Páxina 94 – Xornal da Coruña – Noticias da Coruña e área Metropolitana

A CUAC FM celebra os seus 30 anos con 500 programas e un completo programa de actos

-

7 Outubro, 2025

A CUAC FM celebra os seus 30 anos con 500 programas e un completo programa de actos

30 anos en antena. Non moitas cadeas de radio poden dicir o mesmo, pero a Radio Comunitaria da Coruña, si que pode. A CUAC FM 103.4 acaba de dar por comezada oficialmente a súa 30ª tempada, e a directiva e todo o elenco de colaboradores queren celebralo por todo o alto.

Primeiro na grella, sumando máis de 500 programas, 501 exactamente trala estrea de “Tinta y Voz”, realizado pola Asociación Educativa AtlanTics, e “Desde un metro más abajo”. Medio millar de programas que teñen achegado 1.500 persoas á emisora do Campus da Zapateira.

E despois tamén o van celebrar coa cidade. O Colectivo de Universitarios Activos, a asociación propietaria da radio, pensa organizar múltiples actos nos que se impliquen persoas de todas as etapas da radio e tamén toda a cidadanía coruñesa que a sinte como propia. Porque se es de A Coruña, é case imposible que non coñezas a alguén que nalgún momento da súa vida fixese programa en CUAC FM.

Cea Baile

Ainda que moitas das actividades previstas non se poden contar aínda, si que xa está en marcha a convocatoria dunha gran Cea baile o sábado 21 de marzo no Hotel Meliá María Pita. Se fixeches programa en CUAC FM e queres asistir, envía un correo a comunicacion@cuacfm.org.

Unha foto para lembrar as malas épocas, e festexar as novidades

Ese mesmo día, ás 13:04 xogando cos números do dial, convocan dende xa a toda a cidadanía coruñesa a unha foto colectiva na Praza de María Pita. Dende CUAC non esquecen o masivo apoio da veciñanza e a nivel institucional (Concello da Coruña, Concello de Oleiros, Deputación da Coruña, Universidade da Coruña…) recibido cando a Xunta de Galicia inicio un procedemento sancionador cunha multa entre 100.000 e 200.000 euros por emitir sen licenza. Unha licenza que levaban solicitando dende antes de comezar as súas emisións en 1996. E unha ameaza de sanción que chegou cando a Lei xa recoñecía o seu dereito a ter esa licenza para exercer un dereito fundamental, recolldido na Constitución Española. Aquel expediente, que obligou a abandoar temporalmente o 103.4 do dial finalizou cunha histórica vitoria no Tribunal Superior de Xustiza de Galicia, ratificada polo Tribunal Supremo tras o recurso da Xunta ante a última instancia que lle quedaba. Por tanto, anotemos nas axendas: 21 de marzo, 13:04 foto en María Pita.

A historia continúa e recentemente a Xunta aprobou a documentación presentada conforme a actual lexislación de 2022 e o último trámite que falta para que CUAC FM obteña a desexada licenza.
A entidade que defende os dereitos deste colectivo, a Rede de Medios Comunitarios, celebrará en abril de 2026 o seu Encontro e Asemblea anual na Coruña para apoiar ese 30 aniversario de CUAC FM.

A grella, a tope

Malhumoradas de CUAC FM con Escuchando Elenfates — Imaxe das presentadoras do programa Malhumoradas de CUAC FM con Escuchando Elefantes

Coa chegada do mes de outubro regresan xa todos os programas habituais na programación como El Desinformativo ou Alegría, que levan 23 tempadas consecutivas en antena, ou Recendo, realizado pola Asociación Cultural Alexandre Bóveda e A Fume de Carozo, con alumnado de diversos centros escolares da provincia, aínda que coordinado dende o Colexio Calasanz.

No mes de setembro xa regresaran outros veteranos como Café con Gotas ou Escape Motor, que é un dos referentes en todo o realizado cos rallies e outras competicións de duas e catro rodas. Tamén cabe destacar o esforzo que se realiza dende FEGAUS, a Federación Galega de Universidades Senior de toda Galicia co seu programa Radio 50ypico ou Radio Ceus, que suma a alumnado doutros puntos de España. A música sempre está presente nunha radio e máis en CUAC FM que leva 27 edicións do seu Concurso de bandas e solistas e agarda convocar a 28ª nos vindeiros meses.

