A Policía Local de Culleredo pediu a colaboración cidadá para tratar de localizar á testemuña dun accidente entre ciclistas ocorrido na mañá deste domingo no paseo marítimo da localidade, na zona de Fonteculler. Como consecuencia do suceso, un dos ciclistas tivo que ser trasladado ao hospital.
Os axentes están agora investigando as circunstancias do sinistro, para o que tratan de localizar e entrevistar a un terceiro ciclista que, ao parecer, estivo presente no lugar da colisión e que chegou a atender ao accidentado, aínda que abandonou o lugar antes da chegada da Policía Local.
Este terceiro ciclista, precisaron, vestía unha peza superior de cor amarela e unhas mallas negras longas. As persoas que poidan achegar algunha información, ou ben a propia testemuña, poden porse en contacto coa Policía Local no teléfono 981 67 77 55 ou nas dependencias policiais situadas na rúa María Cagiao en Fonteculler.
As bandeiras e os lazos “rojigualdos” saíron á rúa esta mañá de domingo 12 de novembro. Respondeu parte do electorado á chamada do PP para manifestarse contra a Lei Amnistía impulsada polo PSOE e as negociacións con Junts per Catalunya, e foron entre 6.500 (segundo EP) e 10.000 (segundo o PP) as persoas que ateigaron os Xardíns de Méndez Núñez durante a mañá dominical.
Repetíronse cánticos como ‘España non se rende’, ‘Sos Europa’, ‘Nin amnistía nin perdón’, ‘Non á amnistía de golpistas e corruptos’ ou ‘Puigdemont a prisión’, ‘Non é un presidente, é un delincuente’, ‘Sánchez fóra, deshonras a túa bandeira’ ou ‘Non é un presidente, é un ditador’.
Nos medio dun ambiente tranquilo falaron, entre outros, a secretaria xeral do PPdeG, Paula Prado, o vicesecretario de Organización do PP, Miguel Tellado, ou o presidente dos populares coruñeses, Diego Calvo.
Xa contra o mediodía, cando as bandeiras, e os chalecos, se espallaban polas terrazas do centro, rexistrouse un incidente na Praza de San Agustín, cun par de mozos encapuchados detidos por golpear as uns mozos manifestantes.
Como detalle, a bandeira española que lle colocaron na sede do PSOE coruñesa, a mesma que o pasado xoves só congregou un manifestante.
Inaugurou esta fin de semana A Parva, a cantina do mercado de San Agustín, a súa nova exposición ‘As praceiras fan a praza’’. Unha expo enmarcada no festival de fotografía FFoco. A fotógrafa experimental Tania Vila documenta o espertar do recinto, a súa actividade e o seu peche e valoriza as súas protagonistas, maioritariamente mulleres, que alí traballan.
Tania Vila (Albeiros, Lugo) é filóloga e tradutora de alemán e participou en distintas publicaciones con fotos analóxicas e collages.
O proxecto, impulsado por Alba Barbadillo e Ángela F. Casal, socias cooperativistas da Parva, busca “mostrar o que a clientela non ve normalmente, o labor que fai posible a venda do produto máis fresco e sustentable a diario no mercado máis céntrico e valioso arquitectonicamente da cidade”.
As fotografías do mercado foron tomadas de xeito manual cunha cámara analóxica de hai 50 anos, unha Pentax ME Super.
A mostra poderá visitarse na terraza interior que o posto ten no mercado de luns a sábado en horario de mañá.
FFoco
No mesmo lugar celebrouse hoxe o aperitivo que ofrece o propio festival. Nado en 2017, FFoco consolidouse como o escaparate imprescindible para amosar e coñecer o estado actual da fotografía documental en Galicia, sendo o único festival destas características na comunidade. Nesta edición, a relación entre lugares e identidades, as lindes entendidas como as liñas reais ou imaxinarias e os límites da propia fotografía son os eixos temáticos do festival.
Reencontro ca vitoria nun partido relaxado do Depor
Duodécimo partido de Imanol Idiakez como adestrador do Depor en partido oficial (4V 5E 3D)
— — —
Nesta morna tempada branquiazul, xa puidemos desfrutar de diferentes versións dun Depor que non acaba de tranquilizar a súa afección. Se ben nas primeiras cinco xornadas tivemos a mellor versión do equipo en velocidade, ocasións, fortaleza mental, nestas últimas semanas pasamos por derrotas duras, dúbidas no adestrador, gañas de mercado de inverno e dar por amortizados xa a varias fichaxes de verán.
O Dépor arrincou a tempada ben enchufado na casa e fóra dela, con bos partidos en Riazor nos que non puido arrincar unha vitoria aínda que o ben mereceu contra Majadahonda e Teruel. Mentres tanto as visitas a Lugo e Unionistas remataron con sensacións positivas e seguridade no bloque defensivo e cara ao gol. Mal comezo en puntos e goles, pero a cousa non era especialmente grave polo xogo, pola xeración de ocasións de gol, ademais de non sufrir en defensa en demasía. Despois chegaron as xornadas aciagas con derrotas en Fuenlabrada e contra o Turista en Riazor, onde entraron dúbidas co adestrador e sentenciouse a Valcarce, Davo, Cayarga… e os canteráns que, daquela, sorteaban o once. Derrotas duras no mental que espiron as vergoñas dunha plantilla que parecía máis vestida do que realmente estaba. Do partido de Irún, mellor non falar para no facer máis sangue no negativo. Ata aquí, dúas caras ben distintas dun equipo moi dubitativo para tan poucas xornadas disputadas.
Pois ben, esta fin de semana vimos unha nova cara do equipo. Partido aburrido, gañado dende a tranquilidade e sen sufrimento, que se ben, non dá para botar fogos de artificio, si ven ben para calmar ánimos e manter viva unha esperanza que moitos xa damos por perdida.
Nefasto partido de Davo e Valcarce en ataque, onde unha vez máis os Pablos levaron o perigo ofensivo na primeira metade.
Unha cousa parece clara no esquema: sen especialistas en ataque non vamos chegar moi lonxe este ano. Faltan media puntas, dianteiros e extremos. O que hai non vale. Esperemos que coa chegada destas pezas o equipo amose a cara definitiva de equipo serio que quere ascender.
Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
Efectivos dos bombeiros liberaron a unha persoa atrapada nun coche tras envorcar en Mazaricos. Unha vez fose do coche, a persoa foi atendida e evacuada ao centro hospitalario de referencia. Segundo a información recollida no 112 Galicia, o accidente produciuse pasadas as 11 horas na AC-400, entre os quilómetros 81 e 82, na parroquia de Coiro, en Mazaricos.
Nese punto, un turismo saíuse da vía e envorcou, de maneira que o único ocupante quedou atrapado no interior. Para poder ser liberado, os xestores do 112 Galicia solicitaron a intervención dos Bombeiros de Santa Comba e dos membros do GES de Muros. Bastou coa súa actuación para rescatar ao condutor, que recibiu os primeiros coidados por parte dunha dotación de Urxencias Sanitarias de Galicia-061 antes do seu traslado.
Ademais, neste operativo contouse coa colaboración dos axentes da Garda Civil de Tráfico, así como dos equipos de limpeza e mantemento da vía, neste caso da Axencia Galega de Infraestruturas, debido aos restos de aceite e do vehículo que quedaron na vía. Tamén participaron voluntarios de Protección Civil da localidade.
Trala tregua deste domingo, onde si se rexistraron algunhas pingueiras no trixésimo día de choiva consecutivo na cidade da Coruña, a Dirección Xeral de Emerxencias e Interior da Vicepresidencia Primeira da Xunta activou para este luns a alerta laranxa por choiva no oeste da provincia da Coruña.
Segundo a Axencia Estatal de Meteoroloxía (Aemet), o fenómeno meteorolóxico adverso comezará este mediodía e espérase unha precipitación acumulada en 12 horas de 80 mm, que pode chegar puntualmente aos 120 mm.
O resto da provincia, as Rías Baixas e o interior de Pontevedra quedan en alerta amarela, con precipitacións acumuladas de 60 mm en 12 horas na área coruñesa, que poden chegar a 100 mm, e de 40 mm, na pontevedresa. Tamén está activada a alerta por temporal costeiro en todo o litoral galego.
Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro Integrado de Atención ás Emerxencias 112 Galicia informou da situación aos concellos das provincias afectadas, deputacións, servizos provinciais e agrupacións de voluntarios de Protección Civil aos clubs náuticos, entre outros.
Tamén se recomenda, ante as fortes choivas, circular con precaución e informarse antes do estado das estradas, non atravesar zonas alagadas ou que poidan chegar a hacerloy non aparcar nas beiras dos ríos. Aconsellan, tamén, consultar a web do CIAE 112 (www.112galicia.org).
Xogaba o o Dépor Abanca no estadio de Riazor e foron as familias as que responderon. Faltaron os Riazor Blues e os tribuneros de sempre, pero o estadio xunto case 7.000 siareiros e siareiras, coa mocidade como principal protagonista.
Gran traballo das ANPAs da cidade e máis dos clubs de base, repartindo entradas, para que a rapazada vaia normalizando o que o común dos afeccionados maiores de 20 anos aínda non alcanzan a comprender.
Bo ambiente en Riazor para ver o Depor Abanca
E puideron ver un fermoso espectáculo futbolístico, cun cadro branquiazul que se mantén no alto do liderato da 2ª DIvisión nacional tras vencer, con xustiza ás Gloriosas do Alavés. Fixeron gala do nome as vitorianas en canto a brega, pero as de Irene Ferreras (que recollía o premio ao comezo do partido como mellor adestradora do ano pasado na 1ª RFEF), foron mellores en todo momento.
O equipo herculino estivo dirixio por unha imperial Henar no medio campo (impresionante a despregadura da asturiana, tanto en defensa como sacando o balón con gran criterio). A meta ibicenca Yohama estivo perfectamente escoltada por unha parella de centrais serias e experimentadas como Inés Altamira e Raquel García Arrinca. E arriba, a calidade no regate de Ainhoa Marín (esta barcelonesa de 22 anos leva apuntando alto moito tempo) vese equilibrada pola potencia da brasileira Millene arriba.
Así chegou o primeiro gol, de feito, cunha internada de Ainhoa e un remate de Millene, xa no ecuador do segundo tempo. O primeiro fora de control local, aínda que se demasiada pegada, e algúns minutos nos que as alavesas se deixaban ver en área contraria.
Estirouse o Alavés co tanto deportivista, e aí apareceu Carlota Sánchez (unha das coruñesas do equipo xunto a Lía), para facer coas súas incursións, por momentos abusando demasiado do balón. E foi noutra contra pola dereita cando ADT(Ana de Teresa) marcaba o segundo de cabeza.
O partido estaba finiquitado pero un tanto de corner a 3 dos 90 fixo o desconto algo máis incómodo do esperado.
Remata o choque co equipo de líder, e superado o desafío de Riazor, tanto no campo, como nas bancadas.
Centenares de persoas volveron saír ás rúas da Coruña este sábado para reclamar ás administracións que aceleren o proceso para a recuperación e apertura ao público da Casa Cornide, expoliada pola familia Franco durante a ditadura.
Encabezada polos actores Isabel Risco e Fernando Morán interpretado a Carmen Polo e Francisco Franco, a marcha partiu da Praza de María Pita ata a fachada da Casa Cornide, situada no centro histórico da cidade herculina.
Á fronte da manifestación, xunto á parella de actores facendo do ditador e a súa esposa e a un grupo de gaiteiros que puxo música á protesta, podía lerse unha pancarta que rezaba ‘Devolución dá Casa Cornide ao pobo dá Coruña. Fransquismo nunca máis’.
Concentración pola recuperación da Casa Cornide-Foto-Dores Alegre
Os manifestantes chegaron ás portas da casa que pasou a patrimonio da familia Franco a través dunha poxa na que exerceu de pantalla o empresario Pedro Barrié da Maza, que adquiriu o inmoble para cedelo máis tarde a Carmen Polo por un prezo moi inferior ao que el abonara.
Esta operación pola que a familia do ditador fíxose coa titularidade do palacete a mediados do século XX quedou revelada co descubrimento dunha carta recollida nun informe elaborado polo historiador Manuel Grandío a encargo do Concello da Coruña.
Por mor deste achado, outro informe, neste caso de enfoque xurídico, determinou que se tratou dunha operación simulada para dar cobertura legal ao espolio.
Ás portas da Casa Cornide, onde os actores fixeron unha ‘performance’ lamentando que lles faltaban as chaves para poder entrar, procedeuse á lectura dun manifesto a cargo de Manuel Monge no que se instou á Xunta e ao goberno local coruñés a mover ficha para favorecer tanto a apertura do inmoble á cidadanía como o seu paso a patrimonio público.
O texto lembra que existe unha moción aprobada por unanimidade en setembro de 2019 no pleno da corporación herculina que avoga por recuperar para o patrimonio da cidade este inmoble. “Cincuenta meses despois, o concello segue sen presentar esa denuncia xudicial”, lamentaron os manifestantes.
Á Xunta reclaman que obrigue á familia Franco antes de que conclúa o ano a abrir a casa para visitas públicas en cumprimento do seu condicion de Ben de Interese Cultural, pola que, como establece a lei, debería poder visitarse “como mínimo” catro días á semana.
Ademais, piden a retirada das distincións da cidade e os nomes do rueiro en honra a Pedro Barrié da Maza, Alfonso Molina e Sergio Peñamaría do Chairo, “principais responsables do espolio” da Casa Cornide.
O Concello si que anunciara a comezo de curso a incorporación dunha profe de piano, pero quedaron ata esta fin de semana sen cubrir as prazas das especialidades de frauta e guitarra.
Este domingo o Concello mantivo unha reunión coa ANPA a incorporación inmediata da profe de frauta, que vén de asinar o seu contrato. Explicaron dende o Concello que a praza tivo que ser revisada porque o que primeiro renunciou para optar a outro posto na Xunta, polo que se fixo unha chamada á seguinte substituta, que asinou onte o seu contrato.
Ademais, explica que o profe de guitarra acaba de voltar de estar de baixa por unha enfermidade, pero pediu vacacións polo que esta semana estará ao cargo un substituto.
Dende o Concello, que aseguran que traballaron “o máis rápido posible para realizar trámites administrativos longos e engorrosos”, consideran o encontro “moi positivo”, sinalando que” se sentaron as bases para un contacto continuo entre os Concello e os pais e nais”.
Estaban chamados dende CRAs a CEIPs, desde unitarias a centros de Educación Especial, desde CPIs a IES, desde CIFPs a Escolas de Artes, desde Escolas de Idiomas a Conservatorios… E houbo moita resposta, segundo sinala a CIG, que manda fotos de numerosas concentracións de profesores e profesoras.
Concentracion no CIFP SomesoConcentracion no CEIP Francisco Vales Villamarin de BetanzosConcentracion no IES María Casares de Oleiros
Demandas para mellorar o ensino público
Piden o inicio da redución de ratios en todas as etapas educativas desde o vindeiro curso, recuperación das 18 e 21 horas lectivas que tivo o profesorado galego ata os recortes de Feijóo e Rajoy, un plan de eliminación da burocracia con medidas concretas e un incremento retributivo lineal para todo o profesorado sen ter en conta a súa antigüi dade e o cargo que ocupa.
“Semana de loita polos nosos dereitos”: martes 14 concentracións e domingo 19 manifestación en Compostela
O martes 14 celebraranse ás 7 da tarde concentracións en todas as cidades galegas, sendo a da Coruña na Praza de Pontevedra.
Ademais o domingo 19 terá lugar unha manifestación en Compostela á que está convidada a participar toda a comunidade educativa: ANPAs, familias e alumnado… para visibilizar que a mellora do ensino público.
