Páxina 93 – Xornal da Coruña – Noticias da Coruña e área Metropolitana

Monte Alto pediu máis intermodalidade e frecuencias no servizo de transporte urbano

BARRIOS

editor

-

25 Abril, 2025

Monte Alto pediu máis intermodalidade e frecuencias no servizo de transporte urbano

Monte Alto acolleu esta tarde un novo, o cuarto de 11, encontro participativo sobre o futuro do autobús urbano da Coruña.

Arredor dunha teintena de persoas participaron no encontro no que a alcaldesa Inés Rey estivo acompañada dos concelleiros José Manuel Lage, Noemí Díaz e Yoya Neira. Parte do equipo técnico do estudo do transporte urbano presentou o informe básico realizando unha dinámica participativa na que as persoas asistentes puideron achegar propostas sobre frecuencias, liñas, accesibilidade, conexións intermodais ou cobertura territorial.

O distrito conta con aproximadamente 30.762 habitantes articúlase en 10 liñas de autobús urbano (3, 3A, 4, 5, 6, 6A, 7, 11, 17) máis o BUH e cun total de 38 paradas.

Prezos ok; frecuencia mal

Como nos anteriores encontros, os prezos foron o elemento mellor valorado, cunha media de 8,6 puntos. Con todo, respecto ao resto de encontros, case todas os aspectos foron puntuados por enriba de 5: marquesiñas (6,3), accesibilidade (6,1), liñas e paradas (6.1) e a frecuencia dos servizos (5.5).
A intermodalidade foi o aspecto peor valorado (3,9), así como o único que non acadou a metade da escala.
Neste sentido, a cidadanía identificou como ámbitos prioritarios de mellora a intermodalidade con outros medios de transporte (28%), a frecuencia e tempo de espera dos autobuses, seleccionada por un 24% das persoas participantes seguida da adaptación a eventos masivos (11%).

Próximos encontros

O vindeiro martes, 6 de maio ás 18.30 horas, terá lugar o seguinte dos encontros. O quinto dos 11 programados polo Concello ate o mes de xuño, co obxectivo de recoller unha ampla representación das voces da Coruña. O calendario previsto é este:

6 de maio: Centro Cívico de Monelos
20 de maio: Centro Cívico do Birloque
29 de maio: Centro Cívico dos Rosales
5 de xuño: Fórum Metropolitano
10 de xuño: Centro Cívico de Eirís
12 de xuño: Centro Cívico de Elviña
14 de xuño: Circo de Artesáns

As persoas interesadas en participar nalgún ou nalgúns dos once Encontros de Barrio programados ata mediados de xuño xa poden formalizar a súa inscrición a través desta ligazón. Ademais, toda a información sobre o proceso participativo estará dispoñible nesta web específica.

Máis novas

A veciñanza do Castrillón pide un “modelo baseado en transbordos e liñas curtas con boa frecuencia”

Gran interese no primeiro encontro participativo para deseñar a nova rede de bus urbano en Mesoiro

O uso do bus urbano medrou un 20% nos últimos 5 anos

Os espazos singulares, protagonistas do RESIS Festival

CULTURA

editor

-

25 Abril, 2025

0

Os espazos singulares, protagonistas do RESIS Festival

Arrincou a VIII edición do festival RESIS, referente nacional da música contemporánea, que ten aos espazos como grandes protagonistas. Onte escollían o Club Cámara Noroeste para realizar a presentación cunha actuación musical de Adya Khanna Fontenla e Clara Giner. E hoxe, venres 25 de abril, o Teatro Rosalía de Castro, acollerá a primeira xornada concerto de Arxis Ensemble xunto ao Coro da Orquestra Sinfónica de Galicia.

Serán 30 eventos dende hoxe ao 30 de maio, maridando concertos, arte sonora, tecnoloxía e dixital, exposicións, cine, masterclasses, coloquios e conferencias que se encadrarán nunha ducia de espazos de alto nivel patrimonial, arquitectónico e paisaxístico no centro da cidade da Coruña.

Espazos de Intervención

Porque precisamente unha potencialidades do Resis son os espazos singulares nos que se organizan os eventos:a Igrexa das Capuchinas, o Teatro Rosalía de Castro, o Teatro Colón, o Palacio da Ópera, o Museo de Belas Artes da Coruña, a DOMUS, o Museo Nacional de Ciencia e Tecnoloxía MUNCYT, a Igrexa de Santo Domingo de Bonaval, a Cidade da
Cultura e o Auditorio de Galicia en Santiago de Compostela; o Círculo de Belas Artes e o Instituto Goethe, en Madrid; o Teatro Pelanda Matatoio en Roma no Festival Nuovo Consonanza, e en Alte Mühle en Rathenow (Alemaña).

O festi conta con artistas internacionais e prestixiosas agrupacións como son Quatuor Diotima, Arxis Ensemble, Quartet Gerhard, Evo Ensemble, Orquestra e Coro da Sinfónica de Galicia, Real Filharmonía de Galicia ou a Banda Municipal; directores como Armando Merino, Fabián Panisello, Jordi Francés, Daniel Huertas ou Javier Fajardo; solistas como Viriginia Guidi, Florian Hoelscher ou Florentin Ginot, ou o creador de metasistemas Rubén Panete.

Tamén estarán os españois Hugo Gómez-Chao Porta e a deseñadora experimental Raquel Buj estrearán KARST na Igrexa de Santo Domingo de Bonaval.

RESIS.LAB

Asemade, o RESIS, na permanente aposta pola educación e a inclusión, realizará actividades de carácter formativo interdisciplinar. O III Panel de lectura de partituras RESIS.LAB, destinado a mozos e mozas compositores e compositoras.

Seguindo esta liña de actuación, levarase tamén a cabo Proxección Sonora IV, aproximando a música contemporánea ás persoas con diferentes capacidades e favorecendo así o acceso igualitario.

As entradas de balde

As entradas aos concertos e actividades serán gratuítas, reservándose en ataquilla.com ou de maneira presencial no quiosco da Praza de Ourense. Toda a programación pode ser consultada na páxina web www.resisfestival.gal.

Máis novas

Diego Veiga: “O Mareira Fest enche ese oco que quedou orfo coa desaparición dos centros sociais autoxestionados”

BiciCoruña terá sete novas bases para a súa ampliación

europapress

-

25 Abril, 2025

0

BiciCoruña terá sete novas bases para a súa ampliación

O servizo municipal BiciCoruña arrinca unha nova fase de expansión, con obras xa en marcha para instalar sete novas bases. Estarán situadas nos barrios de Novo Mesoiro, Ou Castrillón, Os Rosales, Pescadería, Lonzas e Barrio das Flores.

Segundo informa o Concello da Coruña, na actualidade BiciCoruña conta con 49 estacións habilitadas e o seu obxectivo é incrementar este número a un total de 85. Farano, apunta, “atendendo ás necesidades específicas dos barrios e tamén aos fluxos de mobilidade das persoas usuarias, o que tamén fai preciso intervir ou ampliar bases existentes cunha alta demanda”.

En concreto, engade, xa está lista a obra civil en tres destas localizacións, avanzan os traballos de canalización noutras dúas bases e están “próximas a comezar” as actuacións previstas nas restantes.

O obxectivo é que as intervencións de acometida eléctrica — previas á posta en rúa das bases e da activación das mesmas — se vaian concretando “ao longo do mes de maio, para habilitar máis estacións de BiciCoruña nas próximas semanas”.

Ademais, o Concello aproveitará esta nova quenda de ampliación de BiciCoruña para ampliar a frota de vehículos dispoñible, sumando outras 300 bicicletas eléctricas, “necesarias para dar resposta á demanda xa existente”, apunta o consistorio.

O rock galego homenaxea a Tito Calviño o próximo sábado 26 de abril en Portas Ártabra

CULTURA

editor

-

24 Abril, 2025

0

O rock galego homenaxea a Tito Calviño o próximo sábado 26 de abril en Portas Ártabra

Este sábado día 26 de abril ás 19:30h, músicos como Manuel Silveira (fundador de Zënzar e 12 Labirinto), Xosé Bocixa (vocalista de Zënzar), Gonzalo Grela (actual membro da banda Broa), Antón Díaz (baixista dos Papaqueixos), Xurxo Souto e Laura Romero (baixista de Zënzar e autora do libro A culpa foi de Zënzar) faranlle homenaxe a histórico músico Tito Calviño. Será no espazo Portas Ártabras (rúa Sinagoga, 22, A Coruña), onde non faltará o seu fillo, de mesmo nome e profesión.

A proposta nace a carón do libro A culpa foi de Zënzar, unha obra que recolle os máis de 35 anos de historia da banda de Cerceda e que festexa a cifra cun libro ilustrado da man da súa baixista, a ilustradora ordense Laura Romero.

Ao longo das súas 346 páxinas e cun estilo propio e fanzineiro, a publicación mestura narración con moita conversa (na que participou medio centenar de persoas), ilustracións e documentos gráficos como fotografías, entradas e carteis, sendo un libro clave para entender o papel que xogou Cerceda (e concellos lindeiros coma Ordes ou Carral e ata A Coruña e Compostela) na historia do rock e punk galegos.

Que mellor que celebralo cunha presentación homenaxe dirixida por Xusto Souto.

A culpa foi de Zënzar cuberta — Cuberta do libro

Inés Rey apoia crear un novo xulgado de violencia de xénero na cidade

europapress

-

25 Abril, 2025

0

Inés Rey apoia crear un novo xulgado de violencia de xénero na cidade

A alcaldesa da Coruña, Inés Rey, trasladou o seu apoio á demanda de crear un novo xulgado de violencia de xénero na cidade sen converter un xulgado de instrución para este fin. Así o expuxo con motivo da reunión, no Palacio de María Pita, con Áurea Fernández Basanta e Manuel José Lago, representantes do Sindicato Independente de Funcionarios Públicos (CSIF), para escoitar as súas demandas e propostas sobre os plans de ampliación do número de xulgados de violencia sobre a muller en Galicia.

Rey compartiu cos representantes sindicais o positivo balance da creación de catro novos xulgados de violencia na comunidade autónoma, pero tamén compartiu que esta creación “non pode ser á conta de reconverter os xulgados de instrución”. Os representantes de CSIF trasladaron á alcaldesa que dita reconversión afondaría nos problemas de saturación que xa teñen os xulgados de instrución en Galicia. Por iso solicitaron o apoio do Concello para que na Coruña a proposta final sexa a creación de novos xulgados de violencia sen modificar outros servizos existentes.

A Xunta calma a polémica e asegura esperar ao informe técnico para declarar A Coruña como mercado tensionado

europapress

-

24 Abril, 2025

0

A Xunta calma a polémica e asegura esperar ao informe técnico para declarar A Coruña como mercado tensionado

Facíamos onte un repaso ás leas partidistas entre goberno local (PSOE) e Xunta (PP) arredor da calificación da Coruña como Zona de Mercado Tensionado de Aluguer. Esta mañá, a conselleira de Vivenda e Planificación de Infraestruturas, María Martínez Allegue, rexeitou que exista “polémica” co goberno local da Coruña en relación á forma na que se lle notificou que debía facer “correccións” no documento sobre a petición de declaración da cidade como mercado tensionado.

A preguntas dos xornalistas, con motivo da súa asistencia ao comezo das obras de construción de vivendas de promoción pública en Xuxán, ratificou que “en principio parece” que a cidade “cumpre os requisitos” para a citada declaración, pero remitiuse ao que conclúan os técnicos unha vez que se envíen á Administración autonómica os aspectos requiridos.

“Os nosos técnicos traballan de forma áxil”, sentenciou sen concretar datas sobre cando podería tomar a Xunta a decisión. Mentres, sobre as declaracións da rexedora socialista, Inés Rey, criticando a actuación da Consellería en relación á forma en que se solicitaron os cambios — sostivo que o goberno local decatouse primeiro pola prensa — defendeu o labor do departamento autonómico.

Respecto diso, reiterou que a Xunta considera que este tipo de declaracións de mercado tensionado son unha “medida intervencionista, que limita o mercado do aluguer”, pero engadiu que no caso dos concellos que o soliciten e “cumprimenten o que está establecido” declararase como tal.

Á súa vez, o concelleiro de Urbanismo do Concello da Coruña, Francisco Dinis Díaz Galego, eludiu entrar “en polémicas” sobre cando se remitiu o documento solicitando correccións e limitou os requirimentos a cuestións de “mero trámite”. “Remitirémolo o máis axiña posible para que sexa declarado o máis axiña posible”, engadiu sobre a petición de mercado tensionado.

A declaración de zona tensionada volve tensar as relacións partidistas

Conformidade da Xunta ao proxecto do novo centro de saúde de Santa Lucía

europapress

-

24 Abril, 2025

0

Conformidade da Xunta ao proxecto do novo centro de saúde de Santa Lucía

A Xunta, a través do Sergas, trasladou ao Concello da Coruña a súa conformidade en relación ao proxecto de construción do novo centro de saúde de Santa Lucía.

A finais do ano pasado, o consistorio coruñés, sinala, remitiulle ao departamento sanitario o proxecto de construción desta nova infraestrutura sanitaria par a súa supervisión técnica.

“Xa que é necesario garantir que o proxecto se adapta á normativa sectorial vixente e ás necesidades propias da prestación sanitaria conforme ao recolleito no Plan funcional”, engade.

Apunta tamén “que a maior parte das lagoas técnicas detectadas durante a fase de supervisión do proxecto foron resoltas e outras, de menor calado, pódense liquidar en fase de execución das obras” polo que se emitiu o informe favorable.

Esperemos que sexa un paso adiante para un proxecto necesario, nun espazo que sofre décadas de abandono, e cuio proxecto inicial xa foi seleccionado en maio de 2023.

Máis novas do proxecto

A Xunta comprométese con veciños da Falperra a axilizar o centro de saúde de Santa Lucía

Seleccionado o estudo que dirixirá a obra do centro de Santa Lucía na Coruña de entre 14 obras presentadas

Olladas doutro tempo: Santa Lucía

Poxa do antigo edificio da Politécnica de Ferrol da UDC, en Serantes, por 7,5 millóns

europapress

-

25 Abril, 2025

0

Poxa do antigo edificio da Politécnica de Ferrol da UDC, en Serantes, por 7,5 millóns

A Universidade da Coruña (UDC) anunciou este venres no Diario Oficial de Galicia (DOG) a convocatoria dunha poxa pública para a venda do emblemático edificio da antiga Escola Universitaria Politécnica de Ferrol, situada en Serantes, cun prezo de saída de 7.492.822,55 euros.

A poxa terá lugar o 10 de xuño no Reitorado da UDC na Coruña, e os interesados poderán presentar ofertas ata o 23 de maio.

O inmoble, situado na avenida 19 de Febreiro, ocupa unha parcela de 10.733 metros cadrados e conta cunha superficie construída de 6.898, repartidos en soto e tres plantas.

Para participar, os ofertantes deberán depositar unha garantía do 20% (1.498.564,51 euros) e as empresas ou particulares interesados poderán solicitar visitas ao inmoble ata o 15 de maio.

A antiga Politécnica de Ferrol foi un centro formativo clave na cidade antes do seu peche. A súa venda enmárcase na reorganización de infraestruturas da UDC, sendo unhas instalacións que levan anos pechadas e sen ningún tipo de actividade. Chegouse a rumorear que podería acoller unha residencia de universitarios e mesmo de persoas maiores.

A quinta edición do Encontro Mundial de Humorismo na Coruña comeza co 96% das entradas vendidas

monchomarino

-

24 Abril, 2025

0

A quinta edición do Encontro Mundial de Humorismo na Coruña comeza co 96% das entradas vendidas

A quinta edición do Encontro Mundial de Humorismo (EMHU) comeza este xoves, día 24, na Coruña con once xornadas e o cartel “máis internacional ata o momento”, segundo informa a organización.

Loito Mellera, Luís Piedrahita, Henar Álvarez, Javier Veiga, Marta Hazas, Hovik, Ricardo Moya, Galder Varas, Faemino e Canso, Carlos Ballarta, A Ruína, Franco Escamilla, Carlos Branco, Goyo Jiménez, Marta González de Veiga, Touriñán, Álex Clavero, Ana Morgade e JJ Vaqueiro forman parte deste evento que arrinca “co 96% das súas butacas vendidas”.

No entanto, o público poderá gozar das actividades paralelas gratuítas que se ofrecerán na sede Afundación os días 26, 28, 29 e 30 de abril.