Máis novas

A Batalla de Bandas do XXVII Concurso de CUAC FM ratifica o poder das bandas locais

CUACFM entre os gañadores dos Premios Martín Códax da Música Galega 2025

O programa de CUAC “Recendo” cumple 500 programas espallando a cultura galega

CUAC FM renova a súa web e emite o primeiro boletín realizado totalmente con IA na radio española

CUAC FM renova a súa directiva e prepara CUAC TV para celebrar o seu 29 aniversario

As familias do CEIP Valle Inclán volveron saír á rúa para esixir máis mestres: “Sen profes, non hai escola”

Ubaldo Cerqueiro

-

7 Outubro, 2025

0

As familias do CEIP Valle Inclán volveron saír á rúa para esixir máis mestres: “Sen profes, non hai escola”

Trala concentración do pasado 29 de setembro, nada cambiou aínda no CEIP Valle Inclán de Oleiros. Por iso a comunidade educativa segue en loita para conseguir que a falta de profesorado non afecte gravemente ao funcionamento do centro e á calidade educativa.

Ao son de arengas como “A pública non se vende, a pública deféndese” ou “Sen profes, non hai escola”, as familias da ANPA Valle Inclán volveron mobilizarse ás portas do centro este luns 6 de outubro.

Lembraron que xa presentaron un escrito por rexistro á Inspección Educativa o pasado 19 de setembro, ante o que seguen sen resposta oficial. “O Inspector recoñeceu nunha recente reunión que se trata dun problema xeralizado derivado de decisións políticas, que reduce horas lectivas sen aumentar o persoal”. Ademais, constataron que “o uso do profesorado do programa MEGA para cubrir titorías —en lugar de reforzos educativos— desvirtúa o obxectivo do proxecto financiado pola UE”.

Esta falta de profesorado está a obrigar a reducir proxectos educativos emblemáticos e afecta tamén á atención ao alumnado con NEAE, á seguridade e á organización xeral do centro.

Por todo isto, a ANPA esixe unha resposta urxente da Consellería de Educación e medidas reais que garantan un ensino público de calidade.

View this post on Instagram

A post shared by Xornal da Coruña (@xornaldacoruna)

Máis novas sobre os recortes no ensino

As familia do CEIP Valle-Inclán de Oleiros saen á rúa: “Neste centro, faltan mestres!”

A Consellería négase a desdobrar dúas aulas masificadas nos CEIP María Barbeito e Cerviño e CEIP Alborada

A ANPA do CEIP Concepción Arenal traslada as queixas pola redución do profesorado de apoio

Outras novas das ANPAS

ANPA As Pedreiras: “Collo vacacións en setembro para poder resolver o comezo de curso”

ANPA Sardiñeira: “Por que teño que xestionar eu todo isto?”

ANPA Faro: “As administracións deberían facerse cargo da educación de 7.30 a 16.30h”

ANPA RASA: “Os centros públicos están privatizados case durante media xornada lectiva”

ANPA Monte Vixía: “É complicado estar ao tanto de solicitudes, ofertas, orzamentos… sendo pouc@s e voluntari@s”

ANPA Avantar: “Non debería recaer nas ANPAS a responsabilidade do comedor”

Piden a creación da “2Gal”, a canle autonómica da RTVE

SOCIEDADE

editor

-

7 Outubro, 2025

0

Piden a creación da “2Gal”, a canle autonómica da RTVE

O Secretario Xeral de Movemento Sumar Galicia, Paulo Carlos López, vén de solicitar ao
Presidente de RTVE, José Pablo López, o impulso de “2GAL”, unha nove canle autonómica con contidos específicos que substitúan á segunda canle de TVE no noso país, “en galego e para Galicia, do mesmo xeito que vén de anunciar o inicio do proxecto 2CAT”. López indica que “os dereitos lingüísticos da cidadanía galega tamén deben ser respectados”.

“Se RTVE entende con acerto que o catalán merece unha canle específica con deporte en directo, produción propia e contidos de máxima audiencia, o galego tamén”. Para Movemento Sumar Galicia a “2Gal” debería ser unha canle en galego, con medios suficientes, unha grella diversa que inclúa a diversidade e, “tamén con información política” e que “tire da industria cultural do noso País como motor auxiliar”. Para isto, indica López habería que reforzar con medios técnicos e humanos a delegación de RTVE en Galicia.

“Falamos de igualdade real entre linguas oficiais: mesmo dereito, mesma calidade e mesmos recursos. Pedimos un calendario verificable de lanzamento, financiamento equiparable ás outras linguas e reforzo deses equipos en RTVE-Galicia para fortalecer o noso sector audiovisual”, engadiu. Movemento Sumar Galicia reclama que a Presidencia de RTVE e ao Consello de Administración que incorporen xa La 2Gal ao plan operativo e convoquen unha mesa técnica co sector, universidades e sociedade civil.

