Inicio Blog Páxina 189

O Monte Costa, en Culleredo, sofre un incendio forestal

editor
-
0
O Monte Costa, en Culleredo, sofre un incendio forestal

Non libra a comarca da vaga de lumes que sofre Galicia. Un incendio forestal ten lugar dende esta madrugada no Monte Costa, en Culleredo. O incendio detectouse arredor das 4:30 horas e está a afectar unha zona forestal.

Alí traballa un equipo formado por brigadas de extinción de incendios da Xunta, o Servizo de Emerxencias do Concello de Culleredo, a Policía Local, os Bombeiros do Parque Provincial de Arteixo, o Servizo de Emerxencias de Oleiros e os servizos municipais de augas. A coordinación realízase desde a zona de Cillobre.

En principio, non se prevé que o incendio afecte a vivendas. A zona máis próxima, por unha banda, é a xa mencionada localidade de Cillobre, pero as actuacións dos servizos, xunto coa presenza de varias estradas que poderían actuar como barreiras, conteñen o incendio.

O servizo eléctrico da zona foi cortado pola existencia de liñas eléctricas. Por agora non supera as 20 hectáreas.

O incendio Monfero-Queixeiro afecta o Parque das Fragas do Eume

Ademais, a Xunta informa de que hoxe ás 05.11 horas de hoxe quedou controlado un incendio forestal declarado ás 21.11 horas de onte no concello de Monfero, parroquia de Queixeiro, que afecta o Parque Natural das Fragas do Eume. Segundo as últimas estimacións, afecta unha superficie de arredor de 1,5 hectáreas. Para a súa extinción mobilizáronse de xeito acumulado 1 axente, 5 brigadas e 6 motobombas.

A Copa Galicia volve xuntar na Coruña aos 4 grandes do baloncesto galego

editor
-
0
A Copa Galicia volve xuntar na Coruña aos 4 grandes do baloncesto galego

A Copa Galicia de Baloncesto volverá celebrarse na Coruña os días 5 e 6 de setembro, reunindo aos catro grandes clubs galegos —Breogán, Obradoiro CAB, Club Ourense Baloncesto e Básquet Coruña— 19 anos despois da súa última edición na cidade.

O torneo, organizado pola Federación Galega de Baloncesto, conta co apoio do Concello da
Coruña e do IMCE, e celebrarase no Coliseum. A distribución dos partidos anunciarase nos vindeiros días, pero será a posta de longo dun renovadísimo Básquet Coruña ante a súa afección antes do inicio da tempada oficial.

 

Presentacion_COPA_GALICIA_BALONCESTOÁ presentación acodiron alcaldesa da Coruña, Inés Rey; o xefe de Servizo Provincial de Deporte da Xunta de Galicia, Roberto García; o concelleiro de Deportes, Manuel Vázquez; e do presidente da Federación Galega de Baloncesto, Julio Bernárdez. En representación dos clubs participantes interviñeron: Carmen Lence, presidenta do Leche Río Breogán; Rafael Silva, conselleiro do Monbus Obradoiro; Sergio Pérez Anagnostou, director deportivo do Club Ourense Baloncesto; e, polo Leyma Coruña, Miguel Valín, vicepresidente, e Carlos Uzal, director deportivo. Tamén estiveron presentes a directora xeral da FEGABA, Susana Fernández Fiuza; o director comercial da federación, José Cobelo López; o xuíz único do Comité de Apelación, Miguel Juane; e o xefe de prensa do Monbus Obradoiro, Pablo Va Vroenhoven.

Apoio ao club

Onte aprobouse a modificación do obxecto do convenio nominativo entre o Concello da
Coruña e o Básquet Coruña, que permitirá manter a achega de 150.000 euros ao club a
pesar do seu descenso á Primeira FEB.

Operativo de procura no peirao de Oza por un posible home ao mar

europapress
-
0
Operativo de procura no peirao de Oza por un posible home ao mar

Bombeiros da Coruña, en colaboración coa Policía do Porto da Coruña, participaron nun operativo de procura tras recibir o aviso da posible caída dun mariñeiro sen que se atopase a ninguén.

En concreto, recibiuse a alerta de que presumiblemente caera dun barco no peirao de Oza. Con todo, non se atopou a ninguén na superficie perimetral da zona. Por iso, alertouse a persoal da Garda Civil do Mar para inmersión en fondo mariño e procura, con emprego de distintos elementos.

As traballadoras do SAF saíron á rúa na Coruña e Arteixo para esixir protocolos de seguridade

Ubaldo Cerqueiro
-
0
As traballadoras do SAF saíron á rúa na Coruña e Arteixo para esixir protocolos de seguridade

Pasaron xa 16 días dende o asasinato de Teresa, unha traballadora do Servizo de Axuda no Fogar de Porriño. As “esquecidas” traballadoras, como lembraba nestas mesmas letras Trinidad Palacios, non poden máis, e onte saíron a rúa e colgaron as batas para denunciar a a precariedade laboral, a falta de protocolos de seguridade e a inacción da Xunta de Galiza e da FEGAMP tralo sucedido.

Houbo ducias de concentracións ao longo do país, como as acontecidas en 5 vilas da Costa da Morte. Pero tamén as houbo na Coruña, e en Arteixo, onde os problemas con este servizo básico, que a Xunta deriva nos Concellos, son continuos dende hai anos.

Concetntracion_13_SAF_Arteixo.02
Imaxe da concentración do SAF de Arteixo

Convocadas pola CIG, centos de traballadoras colgaron as batas e saíron ás rúas, despois de deixar feito o seu traballo xa que “a Xunta, desentendéndose das súas responsabilidades, derivou aos concellos a declaración dos servizos mínimos, e moitos non os decretaron, deixando a responsabilidade ética ás traballadoras”.

Criticaron o “silencio” das administracións, o mesmo que matou a Teresa, que denunciara a fronte a empresa a situación de acoso que sufría, pero iso non foi suficiente para tomar medidas inmediatas de protección. Algo que describen como “violencia institucional”. “Ten que bastar unha palabra, ten que bastar a declaración dunha auxiliar para que inmediatamente se suspenda un servizo”, sinalaron advertindo o alto risco físico e mental do traballado que desenvolven.

Denunciaron tamén a súa precariedade laboral, o feito de ter tomadas por “man de obra barata”, e solicitaron unha serie de medidas, un protocolo de revención fronte o acoso, para implantar con urxencia:

  • Ante a existencia dunha denuncia ou comunicación dun posible caso de acoso, estará xustificada a ausencia ao posto de traballo.
  • Que, no momento no que se reciba unha queixa de acoso dunha traballadora se suspenda cautelarmente o servizo, activándose o protocolo de acoso.
  • Que se realicen xa as avaliacións de riscos, incluídos os psicosociais, en todos os domicilios.
  • Habilitar un servizo efectivo para presentar calquera incidencia e dar traslado inmediato as delegadas de prevención.

Máis novas

Somos as traballadoras do SAF: esenciais pero esquecidas

As familias de Arteixo critican a “nefasta” xestión do Servizo de Axuda no Fogar

O Concello de Oleiros denuncia graves incumprimentos do servizo de recollida do lixo do Consorcio das Mariñas

editor
-
0
O Concello de Oleiros denuncia graves incumprimentos do servizo de recollida do lixo do Consorcio das Mariñas

Graves acusacións as que lanza o alcalde de Oleiros ao presidente do Consorcio das Mariñas. Ángel García Seoane (AdV) acusa a José Santiso (PP), tamén alcalde de Abegondo, de “tolerar a vulneración sistemática das obrigas contractuais da empresa de recollida de lixo”.

Seoane denuncia “o incumprimento das frecuencias de recollida, a non limpeza dos contornos de contedores, o uso de camións avariados que van perdendo lixo polas rúas e a non reposición de contedores rotos”, pero ademais, critica as últimas “graves deficiencias no funcionamento do punto limpo de Iñás”.

