Denuncias de “uso abusivo” dos servizos mínimos na folga de controladores aéreos en Alvedro
Please wait while you are redirected...or Click Here if you do not want to wait.
O ‘Fogar de Corazóns’ do Chuac aloxou en 2022 a 59 familias, 618 desde a súa fundación en 2015
A Fundación María José Jove financiará integramente un ano máis o programa ‘Fogar de Corazóns’ do complexo hospitalario universitario da Coruña (Chuac), un servizo de aloxamento gratuíto para familiares de pacientes da Unidade de Cardiopatías Infantís que teñen que desprazarse desde o seu lugar de residencia e que se puxo en marcha en 2015.
O convenio foi renovado por Felipa Jove, presidenta da Fundación María José Jove, e Luís Verde, xerente da área de Xestión Integrada da Coruña e presidente da Fundación Profesor Novoa Santos.
Neste oito anos de funcionamento, o ‘Fogar de Corazóns’ aloxou a un total de 618 familias, cunha estancia media que en 2022 foi de 18 días. En concreto, aloxou o ano pasado a 59 familias, cunha estancia máxima de máis dun ano e mínima de 2 días, sendo o seu lugar de procedencia 24 de Pontevedra, 9 de Ourense, 12 da Coruña, 12 de Lugo, un de Asturias e outro de Andalucía. O total de días de aloxamento foi de 1.063.
A valoración das familias beneficiarias deste recurso realízase a través do Servizo de Traballo Social do propio Hospital Materno Infantil da Coruña, que leva a cabo un programa de acollida a todas as familias dos menores que van ser ingresados na Unidade, facilitando apoio psicosocial, orientación e xestión dos recursos acordes ás súas necesidades.
A reforma do Mercado de Monte Alto comezará despois do Entroido
Van moitos anos co proxecto de reforma do Mercado de Monte Alto enriba da mesa. Varios concursos errados, varias desercións, e moita incerteza entre os praceiros, asuntos que parecen ter solución inmediata.
Mentres avanzan as obras da instalación dunha espectacular carpa na Praza Indalecio Prieto que albergarán os postos do mercado (onde estaban as poucas canastas que ten o barrio, ao carón dos edificios de Urbanismo), o Concello está falando cos praceiros para facer o traslado despois do Entroido, co gallo de non interfeir na intensa actividade que nesas datas hai no barrio.
Será unha obra con 26 meses de prazo de execución, e cun orzamento cercano aos 10 millóns de euros.
As obras do tren ao porto exterior da Coruña obrigan a realizar este martes cortes de tráfico
As obras do acceso ferroviario ao porto exterior da Coruña avanzan de acordo á programación prevista e alcanzan este martes un “fito significativo” co comezo da habilitación do emboquille da galería número 2 do túnel principal, segundo informa a Autoridade Portuaria.
Por motivos de seguridade, e dado que é necesario efectuar voaduras, estes traballos esixen cortar ao tráfico durante 10 minutos, en ambos os sentidos, a autoestrada AG-55, entre os puntos quilométricos 4+550 e 5+350; a AC-15 na ligazón coa AG-55 e a estrada AC-552, entre os puntos quilométricos 3+100 e 3+900, nun intervalo que se situará entre as 13,00 e as 13,30 horas.
“Esta localización correspóndese coa zona de encontro entre a AG-55 e a autovía de acceso ao porto exterior”, sinala a Autoridade Portuaria. O túnel principal do trazado, de 3,7 quilómetros de lonxitude, contará con tres galerías ou accesos de seguridade. “Cando se habilite o emboquille desta galería número 2, a obra dará un avance importante, xa que tamén permitirá afrontar a construción do túnel desde este punto, en ambos os sentidos”, explica. Así, o túnel construirase desde catro puntos, sumando os seus puntos de inicio e final.
Estímase que nas próximas semanas será necesario realizar entre tres e cinco voaduras nesta zona, en función das necesidades da obra, que serán comunicadas ás institucións que regulan a circulación viaria.
Aberta unha liña de axudas da Deputación da Coruña para contratar persoal técnico de cultura cunha partida de 770.000 euros
A Deputación da Coruña abriu este luns unha liña de axudas para o mantemento ou creación de postos de traballo de persoal técnico nos servizos municipais de cultura, cunha partida de 770.000 euros.
Segundo sinalou a institución provincial nun comunicado, as bases pódense consultar no Boletín Oficial da Provincia deste luns e o prazo de presentación de solicitudes termina o próximo 28 de febreiro.
Deste xeito, con estas axudas concederanse un máximo de 15.000 euros, no caso do persoal técnico en xestión cultural, e de 10.000 euros, no do persoal técnico en animación sociocultural.
Tanto as solicitudes como o resto da tramitación da presente convocatoria realizaranse por vía telemática a través dá plataforma desde a sede electrónica da Deputación.
Estréase este martes no CGAI o documental sobre o Antroido Cascarilleiro
Este martes 31 de xaneiro, ás 20:30, o CGAI acolle a estrea mundial do documental que fixo Omar Rabuñal sobre o carnaval coruñés.