“RTVE ten que adaptarse xa á plurinacionalidade do Estado”, conclúe.

A historia de Rosa Otero Raña, a terceira Filla Adoptiva da cidade

SOCIEDADE

Ubaldo Cerqueiro

-

7 Outubro, 2025

0

A historia de Rosa Otero Raña, a terceira Filla Adoptiva da cidade

Dos 21, agora 22, fillos predilectos que ten a cidade (outros 5 foron desterrados pola Lei de Memoria Histórica), só 3 teñen nome de muller: María Casares, Carmela Arias y Díaz de Rábago, e dende onte, Rosa Otero Raña.

A fundadora da asociación antidroga Antonio Noche, fundadora de AECO, a asociación de
empresarias máis antiga de España, e presidenta da Asociación de Amas de Casa da Coruña recibía onte o título de Filla Adoptiva da cidade, nunha emotiva celebración no Pazo de María Pita. Membros da Corporación municipal, autoridades, representantes de entidades sociais, familiares e amizades acompañárona durante a cerimonia.

Rosa Otero comezou ensinando a ler e a escribir a mulleres sen recursos e posteriormente
colaborou coas necesidades das persoas que vivían nas chabolas, sendo unha das
cabezas visibles na loita contra as adiccións a través da Asociación Antonio Noche.

“Polo teu exemplo e pola túa loita. Por abrir portas e lembrar sempre ás mulleres invisibles. Por facer cidade sen excluír a ninguén”, dixo a rexedora Inés Rey ao presentar a esta muller pioneira e recoñecida pola súa labor social e traballo no terceiro sector.
Rey destacou o papel pioneiro de Rosa Otero, muller que “abriu camiños nun mundo no que non se falaba de teitos de cristal, porque todavía había que ser quen de abrir as portas e as ventás”. Ademais, a rexedora lembrou o diferente contexto “no que as mulleres tiñan que loitar o triplo para chegar ao espazo que lles correspondía”

A primeira rexexora da historia da cidade lembrou que A Coruña é unha cidade de mulleres pioneiras e que “agora sumamos a Rosa Otero a esa cadea de mulleres que fixeron da nosa cidade un lugar mellor”.

Máis novas

Proposta do Concello da Coruña para recoñecer á presidenta de Amas de Casa Rosa Otero como ‘filla adoptiva’

Os dous senegales que auxiliaron a Samuel Luiz, fillos adoptivos da Coruña: “Non somos heroes”

A Coruña gaña por segunda vez o premio Cidades que Camiñan

europapress

-

6 Outubro, 2025

0

A Coruña gaña por segunda vez o premio Cidades que Camiñan

A Coruña acaba de ser distinguida co Premio Cidades que Camiñan 2025, na categoría de cidade con máis de 100.000 habitantes. Un recoñecemento outorgado pola Rede de Cidades que Camiñan a aquelas urbes que destacan pola súa aposta decidida por un modelo urbano máis humano, accesible e sustentable, informa o goberno local.

Trátase da segunda ocasión na que A Coruña recibe este galardón, despois de que en 2022 fose premiada pola creación da Rolda Peonil. Nesta nova edición, o xurado destacou de forma unánime a transformación desenvolvida polo goberno municipal no barrio da Pescadería, con actuacións como a reurbanización dos Cantóns, a reforma integral da rúa San Andrés e a peonalización da rúa Compostela. O premio será entregado o vindeiro venres 17 de outubro, no marco do XII Congreso da Rede de Cidades que Camiñan, que terá lugar no Palacio de Congresos de La Línea de la Concepción, en Cádiz.

A coruñesa Sandra Garrido chega este martes a Santiago tras ser liberada da prisión israelí

MOV. SOCIAIS

editor

-

6 Outubro, 2025

0

A coruñesa Sandra Garrido chega este martes a Santiago tras ser liberada da prisión israelí

As activistas da Global Sumud Flotilla foron liberadas na mañá deste luns, 6 de outubro, e viaxaron nun voo con destino a Atenas. Fontes de comunicación e asistencia legal ás familias das detidas confirmaron a súa chegada á capital grega arredor das 16:30 horas (hora local).

Desde Atenas, as activistas foron divididas en tres grupos con destino a distintas cidades do Estado español:

Barcelona, con chegada prevista ás 23:40 h.
Madrid (T2), con chegada arredor das 23:00 h.
Bilbao, con chegada ás 23:15 h.

