Inicio Blog Páxina 492

“Quero que os meus netos veñan visitarme a miña tenda e non os deixo porque temos medo”

Ubaldo Cerqueiro
-
0
“Quero que os meus netos veñan visitarme a miña tenda e non os deixo porque temos medo”
  • Tensión na concentración dos comerciantes de Monte Alto trala vaga de roubos destas semanas

—- —-

A situación no barrio de Monte Alto está tensa. A vaga de roubos que levan sufindo os establecimentos comercias nas últimas semanas; e a convivencia con varios narcopisos, están a provocar unha sensación de inseguridade nun barrio que exemplifica mellor que ningún a xentrificación provocada polo efecto Inditex, pero que aínda mantén ecos doutras époucas máis bravas.

Así se demostrou na concentración que convocaban os comerciantes de Monte Alto, a través do grupo de whastapp que teñen formado para o #trucooutrato de Samaín. Co título “Monte Alto necesítate”, convocaban a veciñanza a amosar o seu enfado e pelexar “contra o actos de vanalismo e inseguridade cidadá”.

Concentracion Monte Alto seguridade cidada-roubos 3

Polos chats os comerciantes pasan as imaxes gravadas polas cámaras de seguridade dos últimos 4 ou 5 episodios de roubos que levan sufrindo pequenas tendas de electrodomésticos, de alimentación perruquerías… do barrio. Por exemplo, unhas plantas que lucían na porta dunha tenda da rúa Hércules, está adornando unha casa ocupada un pouco máis abaixo ante a indefensión da propietaria…

A Praciña de San Xosé quedou pequena, pois entre a veciñanza (que se foi amoreando en canto subía a tensión) e a innumerable cantidade de medios presentes, ata os autobuses tiñan problemas para pasar pola Avda. Hércules sen atropellar a ninguén.

Tomaron a palabra varias veciñas de diferentes idades. Unha “vella roqueira” denunciaba o desinterese e o abandono das administracións, así como a incomodidade de vivir con tantas persoas que andan pedindo con agresividade pola rúa. Un comerciante explicaba á prensa a vaga de roubos que levan sufrindo estas semanas e a sensación de impunidade que teñen os autores. Outra muller pedía máis seguridade e pedía axilidade á xustiza.

Momentos de tensión

Concentracion Monte Alto seguridade cidada-roubos 4

A cousa tornouse moi tensa cando se meteu no medio da concentración un home identificado por moitos comerciantes como un “habitual”. Primeiro sentiuse incómodo por tantas cámaras, pero despois de ameazar a un profesional que estaba facendo o seu traballo, volveu con gañas de protagonismo, e quitoulle protagonismo á cidadanía. Asegurou que el non roubaba, e foron varios os veciños e veciñas os que increparon (algún rapaz máis novo perdendo absolutamente as formas) pedíndolle que deixe o barrio tranquilo.

”Quero que os meus netos veñan visitarme á miña tenda e non os deixo porque temos medo”, espetáballe unha muller que leva 17 anos cunha tenda na Rúa Hércules coa voz case desgarrada.

Xa ao remate, as xentes voltaban ás súas vidas diarias (cómpre dicir, de absoluta normalidade para o 99% da veciñanza) mascullando unha frase ben acaída: “Ata que non pase nada gordo, van facer nada…”

Concentracion Monte Alto seguridade cidada-roubos

Quen aproveitou a cita para deixarse ver foi o voceiro do PP, Miguel Lorenzo, que asegura que levará o tema ao pleno.

A veciñanza de Ángel Rebollo xunta sinaturas para a humanización da rúa

Ubaldo Cerqueiro
-
0
A veciñanza de Ángel Rebollo xunta sinaturas para a humanización da rúa

Andar pola rúa Ángel Rebollo sen escordar un nocello ou sen pisar unha caca de can é todo un desafío. E o dicimos con coñecemento de causa. As fochancas e as defecacións convirten cada mañá a rúa de Monte Alto, como tantas outras da cidade, nunha auténtica carreira de obstáculos. Familia con carritos de bebé correndo cara á escoliña, ou veciñ@s que van á peixería co carriño da compra parece que forman parte dunha auténtica carreira de carrilanas, tipo slalom.

Ante esta situación, estas semanas descúbrense grupiños de veciños e veciñas arredor dun papel maldicindo ás autoridades municipais e a deixadez que vive este barrio, por momentos tamén lastrado pola problemática do tráfico de drogas.

Unha veciña, Marga López Ramos, coa colaboración de varias persoas do barrio, están facendo unha colleita de sinaturas para esixir que o Concello tome cartas no asunto. “Rede de sumidoiros esfolada, as beirarúas todas rotas, a estrada dá pena… Toda a rúa é un desastre”, lamenta Marga. “Estou cansada de poñer reclamacións no Rexistro do Concello, vou ata alí e me din que o van facer, pero nunca fan nada”, lamenta.

”A luz tamén é precaria, hai veces que chegas pola noite e non acertas coa chave”, critica ao tempo que mesmo sinala que “a traída de auga tamén está mal, e ás veces sae turbia”.

Xa hai máis de 200 sinaturas recollidas, e mentres a veciñanza espera con ansia as xa licitadas obras das escaleiras mecánicas que unirán Adelaida Muro con Ángel Rebollo,  piden que se aproveite o momento para humanizar a rúa, lembrando, que a parte norte da mesma (a que tira contra a Torre), así como a propia Adelaida Muro (seguro que as casas máis caras da cidade foron importantes) xa viviu ese proceso de humanización xusto antes da pandemia.

Máis novas

Licitadas as obras accesibilidade entre O Peruleiro e a rúa Barcelona e da escalinata mecánica de Adelaida Muro

 

O Consorcio das Mariñas dá dez días ao Concello para que aclare o futuro da planta de Nostián

europapress
-
0
O Consorcio das Mariñas dá dez días ao Concello para que aclare o futuro da planta de Nostián

O Consorcio das Mariñas dá un prazo de dez días ao Concello da Coruña para que presente as directrices, “algo consistente e serio e que teña probabilidades de futuro”, sobre a planta de tratamento de residuos de Nostián e a súa xestión. Así o anunciou o seu presidente e alcalde de Abegondo, José Antonio Santiso, tras unha reunión mantida este venres con presenza dos oito concellos que conforman o Consorcio (Abegondo, Bergondo, Betanzos, Cambre, Carral, Culleredo, Oleiros e Sada) na que acordaron, tras máis de 20 anos, “continuar xuntos” en relación á recollida do lixo e o seu tratamento.

“Pasaron os cen días que nos deron e non se nos propuxo aínda nada”, explicou Santiso en alusión á xestión da planta de Nostián, “que depende e é propiedade do Concello da Coruña”. “Estamos a esperar”, sinalou. “Ímoslle a dar o prazo ao Concello da Coruña de dez días para que nos presente algo consistente e serio e que teña probabilidades de futuro”, manifestou e engadiu que se non reciben información tomarán “medidas”.

“Non somos contrarios a Nostián nin moitísimo menos”, puntualizou o presidente do Consorcio das Mariñas. Non entanto, manifestou ter “xa moralmente pagada a débeda ao Concello da Coruña por ser corresponsables no derrube do vertedoiro de Bens”, ocorrido o 10 de setembro de 1996, no que 200.000 toneladas de lixo esborralláronse e sepultaron a un home.

O Fogar de Corazóns do Chuac aloxou en 2023 a 69 familias

europapress
-
0
O Fogar de Corazóns do Chuac aloxou en 2023 a 69 familias

A Fundación María José Jove financiará integramente un ano máis o programa ‘Fogar de Corazóns’ do complexo hospitalario universitario da Coruña (Chuac), un servizo de aloxamento gratuíto para familiares de pacientes da Unidade de Cardiopatías Infantís que teñen que desprazarse desde o seu lugar de residencia e que se puxo en marcha en 2015.

Ademais, desde novembro do ano pasado, o Fogar de Corazóns aloxa tamén a familias desprazadas con nenos prematuros ingresados na Unidade de Neonatología do Hospital Materno.

O convenio foi renovado por Felipa Jove, presidenta da Fundación María José Jove e Luís Verde, xerente da área sanitaria integrada A Coruña-Cee e presidente da Fundación Profesor Novoa Santos.

Neste nove anos de funcionamento, o ‘Fogar de Corazóns’ aloxou a un total de 687 familias. En concreto, aloxou o ano pasado a 69 familias, cunha estancia máxima de máis de 66 días e mínima dun, sendo o seu lugar de procedencia: 10 da provincia da Coruña; 13 da de Lugo; sete da de Ourense; 33 da de Pontevedra e cinco da Comunidade Asturiana. O total de días de aloxamento foi de 585.

A rexedora da Coruña, representante de alcaldes e alcaldesas de España na nova comisión federal do PSOE

europapress
-
0
A rexedora da Coruña, representante de alcaldes e alcaldesas de España na nova comisión federal do PSOE

A rexedora da Coruña, Inés Rey, participou este luns na primeira reunión da nova Comisión Executiva Federal do PSOE, presidida polo seu secretario xeral e presidente do Goberno, Pedro Sánchez.

O órgano renovouse no marco da Convención Política do PSOE celebrada este fin de semana na Coruña, que contou coa participación de máis de 1.500 socialistas baixo a lema ‘Un impulso de país’.

A alcaldesa da Coruña entrou a formar parte da Comisión Executiva Federal o pasado mes de setembro tras ser escollida polos alcaldes e alcaldesas do PSOE como candidata á presidencia da Federación Española de Municipios e Provincias e pola asemblea da FEMP como vicepresidenta primeiro do órgano.

Rey, precisa o PSOE local, mantense na renovada Comisión Executiva como representante dos alcaldes e alcaldesas socialistas de España, formando parte da dirección federal do PSOE.

Desarticulada unha banda que roubaba cable telefónico e que deixou sen luz zonas da Coruña, Ordes, Arteixo e Cerceda

editor
-
0
Desarticulada unha banda que roubaba cable telefónico e que deixou sen luz zonas da Coruña, Ordes, Arteixo e Cerceda

Axentes da Garda Civil da Coruña detiveron, no marco da Operación LeiraCable, a sete persoas pertencentes a un grupo criminal especializado en sustración de cableado de tendidos telefónicos en zonas rurais da provincia coruñesa.

Este operativo levouno a cabo o equipo Roca da Garda Civil de Santiago de Compostela, en colaboración coa área de Investigación do Posto Principal de Arteixo, e estivo dirixido polo Xulgado de Primeira Instancia e Instrución número 2 de Ordes, resultou na desarticulación desta banda delituosa.

Os detidos, todos residentes da Coruña e con idades comprendidas entre os 24 e os 40 anos, foron acusados de apropiarse de máis de 9 quilómetros de cableado telefónico. Este acto delituoso deixou sen servizo de teléfono a diversas poboacións das localidades da Coruña, Arteixo, Cerceda e Ordes durante varios días, afectando especialmente a áreas rurais.

A investigación, iniciada en abril de 2023, tivo o seu punto de partida cando a Garda Civil recibiu información sobre un corte de cable na localidade de Ordes. Nun operativo levado a cabo no lugar, un dos membros do grupo criminal foi detido in fraganti mentres tentaba fuxir. Ademais deste arresto, confiscáronse ferramentas de corte e unha escaleira de gran envergadura.

Posteriormente, a investigación revelou un modus operandi común entre os delincuentes, quen actuaban durante a noite en zonas de monte próximas a estradas secundarias. Así, escollían lugares onde as liñas telefónicas estivesen adxacentes á vía, dificultando así os labores de investigación policial.

En tres ocasiones, utilizaron unha motoserra para cortar postes de telefonía e apoderarse dos cables. A investigación permitiu imputar aos detidos delitos de pertenza a grupo criminal, nove delitos de roubo e un delito de estragos.

A subtracción de máis de 9 quilómetros de cableado ocasionou danos valorados en máis de 127.000 euros e deixou sen liña telefónica a numerosas persoas, incluíndo a anciáns con servizos de teleasistencia que quedaron inutilizados en posibles emerxencias.

Detido o home que atracou unha gasolineira na Coruña o día de Reis

europapress
-
0
Detido o home que atracou unha gasolineira na Coruña o día de Reis

Axentes do Corpo Nacional de Policía detiveron a un home como presunto autor do atraco a punta de pistola nunha gasolineira da Coruña o día de Reyes.

Así o informaron fontes consultadas por Europa Press en relación a un atraco que se produciu nunha gasolineira de Palavea, nas proximidades do supermercado Alcampo.

O atraco produciuse sobre as 20,00 horas cando no lugar atopábase unha empregada do establecemento. Tras abrirse unha investigación, detívose agora a unha persoa.

Fontes próximas ao caso consultadas por Europa Press indicaron que a investigación segue aberta aínda que non se esperan máis detencións.

Interceptan a un veciño de Cambre que conducía de forma temeraria tras unha persecución entre Culleredo e Coruña

europapress
-
0
Interceptan a un veciño de Cambre que conducía de forma temeraria tras unha persecución entre Culleredo e Coruña

Axentes da Garda Civil de Culleredo investigan a un mozo de 23 anos, residente da localidade de Cambre, por un suposto delito de condución temeraria e outro de condución baixo os efectos de drogas tóxicas.

Segundo informa a Garda Civil, os feitos desenvolvéronse na rúa Laxe de Culleredo, en que o agora investigado foi sorprendido conducindo un vehículo de alta gama a gran velocidade e facía manobras temerarias que incluían derrapes coas rodas traseiras durante a circulación. De feito, os axentes que actuaron, nun vehículo camuflado, chegáronse a ver obrigados a esquivar a súa traxectoria para evitar ser embestidos.

A pesar dos intentos de darlle o alto, o condutor non respondeu de maneira positiva, emprendendo “unha perigosa fuxida por diversas vías e barrios das localidades por onde discorría”, segundo relata a Garda Civil, que engade que durante a persecución púxose “en grave perigo” a integridade doutros vehículos e transeúntes.

Finalmente, o vehículo puido ser interceptado na rúa Severo Ochoa da Coruña, onde se solicitou a colaboración do equipo de Ateigados da Policía Local para a realización de probas de alcol e drogas.

O resultado destas probas indiciarias confirmou a presenza de sustancias estupefacientes no organismo do condutor.

Simultaneamente, propúxose a imposición de sancións por infracción ao Regulamento Xeral de Vehículos por carecer de ITV, así como á Lei de Seguridade Cidadá pola tenencia de 2,73 gramos de haxix. As dilixencias correspondentes, foron remitidas ao Xulgado de Instrución en funcións de Garda da Coruña.

Inés Rey reivindica ao PSOE como o partido que “cre nas persoas” fronte ao PP da “inacción” na súa Convención

europapress
-
0
Inés Rey reivindica ao PSOE como o partido que “cre nas persoas” fronte ao PP da “inacción” na súa Convención

A secretaria xeral dos socialistas coruñeses e rexedora da Coruña, Inés Rey, reivindicou ao PSOE como o partido que “cre nas persoas” e que contrapuxo á “inacción” do PP, na apertura da Convención Política que os socialistas celebran deste venres e ata o domingo no Palacio de Congresos e Exposicións (Palexco).

Convencida de que despois do 18 de febreiro haberá un goberno progresista, co candidato socialista José Ramón Gómez Besteiro á fronte, Inés Rey defendeu a necesidade do mesmo para ter un Executivo que “cre nas persoas”.

“Aquí instalados na inacción, nesta Galicia en branco e negro, no desperdicio do talento, que é moitísimo que ten esta terra”, engadiu culpando diso ao PP. “Galicia non é conservadora”, expuxo Rei, quen argumentou que “Feijóo non é moderado”. “Non é moderado porque non quere”, sentenciou.

Mentres, defendeu que os socialistas son “líderes” para defender “valores” como a igualdade fronte ao “inmobilismo” doutros partidos. “Cremos na xente e no futuro deste país”, aseverou.

“O único proxecto que teñen para España é que España rompe”, dixo sobre o PP. Fronte a iso, argumentou que o país “se salva cos votos progresistas que frean á dereita e a ultradereita” e ás políticas de “recortes”.

XESTIÓN DOS PÉLETS

“Queda moi grande España”, manifestou tamén Rey quen, no seu discurso, referiuse a a xestión dos pélets por parte do PP. “Todos viamos bólas brancas, pero eles non o sabían”. “Non sabemos se era para limpar as praias ou para invadir Portugal”, ironizou tamén sobre os medios solicitados pola Xunta ao Goberno central.

Pola súa banda, reivindicou a xestión dos socialistas en concellos. “Esa forza que nos fai estar preto dos veciños”, aseverou nun discurso no que definiu ao PSOE como o “partido que puxo ás mulleres no centro da política”.

1...491492493...782Page 492 of 782