a central sindical afirma que se trata “dun dos poucos centros que en Galicia presta atención residencial e intervención educativa integral ás persoas menores que teñen que cumprir medidas xudiciais”.
Con todo, sinala que na segunda convocatoria sobre o concerto “non existe ningunha empresa de todo o Estado que considere viable a xestión do centro cos fondos que a Xunta destina a este recurso”. Neste sentido, afirma que “a primeira convocatoria publicouse o 11 de xuño de 2024 e o 5 de agosto declarouse deserta”. “En marzo de 2025 sacouse unha nova convocatoria e no Diario Oficial de Galicia publicado leste mesmo mércores o concerto vólvese a declarar deserto”.
Esta situación, engaden, “provoca que as persoas traballadoras e a Fundación que xestiona actualmente o centro se atopen nunha situación de interinidade, que afecta tanto o funcionamento do servizo como á atención aos menores, coa agravante de que a ocupación actual supera ás prazas asignadas pola administración“.
Axetreo, nervios e moita ilusión. Así comezaban este domingo 27 de abril pola mañán as súas vacións un grupo de preto de 50 nenos e nenas do CEIP Ramón de la Sagra, da Coruña. O seu destino, un cámping do Grove. Ningún deles, nin dos catro profesores que os acompañan sabían que estas vacacións ían ser especiais. Vanse converter, quizais, nas vacacións máis vacacións de todas as vacacións.
Xusto un día despois de aterrar en plena natureza e de gozar das praias e areais do Grove, chegou o colapso, o gran apagamento peninsular. E aí comezou outra aventura. Mentres funcionaban algúns móbiles, ían chegando noticias. Falaban de caos, suposicións, pero ningunha información oficial. As familias das crianzas preocupadas, as familias dos profes sen poder comunicarse. Son momentos de agobios por ver que facer. O equipo de docentes reacciona rápido e decide o máis lóxico. Para que alarmarse ou tomar decisións precipitadas se os nenos e nenas están a pasalo ben. Están felices co contacto coa natureza, gozando coas actividades de auga, praia, kaiaks, bodyboard…
Así que deciden quedar no cámping. Teñen lanternas e, aínda que marchou a luz, teñen tamen cociñas a gas. Cambian o plan inicial da cea. Pasan das pizzas á pasta. E todos e todas contentas.
Antes de que se corten as comunicacións aínda chegan algúns whatssaps dalgunha familia preguntando que vai pasar. “Volvemos tranquilizalos, que onde mellor están é aquí, que temos de todo, que os nenos están xenial, que para que se van a arriscar a vir buscalos se non coñecen o estado das estradas…”, comenta un profesor. Por un monitor de Valladolid tamén se enteran de que a Xunta suspende as clases.
Tras falar con todos os nenos e nenas e tranquilizados, o plan xa está feito. Cea, ducha rápida coa auga quente que aínda se conservaba, e pequena velada con concurso de cancións. Todo está preparado, e lanternas e focos iluminan a escena. E chega o momento de ir durmir. O momento de máis emoción… e medo, para algúns dos rapaces.
O alumando do CEIP Ramón de la Sagra en pleno apagamento gozando da noite e da escuridade nas súas vacacións de fin de curso no Grove / remitida
PIXAMAS, PANTASMAS E LANTERNAS-ESPADA
“Eu paseino mellor cando marchou a luz porque parecía un conto de medo”, conta Clara. “A min tamén me gustou pero o problema foi que eu quería ler e non tiña luz”, apunta Valeria. Tamén houbo anécdotas curiosas. Lucía e Adela puxeron o pixama do revés. Tampouco pasou nada porque case ninguén se decatou. E Adela tamén puntualiza que puxeron as candeas enriba dos armarios para ter máis luz nas estancias. Unha boa idea, por certo.
Ao final, iso de non ter luz foi tamén “a aventura máis aventura de todas as aventuras“. E todos gozaron do momento. Que mellor ocasión para ver as estrelas sen contaminación lumínica. Manuela estaba encantada de ollar o ceo tan fermoso. E tamén de ver, xunto con outros dos seus compañeiros como había pequenas luces no horizonte. “Volveu a luz?”, preguntaban… Non, falsa alarma. Eran as luces dalgún barquiño ou dalgún xerador eléctrico que había nas casas.
As lanternas e focos tamén foron fundamentais. Os nenos pasárono pipa. “A min non me agobiou nada, gustoume estar coas lanternas”, di Luisa. Tamén Roi suliña que “non foi para tanto” porque tiñan esa luz artificial. As lanternas, ao final eran as súas espadas de luz coas que facer fronte aos medos e temores, se é que houbo algún. Algún moi, moi pequeniño, pero que marchou rápido, como o de Jean Paul que estaba atento coa súa espada-lanterna por se aparecía unha pantasma.