Entre elas está herculina Sandra Garrido, que puido terse posto en folga de fame trala detención da Flotilla. A coruñesa viaxa xa rumbo a Madrid, onde será recibida por familiares, amizades e representantes da Flotilla, que acompañarán o grupo durante a chegada e a atención aos medios de comunicación.

Chegada a Compostela

Segundo informou a familia de Sandra Garrido, está previsto que viaxe a Santiago de Compostela durante o día de mañá, martes. Agárdase que nas próximas horas se confirmen encontros coas súas achegadas e a convocatoria dunha recepción pública e posterior rolda de prensa.

Ademais, galego Manu López, tamén participante na Global Sumud Flotilla, chegou hoxe a Vigo despois das 20:00 horas, nun tren procedente de Madrid.

A coruñesa Sandra Garrido, retida e en posible folga de fame nunha cárcere israelí

A Plataforma A Coruña Pola Paz estreouse cunha comprometida marcha ata a Torre

A Coruña protagoniza unha espectacular manifestación por Palestina

En marcha a implantación do quinto contedor que cambia o modelo de separación do lixo na cidade

Ubaldo Cerqueiro

-

6 Outubro, 2025

0

En marcha a implantación do quinto contedor que cambia o modelo de separación do lixo na cidade

O Concello da Coruña inicia esta semana a implantación do quinto contedor na cidade, destinado á fracción resto, un proceso que se desenvolverá de forma progresiva ata finais de ano. Un proceso que cambia o modelo de xestión do lixo na nosa cidade, que leva décadas reciclando de xeito diferente ao resto do estado dende a instalación da planta de Nostián.

Os primeiros colectores comezarán a instalarse esta semana no barrio de Novo Mesoiro, e iranse incorporando ao resto dos distritos nos vindeiros meses. En total, máis de 9.600 contedores serán rotulados para facilitar que a veciñanza identifique con claridade o tipo de residuos que deben depositarse en cada un.

Ademais, máis de 5.000 contedores cambiarán a súa tapa para pasar de “inorgánico” a “fracción resto”, a un ritmo medio de 100 colectores ao día, co fin de completar a renovación antes de finais de ano.
A iniciativa, promovida polo Goberno municipal, inclúe tamén a incorporación dun código QR en cada colector que dirixirá á web municipal con toda a información práctica sobre o novo sistema.

As novidades

A principal novidade deste proceso está en que o tradicional contedor de inorgánicos se
divide agora en dous: o amarelo, para envases, e o gris, para o resto.

Deste xeito, o sistema de separación queda configurado da seguinte maneira:

Contedor azul, para papel e cartón.
Contedor verde, para vidro.
Contedor marrón, para residuos orgánicos.
Contedor amarelo, para envases (bricks, latas, botellas e envases de plástico,
bolsas, bandexas de cortiza branca, tapas, etc.).
Contedor gris, para elementos non reciclables (restos de barredura, cabichas,
cueiros, produtos de hixiene, utensilios de madeira ou metal, anacos de louza…).

Máis novas

A Coruña implantará este ano o quinto colector para facilitar a separación de residuos en orixe

Impostas na cidade 50 sancións a ciclistas e condutores de VMP por non cumprir a normativa

europapress

-

6 Outubro, 2025

0

Impostas na cidade 50 sancións a ciclistas e condutores de VMP por non cumprir a normativa

A Policía Local da Coruña pechou unha nova campaña específica de control sobre o uso de bicicletas e vehículos de mobilidade persoal (VMP), como os patinetes eléctricos, con máis de cincuenta sancións tramitadas ao longo das dúas últimas semanas. Durante os operativos, detectáronse diferentes condutas “que supoñen un risco real para a seguridade viaria e que afectan directamente á convivencia no espazo público”, expón o goberno local.

En concreto, tramitáronse 39 denuncias por uso de auriculares durante a condución; 12 por circular por zonas peonil ou beirarrúas; dúas por levar dúas persoas no mesmo VMP; un por uso do móbil; unha por incumprimento dun semáforo e unha por conduta indebida na vía, prácticas todas elas prohibidas pola normativa vixente. Estas campañas teñen como obxectivo previr situacións de perigo e reforzar o uso responsable dos espazos comúns da cidade, promovendo un modelo de mobilidade máis seguro e sustentable.

A Plataforma A Coruña Pola Paz estreouse cunha comprometida marcha ata a Torre

MOV. SOCIAIS

Ubaldo Cerqueiro

-

6 Outubro, 2025

0

A Plataforma A Coruña Pola Paz estreouse cunha comprometida marcha ata a Torre

No marco das mobilizacións que se celebran estas semanas en todo o estado (impresionantes as do venres na cidade herculina e a do sábado en Compostela), a plataforma “A Coruña pola Paz” arrincaba a súa andaina social cunha marcha “en contra das guerras, do xenocidio e da cultura da guerra e a violencia”. Baixo o lema “Non as guerras e ao xenocidio”, e en conmemoración do día internacional da non violencia, centos de persoas que forman parte das máis de 30 asociacións adheridas á Plataforma, concentrábanse este sábado 4 de outubro, ás 19:00h na paloma de Picasso, na Praza de Pontevedra.

Dende aí, colleron o paseo marítimo e realizaron unha completa marcha, ao solpor, ata a Torre, con arengas e pancartas como “as vosas armas, as nosas mortes”, “menos tanques e máis flotilla”, “non e unha guerra, é un xenocidio”.

Xa ao acubillo da estatua de Breogán, houbo unha actuación de Bea a de Estrella e unha lectura do manifesto da plataforma “A Coruña pola Paz”, que invita a persoas e entidades da cidade a adherirse nesta ligazón.

Marca A COruna Pola Paz 1 — Saíndo da Praza de Pontevedra

Marca A COruna Pola Paz 3 — De marcha polo paseo

Manifesto A Coruña Pola Paz copia — O Manifesto da plataforma “A Coruña Pola Paz”

Máis novas

A Plataforma A Coruña pola Paz nace cunha Marcha ata a Torre

Manifestación histórica en Santiago contra o “xenocidio”

A Coruña protagoniza unha espectacular manifestación por Palestina

A coruñesa Sandra Garrido, retida e en posible folga de fame nunha cárcere israelí

A Autoridade Portuaria pide axustar a lei galega para que a taxa turística non afecte a cruceiros sen pasar a noite na cidade

europapress

-

6 Outubro, 2025

0

A Autoridade Portuaria pide axustar a lei galega para que a taxa turística non afecte a cruceiros sen pasar a noite na cidade

O presidente da Autoridade Portuaria da Coruña, Martín Fernández Prado, pediu que a Xunta axuste a lei para que os cruceiros paguen taxa turística só se pasan a noite na cidade, despois de que o Concello da Coruña implantase desde o pasado 29 de setembro a taxa turística, aínda que con carencia este ano para estes cruceiros.

A decisión do Concello sustentouse en que a Lei autonómica 5/2024, de acompañamento aos orzamentos de 2025, incluíu aos cruceiros na aplicación do gravame, pasen a noite ou non na cidade, por iso é polo que a Autoridade Portuaria pida a modificación da lei correspondente aos orzamentos de 2026. Fernández Prado considerou “lóxico” que os cruceristas abonen a taxa só se pasan a noite na cidade, do mesmo xeito que ocorre con calquera outro viaxeiro que chegue en avión, autobús, tren ou vehículo particular á Coruña e deixe a cidade o mesmo día, sen pasar a noite, e que por este motivo non abona taxa turística, sinalou.

Ademais, argumentou que unha porcentaxe dos cruceristas “nin sequera chegan a baixar” do barco. A Autoridade Portuaria xa presentara alegacións á ordenanza municipal ao entender que a aplicación da taxa turística podería ser moi prexudicial para a chegada de cruceiros á cidade, cun impacto “moi negativo” na actividade económica e no emprego. Para o presidente do organismo portuario, dado que a ordenanza se basea na lei autonómica, considérase que o axuste proposto en lei correspondente aos orzamentos de 2026 deixaría tamén sen efecto, na ordenanza municipal, aos cruceiros que non pasen a noite no porto coruñés.

POSTURA DA XUNTA

Preguntado no Consello da Xunta o conselleiro de Presidencia, Xustiza e Deportes, Diego Calvo, sobre esta cuestión, argumentou que a taxa turística “podíase levar a cabo acordada co sector”. “En Santiago non ocorreu e na Coruña parece que vai polo mesmo camiño”, sentenciou tras recursos do sector. Por outra banda, dixo que “non é certo” que a taxa turística sexa “cousa da Xunta”, expuxo para incidir en que así se trasladou tamén no consello de administración da Autoridade Portuaria da Coruña.

“A Xunta regula as bases pero quen decide como se aplica, cales son as excepcións, as bonificacións, son os propios concellos”. Ademais, asegurou que na reunión do organismo portuario xa se expuxo que os cruceristas fosen “beneficiarios desa bonificación igual que son outro tipo de visitantes”, sentenciou sobre A Coruña e ao considerar que deben estar exentos os que non pasan a noite. “Veremos as propostas que chegan e tomaranse decisións”, apostilou, mentres, tras a formulación do organismo portuario coruñés.