Doutra banda, Eva Hache, Franco Escamilla e Marta González de Veiga recollerán os Premios EMHU 2025 pola súa contribución á difusión do humorismo. Será o domingo, día 4, no Teatro Colón, no marco da gala de despedida Fantastic Colofon.

Ademais, este festival de artes contará cunha mesa redonda — o venres 2, tamén no Teatro Colón — na que os divulgadores científicos en fala hispana Javier Santaolalla, José Luís Crespo (Quantum Fracture) e Rocío Vidal (A gata de Schrödinger) analizarán o fenómeno da risa.

EMHU Coruna presentacion — Fotos: Leo López

A programación de espectáculos do EMHU completarase cunha serie de actividades paralelas dirixidas a públicos de todas as idades. Entre elas inclúese a exposición ao aire libre ‘Guonderful Forges. Os anos da esperanza’, iniciativa que percorre a obra de Antonio Fraguas, ‘Forges’, durante a época da Transición. A mostra pódese visitar no Cantón Grande coruñés ata o 4 de maio.

Todo o programa en emhu.es.

O fotógrafo David Bailey, epicentro da quinta mostra da Fundación Marta Ortega

editor

-

24 Abril, 2025

0

O fotógrafo David Bailey, epicentro da quinta mostra da Fundación Marta Ortega

A Fundación Marta Ortega (Fundación MOP) traerá este verán unha nova exposición fotográfica á Coruña, unha mostra que aborda o traballo do fotógrafo David Bailey. Nun comunicado, destacan que Bailey é un dos fotógrafos de moda e retrato máis destacados do mundo. “Ningún outro fixo máis que el para definir a revolución creativa e cultural que deu impulso á vibrante escena londiniense dos anos 60. Non só capturou ás estrelas da época co seu cámara, senón que el mesmo foi unha delas”, remarcan.

A nova exposición inaugúrase o 28 de xuño de 2025 no seu espazo do Peirao de Batería da Coruña e contará con máis de 140 fotografías — algunhas delas inéditas — e permanecerá aberta ao público ata o 14 de setembro. ‘David Bailey’s Changing Fashion’ é a quinta mostra da serie de exposicións que se iniciou en 2021 coa retrospectiva do fotógrafo Peter Lindbergh.

“David Bailey é sen dúbida dono dunha linguaxe visual absolutamente propio. Desde os seus inicios foi coherente coa súa propia visión, rompendo as regras da moda e a fotografía e creando outras novas. Ninguén se moveu con maior soltura polos mundos da música, a moda e o estilo dos anos 60″, apuntou a propia Marta Ortega.

A mostra arrinca cunha secuencia de fotos de Jean Shrimpton (cuxo traballo como modelo para Bailey a catapultou á fama) e presta especial atención a David Bailey’s box of pin-ups. Este portfolio de 1965 inclúe a 36 membros da escena londiniense, desde Mick Jagger a Rudolf Nuréyev, Shrimpton, Michael Caine, Cecil Beaton e, non sen controversia na época, aos coñecidos gánsteres Ronnie e Reggie Kray, todos eles membros do círculo de Bailey.

Tamén se ofrecerá aos visitantes unha curtametraxe especificamente realizada para a ocasión que reinterpreta a box of pin-ups do artista e unha publicación gratuíta inspirada en Ritz, a revista de celebridades, moda e murmuracións que Bailey fundou con David Litchfield en 1976.

PROGRAMA FUTURE STORIES

Antes da inauguración da gran exposición de David Bailey, entre o 20 de maio e o 17 de xuño, o Centro MOP (concretamente, o Silo) acollerá a exposición colectiva Future Stories coas obras de catro novos fotógrafos galegos: Alba Chan, Sofía Dagá, Lucía Novais e Adrián Ramos.

Durante tres meses, estes recentemente titulados en Fotografía polas escolas de Arte e Superior de Deseño de Santiago de Compostela, A Coruña e Ourense gozaron en Milán dun intenso programa académico con foco na fotografía de moda financiado pola Fundación MOP e deseñado pola prestixiosa Fondazione Sozzani, e desenvolveron os proxectos artísticos que se exporán agora.

Ademais, durante toda a tempada de verán, celebrarase a segunda edición de The MOP Talks, un ciclo de encontros abertos ao público con personalidades relevantes da cultura e a creación contemporáneas, e outras actividades das que se ofrecerá máis información proximamente.