DEIXANDO AS PREOCUPACIÓNS
Eles non tiñan preocupacións. A preocupación, se existía era dos maiores. “A nosa única preocupación era que os nenos o pasaran ben”, di unha das monitoras do Camping Fieitás. Outro compañeiro destaca a labor do equipo de profesores, moi profesionais. Case todos están alleos ao mundo exterior Algún dos monitores escoita a radio a través do coche que é, ademais, onde se pode cargar o móbil, aínda que a liña e a rede son case inexistente. E mentres, o mundo segue ás escuras, pero tanto ten, porque as crianzas durmen tranquilas… E iso é o importante.
Ás 07:45 horas comeza o baile de sons telefónicas… Pi, pi, pi, pi… Centos de mensaxes inundan os móbiles que aínda teñen carga. Algo pasa. Algo bo. Galicia amence con electricidade, ou case toda. No Grove chega a partir das 8:15 horas. O profesorado respira tranquilo. Volta á “normalidade”.
Finalmente, o que ía ser unhas vacacións máis convertéronse nas vacacións do apagamento. Vacacións históricas nas que a rapazada soubo adaptarse, gozar da natureza e da escuridade. Ao final, o máis importante foi saber pasalo ben xuntos, en sociedade, desconectados da “mobilitis”, do balbordo do mundo dos maiores e centrados en disfrutar do valor dunha noite sen luces artificiais, da natureza en estado puro… Esas vacacións non teñen prezo. Serán as súas “vacacións máis vacacións de todas as vacacións”.
A alcaldesa da Coruña, Inés Rey, volveu a apelar á “vontade de diálogo” entre hostaleiros e asociacións veciñais para abordar os problemas no lecer nocturno e conciliar este con o descanso.
A preguntas dos xornalistas, confirmou que haberá unha nova reunión, o día 5, co obxectivo de “achegar posturas” que non están, dixo, “tan afastadas”.
“Entre todos imos ser capaces de construír un marco de convivencia”, sentenciou convencida de que haberá unha aproximación de posturas entre ambas as partes.
“Cada un ten as súas liñas vermellas e así o expresaron pero seremos capaces de chegar a un marco común”, apostilou respecto diso.
Uns 900 clientes de Naturgy víronse afectados por un corte na subministración eléctrica en Oleiros e Cambre, do que se deu aviso pouco despois das 10.30 horas. Así o informaron desde a propia compañía que indicaron que houbo unha incidencia na liña de media tensión que afecta, apostilaron, a ese número de persoas.
No entanto, en liña co exposto polo delegado do Goberno en Galicia, Pedro Blanco, ao que se lle preguntou por esta cuestión, non ten nada que ver co apagamento rexistrado na xornada do luns. “Están a traballar os nosos equipos para recuperar o servizo canto antes”, sentenciaron en relación a un problema de subministración eléctrica que afectou ás zonas de Perillo e Santa Cristina, en Oleiros, e en O Amorne, en Cambre.
Unha nave de limpeza de caixas do grupo pesqueiro Profand ardeu na tarde deste martes no porto de Sada, aínda que non houbo feridos.
Diversos particulares chamaron ao 112 Galicia pasadas as 18,00 horas para alertar dunha nave da que saía moito fume na avenida do Porto, á beira da lonxa de Sada. Naquel momento, sinalaron que o incendio era visible desde diversos puntos do municipio.
Pola súa banda, Profand valora que nesta nave, que ten en réxime de concesión, non se produciron danos persoais. Ás 21,00 horas deste martes, asegura que o incendio “está baixo control”, mentres que os bombeiros e as forzas de seguridade traballan no lugar e a compañía “está a colaborar desde o primeiro momento con eles”.
Esta nave está destinada á limpeza de caixas, polo que non hai mercadoría nin actividade produtiva nela, indica a compañía.
Profand explica que “se están investigando as causas do incendio e é pronto para determinalo”. A empresa abriu unha investigación interna para aclarar o sucedido.
O 112 activou un operativo para o que se solicitou a colaboración do 061 de modo preventivo, dos Bombeiros de Betanzos, Arteixo e Ordes, de Protección Civil de Sada e dos voluntarios de Protección Civil de Betanzos, do Servizo Municipal de Emerxencias de Oleiros e dos axentes da Garda Civil.
Cando chegaron ao lugar, os servizos de extinción comprobaron que o incendio tiña importantes dimensións, aínda que a nave está illada e non hai risco de que se propague a outras construcións.
Os equipos de emerxencias retiraron a cuberta das instalacións para continuar coas tarefas de extinción.
