Técnicos municipais accederon este venres ao edificio do número 25 da rúa Olmos, antigo local de hostalaría onde se conservan os murais pintados por Urbano Lugrís. O Concello citara á propiedade este venres para que persoal municipal puidesen comprobar en persoa o estado das obras. Semanas atrás os propietarios xa remitiran imaxes destas.
O consistorio informa que os técnicos municipais puideron comprobar que os murais conservan a súa integridade, aínda que engade que será necesario elaborar un informe detallado sobre eles nos próximos días “para coñecer o estado exacto de cada unha do nove pezas conservadas e determinar que tipo de tarefas son necesarias para a súa restauración e conservación”.
Por outra banda, a Deputación da Coruña aprobou en sesión plenaria unha declaración institucional na que todos os grupos políticos sitúanse en favor da protección e restauración dos murais de Urbano Lugrís.
Por unha banda, solicítase ao Concello da Coruña e á Xunta de Galicia que se activen todas as accións e medidas necesarias para asegurar a protección, conservación e restauración dos citados murais e, por outra, exprésase a disposición a colaborar con ambas as administracións naquelas iniciativas que estean destinadas á conservación da obra de Lugrís.
A Comisión pola Recuperación da Memoria Histórica da Coruña (CRMH) pide ao Goberno Municipal da Coruña que convoque a Comisión de Honras e Distincións, presidida polo PSOE, en aplicación da Ley de Memoria Democrática, e retire as distincións de todo tipo otorgadas a Sergio Peñamaría de Llano. Unha petición q ue fixo entre o pasados 17 e o 24 deste mes de xaneiro, facendo entrega dunha documentación nas sedes dos catro grupos da corporación municipal: BNG, Marea, PP e PSOE.
Segundo informa nun comunicado, a CRMH ten enviado unha carta a alcaldesa Inés Rey, denunciando as “siniestras e sanguentas actividades represivas de Peñamaría”, na comarca de Valdeorras, como teniente, ao mando do I Tercio da III Bandera da Legión, así como o seu papel de fiscal militar en diversos consellos de guerra contra demócratas antifranquistas, para os que ten solicitado varias sentencias de morte.
Por iso, a entidade pide a eliminación do nome da rúa no barrio do Ventorrillo, así como a eliminación do cadro do persoeiro, do pazo municipal. Lembra que, sendo Teniente coronel, foi alcalde da cidade de 1959 ao 1963, no tempo en que a Casa Cornide pasou ao patrimonio dos Franco por unha falsa subasta, artellada pola alcaldía e por Pedro Barrié de la Maza, para agasallárllela á esposa do ditador, Carmen Polo. Datos recoñecidos no informe elaborado á instancias do Goberno Municipal polo “Instituto de Estudos Coruñeses José Cornide”.
Sergio Peñamaría de Llano, ex militar e alcalde franquista da Coruña Sergio Peñamaría de Llano, ex militar e alcalde franquista da Coruña | Fonte: FB Concello A Coruña
“A burocrática contestación do Concello á nosa solicitude — sin posibilidade de recurso ou algún tipo de información á que poideramos ter opción –, remítenos a épocas anteriores aos concellos democráticos, deixando a CRMH indefensa na sua reivindicación”, indica. Por este motivo, a CRMH diríxese aos grupos municipais, en aplicación da vixente Ley de Memoria Democrática, para solicitar o seu apoio na convocatoria, nun prazo de dous meses, da citada comisión.
En todo caso, e dentro do prazo, a CRMH resérvase a posibilidade de denunciar o incumplimiento da lei de memoria democrática, diante da Fiscalía, para erradicar da historia coruñesa o siniestro nome de Sergio Peñamaría de Llano, como así lle lo ten solicitado o pleno da corporación do Barco de Valdeorras.
Proxectos que situarán “xigantes aparellos de 200 metros de altura (a mesma que a cheminea “alta” da C.T de Meirama) abicados a escasos 600 metros das casas en aldeas habitadas como Salgueiros, Vilasuso, Xontes, etc”, cunhas poligonais que abarcarán mñais de 11 millóns de metros cadrados afectando directamente a aldeas enteiras como as das parroquias de Sumio (Barcia) e Quembre: Mende, Salgueiros, Esperante, Paradela, Cabancas, Meán.
Manfiestación
A avalancha de proxectos fai que os colectivos conservacionistas e veciñais salgan de novo á rúa, como farán este domingo os membros da Asociación Salvemos o Val de Barcia e o Monte Xalo.
Apoiadas por outras plataformas, colectivos e veciñanza afectada de toda Galicia que están a vivir o mesmo pesadelo, convocan unha manifestación este domingo no Concello de Carral para mostrar o noso absoluto rexeitamento ante o ataque que están a cometer na nosa terra.
Esta mobilización partirá ás 12:00h dende o Monumento aos Mártires de Carral pola estrada nacional 550, ata a Rúa Manuel Ferrol, pola que subirán ata a Rúa Víctor Velasco, que nos levará ao Campo da Feira onde rematará o acto coa lectura dun manifesto por parte de representantes de distintas asociacións.
Ademais faremos partícipes desta xornada ás nenas e nenos, que son quizais os máis afectados, posto que son os que herdarán e pagarán as consecuencias deste despropósito. Dende ás 11h., no campo da feira, poderán facer os seus propios muíños de papel e pancartas coas súas consignas para acompañarnos no percorrido da manifestación.
A Sala do Penal do Tribunal Supremo confirmou a condena a 15 anos de prisión imposta a un pai por un delito de agresión sexual continuada, con intimidación, ao seu fillo na Coruña desde os 12 anos, cando empezou a facerlle tocamentos, ata os 17 anos.
O tribunal explica que neste caso concreto a nova regulación establecida na O 10/2022 de garantía integral da liberdade sexual non resulta máis beneficiosa ao condenado, posto que a pena que se lle impuxo coa anterior normativa, límite máximo de 15 anos, pode imporse igualmente coa actual.
A Sala desestima o recurso de casación interposto polo condenado contra a sentenza do Tribunal Superior de Xustiza de Galicia que confirmou a ditada pola Audiencia Provincial da Coruña por un delito continuado de agresión sexual ao seu fillo.
Ademais da pena de 15 anos de prisión, impúxolle dez anos de liberdade vixiada e a prohibición de comunicarse por calquera medio ou aproximarse á vítima durante 24 anos, así como a inhabilitación para o exercicio da patria potestade con respecto ao seu tres fillos e o pago dunha indemnización, en concepto de responsabilidade civil, de 50.000 euros á vítima.
Na súa sentenza, razoa, entre outras cuestións, que “non incumbe agora efectuar unha reevaluación da pena nin expor a aplicación retroactiva da nova norma como máis beneficiosa”.
A Sala de concertos Mardi Gras continúa co seu ininterrumpido programa musical. Esta fin de semana ten dúas citas singulares, cos concertos de Levitants e de 84.
O venres, a partir das 23:00h, será o turno do grupo de Valladolid, que arrinca a xira na cidade herculina co seu himno “Adelante”.
Xa o sábado 28, á mesma hora (venda online a través de wegow, chegan 84, grupo nado en 2005, que xa conta cunha gran cantidade de fans.
A sección primeira da Audiencia Provincial da Coruña rexeitou revisar tres condenas por delitos sexuais en aplicación da coñecida como a lei do ‘só si é si’, segundo informa o Tribunal Superior de Xustiza de Galicia (TSXG).
Nun caso, rexeita rebaixar a pena de cinco anos de cárcere imposto ao autor dun delito de abuso sexual, pois asegura que o novo marco legal “non só non é máis beneficioso, senón que é máis prexudicial”.
O tribunal, por tanto, rexeita a revisión da condena interesada polo condenado por abusar sexualmente dunha menor que se atopaba baixo os efectos do alcol nun escampado.
A sección primeira da Audiencia Provincial da Coruña tamén denegou a revisión da pena, en aplicación da O 10/22, de cinco anos de cárcere imposto a un avó por abusar de forma continuada da súa neta, menor de idade.
Ademais, a sección sexta da Audiencia Provincial da Coruña, con sede en Santiago, tamén entende que non cabe a revisión da pena de tres anos e cinco meses de prisión imposta ao autor de dous delitos de abusos sexuais, un deles continuado e sobre menor de idade.
Neste caso, os maxistrados tamén destacan que non procede a revisión porque “a nova regulación non resulta máis favorable, senón, ao contrario, as condutas estarían máis gravemente sancionadas”. Contra o tres autos cabe presentar recurso.
O deputado do BNG, Néstor Rego, reclamou ao Ministerio de Transportes, Mobilidade e Axenda Urbana a mellora dos servizos ferroviarios na comarca das Mariñas mediante a modernización do trazado entre Ferrol e A Coruña e a construción do baipás de Betanzos.
Propoñen tamén nun comunicado, recuperar apeadeiros abandonados como o de Guísamo ou o de San Pantaleón e aumentar as frecuencias. Todo para “implantar os servizos de proximidade ferroviarias na liña A Coruña-Ferrol, co obxectivo de dar un servizo de calidade á comarca das Mariñas, en detrimento do vehículo privado”.
Lembran que durante a viaxe entre A Coruña e Ferrol, o maquinista aínda debe cambiar de cabina na estación de Betanzos-Infesta para investir o sentido da marcha, “o que provoca un atraso na hora de chegada”.
A isto engaden a obrigatoriedade de realizar un transbordo na estación de Betanzos-Infesta en servizos como o que sae de Ferrol ás 8,40 horas eleva o atraso ata os 40 minutos, “situación que non axuda a promocionar o uso do transporte ferroviario nas comarcas de Ferrol, As Mariñas ou A Coruña”.
”Flores de Ferro”, a obra da larachesa María Rei Vilas, gañou o pasado 2020 o Premio de Novela García Barro. Unha obra que arrasou pola comarca e que agora, o grupo Melandrainas de Arteixo, está levando ao teatro.
