O Concello da Coruña procedeu este domingo á retirada dunha escultura instalada na avenida Buenos Aires, no mesmo lugar onde foi asasinado Samuel Luiz en 2021. Segundo confirmaron fontes municipais, ningunha persoa ou entidade solicitou autorización para a súa colocación.
A peza, de grandes dimensións, tiña a aparencia dun óso humano e apareceu de maneira inesperada nesta céntrica localización da cidade. Unha vez detectada a súa presenza, os servizos municipais procederon á súa retirada.
Por agora, descoñécese a autoría da obra e o propósito exacto da súa instalación. O Concello non fixo valoracións sobre o significado da peza, limitándose a confirmar que se tomou a decisión de retirala por non contar coa correspondente autorización administrativa para ocupar o espazo público.
Arrincou o completo programa do Antroido coruñento e fíxoo este sábado no Palexco co tradicional concurso de comparsas na modalidade de música e letra. Un certame cheo de retranca e humor,, dirixido polo humorista David Amor, no que participaban 8 comparsas: Amigos da Xoldra, Malandros, Melandrainas, Montealto a 100, Os Maracos e Pantaleón, ás que se sumaron Badabum Sorpresa e Os Kilomberos de Monte Alto, estes fóra de concurso.
Finalmente, os Malandros foi a comparsa gañadora do concursom para celebrar así o seu décimo anivesario.
Amigos da Xoldra e Montealto a 100 obtiveron o segundo e terceiro premio, tendo áccesits tamén os Pantaleón, Os Maracos e Melandrainas.
Como gañadora deste concurso, a comparsa dos Malandros interpretará en directo as súas dúas cancións deste certame no acto de entronización do deus Momo, que terá lugar o venres 28 de febreiro no Obelisco (21.00 horas).
Botou o peche este sábado a terceira edición do festival Norte Cinema Diverso e fíxoo coa entrega do premio Trini Falcés á mellor das once curtametraxes e tres documentais presentados ao certame.
O xurado, formado por profesionais da industria cinematográfica, membros do colectivo LGTBIQ+, xornalistas e políticos, decidiu outorgar o premio á curtametraxe española Transición, do director madrileño David Velduque, “pola súa capacidade de achegar unha mensaxe clara e comprometida a través da ficción, polo excelente traballo da súa protagonista, polo seu virtuosismo técnico e pola súa implicación coa visibilidade das identidades trans”.
A curta reflexiona sobre o abandono das persoas trans na terceira idade. Está protagonizada pola canaria Celeste González, unha artista que debutou como actriz na compañía galega Matarile, coa que fixo dez espectáculos entre 2007 e 2023.
O gañador levou para Madrid o zoco da diversidade realizado por Elena Ferro, este ano pintado coas cores da bandeira non binaria.
Ademais, o xurado, presidido polo actor e director coruñés Miguel Canalejo, decidiu outorgar unha mención especial a outra curtametraxe española, Ese lugar partido, dirixida pola coruñesa Inés Pintor Sierra e o madrileño Pablo Santidrián. O xurado destaca “a súa defensa da memoria histórica do colectivo, o excelente traballo dos intérpretes, unha proposta narrativa única e ao servizo da trama apoiada por un traballo de montaxe e composición de banda sonora”.
Remata así, despois de 3 días de proxeccións e conversas arredor da diversidade, a terceira edición do o primeiro festival LGTBQ+ de Galicia, organizado pola asociación Palestra, a cinemateca Pedro Zerolo e o concello da Coruña, coa colaboración da Universidade da Coruña e a Academia Galega do Audiovisual, despediu
Tres persoas resultaron feridas este domingo tras unha colisión entre dous vehículos na AC-11, ao seu paso pola parroquia de Elviña. O suceso, que tivo lugar ao redor das 17:55 horas, mobilizou diversos equipos de emerxencias.
Segundo informou o 112 Galicia, foi un particular quen alertou do accidente e, pouco despois, o servizo de Urxencias Sanitarias notificou a posibilidade de que houbese persoas atrapadas nos vehículos sinistrados.
Ante esta situación, desprazáronse ata o punto efectivos dos Bombeiros da Coruña, a Policía Local, a Garda Civil de Tráfico e membros de Protección Civil. Unha vez no lugar, os bombeiros confirmaron que ningún dos ocupantes quedara atrapado nos turismos.
Os sanitarios atenderon ás persoas feridas, das cales dúas foron trasladadas ao hospital, mentres que a terceira puido ser asistida no propio lugar do accidente. As causas do sinistro non transcenderon, pero os servizos de emerxencias lembran a importancia de extremar as precaucións na estrada.
O Complexo Hospitalario Universitario da Coruña (CHUAC) conta cunha nova área para o Laboratorio de Urxencias, tras unha ampliación que incrementou a súa superficie de 250 a 400 metros cadrados. O proxecto contou cun investimento de preto de 500.000 euros, segundo informou a Xunta.
O conselleiro de Sanidade, Antonio Gómez Caamaño, visitou este sábado as novas instalacións acompañado pola delegada territorial da Xunta na Coruña, Belén do Campo, e polo xerente da área sanitaria da Coruña e Cee, Luís Verde. Durante o percorrido, destacou que esta ampliación mellorará a capacidade de resposta do servizo, que atende máis de 1.200 solicitudes diarias dos distintos departamentos asistenciais do hospital.
MELLORAS NA CAPACIDADE DE ATENCIÓN
A Xunta informou nun comunicado que, ademais do persoal facultativo de garda, no novo espazo traballan 25 técnicos de laboratorio. O Laboratorio de Urxencias inclúe distintas áreas especializadas, entre elas o procesado de mostras, microscopía, centrífugas, gasometría, coagulación, ouriños, hematimetrías e preanalíticas
Ademais, o laboratorio dispón de despachos para o persoal médico e zonas específicas para mellorar o fluxo de traballo e a eficiencia na xestión das análises clínicas.
Con esta reforma, o Servizo Galego de Saúde busca optimizar a resposta ás necesidades asistenciais do CHUAC, garantindo maior axilidade no procesado das mostras e reforzando a capacidade diagnóstica do hospital.
Tras dúas semanas de mobilizacións esixindo medidas concretas para afianzar a seguridade dos profesionais da sanidade pública, a xerencia da área sanitaria da Coruña e Cee vén de anunciar (enviando a información antes á prensa que á propia comisión) que as medidas propostas fronte ás agresións a persoal están “rematadas ou en fase de execución” e destaca o “avance” no desenvolvemento do decálogo proposto. Entre outras cuestións, apunta á implantación nos próximos días do “botón do pánico”. En referencia ás medidas, alude ás analizadas entre a dirección da área sanitaria, a Comisión de Centro e os xefes de Servizo de Urxencias, Saúde Mental e Orde Interna e Seguridade, das que engade que foron presentadas tamén ao comité de seguridade e saúde.
“Incrementáronse os efectivos de seguridade no servizo de Urxencias cunha segunda presenza de 12:00 a 00:00, tramo horario de maior afluencia de pacientes no servizo, o que no sitúa por enriba de hospitais como o Doce de Outubro ou Ramón e Cajal”, cita como exemplos. Ademais, engade que “están conformados os grupos de traballo tanto en Atención Primaria como en Atención Hospitalaria coordinados polos responsables dos servizos implicados para a revisión e actualización dos protocolos” e “practicamente terminado o traballo do grupo encargado da análise causa-raíz”, da que a próxima semana di que se terá o informe.
Todo iso despois da agresión a un enfermeiro e a un vixiante de seguridade por parte dun paciente psiquiátrico o pasado día 3. Entre outras cuestións, sinala tamén que se puxo en marcha un circuíto de atención psicolóxica a profesionais da área sanitaria da Coruña e Cee, ao que suma asesoramento e apoio xurídico ou a posta en marcha da nova unidade de saúde mental no Hospital Marítimo de Oza. A xerencia fixo público o comunicado despois de que o xoves persoal do complexo hospitalario volvese mobilizarse en demandas da aplicación “xa” de medidas.
Hoxe, o único festival LGTIQ+ de Galicia porá o broche a 3 días de proxeccións e reiinvicacións. Saberase ademais quen levará o zoco de Elena Ferro como gañadora do Premio Trini Falcés á mellor curtametraxe.
A derradeira xornada do festival coruñés Norte Cinema Diverso empezará coa habitual sesión de balde da matinal do sábado no Teatro Colón. A partir das 12:00 do mediodía, poderanse ver o resto de traballos que optan ao Premio, entre elas Ese lugar partido (da directora coruñesa Inés Pastor, que narra, a través de cartas, a historia de amizade de dúas persoas desde a súa infancia) e El que no se agache (do debutante director allaricense Agustín Segura, unha reflexión sobre as infancias cuir dun grupo de mozos e mozas).
Xurado do NCD
Completan a sesión as curtametraxes españolas Leo y Los siento e a mexicana En blanco y negro. Ademais, fóra de concurso, estrearase a curtametraxe Ela e eu, realizada por alumnos e alumnas do Centro Privado Concertado Plurilingüe Andaina da Coruña, baixo a supervisión de Domingo D. Docampo, director do obradoiro de introducción ao cine con móbil, organizado polo festival.
Ás 18:30hda tarde, con entrada tamén de balde, celebrarase unha charla con activistas como Federico Armenteros da Fundación 26D e cineastas convidados a esta terceira edición, entre eles os galegos Inés Pintor e Agustín Segura, o portugués João Pedro Rodrigues e os canarios David Velduque e Celeste González.
Ás 21:00 horas empezará a derradeira función de 2025, cunha gala presentada poladrag queen Hornella Góngora. Entregarase o premio Trini Falcés á mellor curtametraxe, que se volverá proxectar, e botaremos o pano ao festival coa longametraxe española Alguien que cuide de mí, das directoras Daniela Fejerman e Elvira Lindo, que debuta detrás da cámara.
As entradas para a sesión nocturna custan tres euros e pódense retirar en ataquilla.com ou no despacho de billetes ás portas do teatro.
Unha folga que puña a cidade nunha situación tremendamente problemática, con toneladas de lixo acumulándose durante semanas nas rúas e numerosos de actos vandálicos que puñan en risco edificios, vehículos… que provo remataba cunha declaración de Emerxencia Sanitaria e a contratación da empresa Valoriza para paliar as consecuencias da folga traballando de xeito extraordinario fóra de proceso de concesión.
Uns meses antes do comezo da folga, a comezos de 2024, o Tribunal Superior de Xustiza de Galicia anulaba o anterior contrato con Cespa por incumprimento dos pliegos, provocando a convocatoria dun novo proceso de axudicación. Pero un ano despois o servizo de recollida de lixo segue orfo.
A Mesa de Contratación vén de rexeitar hoxe as alegacións presentadas hai 4 meses pola empresa Valoriza (a mesma que contratou o Concello durante a emerxencia sanitaria), que era a única candidata que quedaba trala anulación da anterior adxudicación polo TSXG.
Deste xeito, o servizo de recollida de lixo terá que licitar un novo contrato, que tardará máis dun ano en estar adxudicado (o anterior chegou a tardar 3…). “O servizo está sen contrato dende 2017”, segundo denuncia o PP, que reclama unha “solución urxente”.
Seis comparsas optarán este sábado aos primeiros premios do Entroido coruñés no concurso de música e letra, segundo informa o consistorio. O evento celebrarase no Palacio de Congresos e Exposicións da Coruña (Palexco) e as invitacións poderán ser retiradas ao longo deste venres no despacho de billetes da praza de Ourense ou mañá, sábado, no propio recinto, ata completar aforamento.
O humorista David Amor volverá ser o mestre de cerimonias este 2025, nunha gala na que haberá un total de oito actuacións, dúas fóra de concurso. As comparsas que participarán e optarán aos premios deste primeiro concurso serán Amigos da Xoldra, Malandros, Melandrainas, Montealto a 100, Os Maracos e Pantaleón. Ademais, tamén actuarán fóra de concurso Badabum Sorpresa e Os Kilomberos de Monte Alto. O concurso comezará ás 18.00 horas.
Poden ver nesta entrada o programa completo do Entroido herculino 2025:
