Inicio Blog Páxina 434

Convocan unha concentración no Foro Económico para esixir a titularidade pública dos peiraos de San Diego e Petroleiro

editor
-
0
Convocan unha concentración no Foro Económico para esixir a titularidade pública dos peiraos de San Diego e Petroleiro

O colectivo Defensa do Común, que aínda onte lideraba un escrito asinado por 30 entidades,  reitera a súa convicción de que a Coruña ten nestes momentos entre as mans unha remodelación de envergadura de todo o cinturón do litoral, que é fundamental para o futuro da nosa fachada marítima, un das sinais de identidade da cidade.

“Mais agora”, entende dende o colectivo, “parece que os intentos por desprenderse de espazos portuarios para pagar a débeda da Autoridade Portuaria toma novos folgos, mesmo coa promoción de foros como o anunciado para mañá mércores.” A este respecto, Defensa do Común concentrarase ás portas de Palexco para exteriorizar o seu rexeitamento a calquera plan que pase pola venda de espazos portuarios para financar a débeda do porto de Langosteira.

“Nos últimos días estase a difundir algúns aspectos dese proxecto da APAC, como a posibilidade de construír miles de vivendas nos case 400.000 metros cadrados dos peiraos de San Diego e Petroleiro, que sempre rexeitamos”, denuncian. “A Autoridade Portuaria segue coa súa política de facer caixa coa venda dos terreos do porto e, ultimamente, anunciando convenios con entidades ou fundacións privadas, sen que previamente se teñan aprobadas as bases dunha ordenación de uso e urbanística dos peiraos do porto interior. Estamos pola condonación polo Estado, desde 2024, da débeda da Autoridade Portuaria pola construción do Porto exterior e non pola venda dos terreos do porto.

Ante esta situación,  colectivo farase visible cunha concentración este mércores ás 11:45 dainte do Palexco, ante a intervención Martín Fernández Prado, que, como presidente, exporá os proxectos da Autoridade Portuaria da Coruña (APAC) no marco do III Foro Económico Español “La Galicia que viene”.

 

“Con esta concentración queremos trasladar o noso proxecto para a transformación do porto interior: liderado do concello da Coruña en todo o proceso; manter a titularidade pública dos terreos de todos os peiraos, con espazos libres, zonas verdes e dotacións públicas; aprobación das bases dunha ordenación de usos e urbanística, previa a calquera tido de convenio con empresas ou fundacións privadas; evitar a especulación e a venda a cachos do porto; definición dun ente público de xestión; potenciamento da actividade portuaria e de economía azul; participación pública e cidadá en todo este proceso”, explican.

Máis novas

30 entidades piden o liderato municipal e a participación pública na definición do futuro dos peiraos

Galician Beats, o catálogo da música electrónica galega da última década

Ubaldo Cerqueiro
-
0
Galician Beats, o catálogo da música electrónica galega da última década

O estado de saúde da música galega contemporánea é o mellor é décadas. Diso non cabe dúbida, e a revolución do “tradi” galego así o ratifica. Pero para ordeala, para darlle un marco, un contexto, o xornalista Alejandro Gándara Porteiro está a realizar, co apoio da Bolsa de Investigación de Artes e Humanidades da Deputación Provincial da Coruña, un proxecto que se chama “Galician Beats.

Os resultados da investigación pretenden ser prácticos e teñen como obxectivo a creación de dúas obras que se difundirán en aberto: Un catálogo da música electrónica galega, atendendo a xéneros populares, experimentais e académicos, así coma selos discográficos, eventos, locais e escolas. E unha publicación en formato podcast que resuma a investigación e o catálogo.

”Na última década, Galicia viviu unha expansión sen precedentes na creación de música electrónica” explica o baiés. “Por primeira vez na historia da música galega, estas técnicas, sons, ritmos e texturas teñen unha presenza destacada en múltiples e hereroxéneos proxectos musicais que chegan a amplos públicos dentro e fóra do país. Desde propostas moi populares ata outras experimentais, pasando por todo un universo en expansión no ámbito do clubbing, a música electrónica parece estar acadando un papel central no discurso musical galego, como xa acontece en todo o mundo”.

Porén, Gándara entende que “malia todo, as investigacións neste eido son moi escasas. A única obra de referencia é selectronic.gal, unha guía publicada con motivo da celebración na Coruña do festival Sónar, hoxe moi desactualizada”. E aí aparece o proxecto Galician Beats, para corrixir esta eiva, realizando unha investigación da última década que axude a completar a historia da electrónica galega desde 2010, contextualizando o momento actual e facendo un repaso das súas propostas máis destacadas.

”O obxectivo do proxecto é dobre: por unha parte busca entender, en clave local e global, que pasou nestes anos para que a electrónica fose permeando unha gran parte do universo musical galego, desde proxectos moi populares ata un underground sempre fértil, pero tamén fráxil. A investigación tamén busca artellar unha imaxe do momento presente, abranguendo as diferentes escenas e propostas que se dan na actualidade dentro —e moitas veces fóra— de Galicia”.

Así, para ir avanzando, Gándara, que ten colaborado con medios como Luzes, Novas da
Galiza, ou o Diario Cultural Zeta da Radio Galega, ademais de realizar proxectos audiovisuais como a longametraxe documental Dorothé na Vila, e na actualidade estuda produción de música electrónica na escola Garaxeland de Santiago de Compostela, propón espallar formulario online para recadar información que axude á investigación.

Por agora de momento no catálogo de artistas leva rexistrados 60 proxectos musicais (grupos ou solistas) e 80 DJ e produtores, ademais de 40 colectivos e promotoras que se dedican a facer eventos de música electrónica; e de 15 selos discográficos que publican música electrónica (moitos deles exclusivamente) e outros tantos espazos de programación/difusión/ensino.

Máis novas musiqueiras

De Ninghures e Fillas de Cassandra trouxeron a festa dos medios en galego á Coruña

Conversa con RJ Junior, promotor do Go! Electronic Festival

Roi Grobas lanza “Tigre”, o seu novo vinilo

As Fillas de Cassandra ou o destape da música tradicional galega

 

 

O Goberno local levará ao próximo pleno o procedemento para reclamar a titularidade da Casa Cornide

editor
-
0
O Goberno local levará ao próximo pleno o procedemento para reclamar a titularidade da Casa Cornide

Coa presión da oposición e mesmo da Xunta, o Goberno local dá un paso adiante para  a recuperación da Casa Cornide. Logo da aprobación da revisión de oficio das resolucións tomadas polo Concello en 1962 a pasada semana en Xunta de Goberno Local, o Goberno local levará ao próximo Pleno Ordinario o asunto para a súa aprobación, iniciando os trámites para a recuperación do edificio histórico, en mans da familia Franco.

O Concello da Coruña encargara un informe xurídico para reclamar a devolución da Casa Cornide ao patrimonio municipal cuxas conclusións amosaban que a transacción rexistrada non foi legal e que non cumplía cos requisitos e leis vixentes. Agora o Goberno socialista inicia o procedemento en base ao informe xurídico co fin de anular os pasos administrativos dados en 1962 e que permitieron que a Casa Cornide acabara entón en mans do dictaro baixo unha apareciencia de legalidade.

O Concello xa instou ao Ministerio de Educación e ao Ministerio de Facenda a realizar unha revisión de oficio da permuta feita no seu día, a través da que o Concello busca anular dúas decisións: o alleamento da propiedade municipal aprobado o 3 de xullo de 1962 e a adxudicación en poxa da Casa Cornide aprobada o 2 de agosto dese mesmo ano.

Unha vez aprobada polo Pleno, o Goberno municipal contará cun prazo de seis meses para resolver a revisión de oficio das dúas decisións tomadas polo Concello no ano 1962.
Ademais, tamén se abre un prazo de 15 días para que as persoas interesadas presenten as alegacións que consideren.

Máis novas

Rueda asegura que “se tomarán todas as medidas” necesarias para “facer cumprir a lei” na Casa Cornide

O BNG urxe á Xunta a “obrigar” aos Franco a abrir ao público a Casa Cornide da Coruña

O Concello inicia o proceso para recuperar a Casa Cornide

Inés Rey reivindica o carácter galeguista da Coruña no centenario da Escola de Ensino Galego

europapress
-
0
Inés Rey reivindica o carácter galeguista da Coruña no centenario da Escola de Ensino Galego

A alcaldesa da Coruña, Inés Rey, presidiu esta mañá o acto conmemorativo do centenario da Escola de Ensino Galego, celebrado na praza de María Pita, onde se fundou esta institución. Nel, reivindicou o carácter galeguista da cidade.

A rexedora coruñesa estivo acompañada polo concelleiro da área de Fomento e Promoción da Cidade, Gonzalo Castro, xunto a outros representantes.

O acto consistiu no descubrimento dunha placa conmemorativa do centenario da institución na súa primeira sede, que estivo activa entre 1924 e 1930 no número 17 da praza de María Pita, espazo que hoxe ocupa a Fundación Paideia, que accedeu á súa colocación.

Estiveron presentes, ademais, na homenaxe máis dun centenar de nenos e nenas que se forman nas escolas de ensino galego Semente.

O Consello de Ministros acorda a expropiación de terreos nas inmediacións do aeroporto da Coruña

Ángela Precedo
-
0
O Consello de Ministros acorda a expropiación de terreos nas inmediacións do aeroporto da Coruña

O Consello de Ministros acordou este martes a urxente ocupación de bens e dereitos con motivo da expropiación de terreos nas inmediacións dos aeroportos de Vigo e A Coruña. Así, deuse luz verde á ocupación de terreos afectados polo expediente de expropiación forzosa de terreos en Vilar de Infesta, en Redondela, para a regularización patrimonial e desenvolvemento do Plan Director do aeroporto de Vigo.

Igualmente, declarouse a urxente ocupación de bens e dereitos afectados no expediente de expropiación forzosa para a nova zona de prácticas do Servizo de Salvamento e Extinción de Incendios (SSEI), no Aeroporto da Coruña, no municipio de Culleredo. Ademais, o Consello de Ministros acordou tomar razón da declaración de emerxencia das obras de reparación de danos e adopción de medidas como consecuencia dos temporais Ciarán e Domingos, en novembro de 2023, e dos danos causados por un incendio no túnel da A-52 no Folgoso, A Cañiza, na provincia de Pontevedra.

O incendio dun camión, dentro deste túnel da autovía, en xaneiro de 2021, provocou numerosos danos e obrigou a ter ese tramo cortado durante 3 meses. Así mesmo, o Consello de Ministros acordou declarar a reserva de 4.702 metros cadrados de dominio público marítimo-terrestre para a execución das obras do emisario submarino de Montalvo, dentro da actuación para mellorar a depuración de Sanxenxo e Raxó (Poio).

Rueda asegura que “se tomarán todas as medidas” necesarias para “facer cumprir a lei” na Casa Cornide

europapress
-
0
Rueda asegura que “se tomarán todas as medidas” necesarias para “facer cumprir a lei” na Casa Cornide

O presidente da Xunta de Galicia, Alfonso Rueda, afirmou que o Goberno galego tomará “todas as medidas” necesarias para que se cumpra a lei respecto das visitas da Casa Cornide da Coruña, propiedade da familia Franco.

“A parte que nos toca a nós é facer cumprir a lei. Se non se está cumprindo, tomaremos todas as medidas para que se cumpran”, aseverou a preguntas dos xornalistas na rolda de prensa posterior á celebración do Consello da Xunta este luns.

Asociacións denuncian desde hai semanas a través das redes sociais que a familia Franco, propietaria do palacete, leva ao redor dun ano sen cumprir co réxime estipulado por lei para as visitas ao lugar, dada a súa protección como Ben de Interese Cultural.

A plataforma AGalega estrea ‘Curando o mundo’, a serie documental sobre o cirurxián coruñés Diego González

europapress
-
0
A plataforma AGalega estrea ‘Curando o mundo’, a serie documental sobre o cirurxián coruñés Diego González

A plataforma dixital AGalega estrea este martes os dous primeiros capítulos da serie documental ‘Curando o mundo’, un programa no que o cirurxián coruñés Diego González Rivas percorre o mundo ensinando a súa técnica minimamente invasiva para operacións de pulmón. Tal e como destacou a CRTVG nunha nota de prensa, González Rivas é o creador da técnica UniportalVATSeRats, coa que xa operou a máis de 7.000 pacientes en 129 países. En cada lugar que visita, os espectadores poderán penetrarse en como xestiona o choque cultural, o tratamento da morte e da esperanza ou as condicións de vida.

Os seis capítulos de ‘Curando o mundo’ están ambientados en Sierra Leona, Liberia, China, Romanía, Kuwait, Bosnia, Portugal e España. AGalega terá dispoñible a serie desde o 23 de abril, cando se estrearán os dous primeiros episodios, e cada martes sumarase un novo.

A primeira entrega desenvólvese en Kuwait. O doutor González Rivas chega a este país do Golfo Pérsico o mesmo día que morre o emir de Kuwait, Nawaf Ao Ahmad Ao Sabáh, co país de loito oficial durante tres días. No segundo, o cirurxián emprende unha misión médica en Serra Leona e en Liberia, onde pasará “un auténtico calvario para poder sacar adiante as cirurxías.

30 entidades piden o liderato municipal e a participación pública na definición do futuro dos peiraos

editor
-
0
30 entidades piden o liderato municipal e a participación pública na definición do futuro dos peiraos

O 7 de maio de 2017, máis de 5000 persoas, entre elas o PSOE, participaban nunha manifestación esixindo que o futuro da zona portuaria da cidade da Coruña dependera da propia cidade.

”Sete anos despois seguimos reclamando o liderado do concello e a participación pública na definición do futuro dos peiraos”, sinalan hoxe nun comunicado dende Defensa do Común, dando voz a máis de 30 entidades da comarca, pois entenden que seguen igual de vivas as demandas daquel 2017:

  • Titularidade pública dos terreos;
  • Devolución gratuíta ao concello, a través dun novo convenio, de todos os peiraos que cesen a súa actividade portuaria, asumindo o Estado o custo íntegro e as débedas da construción do porto exterior de Punta Langosteira e as súas conexións;
  • Aposta pola continuidade da actividade portuaria e de economía azul;
  • Abrir A Coruña ao mar, un modelo de cidade pensado para as persoas, que integre a fachada marítima na cidade, respectuoso co medio ambiente e con atención á mobilidade e á inclusión social;
  • Definición dun ente público de xestión;
  • Elaboración dunhas bases de ordenación de usos e urbanístico para o porto interior (peiraos de Bateria, Calvo Sotelo e San Diego) como paso previo a negociacións coas restantes administracións competentes, que deixe sen efecto os Convenios de 2004.

Así o fai público a entidade que vén de enviar un escrito a todos grupos municipais pedíndolles o apoio para aprobar unha moción no pleno do mes de maio.

O escrito incide na necesidade do liderado do concello en todo o proceso de transformación do porto e a participación pública na definición do futuro dos peiraos.

Máis novas

Sumar reclama a Inés Rey que asuma o liderado na integración urbana da fachada portuaria

Autoridade Portuaria e Xunta apelan a “seguir traballando” para definir o futuro da fachada marítima da Coruña

 

Culleredo convoca reunións sobre as servidumes do aeroporto, publicadas no BOE e “incluídas no Plan de 2022”

europapress
-
0
Culleredo convoca reunións sobre as servidumes do aeroporto, publicadas no BOE e “incluídas no Plan de 2022”

O Concello de Culleredo convocará reunións sobre as servidumes acústicas e aeronáuticas do aeroporto de Alvedro, cuxa aprobación se publicou este sábado no Boletín Oficial do Estado (BOE). Delas, aclara que “son as xa incluídas no Plan Director, validado polo Estado en 2022”.

O trámite polo que aparece agora no BOE “consiste na aprobación das servidumes mediante Real Decreto Lei”. “Pero o contido en si é o incluído no Plan Director, segundo confirmou Aena, contra o que o Concello de Culleredo mantén un recurso na Sala do Contencioso-Administrativo da Audiencia Nacional”, lembra.

O trámite xudicial, precisa nun comunicado, está en curso. Ademais, apunta que o Concello formulou a correspondente demanda en defensa “dos intereses veciñais e do seu territorio, loitando pola mellor convivencia coa infraestrutura supramunicipal”.

En canto ás servidumes acústicas, o Concello precisa que a pegada sonora anterior ao 2022 xa englobaba unha parte importante dos inmobles nas inmediacións do aeroporto e pouco se incrementou no municipio co novo Plan Director. “En calquera caso, estar dentro dese marcador o que ten que implicar é que desde a autoridade aeroportuaria se promovan e financien actuacións de insonorización”.

Así mesmo, o goberno local promoverá a convocatoria de reunións con asociacións e colectivos interesados “para recibir información didáctica e técnica sobre a situación dos diferentes procedementos e trámites relacionados co aeródromo”.

A ONCE dedica un cupón ao 40 aniversario do Peirao do Centenario no porto da Coruña

europapress
-
0
A ONCE dedica un cupón ao 40 aniversario do Peirao do Centenario no porto da Coruña

O cupón da ONCE do 30 de abril protagonizarao o 40 aniversario do Peirao do Centenario do porto da Coruña. Cinco millóns de cupóns difundirán esta construción.

Manuel Martínez Pan, delegado territorial do ONCE en Galicia, e Martín Fernández Prado, presidente da Autoridade Portuaria da Coruña, presentaron este cupón, acompañados de Xosé Castro, autor da fotografía que o ilustra.

A construción de Peirao do Centenario finalizou en 1984 e creouse para dar resposta ao crecente volume de tráfico de mercadorías no porto da Coruña. Está situado no centro dos peiraos interiores e ten 125.670 metros cadrados.

A súa posta en funcionamento permitiu ao porto duplicar os seus movementos en dez anos. A estrea do Peirao do Centenario realizouna o ‘Queen Elizabeth II’, o 30 de abril de 1984.

1...433434435...781Page 434 of 781