O Concello recoñece que está a recibir as queixas de veciños e veciñas que non poden deixar os seus desperdicios específicos porque leva días cheo, sen que se retiren os distintos desperdicios e obxectos. “Esa inaceptable situación pódese constatar visualmente con todos os contedores a rebosar, amoreamento de grandes electrodomésticos, etc… “

Outnto limpo de inas
Outra imaxe do punto limpo de Iñás

“Por que o presidente do Consorcio das Mariñas consinte todos estes graves incumprimentos do contrato de recollida de lixo, que supoñen importantes beneficios económicos para a empresa concesionaria?”, pregúntase o alcalde de Oleiros, que afirma “estudará todas cantas medidas sexan necesarias para paralizar o dano medioambiental e hixiénico que se está a causar no municipio polas deficiencias do servizo”.

O Concello da Coruña iniciará o plan de renovación dos centros cívicos en Labañou

europapress
-
0
O Concello da Coruña iniciará o plan de renovación dos centros cívicos en Labañou

O Concello da Coruña iniciará en Labañou o plan de renovación dos centros cívicos, cun investimento de 620.000 euros para mellorar o seu envolvente e tamén a cuberta. A alcaldesa, Inés Rey, informou, en rolda de prensa, da adxudicación das obras no citado centro, cun prazo de execución de catro meses.

Respecto diso, lembrou que esta primeira fase de actuacións para renovar os centros cívicos da Coruña inclúe tamén as instalacións municipais de San Diego, O Castrillón e Os Rosales, o que suporá un investimento conxunto de máis de 1,5 millóns.

A rexedora expuxo tamén que a inicios de setembro, entre os días 1 e 3, abrirase a preinscrición nas actividades socioculturais que levarán a cabo nos centros cívicos da Coruña ata finais deste ano.

Ademais, informou que o Concello renovará o seu apoio económico ao Básquet Coruña, co obxectivo de apoiar o club, que nas próximas semanas arrincará a competición na Primeira FEB.

O Salón do Cómic da Coruña reúne este sábado presentacións sobre banda deseñada

europapress
-
0
O Salón do Cómic da Coruña reúne este sábado presentacións sobre banda deseñada

O Festival Internacional da Banda Deseñada Viñetas desde o Atlántico continúa este sábado, día 16, cunha programación variada que combina charlas, presentacións e firmas con destacados nomes a nivel nacional e internacional, así como un encontro profesional sectorial no Circo de Artesáns.

Pola mañá, está organizada unha charla a cargo de Abel Alves (en colaboración con Demo Editorial). Ás 11.30 horas, o mesmo autor presentará a webserie de animación ‘O búnker’, tamén con Demo Editorial.

A mañá terminará ás 12.30 horas cunha sesión de firmas de distintos autores. Xa pola tarde, ás 17.00 horas, Arkaitz González presentará Astrid! (en colaboración con Fandogamia Editorial), ao que sumarán outras presentacións, ademais dun encontro sectorial.

The Champions Burger trae ao Peirao de Calvo Sotelo as mellores hamburguesas do país

Ángela Precedo
-
0
The Champions Burger trae ao Peirao de Calvo Sotelo as mellores hamburguesas do país

A Coruña vibrou hoxe baixo o sabor e a expectación: presentouse oficialmente a segunda edición de The Champions Burger, o maior festival de hamburguesas de España que arrinca a súa xira por máis de 40 cidades e converte cada parada nunha experiencia gourmet sobre rodas. Con entrada gratuíta, o Peirao de Calvo Sotelo transformouse en escenario anfitrión ata o 24 de agosto, disposto a recibir a milleiros de ‘foodies‘ ansiosos por descubrir a mellor hamburguesa do país. A inauguración foi máis ca unha presentación: foi un preámbulo festivo cheo de aromas a carne, pan artesanal e especias, que anticipa dez días cheos de sabor, creatividade e competición.

Máis de 20 hamburgueserías do territorio nacional, entre elas a popular Carnivale –moi querida na Coruña, por ser a súa casa–, sacarán as súas armas culinarias para gañar o favor do público, que poderá votar a súa favorita mediante o ticket e código QR –o verdadeiro xuíz desta batalla gastronómica é a xente de a pé–. Ademais, hai que dicir que a ambientación non decepciona: inspirada na mítica ruta 66 estadounidense, a escenografía integra neóns, ‘food trucks‘ decoradas para a ocasión e música que promete trasladar ao comensal a unha viaxe visual e sensorial ao corazón de América.

Tamén gañou gran protagonismo a zona lúdica, na que os asistentes ao evento poder xogar unhas partidas de FIFA ou optar por máquinas de arcade retro, entre moitas outras opcións. Aínda que, dende logo, as hamburguesas seguen sendo o centro do festín: gourmet, orixinais, con opcións para dietas veganas e sen gluten, prezos accesibles –12,95 € a burger individual e menús completos por menos de 20 €– e coidadas caixas de presentación. Se buscas unha boa excusa para saír, rir e probar boa comida, este festival será máis ca un plan: será unha experiencia completa.

PARTICIPANTES

  • Gottan
  • Moflete
  • TEOX
  • Hades
  • Cheeck’s
  • Street Food
  • Muralla
  • Dako Burger
  • Moa
  • The Vicbros Burger
  • Soul
  • Godeo
  • Nola Smoke
  • Rico
  • Tarantín Chiflado
  • Tokio
  • Vacarnal Burger
  • Circo
  • Malasogra Burger
  • Custom Burger Shop
  • Carnivale Burger
@galicia_confidencial @TheChampionsBurger vuelve a A Coruña entre el 13 y el 24 de agosto. #galiciaconfidencial #thechampionsburger #coruña #burgers #hamburguesa ♬ sonido original – Galicia Confidencial

Nova edición da Batalla Naval da Coruña este venres con 700 quilos de pirotecnica

europapress
-
0
Nova edición da Batalla Naval da Coruña este venres con 700 quilos de pirotecnica

A Coruña celebra este venres unha nova edición da Batalla Naval con máis de 700 quilos de material pirotécnico. Será, informa o consistorio, unha xornada na que se encherá o ceo de luz e cores durante 20 minutos.

Como en anos anteriores, terá lugar na enseada do Orzán a partir das 23.30 horas. Ademais, ese día o ilusionista Pedro Volta actuará na praza de María Pita co seu espectáculo ‘Magic Space’.

Con motivo da Batalla Naval, haberá dúas zonas de disparo de lumes. A principal estará situada na coraza das Escravas e a segunda na Leira dos Mariño.

Noutra orde de cousas, o consistorio informou da actuación do artista granadino Miguel Ríos no Teatro Colón o próximo 21 de febreiro dentro da súa xira ‘O último vals’.

A Coruña pide a concellos de arredor revisar as redes de auga ante un consumo “máis elevado”

europapress
-
0
A Coruña pide a concellos de arredor revisar as redes de auga ante un consumo “máis elevado”

A alcaldesa da Coruña, Inés Rey, advertiu dun consumo “máis elevado” da auga en municipios da área coruñesa e, neste contexto, situou as recomendacións feitas sobre a revisión das súas redes por parte da Empresa Municipal de Augas (Emalcsa), que se encarga da subministración, e que a propia rexedora volveu a reiterar.

En rolda de prensa, e preguntada por esta cuestión, apelou a un consumo responsable da auga, aínda que descartou que o feito de que se detectou un máis elevado — e que motivou reunións con representantes municipais de Cambre, Oleiros, Sada e Bergondo — teña que ver cun aumento da poboación.

Así, non descartou que estea vinculado a fugas na rede polo que expuxo que se trasladan recomendacións aos concellos para que acometan a correspondente revisión de face a adoptar as medidas oportunas.

“Non hai un problema co encoro que está ao 82%”, indicou tamén para insistir en que son recomendacións de cara a atender “as necesidades estruturais” que poida haber en caso de detectarse incidencias na rede.

1...188189190...777Page 189 of 777

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES