Inicio Blog Páxina 413

Alvedro é o aeroporto que máis creceu en pasaxeiros no que vai de 2023

europapress
-
0
Alvedro é o aeroporto que máis creceu en pasaxeiros no que vai de 2023

Os pasaxeiros dos aeroportos da Coruña (+66,7%) e Vigo (22,1%) aumentaron en xuño en comparación co mesmo mes de 2022. Mentres, os viaxeiros da terminal de Santiago mantéñense case igual que hai un ano (-0,1%).

Segundo os datos publicados por Aena este mércores, os pasaxeiros na Coruña son máis de 40.000 que un ano antes, á vez que os de Vigo crecen en 18.000. Os do aeroporto Rosalía de Castro foron 323.156 –242.365 de voos nacionais e 79.876 internacionais–.

No acumulado do que vai de 2023, entre xaneiro e xuño, si que se produce un incremento xeneralizado no tres aeroportos. A maior subida compútase no aeroporto de Alvedro (+51,6%), cun total de 599.689. En Peinador, os pasaxeiros foron 532.270 no seis primeiros meses do ano, un 41,4% máis. Pola súa banda, o Rosalía de Castro anotouse 1.607.041 viaxeiros, un 16,4% máis.

En Peinador, os pasaxeiros foron 532.270 no seis primeiros meses do ano, un 41,4% máis. Pola súa banda, o Rosalía de Castro anotouse 1.607.041 viaxeiros, un 16,4% máis.

”Fóra empresas do sistema público de emerxencias sanitarias”

Ubaldo Cerqueiro
-
0
”Fóra empresas do sistema público de emerxencias sanitarias”

Así de claro o teñen os técnic@s das ambulancias que no marco das súas protestas esixen a xestión directa por parte do Sergas do servizo de emerxencias. Así o aseguran nun comunicado os sindicatos CIG, CCOO, USO e UGT tralo éxito da doble xornada folga da semana pasada e despois das primeiras conversas coa Consellería de Sanidade.

Unha das partes fundamentais do conflito é a paralización da negociación do convenio colectivo galego. Unha situación “provocada pola patronal e sen que a Consellería faga nada por evitalo”, segundo os traballador@s. Dende a patronal aseguran que non vai subir máis dun 4% os custes sociais, pero as ganancias da FEGAM seguen á alza”, denuncian. Precisamente por ese perfil recaudatorio das empresas concesionarias, os técnicos o teñen claro: “fóra empresas do sistema público de emerxencias sanitarias”.

O Comité amósase absolutamente en contra do sistema de ambulancias de 1 só técnic@, coñecido como “low cost”, e que parece “o plan estrella da Consellería”. Ademais esixen o aumento do número de ambulancia tanto no contrato Urxente como Non Urxente e mais a supresión do sistema de apoios.

Manifestación

As entidades participarán hoxe nunha manifestación ás 12:00h na Praza Roxa de Santiago.

novas relacionadas

Condenada unha axente de seguros na Coruña a tres anos e medio de cárcere por apropiarse de diñeiro dunha clienta

europapress
-
0
Condenada unha axente de seguros na Coruña a tres anos e medio de cárcere por apropiarse de diñeiro dunha clienta

A Sección Segunda da Audiencia Provincial da Coruña condenou a tres anos e medio de cárcere a unha axente de seguros por apropiarse de diñeiro dunha clienta.

O tribunal considera a esta axente na Coruña como autora dun delito continuado de apropiación indebida, con atenuante de reparación do dano. Ademais da pena de prisión, impúxoselle a inhabilitación para calquera emprego relacionado co ramo da intermediación no sector do seguro ou do investimento polo tempo de condena.

Os maxistrados tamén a condenaron a pagar unha indemnización de 86.522 ás herdeiras da vítima, cantidade da que responderá como responsable civil subsidiaria a aseguradora.

No relato de feitos probados da sentenza, a Sala indica que a procesada, unha vez recibidos os fondos e guiada polo ánimo de incorporalos total ou parcialmente ao seu patrimonio, “procedeu a traspasalos, en unión doutros procedentes de terceiras persoas, desde as referidas contas a contas da súa titularidade ou ben de parentes próximos”.

Así, considera acreditado que, entre xullo de 2011 e outubro de 2015, desde unha conta “nutrida en parte co diñeiro que lle foi confiado pola afectada, pero tamén por terceiras persoas que ignoraban ese destino”, a condenada transferiu a contas propias, do seu esposo e dos seus tíos maternos a cantidade total de 411.1924 euros. Contra o fallo cabe interpor recurso.

181 recursos presentados contra o Parque Eólico das Encrobas

Ubaldo Cerqueiro
-
0
181 recursos presentados contra o Parque Eólico das Encrobas

Continúa a veciñanza do Val de Barcia e Monte Xalo mobilizándose contra a invasión eólica. Falamos do Parque eólico As Encrobas, promovido por Naturgy Renovables, S.L.U. Un proxecto que pretende instalar 4 aereoxeneradores de 200 metros de altura repartidos sito nos concellos de Carral, Cerceda e Ordes.

A Xunta aprobaba a comezos de ano a Declaración de Impacto Ambiental para este proxecto asociado ao plan de transición xusta en Meirama, e en abril a Dirección Xeral de Planificación Enerxética e Recursos Naturais da Vicepresidencia Segunda e Consellería de Economía, Empresa e Innovación, outorga autorización administrativa previa, e autorización administrativa de construción.

Dende comezos de ano a veciñanza mobilízase a través da “Asociación Salvemos o Val de Barcia e o Monte Xalo”, que despois de realizar charlas informativas explicando a situación do proxecto onde, todos os veciños das parroquias mais afectadas puideron asinar os recursos de alzada contra o mesmo. Finalmente presentáronse 181 recursos de alzada de veciños directamente afectados pola merma de valor das súas propiedades, polo dano irreversible á paisaxe e a o entorno, e polos graves efectos que este parque suporá para a súa saúde.

No recurso de alzada se denúncianse os defectos de tramitación do expediente pola “omisión do trámite de posta ao dispor das Administracións Públicas afectadas e das persoas interesadas, dos informes preceptivos que resultan relevantes para os efectos da decisión sobre a execución do proxecto e incorrer o órgano substantivo na vulneración dos dereitos constitucionais de participación que asisten”.

perspectiva val barcia co parque Eolico As Encrobas

A Plataforma reclama ademais “a evidente fragmentación fraudulenta dun parque eólico de maior dimensión posto que o parque As Encrobas está vencellado ao parque eólico Meirama, xa que comparten a mesma subestación eléctrica e as instalacións de conexión e transporte ata a subestación de REE”. Unha “fragmentación irregular” que xa serviu para que o Tribunal Superior de Xustiza de Galicia suspendese a autorización de parques como os de Bustelo, Campelo e Monte Toural.

A veciñanza critica a afectación directa e severa ao benestar e á saúde das familias dos núcleos e vivendas próximas ao parque. “A poboación verase afectada polo ruído xerado polos muíños e o efecto de parpadeo de sombras dos mesmos en, al menos, en 4 núcleos de poboación (Paiolante-Salgueiros (Carral), Xontes (Carral), Juntes (Carral), Pontoxo (Cerceda)), sitas a uns 500 metros aos aeroxeneradores, e outros tres encóntranse a unha distancia duns 1000 metros (Paradela –Esperante-La iglesia (Carral), A Horta do Conde (Carral), e Vilasuso (Carral))

“Existe un rexeitamento social absoluto á implantación de parques eólicos no Concello de Carral polo seu impacto negativo na economía local, na saúde, no medio ambiente e na calidade de vida”, sinala a veciñanza. “As afeccións ecolóxicas, visuais e paisaxísticas prevense severas e irreversibles”.

Por todo isto solicitan a suspensión cautelar urxente da eficacia da resolución do 17 de abril do 2023, da Xunta de Galicia do proxecto.

 

Máis novas

Listos o skatepark e a pista multideporte de San Pedro de Mezonzo

editor
-
0
Listos o skatepark e a pista multideporte de San Pedro de Mezonzo

Inaugurou esta mañá o Concello da Coruña o skatepark e unha pista multideporte na praza de José Toubes Pego, en fronte da Igrexa de San Pedro de Mezonzo, no barrio de Catro Camiños. Situada baixo o viaduto da avenida de Alfonso Molina,cobre unha neceisdade básica dun barrio que carede de infraestruturas para que a mocidade faga deporte.

A zona de actuación abrangueu unha superficie de 1.504 metros cadrados. O skatepark ocupa uns 400 metros cadrados, mentres que a pista deportiva, que tamén ten bancadas, ocupa 361 metros cadrados. Completa o espazo a praza peonil, de 176 metros cadrados. O espazo restante corresponde a beirarrúas, zona axardinada e un novo paso peonil. O skatepark está pensado para que todas as persoas, con e sen experiencia, poidan practicar este deporte.

Pola súa banda, a pista multideporte está adaptada á práctica do baloncesto, con seis canastras que permiten dividir a cancha en varios terreos de xogo.

 

O proxecto, que inclúe creación dun novo paso de peóns, completa a reurbanización da praza José Toubes, na que se atopa o renovado espazo do Remanso. Na contorna tamén se levou a cabo a reurbanización completa de Fernández-Latorre, con carril bici e novas árbores.

A praia do Orzán tomada polo Campionato de España Xuvenil e júnior de socorrismo e salvamento

editor
-
0
A praia do Orzán tomada polo Campionato de España Xuvenil e júnior de socorrismo e salvamento

Continúa este verán sendo a Coruña un escenario inmellorable para probas deportivas de alto nivel. Probas que ademais supoñen un importante repulso do sector turístico e hostaleiro, pois atraen unha gran cantidade de visitantes que consumen aquí, e que volverán.

Son 500 socorristas chegados de 11 Comunidades Autónomas os que enchen a praia nos XXXV Campionatos de España de Verán organizados pola Real Federación Española de Salvamento e Socorrismo. Uns campamentos que arincaban na praia de Laxe do 7 ao 9 de xullo nas categorías do 7 ao 9, e continúan estes 10, 11 e 12 na na praia do Orzán cas categorías Xuvenil e Júnior, e culminarán a fin de semana 8do 14 ao 16) coa proba absoluta.

 

Pódese ver en directo na web da RFESS.

Sumar e BNG sacan peito tralo “cara a cara”

editor
-
0
Sumar e BNG sacan peito tralo “cara a cara”

Os grupos de Sumar e BNG quixeron alzar a voz trala celebración dun cara a cara dos tempos do bipartidismo.

A cabeza de lista de Sumar pola Coruña, Marta Lois, sinalou que o debate demostrou que “máis que nunca é necesario o estilo Yolanda, con solvencia nos datos, propondo solucións aos problemas, apelando ao diálogo”. Lois manifestou que a “política é moito máis que dous homes dándose zascas” e lamentou “o ruído, que fose bronco” e que “se falou pouco de controlar o aluguer, o SMI, a saúde bucodental, e de saír unha hora antes de traballar”.
Así mesmo, no mesmo audio remitido aos medios, Lois conveu que é “unha vergoña que a JEC permitise este debate onde máis do 40 por cento do hemiciclo quedou fóra e non se viu representado”.

Pola súa banda, o candidato número uno do BNG pola provincia da Coruña, Néstor Rego, fixo un chamamento a votar ao Bloque ás persoas “defraudadas” co trato dos partidos estatais a Galicia.
Nun acto en Ames, Rego criticou que partidos de ámbito estatal demostraron, ao seu xuízo, ter un comportamento “sumiso e bipolar” porque votan de forma diferente no Parlamento galego e no Congreso. “O único voto útil é o do BNG porque defende os intereses do noso país”, afirma o candidato nacionalista pola Coruña.
Por iso, apela a votar ao Bloque para que Galicia “teña unha voz propia e forte en Madrid e pór freo á dereita”. “Por iso animamos a coller a papeleta do 2×1. Non hai voto máis útil en Galicia que o voto ao BNG: o único que defende os intereses galegos en Madrid e que, ao tempo, vai contribuír a evitar un goberno de dereitas no Estado”.

O TSXG ratifica máis de 6 anos de cárcere a un home por agresión sexual á súa parella con discapacidade

europapress
-
0
O TSXG ratifica máis de 6 anos de cárcere a un home por agresión sexual á súa parella con discapacidade

A Sala do Civil e Penal do Tribunal Superior de Xustiza de Galicia (TSXG) confirmou a condena de seis anos e nove meses de cárcere imposto pola Audiencia Provincial da Coruña ao autor dun delito de agresión sexual –en concurso con outro de malos tratos de xénero e dun delito continuado de quebrantamento de medida cautelar– a un home que agrediu á súa parella, unha muller cunha minusvalía do 71%, no corredor de acceso aos servizos do Centro Ágora.

Os maxistrados consideran probado, do mesmo xeito que o tribunal de primeira instancia, que o condenado mantivo unha relación sentimental, sen convivencia, coa vítima, á que realizou tocamentos de índole sexual e agrediu en xuño de 2019 cando se negou a manter relacións sexuais con el.

Ademais, “sendo coñecedor” das prohibicións de achegarse á muller impostas polos órganos xudiciais, no mes de xullo de 2019 achegouse á prexudicada “en varias ocasións, non respectando a distancia establecida”.

A Sala subliña que o testemuño da afectada é “plenamente crible”, á vez que indica que “non consta acreditado móbil espurio algún, nin ponde a mal determinante de falsidade no seu relato, sen que tampouco se constatou que o seu interese na causa vaia máis aló do lóxico interese vindicativo”. Por iso, desestimou o recurso presentado polo condenado.

O procesado ten recoñecida unha minusvalía do 34% por trastorno de identidade con atraso madurativo a nivel de organización psíquica que repercute a nivel de comportamento e aprendizaxe. Con todo, a Sala considera que a súa “capacidade cognitiva é plena e non hai razón para a atenuación, sendo consciente o acusado da distinción entre o ben e o mal”.

Subindo á Pena Vixía con Xurxo Souto

editor
-
0
Subindo á Pena Vixía con Xurxo Souto
Este xoves 13 de xullo, recupérase a “tradición neocoruñenta” coa III Ascenso á Pena da Vixía da man do eterno Xurxo Souto. Será unha boa ocasión para reivindicar o prometido Parque dos Nenos no monte Vixía, que leva anos agardando nun caixón.
“A Pena da Vixía (invisíbel na gaiola de cemento da cidade) é o centro místico de Monte Alto. A súa procura é tamén unha viaxe de descuberta cara ao interior no barrio”. Dende este outeiro, no solpor, quizá albisquemos de novo os “homes mariños”, seres míticos que habitan no mar do Orzán, protagonistas da novela de Xurxo Souto.
A saída será ás 20 h. da Biblioteca da Asociación Veciñal Atochas/ Monte-Alto (rúa da Torre).

Interceptados dous mozos que intentaban roubar as rodas dun coche en Cambre

editor
-
0
Interceptados dous mozos que intentaban roubar as rodas dun coche en Cambre

A Policía Local interceptou, a pasada madrugada, a dous mozos como presuntos autores dun intento de roubo de rodas. Os feitos ocorreron ao redor das 0:55 horas, cando axentes municipais patrullaban o polígono da Barcala.

Durante as labores de vixilancia, os axentes viron na zona dous mozos. Ao decatarse da presenza policial, os mozos agocháronse entre varios vehículos, alertando á policía, que decidiu entón baixar do coche. Os individuos, que non levaban documentación, teléfonos móbiles nin ningún outro efecto persoal, explicaron que eran curmáns e indicaron que un deles padecía un ataque de ansiedade. A maiores, afirmaban que ían ás festas de Vilaboa. Non obstante, a Policía localizou debaixo dun dos turismos un desaparafusador e unha chave de reparación de neumáticos tipo trinquete que coincidía co diámetro dos parafusos das rodas do coche. Ademais, ao seu carón estacionouse un Volkswagen Golf coas tapas dos parafusos retiradas e depositadas baixo a estrutura.

A Policía Local trasladou o aviso á Garda Civil, realizando unha inspección conxunta entre os axentes de ambos os corpos. A poucos metros do lugar atopouse un vehículo de marca e modelo BMW, cos asentos traseiros reclinados e cubertos e cun gato hidráulico no maleteiro. O vehículo estaba desbloqueado, as chaves estaban nel e o motor fora apagado recentemente. No interior atopáronse os teléfonos móbiles dos identificados. Nese momento, un dos autores afirma que o coche é da súa parella e que pretendían roubarlle as rodas do outro coche para utilizalas no primeiro. A Garda Civil procedeu á súa detención como presuntos autores dunha tentativa de roubo ao redor das 14.00 horas.

1...412413414...582Page 413 of 582

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES