Páxina 41 – Xornal da Coruña – Noticias da Coruña e área Metropolitana

Esperan que o informe que impide construír unha parcela da Maestranza se extenda ás outras dúas que afectan á muralla

-

18 Maio, 2026

Esperan que o informe que impide construír unha parcela da Maestranza se extenda ás outras dúas que afectan á muralla

Seguen as 3 parcelas que foron propiedade do Ministerio de Defensa da Maestranza, pendentes das sentenzas xudiciais. Esta semana o pleno tiña que asumir a Parcela número 3 estará destinada a espazo libre público, e non vai ser unha urbanización de vivendas de protección oficial como se prometera (en paralelo á de Adelaida Muro). Un in informe de Patrimonio inciden na afectación aos restos do sistema defensivo da Cidade Vella, catalogado como BIC, e provocaron o cambio de calificación.

Unha calificación que dende entidades como Defensa do Común consideran que debe extenderse ás outras dúas parcelas, por canto todas no seu conxunto integran a muralla. Con todo, a realidade das outras dúas parcelas (a 1 e a 2) parecen destinadas a un futuro ben diferente, unha vez que xa foron vendidas polo ministerio a promotoras unbanísticas (Lipromo), e mesmo xa se están a vender os pisos antes de edificar.

Pisos de entre 520.000€ (2 dormitorios) a 730.000€ (4 dormitorios)…

Mapa das parcelas da Maestranza 2 — Mapa das parcelas da Maestranza

O caso é que mentres Lipromo vende os seus pisos da Parcela 2, esta parcela segue pendente de notificación da sentenza do TSXG (xa redactada pero aínda non enviada) relativa ao Estudo de Detalle da parcela P2, impugnado por Defensa do Común. A entidade recorreu tamén a licenza municipal, por ser outorgada seguindo o Plan Especial aprobado en 1994, no que non se tivo en consideración os restos arqueolóxicos.

Nese sentido, Defensa do Común tamén segue a demandar a modificación do PEPRI da Cidade Vella do 2015, tanto para deixar sen efecto o Plan Especial da Maestranza de 1994 como para concretar a delimitación e medidas de protección dos restos das murallas. “Resulta inadmisible que no 2026 se pretenda executar un plan de 1994, totalmente obsoleto, que non tivo en conta daquela o sistema defensivo da cidade vella e seus valores arqueolóxicos e patrimoniais”, denuncian.

En resumo, a situación das 3 parcelas é a seguinte:

P1 (propiedade de Lipromo): denegado pola XGL (novembro 2025) o último Estudo de Detalle presentado pola promotora
P2 (propiedade de Lipromo): Estudo de Detalle aprobado no 2023; pendente de notificación de sentenza polo TSXG do recurso de Defensa do Común, que tamén impugnou a Licenza de obras no Xulgado do contencioso, impugnación en trámite.
P3 (propiedade de INVIED-Defensa): cualificada como EL (espazo libre público) na MP-PXOM aprobada provisioalmente polo Pleno o pasado xoves.

Máis novas

O barrio da Cidade Vella debate sobre a promoción, paralizada cautelarmente pero xa á venda, da Maestranza

Amnistía Internacional trae á Coruña unha nova palestra sobre Palestina

MOV. SOCIAIS

Redacción

-

18 Maio, 2026

0

Amnistía Internacional trae á Coruña unha nova palestra sobre Palestina

O grupo Amnistía Internacional da Coruña, organiza este mércores 20 de maio unha palestra con Alejandro Amaro, representante para o Estado español da Alianza Europea para a defensa das persoas prisioneiras de Palestina.

Falará sobre “Presos e presas palestinas” a partir das 20:00h na sede herculina de Amnistía Internacional, situada na Rúa Rafael Alberti N5 1C, na segunda fase de Elviña.

Máis novas

A comunidade da Rede Acampa pola Paz rendeu un aplauso colectivo ao activismo por Palestina

Nova multitudinaria manifestación na Coruña trala xornada de folga xeral por Palestina

Mohamed Safa: ”Non queremos unha loita étnica, isto é unha guerra anticolonialista”

Penitence in Darkness e Ewaric gaña a Batalla de Bandas e actuarán no Flores Rock

Ubaldo Cerqueiro

-

18 Maio, 2026

0

Penitence in Darkness e Ewaric gaña a Batalla de Bandas e actuarán no Flores Rock

Penitence in Darkness e Ewaric conseguiron o primeiro e segundo posto da batalla de bandas do Flores Rock, celebrada este sábado na praza do Sol Nacente do Barrio das Flores. Ambas formación actuarán no festival que se celebrará os días 4 e 5 de setembro.

Un total de oito bandas participaron este sábado neste concurso musical organizado polo Concello e a Plataforma Veciñal do Barrio das Flores co obxectivo de apoiar a bandas de rock e metal emerxentes e darlles cabida na programación cultural da cidade. Keepers, Five Pipers, Here Comes The Pain, Baila Cuchillo, Graxa, Ewaric, Replicantes e Penitence In Darkness foron as bandas que actuaron ao longo da tarde.

Penitence in Darkness conseguiu a mellor votación da xornada e, ademais de actuar no Flores Rock 2026, obtivo como premio unha sesión de gravación dun videoclip.
Ewaric, como segunda clasificada, levou como premio una experiencia nun estudio de gravación.

O Concello da Coruña, premiado pola súa campaña de concienciación no lecer nocturno

europapress

-

18 Maio, 2026

0

O Concello da Coruña, premiado pola súa campaña de concienciación no lecer nocturno

O Concello da Coruña será recoñecido o próximo 20 de maio na novena edición dos Premios Recicla a Noite grazas á campaña municipal ‘Esta é a túa sinal’. Así o informou o consistorio herculino, que lembra que se trata dunha iniciativa impulsada de xeito específico para promover a convivencia, o respecto aos veciños e veciñas e as condutas responsables nas principais zonas de lecer nocturno da cidade.

Por outra banda, a administración local reforza o plan de accións de mellora no barrio da Sardiñeira coa creación dun novo acceso peonil ao instituto da zona desde a avenida de Arteixo. Os traballos operativos de reestruturación urbana comezaron nesta mesma xornada co obxectivo de incrementar a seguridade dos estudantes.

Noutra orde de cousas, o consistorio mantén aberto o proceso de inscrición para participar nos próximos itinerarios formativos gratuítos. Estas accións de formación van dirixidas a persoas desempregadas no marco do proxecto Éfeso Coruña, unha iniciativa que conta co cofinanciamento do Fondo Social Europeo Plus (FSE+).

Sanidade Exterior autoriza o desembarco na Coruña do cruceiro ‘Ambition’ tras o brote de gastroenterite

europapress

-

16 Maio, 2026

0

Sanidade Exterior autoriza o desembarco na Coruña do cruceiro ‘Ambition’ tras o brote de gastroenterite

Os técnicos de Sanidade Exterior autorizaron o desembarco na Coruña do cruceiro Ambition, no que un brote de gastroenterite común afectou decenas de pasaxeiros e parte da tripulación. Segundo informou a Delegación do Goberno, 21 persoas con este virus permanecen illadas a bordo “seguindo os protocolos sanitarios establecidos”. O barco atracou ás 09.30 horas na cidade herculina, tal e como estaba previsto.

O buque procedía de Burdeos, en Francia, onde finalmente se autorizara o desembarco da pasaxe. Arredor das 20.00 horas partirá cara a Xixón, onde prevé chegar o domingo, e despois continuará a súa travesía ata Bilbao. Xa no porto da Coruña, ás 10.20 horas, os servizos de Sanidade Exterior do Ministerio de Sanidade accederon á embarcación para realizar a inspección correspondente e avaliar a incidencia actual do virus antes de tomar unha decisión.

Segundo insistiron as mesmas fontes, esta actuación forma parte dos controis rutineiros e dos protocolos establecidos para este tipo de escalas. Tras aproximadamente unha hora de inspección e despois de analizar a situación da pasaxe e da tripulación, Sanidade Exterior autorizou o desembarco “ao confirmar que se cumpren as condicións de seguridade e saúde pública correspondentes”.

Neste momento, 21 persoas con gastroenterite común —dun total de arredor de 1.700— permanecen illadas a bordo, detallou a Delegación do Goberno, que incidiu en que se seguen os protocolos establecidos. Ese número chegara a ser de 30 casos activos o venres. A administración estatal transmitiu tamén unha mensaxe de tranquilidade, subliñando que a situación “está monitorizada”.

OS PASAXEIROS VISITAN A CIDADE E A PROVINCIA

Desde a chegada do cruceiro ao porto, centos de pasaxeiras e pasaxeiros tiveron que agardar case dúas horas ata coñecer a decisión final que lles permitiu desembarcar. Algúns achegáronse aos exteriores da embarcación para ver a cidade. Pasadas as 11.30 horas, cando Sanidade Exterior autorizou a saída do Ambition, os pasaxeiros comezaron a desembarcar para gozar das actividades previstas para o día. Varios autobuses agardaban aquelas persoas que optaron por facer unha excursión a outros concellos da provincia, mentres outros visitantes decidiron coñecer a cidade herculina durante a escala.

O Mural desoe ás promesas das administracións e convoca unha nova manifestación para defender o coidado dos frescos de Lugrís

Ubaldo Cerqueiro

-

15 Maio, 2026

0

O Mural desoe ás promesas das administracións e convoca unha nova manifestación para defender o coidado dos frescos de Lugrís

Lanzaba con retranca este luns Rodrigo Osorio no Xornal o anuncio dunhas hipotéticas boas novas arredor dos frescos de Lugrís da rúa Olmos. E non tardou en darlle a razón a Xunta e o Concello, que coma sempre a remolque das protestas da Asoc. O Mural, filtraba á prensa que está formulando unha solución no Plan Especial de Protección E Reforma Interior (PEPRI) da Pescaría, para reformar o edificio da rúa Olmos 25-27.

A entidade celebraba onte unha Asemblea multitudinaria e emocionante, demostrando a forza colectiva e as ganas de reivindicar o acceso á beleza que ten a cidadanía da Coruña. E a de Malpica, porque a xuntanza serviu para establecer vínculos con xente da vila natal de Urbano Lugrís para defender conxuntamente a obra de Lugris na Casa do Pescador.

Houbo moitas propostas, como presentar querelas contra as administracións por delito contra o patrimonio, ou desenvolver unha rota-foliada pictorica polas tascas coruñesas. Pero finalmente se concreto a convocatoria dunha manifestación para o 7 de xuño baixo o lema: ”A Coruña pola beleza. Deixade pasar as ondas do mar!

Asemblea de O Mural- Pilar Silva — Gran participación na Asemblea do Mural. Foto: Pilar Silva

Máis novas

Boas novas para os frescos de Lugrís

O metal da Coruña amplía a folga aos días 26 e 27 de maio ante o bloqueo do convenio

europapress

-

15 Maio, 2026

0

O metal da Coruña amplía a folga aos días 26 e 27 de maio ante o bloqueo do convenio

O sector do metal na provincia da Coruña acordou ampliar a convocatoria de folga do 19 de maio aos días 26 e 27 deste mes. Fixérono, segundo informan as centrais CIG, CCOO e UXT, “ante a negativa da patronal a recoller as demandas sociais”. Farano en defensa dun convenio digno e para reivindicar que a patronal atenda as xustas demandas que expoñen a nivel laboral e salarial.

Na tarde do xoves tivo lugar a reunión da mesa de negociación na que a patronal contestou ás plataformas sindicais de convenio “sen recoller nin unha soa das demandas formuladas polo persoal”, segundo sinalan as centrais. Os sindicatos denuncian que a representación empresarial se nega a avanzar en calquera materia, afectando a unha situación que implica a unhas 18.000 persoas do sector siderometal da provincia.

Segundo denuncian as centrais, non hai avances en salarios, redución da xornada, ampliación da subrogación nin na regulación dos pluses. Así mesmo, critican a falta de medidas para frear a precarización e limitar a subcontratación, así como a ausencia de melloras nos complementos das baixas, o que motivou este endurecemento do calendario de mobilizacións previsto para este mes de maio.

A Serea de Ulises espiuse na Agra

Ubaldo Cerqueiro

-

15 Maio, 2026

0

Hai poucas entidades na cidade que sintan a poesía como a Asoc. Agra. Cada xoves durante boa parte do ano, xentes de toda a idade xúntanse no local da Rúa Entrepeñas para compartir a poesá con recitados conxuntos. Este 14 de maio tocaba acoller a presentación dun novo poemario, e a resposta foi agarimosa e sentida.

A cormelá Diana Varela Puñal realizaba a estrea de “Serea e Ulises”, unha fermosa edición facsimilar dunha serie de poemas relacionados co mito romano, pero dende unha perspectiva diferente: A da Serea de Tahormina. Un libro que destila amor polos catro costados, pero non ese amor apegado de esixente responsabilidade emocional, senón do amor máis libre, máis puro. Porque aínda que Ulises e a Serea se amen profundamente, esta déixalle claro que a ficar sentanda texendo, a Ítaca non pensa ir.

Diana Varela Punal coa familia da Asoc Agra — Diana Varela Puñal coa familia poética da Asoc. Agra

Tivo a sorte de presentala o que escribe estas liñas, facendo un repaso pola súa carreira, contando que levaba preto de 15 anos sen escribir poesía. I é que traballar no seu dunha editorial ás veces provoca que na casa do ferreiro, coitelo de pau. Con todo, despois de pasar unha mala época emocional, pero despois de facer unha fermosa viaxe á Sicilia máis hercúlea e prosaica, conseguiu acabar esta xoia.

Un tesouro feito a man, demostrando un posicionamento firme polo humano ante as revolucións tecnolóxicas que fan todo por nós, reivindicando a caligrafía (e a súa escritura coa zurza) como unha pegada valiosa.
Este “Serea e Ulises” pretende ser ademais o primeiro volume dunha colección facsimilar, aberta a outros artistas.
A serie de poemas formará parte dun vindeiro libro máis completo, máis social, que pronto sacará tamén a través de Medulia

Reivindicou o seu papel como editora, pero ela síntese poeta. “Os que nos identificamos cunha arte, ben sexa a música, a literarura, a pintura… estamos sempre expresando o que vemos a través dela. E miña nai recorda que xa dende ben pequeniña tiña libretas nas que me expresaba en verso”, recoñecía entre risas e algo rubor.

View this post on Instagram

A post shared by Xornal da Coruña (@xornaldacoruna)

Trala conversa, fixo un sentido recitado, ata o silencio absoluto dunha trintena de persoas que nin pestanexaron ata o rotundo aplauso final.

A xornada rematou coa obrigada sinatura de exemplares, que por certo, xa podedes adquirir dende Medulia.

Máis novas

Diana Varela Puñal volve á poesía coa edición facsimilar de “Serea e Ulises”

A UDC aproba o seu informe de xestión marcado polos novos estatutos e o impulso á investigación

europapress

-

15 Maio, 2026

0

A UDC aproba o seu informe de xestión marcado polos novos estatutos e o impulso á investigación

A Universidade da Coruña (UDC) aprobou o seu informe de xestión, cos novos estatutos, o impulso á investigación e a transferencia e mellora das políticas de apoio ao estudantado. Así o informa o reitorado e expúxoo o reitor, Ricardo Cao, que indicou que foi “un exercicio marcado por cambios na gobernación institucional, polo fortalecemento da actividade investigadora e a súa proxección social”.

Especialmente, destacáronse os novos estatutos da UDC, adaptados á Lei Orgánica do Sistema Universitario (LOSU), “que supoñen unha actualización profunda da estrutura organizativa e do modelo de gobernación”. Este novo marco reforza a participación democrática, incorpora novos colectivos á representación institucional e impulsa unha universidade máis transparente e responsable, segundo sinala o reitorado.

O informe recolle o fortalecemento da actividade investigadora e a súa proxección social como eixes fundamentais do último exercicio.

Un cruceiro cun brote de gastrointerite atracará na Coruña este sábado

europapress

-

15 Maio, 2026

0

Un cruceiro cun brote de gastrointerite atracará na Coruña este sábado

O porto da Coruña ten previsto recibir este sábado ao cruceiro ‘Ambition’, que se atopa afectado por un brote de gastroenterite que afectou a decenas de pasaxeiros e a parte da tripulación. No buque viaxan máis de 1.750 persoas e está previsto que a súa atracada na cidade herculina se produza ás 10:30 horas procedente de Bordeus. Posteriormente, sobre as 20:00 horas, o barco partirá cara a Xixón para continuar a súa travesía cara a Bilbao.

Segundo trasladaron fontes da Delegación do Goberno en Galicia, na tarde deste venres celebrouse unha reunión de urxencia para coordinar a chegada, ao tratarse dunha escala non prevista inicialmente. No encontro participaron a Autoridade Portuaria, o Concello da Coruña, a Xunta, Capitanía Marítima, as Forzas e Corpos de Seguridade do Estado, a consignataria e a Terminal de Cruceiros. Capitanía Marítima ratificou que a entrada en augas españolas está autorizada e o porto permitiu a atracada ao cumprir o buque con todos os requisitos establecidos.

A consignataria informou de que nestes momentos existen 30 casos activos de gastroenterite común. A administración estatal quixo trasladar unha mensaxe de tranquilidade á cidadanía, destacando que a situación está “monitorada” e que se están a aplicar todas as medidas para garantir a seguridade da pasaxe, do persoal portuario e da poboación.

ANÁLISE DA SITUACIÓN

Unha vez que o buque atraque, os servizos de Sanidade Exterior accederán ao ‘Ambition’ para realizar unha inspección rutineira e unha análise detallada da situación. Este procedemento ten como fin determinar a autorización para o desembarque da pasaxe, seguindo estritamente os protocolos de seguridade e saúde pública establecidos para estes casos.

As mesmas fontes lembraron que esta escala é posterior á efectuada en Bordeus, onde as autoridades francesas xa autorizaran no seu momento o desembarque dos pasaxeiros. As administracións implicadas continuarán avaliando a evolución da situación e manterán a coordinación permanente para garantir que a estancia do barco na Coruña discorra sen incidentes.