“Co grelo na man, a flor do Carnaval”, o lema-manifesto de César Sanjosé, choqueiro maior da rúa da Torre finado hai uns anos, é o título desta obra que repasa as máis clásicas escenas do entroido dende Elviña a Monte Alto.
A AV Oza Gaiteira Os Castros proxecta o documental “1981, Ano zero da língua galega” no Fórum
A Asociación veciñal Oza Gaiteira Os Castros vai proxectar o documental “1981, Ano zero da língua galega”. A cita é este vindeiro 6 de febreiro ás 19:00 horas no Fórum Metropolitano con entrada de balde ata completar aforo.
O documental de AGAL, realizado por Nós Televisión, aborda os 40 anos de oficialidade do galego da man de Nee Barros que acompaña a través do paso das décadas e da amplitude de voces de quen compuxo e compón o camiño do noso idioma.
A alcaldesa da Coruña reclama a aplicación do protocolo en relación coa presunta agresión sexual nun local de lecer
A alcaldesa da Coruña, Inés Rey, condenou “totalmente” o comportamento do home detido por presunta agresión sexual a unha muller na madrugada do pasado domingo, día 29, nun local de lecer situado no complexo de lecer Los Cantones Village, e destacou que se aplicou “inmediatamente” o protocolo en materia de agresión sexual e violencia de xénero.
Así o manifestou a preguntas dos xornalistas nas que recalcou o seu agradecemento á “rápida actuación” do porteiro e a dirección do establecemento, así como da Policía local que operaron con “absoluta celeridade”.
“Estes protocolos están a funcionar, este tipo de condutas non caben nunha sociedade democrática que aposta pola igualdade”, sentenciou.
Segundo fontes próximas á investigación consultadas por Europa Press, os feitos sucederon entre as 04,00 e as 07,00 horas. Supostamente, o home realizou tocamentos á denunciante sen o seu consentimento e tentou bicala na boca cando ambos se atopaban nun pub.
O detido atópase á espera de pasar a disposición xudicial previsiblemente este martes, como suposto autor dun delito de agresión sexual, segundo confirmaron as mesmas fontes.
O home detido por agresión sexual en Los Cantones Village segue en dependencias policiais
A Policía Nacional da Coruña detivo na madrugada do pasado domingo, día 29, a un home que presuntamente agrediu sexualmente a unha muller nun local situado no complexo de lecer Os Cantóns Village, na cidade herculina. O arrestado previsiblemente pasará este martes a disposición xudicial.
Así o confirmaron fontes próximas á investigación consultadas por Europa Press. Segundo as mesmas, os feitos sucederon entre as 04,00 e as 07,00 horas. Supostamente, o home realizou tocamentos á denunciante sen o seu consentimento e tentou bicala na boca cando ambos se atopaban nun pub.
A detención produciuse despois de que os porteiros do establecemento tivesen que intervir ante o suceso e alertasen ás autoridades. O arrestado foi conducido ás dependencias da Policía Nacional en Lonzas, onde permanece, á espera de pasar a disposición xudicial como suposto autor dun delito de agresión sexual.
A Unidade de Atención á Familia e Muller (UFAM) está a investigar o sucedido e previsiblemente o arrestado non pasará a disposición xudicial nesta xornada debido a que “quedan declaracións aínda por tomar” e si o fará este martes, día 31, segundo confirmaron as mesmas fontes.
Saíu cruz
- 13º partido de Óscar Cano (8V+3E+3D); a 4 puntos do líder Alcorcón
——
Nesta lotería quincenal que son os partidos fóra da casa do Depor, onte saíu cruz. Tiramos a moeda ó aire e esperamos a ver o que sae. Cousa incrible o deste equipo cando lle toca viaxar lonxe de Riazor. Onte o Dépor fixo todo o malo que se ten que facer para non gañar.
Cedeu un penalti ridículo ante un rival que estaba sendo mellor que el, nun campo onde era complicado xogar por dimensións e polo estado da herba, cun rival que loitaba os balóns cas gañas dos que necesitan puntuar. Todo isto nun domingo no que gañar era imperativo.
O fútbol é un estado mental. Sinxelo, pero é así. Logo ten unha compoñente física, de talento e de sorte, pero basicamente todo o bo que che pasa é pola mentalidade coa que pelexas o teu obxectivo. Así se explica que Uruguai gañara en Maracaná en 1950, o Centenariazo do Depor ou que o Leicester gañara a Premier hai uns anos. Este triunfos, con todo en contra, explícanse pola fortaleza mental. O Depor é un equipo moi débil mentalmente polo carácter apagado dos seus xogadores. Falta liderato, falta tensión competitiva e falta xestionar emocións.
Así, de novo, temos que falar de oportunidade perdida. Nun partido terrible de ver, facendo o máis difícil que é remontar fóra da casa, tiras os tres puntos cando máis os necesitabas. Non se poder crer que coñecendo que o Córdoba perdera e que o Alcorcón empatara, o Depor saia como saíu onte a xogar. Sen xogar nada de nada en 45 minutos, sen chegadas claras, facendo forte ó rival na súa casa onde levaba tres meses sen gañar. Temos que deixar de tirar a moeda, para comezar a crer que o liderato é posible.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
