Carlos Núñez, un dos referentes da gaita a nivel mundial, actuará no Teatro Rosalía de Castro o próximo 13 de decembro, segundo informa o consistorio herculino. A actuación forma parte da oferta cultural e musical programada polo goberno local, “apostando pola diversidade de estilos para chegar a toda a cidadanía”. O concerto comezará ás 20.30 horas e as entradas están xa dispoñibles para ver a Núñez, que actuou por última vez na cidade herculina en decembro do ano pasado.
Pacma convoca unha concentración este domingo na Coruña en contra do “masacre” do xabaril
O Partido Animalista (Pacma) convocou, en colaboración coa plataforma Non Á Caza (NAC) e outras protectoras de animais, unha concentración este domingo, 24 de setembro, na Coruña –ás 12,00 horas, en María Pita–, en rexeitamento ao “masacre “de xabaríns declarada pola Xunta de Galicia.
Esta protesta chega despois de que a Xunta declarase unha “emerxencia cinexética temporal” que supón unha caza sen límite en 248 municipios, o 80% de Galicia. Unha medida que parece tomada máis como arma política trala polémica acontecida nas últimas semanas na nosa cidade que como unha medida estudiada e efectiva.
Pacma critica esta decisión da Xunta, xa que sostén que “só responde as necesidades do lobby da caza para adiantar o período de caza do xabaril”. “En que se basea a Xunta para declarar a emerxencia cinexética se non teñen censos de poboacións de xabaríns?”, pregunta o presidente de Pacma, Javier Luna.
“Se existise un problema de superpoblación, a Xunta debería ir á raíz do problema”. “Os cazadores son os que crían e alimentan nos propios cotos e nas granxas cinexéticas a un gran numero de xabaríns para cazalos”, afirma. “Son moitos os que conseguen escapar dos tiros dos cazadores”, conclúe.
“Non podemos permitir que os cazadores dispoñan destas liberdades para aniquilar masivamente aos xabaríns, especialmente a femias adultas e subadultas, cando existen alternativas máis éticas para controlar a suposta superpoblación de jabalíes que non supoñen a morte”, razoa. Pacma tamén solicita á Xunta que prohiba as granxas cinexéticas, a cría e a alimentación de animais pola man do home nos propios cotos de caza.
CRÍTICAS DE ADEGA
Pola súa banda, Adega denuncia que esta decisión “pon de manifesto a improvisación e desinterese da Xunta” por xestionar a fauna salvaxe con criterios científicos, xa que carece dun censo e móstrase “ineficaz” para controlar a poboación de xabaril.
A entidade cruzou os datos das zonas onde se activou a emerxencia cinexética coas zonas onde se moven as 93 mandas reprodutoras que hai rexistradas en Galicia, deixando patente a necesidade de manter vivo o principal predador natural do xabaril. Unha situación que se contrapón coa continua petición da Xunta de reclamar a eliminación do status de protección do lobo ibérico.
“A irracional postura da Xunta que receita chumbo para o xabaril e ao tempo pretende cazar ao lobo, principal predador do xabaril, ponse de manifesto ao analizar conxuntamente a situación de ambas as especies”, sostén a entidade ecoloxista, pois “onde hai lobo” non hai manadas de xabarís, asegura. “Encher de escopetas o monte acotío, un risco para as persoas e o ambiente”, reproba Adega, que pide que se faga un informe completo da cantidade de xabarín que hai no país.
A alcaldesa da Coruña defende o “estudo serio” presentado á Xunta para un novo acceso á intermodal
A alcaldesa da Coruña, Inés Rey, sinalou que a solicitude do goberno municipal á Xunta de crear unha nova vía de acceso rodado á estación intermodal para aliviar o aumento do tráfico previsto realízase con “espírito absolutamente construtivo” e en base a un estudo “serio”.
A preguntas dos xornalistas, evitou “xerar polémica” respecto da afirmación do Goberno autonómico de que a execución e financiamento de accesos a este servizo é “responsabilidade municipal”.
A rexedora explicou que o goberno local realizou “diferentes estudos” de mobilidade e “no último, detectou certo colapso se non se establece un novo viario de acceso entre a avenida do Ferrocarril e a da Sardiñeira para aliviar ese aumento de tráfico que se prevé”.
“Trátase dun estudo serio e formal que se remite á Xunta cun espírito absolutamente construtivo e de colaboración para que a obra quede o mellor posible”, engadiu, tras recalcar que o mesmo “busca unha solución a un problema” e ofrece “alternativas”.
“Non se trata de xerar unha polémica coa Xunta, por parte do goberno municipal non vai haber ningún tipo de discusión”, sinalou, en relación á afirmación da Consellería de Infraestruturas de que “a execución e financiamento dos accesos” á estación intermodal da Coruña é “responsabilidade municipal”.
Inés Rey fixo estas declaracións a preguntas dos xornalistas tras dar conta dos asuntos tratados este xoves en Xunta de Goberno. Na mesma, aprobouse a licitación de diferentes lotes dos contratos da segunda fase de expansión do servizo municipal de BiciCoruña que inclúe “estacións, bicis, transporte e limpeza”.
CONTROL DE XABARIL
Noutra orde de cousas, cuestionada tamén por unha concreción nas medidas de control do xabaril na cidade herculina, a alcaldesa insistiu en que o goberno municipal está “a disposición” do Executivo autonómico para “cooperar” e establecer o método “máis adecuado” para a captura destes animais, “atallar este problema e porlle fin canto antes”.
“Estamos a esperar a que a Xunta, quen ten as competencias nesta materia e os medios materiais e persoais, díganos en que precisan da nosa colaboración, en que medida queren que cooperemos e de que maneira”, puntualizou.
“O desleixo das administracións para protexer os frescos de Lugrís non fai máis que medrar”
Seguen pasando os meses e os murais de Lugrís da rúa Olmos seguen esfolándose dentro dun edificio ruinoso. A pesar das constantes promesas das administracións e as eternas queixas dos colectivos conservacionistas e a veciñanza, nin Xunta nin Concello moven ficha para coidar tan importante patrimonio.
A combativa Asociación Cultural O Mural lamenta “este desleixo” das administracións, criticando que “nin a Xunta denegou nin o Concello contratou a ninguén”. Refírsense ás declaracións do Conselleiro da Xunta no que expresaba as súas dúbidas sobre se os murais son merecedores de seren declarados Ben de Interese Cultural. A realidade é que “pese a que O Mural solicitoulle formalmente que o fixera no mes de decembro de 2022, a Xunta non incoou o expediente para facer esa valoración, que lle corresponde a administración autonómica, e non o Concello, como semella desprenderse das declaración do conselleiro”.
Tamén critica a entidade a parálise municipal. “Ese informe contratado polo Concello da Coruña ao que fai referencia o mandatario autonómico nin existe nin vai existir axiña pois o Concello da Coruña, malia os seus anuncios públicos, aínda non fixo o contrato e só falou cun catedrático da universidade de Compostela que se comprometeu a telo redactado no mes de novembro”.
”Mentres, a choivas seguen a causar danos nunha obra de arte senlleira da pintura mural galega e ninguén fai nada, cun pouco de sorte dentro de medio ano teremos uns cascallos declarados ben de intereses cultural, como en Atenas”, sentenzan dende a entidade.
Máis novas sobre os murais de Lugrís
O Mural pide á Xunta que supervise a inactividade do Concello na protección do Lugrís da rúa Olmos
A Coruña inicia os trámites para declarar BIC os murais de Lugrís da rúa Olmos
Unha denuncia ante a Garda Civil de Culleredo permite desmantelar un grupo criminal nacional de estafas dixitais
A Garda Civil desmantelou un grupo criminal nacional especializado en cometer estafas a través do método Smishing no marco da operación Gatolu. Foi gracias a unha denuncia presentada por unha vítima nas dependencias oficiais da Garda Civil de Culleredo.
A vítima describía que recibiu un suposto SMS da súa entidade bancaria indicando a urxencia de acceder á súa banca electrónica a través dunha ligazón.
Tras aceptar a solicitude, os seus contrasinais de banca online quedaron a mercé dos supostos estafadores, accedendo á súa conta sen autorización, retirándolle unha cantidade de 4.000 euros, observando posteriormente multitude de movementos non autorizados entre contas bancarias e tarxetas. era titular ou autorizado, así como a recepción dunha transferencia doutra estafa denunciada en Pontevedra.
A partir de aí o Equipo Asesor de Prevención e Resposta contra a Ciberdelincuencia da @Coruña, da Comandancia da Garda Civil da Coruña, comezou a investigación, e lograron identificar e deter a varios membros do grupo criminal nas provincias de Toledo, Valencia, Barcelona e Madrid, o que provocou a identificación e detención do presunto sospeitoso “capturador” do grupo na localidade de Sant Joan de Vilatorrada.
Os detidos son acusados dos delutos delitos de pertenza a grupo criminal, estafa, branqueo de capitais, intrusismo informático, e falsificación de documentos.
A operación continúa aberta coa finalidade de localizar e deter a outro dos presuntos membros do grupo, para o que se ditou orde de busca e captura.
CONSELLOS:
A Garda Civil avisa:
– Nunca acceder a través dunha ligazón que nos foi enviada, aínda que coñezamos o remitente.
– Sempre Acceder como é habitual á túa conta bancaria, aplicación ou sitio web do propio banco.
– Non proporcionar ningún tipo de código ou contrasinal a ninguén. As entidades bancarias nunca piden por teléfono as contrasinais completas
Detido un home nun local de apostas por usar cartóns de crédito que roubara a un turista en Riazor
Axentes da Policía Nacional detiveron o domingo a un home por empregar nun local de apostas da Coruña uns cartóns de crédito que previamente furtara a un turista na praia de Riazor.
Segundo informa o Corpo Nacional, os feitos ocorreron ás 15,00 horas da tarde nun establecemento do centro da cidade. Este home xa conseguira retirar nas máquinas expendedoras do negocio un total de 170 euros mediante varias operacións consecutivas.
Antes de que puidese obter máis efectivo, axentes do Grupo de Atención ao Cidadán detivérono ‘in fraganti’ cando aínda estaba no interior do local.
O home, horas atrás, subtraéralle a un turista na praia de Riazor os cartóns empregados. Tamén lle chegou a retirar documentación e un teléfono móbil, todo iso aproveitando que se deu un baño e deixado as súas pertenzas sen vixilancia.
Por todo iso, a Policía detívoo por un delito de furto, así como por outro de estafa mediante cartón bancario. Posteriormente, foi posto a disposición xudicial.
A Xunta afirma que a execución e financiamento de accesos á intermodal da é “responsabilidade municipal”
A Consellería de Infraestruturas manifestou que “a execución e financiamento dos accesos” á estación intermodal da Coruña é “responsabilidade municipal”, en resposta ás demandas dun novo viario de acceso por parte do consistorio coruñés á Administración autonómica. Despois de que o consistorio alertase dos problemas de tráfico que conlevará, a Xunta asegura que o convenio para o desenvolvemento desta actuación establece que a “responsabilidade” é municipal.
“Ademais, a glorieta de Eduardo Diaz é de titularidade municipal e afronta xa na actualidade problemas de saturación en determinados momentos que só poden resolverse no ámbito de ordenación urbana do tráfico”, replica ao goberno local. Tamén afirma que a reunión mantida por estas administracións nesta xornada, con presenza tamén de Adif, tivo como obxectivo “avanzar na negociación” da adenda ao convenio de colaboración sobre o financiamento do aparcadoiro subterráneo da estación intermodal e rexeita que se presentase un informe “sobre o impacto da estación de autobuses intermodal no tráfico da cidade”.
O Concello da Coruña reclama á Xunta a construción dun novo viario de acceso á estación intermodal
O Concello da Coruña alertou á Xunta do “colapso de tráfico” na futura intermodal polo que solicita a creación dun novo viario de acceso rodado entre a avenida do Ferrocarril e a de Sardiñeira para aliviar o aumento do tráfico previsto. En concreto, un estudo municipal estima que os tempos de paso pola glorieta de Eduardo Diz incrementaranse sensiblemente debido á chegada das liñas interurbanas de bus.
Segundo informa o goberno local, o informe especifica que a maior parte dos vehículos de transporte colectivo (o 79% deles) accederá á estación a través da avenida de San Cristovopasando pola glorieta de Eduardo Diz.
“Cando a intermodal entre en funcionamento estímase que os tempos de paso pola devandita glorieta, xa hoxe moi saturada en horas punta, aumentarán entre un 49 e un 72%, segundo os diferentes escenarios que se manexan”, sinala.
O concelleiro responsable da área de Economía e Planificación Urbana, José Manuel Lage, expuxo hoxe os detalles do informe aos técnicos de Adif e da Dirección Xeral de Mobilidade da Xunta, administracións implicadas na construción da intermodal.
O Dépor faino todo
- Xornada 4: Unionistas 1 – 1 Dépor
- O Dépor segue invicto a domicilio, sumando catro de seis puntos posibles.
- Cuarto partido de Imanol Idiakez como adestrador do Depor en partido oficial (1V 3E 0D)
— —-
Chama a atención que neste comezo de tempada o Dépor é responsable de todo o que ocorre no campo. Nin sequera os rivais teñen que facer cousas ben, xa se encarga o Depor de botar unha man. O partido de Unionistas é o cuarto consecutivo no que ocorreron cousas raras, nada cotiás. Pero, se cadra estamos ante o caso de equipo menos normal que existe.
Se no primeiro encontro o equipo tivo un dominio esmagador contra o Rayo Majadahonda e fixo moitas cousas ben, apareceu un liña para romper a maxia. O que parecía un accidente sen máis importancia, repetiuse dúas semanas despois no mesmo escenario ca xogada de Lucas o que supuxo outro empate na casa contra un rival de abaixo. Xa non podemos falar de accidente e si se pode falar de responsabilidades. Neste último encontro en Salamanca non foi un accidente, non foi cousa da responsabilidade, foi un erro. Vaia!, igual é que todos foron erros e que dulcificamos as cousas negativas o comezo da tempada como non importantes.
Nada máis lonxe da realidade. O calendario presentaba a oportunidade de 9 puntos de 12. Levamos 6 puntos, moitos erros propios, moitos lesionados e xa se escoitaron as primeiras protestas nas roldas de prensa.
A necesidade de liderato, de vitorias e de puntos é total para o Depor. Xa non pode haber máis erros na casa, porque o ambiente positivo dos máis de vinte sete mil socios tornará a peor, e xa sabemos que non nos custa nada botar adestradores nas 7 primeiras xornadas. O Depor ten que seguir facendo todo, pero todo ben.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
MÁIS CRÓNICAS DO DÉPOR
- Miguel Barreiro: As novas posibilidades do Dépor.
- Miguel Barreiro: Volta ao verde.
- Miguel Barreiro: Colorín, colorado…
O BNG urxe ao goberno local unha política cultural “comprometida” tras a “inacción” no anterior mandato
A concelleira do BNG no Concello da Coruña Mercedes Queixas denunciou “inacción” do goberno local en materia cultural e reclamou actuacións no marco dun proxecto “ambicioso e comprometido”. “Demandamos que supere esa inacción e esa parálise en materia cultural que caracterizou o mandato anterior e que realmente abra un tempo novo para a cultura”, reclamou Queixas, este mércores en rolda de prensa, tras recalcar a necesidade de “facer visible un proxecto cultural ambicioso e comprometido”.
En concreto, a concelleira aludiu a varios “síntomas de carencia de política cultural comprometida”, entre eles, dous compromisos contemplados no acordo de investidura da alcaldesa, Inés Rey, “que tiñan que ser cumpridos a curto prazo, non superior a seis meses”. Estes son, citou, o desenvolvemento do “Consello municipal de cultura” e a convocatoria da comisión que analice o proceso de internalización das bibliotecas municipais.
“Estamos case nos cen primeiros días de goberno, hoxe no 95, e sorpréndenos que aínda non convocase aos organismos culturais estruturais na nosa cidade, non lle vemos explicación”, puntualizou. A preguntas da prensa sobre o funcionamento do Instituto Municipal Coruña Espectáculos (IMCE), a edil sinalou que “debe establecer un marco de actuación e de traballo regulado e ordenado que acabe coa súa improvisación”. “Leva demasiados anos funcionando nunha inercia que non é positiva nin para a cultura nin para unha boa xestión dos recursos públicos”, incidiu.
En canto á Consellería de Cultura, Queixas indicou que ten “completamente desatendido” o patrimonio cultural galego no “conxunto do país” e pediu que “se acorde da Coruña cando se fan os proxectos”. “É unha cidade que non está precisamente no seu horizonte, leva moitos anos en déficit e é difícil poñerse ao día”, criticou.