Eran as 12:30h da mañá cando todo se parou. A xente comezou saír ás ventás, á rúa, a preguntar que pasaba? “Algo pasa na Repsol, que está botando fume negro”, comezaba a rular o primeiro bulo da xornada, a pesar de que ese fume era parte do sistema de seguridade da refinería. “Disque foi en toda España”, escoitábase xa moi pronto, gracias a que o whastapp (que tivera pasado se tamén fallase dende primeira hora…), as redes sociais e os trasistores de pilas (esgotadísimos nos bazares e ferreterías) mantiñan a pouca información que continuaba aparecendo. E iso que algunhas emisoras se apagaban e obrigaban aos seus ouvintes habituais a achegarse á RNE ou Radio Galega.
A reacción de moitos foi pasar o mediodía e a tarde na praia. Os areais, co fermoso sol, que había estaban petados. Nas rúas, o clima era máis relaxado do habitual. Os condutores viaxaban con precaución e boa vontade ante o apagón dos semáforos.
Os que non estaban tan contentos foron as preto de 90 persoas que quedaron pechadas en ascensores, e tiveron que ser rescatadas. Ou as 30 con mobilidade reducida que tiveron que ser axudadas para subir aos seus pisos pola falta de ascensores.
Os supermercados comezaban a pechar, era o día das pequenas tendas que podían operar en efectivo sen ter que pasar todo polos códigos; e do Mercadona, único cun sistema alternativo con gasoil. O zumbido dos seus xeneradores afectaba a todo Panaderas, pero seguro que foi unha xornada positiva para a empresa levantina. Sempre que hai que pesca a río revolto…
As conversas na cidade eran apocalípticas, e cada quen daba un culpable: Putin ou uns hackers rusos, Netanhahu… ata Trump estaban nas quinielas da veciñanza ante a absoluta falta de información ao longo da xornada.
De 6 a 10 horas comezaba ABC a avisar de que tardaría en volver a luz. Na Coruña non volvía ata as 2:00h. 13 horas e media de apagón.
A medida que entraba a noite, e xa con algún dos barrios altos da cidade con problemas de suministro auga (Castrillón, Eirís ou Monelos) xa se albiscaban as velas dende as fiestras dos pisos da cidade, e arredor das 23:00h, a estampa no paseo marítimo era curiosa. Moita xente baixou a ver as estrellas, algo nunca visto dende o centro da cidade; os coches non deixaban de pasar intentando volver ás súas casas, pero o movemento, e polo escoitado, o humor, non deixou de reinar nas mentes dos coruñeses.
Hoxe, volve a normalidade, pero sen centros de ensino, unha vez que a Xunta decidiu non abrir hoxe. Si o farán os Centros Cívicos.
Os supermercados xa botaron o peche ao medidía
Un cartel optimista nun comercio ante o apagón
Nas tendas, tomábano con humor
Un cartel nun comerci
O Mercadona fixo o agosto gracias aos seus xeneradores
Despois de nove xornadas chegou á derrota o casilleiro branquiazul.
Vixésimo quinto encontro de Oscar Gilsanz como adestrador do Depor(10V 10E 5D).
— — —
Despois do ano que levamos a parroquia branquiazul é un verdadeiro pracer chegar ao mes de maio con case todo resolto. Se ben é certo que os 50 puntos cos que conta o equipo hoxe en día soen ser signo de salvación (nas últimas 15 tempadas, só dous equipos baixaron con 50 puntos, Cádiz tempada 09/10 e Mirandés, tempada 13/14 e só un equipo baixou con 51 puntos, Deportivo na tempada 19/20 ) faría ben o Depor en asegurar un par de vitorias máis para espantar calquera pantasma.
De feito, parece claro pensar noutras cousas mentres rematamos a faena. Afástase a posibilidade de xogar playoff, a pesares dese colega no grupo do WhatsApp deportivista que aínda soña con esa posibilidade, e por abaixo parece que non debería pasar nada fóra do normal xa que dous equipos están descendidos ou case (Cartagena e Ferrol), outro teno bastante escuro (Tenerife) e o Eldense pelexará co Zaragoza a última praza de descenso.
Así as cousas, o Dépor pode pensar noutros avatares e, de feito, xa leva varias semanas facéndoo. Renovados Ximo Navarro (ate 2026), Diego Gómez (ate 2030), Yeremay, Mella (ate 2029) e Dani Barcia (ate 2028) e dando por feita a saída do canario deixando unha morea de cartos nas contas do club, todo pinta a favor para adiantar decisións con cedidos e ir renovando as pezas claves deste tempada. É necesario atar a Helton Leite e Pablo Vázquez e comezar a firmar xente para o resto do equipo. Fai falla un dianteiro do nivel de Segunda, medios centros do tipo “pulmón” e fai falla un recambio de garantías para Yeremay.
Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
A posta en marcha do complexo industrial de Repsol na Coruña será un proceso graduado que durará varios días, segundo informan fontes da compañía consultadas por Europa Press.
O complexo comezou a pór en marcha de forma graduada as súas unidades paradas polo apagamento eléctrico sufrido este luns, “o que suporá un proceso de posta en marcha durante os próximos días e levará novamente que poida haber momentos nos que o volume dos dous fachos sexa máis visible, unha circunstancia normal nestas etapas do proceso”, precisan.
Os fachos son elementos de seguridade “imprescindibles nas paradas e posta en marcha das plantas”, segundo advirten. Permiten eliminar excedentes gaseosos propios do proceso mediante a súa combustión, que se realiza, aseguran, “de forma totalmente controlada e segura”.
Fin de semana de activismo medioambiental na cala de Brens. A entidade REFIX, xunto coas asociacións organzaban unha acción de coidado da natureza, e volveron quedar abraiados pola situación “catastrófica, así, sen paliativos” deste areal que consideran a “posiblemente é a praia máis contaminada da provincia da Coruña”.
En apenas un par de horas de traballo, o voluntariado rescataron 291,5 kg de lixo. Lixo de todo tipo. “Lixo histórico, moi erosionado polo mar e moi antigo; envases dos 80; lixo habitual procedente do Corredor Marítimo de Fisterra, en idiomas globais”. “Todo isto é difícil de atallar de base,iso sí, pódese controlar limpando cunha certa frecuencia, como parece que por fin está disposto a facer o Concello da Coruña”, sinalan esperanzadores dende as entidades.
Pero o que realmente consideran “lamentable” e “catastrófico”, é “a cantidade inxente de téxtis procedentes da actividade industrial do polígono. Unha mala xestión destes residuos e un pésimo seguimento e control por parte da administración, converten a esta praia de Bens nun estercoleiro”, critican con dureza.
A todas estas fontes de contaminación, hai que engadir, tamén en grandes cantidades, os residuos hixiénico-sanitarios procedentes das descargas da depuradora veciña. Lixo frecuente en case todas as praias pero que nesta pequena de Bens, semella ser parte xa do ecosistema. Un mar de toalliñas húmidas copan o único areal canino da cidade…
A Coruña rexistrou nas últimas horas máis dun centenar de intervencións derivadas da falta de subministración eléctrica, aínda que a situación é de “práctica normalidade” en todos os servizos, segundo informou a alcaldesa, Inés Rey.
En rolda de prensa, e sobre as comunicacións, trasladou que se irán recuperando “ao longo do día”. Respecto diso, explicou que “moitas antenas” teñen un servizo manual o que obriga a ir activando “unha a unha”. “Nas próximas horas o asunto estará resolto”, engadiu.
Mentres, sobre a auga, con afectación na xornada de onte en zonas como Monte Alto, Eirís e Castrillón, indicou que se está recuperando e “normalizando” o servizo, aínda que é posible que aínda chegue auga turbia “polos cambios de presión”.
“A cidade está a recobrar a normalidade, practicamente todos os servizos están restablecidos”, resumiu a rexedora que destacou a apertura de centros cívicos ou instalacións deportivas, así como o funcionamento do transporte e só algunha incidencia coa falta de luz na escola municipal de música, pero xa emendada.
INTERVENCIÓNS
A alcaldesa agradeceu, por outra banda, o traballo “exemplar” dos equipos de emerxencia, con 257 persoas traballando na área de seguridade, e destacou o “comportamento cívico” dos cidadáns, así como o feito de que, á marxe de rescates en ascensores ou algún accidente ou incendio, só con danos materiais, non houbese que lamentar máis consecuencias.
Por outra banda, resaltou a axuda a máis de 30 persoas para levalas aos seus domicilios, as 108 intervencións de bombeiros e de Protección Civil ou as 65 da Policía Local, así como a atención a persoas dependentes, con visitas ás mesmas e o mantemento do servizo de comida. A iso, sumou o soporte, nalgún caso, con grupos electrógenos a determinados servizos.
PORTO DA CORUÑA
Pola súa banda, o porto da Coruña recupera a normalidade tras manter as actividades imprescindibles e os servizos básicos con grupos electrógenos. Así o explica a Autoridade Portuaria que sinala que todos os faros que dependen deste organismo, 13 en total, funcionaron con este sistema e coa subministración con luz solar.
Tamén resalta que a frota pesqueira saíu a faenar e que esta mañá houbo descarga e poxa de peixe na Lonxa, sen que se detectase ningunha situación grave á marxe da paralización de actividades portuarias non imprescindibles, en concreto, algunhas descargas.