Queda aínda tempo para a gran estrea, o 27 de marzo polo Día internacional do Teatro, no Teatro Colón da Coruña, pero a preparación é máis que necesaria. Marga Fernández é a directora dun grupo de 60 persoas, dende rapazas ata avoas, entre actores, actrices, equipo técnico… Porque a adaptación non é cousa sinxela. Engade elementos audiovisuais, e un formato de escena moi esixente para tratar un tema tan necesario como o da memoria das vítimas silenciadas da represión.
O primeiro premio
Así, a entidade vén de recibir a boa nova de que a Deputación vailles outorgar un dos Premios “Luisa Villalba” do Departamento de Igualdade.
De Asociación a Cooperativa
”Melandrainas naceu como unha Asociación, pero sempre moi relacionadas co teatro”, explícanos Marga. “Temos unha escola de teatro, con diferentes grupos de todas as idades. E fai 8 anos que montamos un café cultural, Café Cultural Melandrainas, polo que agora temos un apoio da parte hostaleira, formalizada como Cooperativa”.
Nunha das sesións literarias que artella a entidade no Café, aló por outubro de 2021, María Rei Vilas encandilou ás presentes, entre as que se atopaban a propia Marga e Queta. Así xuntáronse e canda Monica Pan, Nacho Varela e Antía Fernández, forman o equipo que está guionizando e teatralizando a nivela.
Pero a cousa non é sinxela, porque a obra salta no tempo “e teatralmente é moi complexo. Así que coa axuda dunha persoa que controla do tema audiovisual, e facendo esa mistura, comezamos a darlle un pouco de forma, na que o audiovisual, sobre todo recolle aquelas escenas de 1940 que ten o libro”.
Todo feito na casa, partindo de 0, e o que xa se pode ver a día de hoxe (a web www.floresdeferro.art, o cartel, vídeos, tempo empregado, sesións de gravación…) é feito na casa. “Todo parte con 0 euros, sen presuposto, pero con moita ilusión, contactos… Un proxecto bastanta altruísta, a verdade. Dende Melandrainas axudamos con varios cáterings das sesión de gravación e si que ao principio puxemos un pequeno micromecenazgo para is sufragando algúns gastos, pero moi pouco”.
Si que contan cunha axuda da Deputación e a colaboración constante do Concello de Arteixo, por exemplo, na cesión do auditorio para os ensaios, onde contan, por suposto, tamén representar á obra máis pronto que tarde.
Diversidade como marca da casa
Son 62 persoas na equipa total, con 30 en escena, todos da casa. “O peso teatral o leva o grupo Pasapadentro, pero hai xentes de todos os grupos da escola. Ademais, con moita diversidade, dende o máis pequeno, que tiña 5 meses cando lle fixemos a gravación, ata unha persoa maior que ten 87 anos, que actúa en escena”, explícanos.
”A verdade está a ser unha experiencia moi bonita. Foi un recoller a todo o mundo, con novos, maiores, xentes con diversidade (somos varios con discapacidade, incluída eu mesmo cunha física). Un proxecto aberto á pluralidade da vida. Nós xa o facemos dende sempre, forma parte da identidade de Melandraina”.
A gran estrea
Agora, contan os días para que chegue o 27 de marzo, cando polo Día Internacional do Teatro, fagan a gran estrea no Teatro Colón.
O Sindicato Unificado de Policía (SUP) manifestou a súa “indignación” e “estupefacción” ante a decisión de procesar a 45 dos policías nacionais que interviñeron en Cataluña fronte aos altercados producidos durante o referendo do 1 de outubro de 2017, deles cinco da Coruña.
“Nun momento no que a maior parte dos responsables daqueles feitos foron indultados, outros viron como as súas causas foron sobreseídas ou arquivadas, vemos como se persegue e procesa a un grupo de axentes que se desprazaron alí coa orde e o deber de preservar a estabilidade democrática“, lamentaron nun comunicado.
No mesmo, remarcan que cinco dos axentes investigados prestaban servizo no VIII UIP, con base na Coruña, en outubro de 2017, e defenden que “a pesar das enormes dificultades levaron a cabo unha intervención cirurxiá”.
No comunicado, apuntan que os servizos xurídicos do SUP prestan, desde o principio a través de LexAuria, a defensa penal á maior parte dos compañeiros galegos prexudicados –remarcan– “por un procedemento politizado”.
A subdelegada do Goberno na provincia da Coruña, María Rivas, defendeu a dotación de axentes da Policía Nacional, ao ser preguntada polas denuncias de falta dos mesmos na cidade herculina e ante o aumento da delincuencia na cidade.
A preguntas dos xornalistas, no acto en recordo aos axentes falecidos ao tratar de rescatar a un mozo eslovaco na praia coruñesa en 2012, a subdelegada asegurou que o Goberno está a traballar “como nunca para poder repor eses medios”.
Neste sentido, Rivas manifestou que a convocatoria de emprego público deste ano “vai nutrir tamén ás Forzas e Corpos de Seguridade“. “Non o descoidamos”, sentenciou. Por outra banda, recalcou que o índice de resolución dos casos da Policía Nacional é “moi alto” e que o corpo responde “con celeridade e con profesionalidade” nas súas actuacións.
