O Concello da Coruña acolle a entrega ás súas familias dos restos de tres vítimas do franquismo en 1936
Please wait while you are redirected...or Click Here if you do not want to wait.
Os socialistas de Cambre presentan candidato á Alcaldía tras dimitir a alcaldesa
O portavoz do grupo municipal socialista no Concello de Cambre, Diego Alcantarilla, anunciou que presentarán candidato no próximo pleno que se celebrará, trala dimisión da alcaldesa, María Pan Lesta, para que os partidos poidan presentalos.
Será, segundo o previsto, o 21 de abril, especificou tamén tras a sesión plenaria deste venres no que se tomou coñecemento da dimisión da ata agora rexedora.
“Facémolo por responsabilidade e respecto aos cidadáns e co único propósito de pór fin a unha situación que causou un dano enorme a todos os veciños e veciñas, a todas as empresas e á imaxe do consistorio”, sentenciou.
Foi nunha rolda de prensa, na sede provincial do PSOE, na que ha recorddado que hai ano ante a “parálise” no consistorio solicitaron a Unión por Cambre a delegación da área de contratación para “reconducir unha situación que afectaba a numerosas empresas e aos servizos públicos”.
Non aceptalo, expuxo, foi o que supuxo a súa marcha do goberno local. Agora, tras a dimisión da alcaldesa, María Pan — que asumiu o cargo en substitución de Óscar García Patiño, tras a súa dimisión tamén — apelou ao consenso con outros grupos para conformar un “goberno de esquerdas”.
“A renuncia da alcaldesa é unha mostra máis da súa incapacidade para antepor o interese xeral e construír consensos”, aseverou Alcantarilla sobre Unión Por Cambre.
Neste contexto, mostrouse confiado en lograr acordos para un goberno de esquerdas. Para iso, apelou a abrir “un período de diálogo e consenso cos grupos municipais e tentar chegar a acordos.
María Pan Lesta formaliza a súa dimisión como alcaldesa de Cambre: “Non nos deixaron gobernar”
Máis de 2.000 sanitarios da Coruña-Cee esixen un protocolo de seguridade “específico” ante agresións a persoal
Un total 2.214 traballadores sanitarios da área A Coruña-Cee asinaron un escrito no que solicitan ao Goberno autonómico a creación dun protocolo “específico” de seguridade con medidas preventivas para evitar agresións ao persoal.
Transcorridos dous meses do incidente “máis grave” que ocorreu na Coruña, no que unha auxiliar de enfermaría foi atacada por un paciente que estaba a supervisar na área de urxencias do Complexo Hospitalario Universitario da Coruña (CHUAC), a Xunta de Persoal entregou este venres estas máis de 2.000 firmas e queixouse de que non se adoptaron medidas para que non se repita este tipo de situacións.
Por conseguinte, a presidenta da Xunta de Persoal, Lucía Peón (CIG), demandou o cesamento do xerente do CHUAC por continuar “sen achegar solucións”.
Nesta liña, a representante sindical explicou que mesmo a propia Inspección de Traballo considerou que o protocolo facilitado para atención de pacientes potencialmente agresivos/as en urxencias do CHUAC é “xeral”, polo que “non vale” e instou a que este documento de actuación abarque todas as áreas, unidades e servizos e aborde o que “hai que facer, a quen se ten que chamar e de que maneira tense que intervir”.
Ademais, engadiu, que o persoal quere coñecer como notificar a agresión, se dispoñen de asesoría xurídica e atención, e nese caso, onde se recibiría.
Durante a súa intervención ante os medios, Peón reiterou que os traballadores esixen acudir aos seus postos de traballo en condicións de seguridade para poder ofrecer unha atención de calidade pero, insiste, para iso necesítanse máis profesionais, espazos adecuados e protocolos “claros e coñecidos”.
Así mesmo, a presidenta do órgano de representación sindical salientou que “non hai que toleralo todo”, facendo especial énfase na importancia de “pór límites” e lembrou que o Servizo Galego de Saúde (Sergas) ten que protexer a seguridade dos seus profesionais.
Pola súa banda, delegaa de CSIF e membro da Xunta de Persoal, Maite Macías, agregou nun comunicado, que con esta iniciativa, os profesionais pretenden trasladar “de forma colectiva unha petición clara: actuar con urxencia para evitar novas agresións e garantir contornas laborais seguros en beneficio do persoal e dos pacientes”.
O traslado dos murais de Urbano Lugrís: complexo e de custo moi elevado para a Xunta
O conselleiro de Cultura, Lingua e Xuventude, José López Campos, ratificou sobre o futuro dos murais que Urbano Lugrís pintou no restaurante Fornos da Coruña que se estudan dúas opcións, ou mantelos na localización habitual ou o seu traslado a dependencias autonómicas, aínda que admitiu que as estimacións apuntan a “cifras moi elevadas” en canto ao custo, así como a “complexidade” polo tamaño dos frescos.
A preguntas dos xornalistas, con motivo da súa presenza nun acto en Afundación, insistiu no “compromiso claro” da Xunta para garantir o coidado dos murais, unha vez que xa son de titularidade da Administración galega.
Sobre a decisión futura, remitiuse aos informes técnicos nos que está a traballar a Dirección Xeral de Patrimonio para determinar se se manteñen “no lugar para o que foron creados” ou se trasladan “a outro espazo propiedade da Xunta”.
“As primeiras estimacións do traslado apuntan a cifras moi elevadas”, avanzou o conselleiro quen aludiu tamén á “complexidade” polo tamaño dos frescos. Por iso, emprazou a esperar aos informes que a Xunta espera ter entre abril e maio.
María Pan Lesta formaliza a súa dimisión como alcaldesa de Cambre: “Non nos deixaron gobernar”
María Pan formalizou este venres en pleno a súa renuncia como alcaldesa de Cambre, cargo ao que accedeu hai un ano cando renunciou o seu antecesor, Óscar García Patiño, ambos de Unión por Cambre. Agora ábrese un prazo dun dez días para logo convocar o pleno onde se presentarán os candidatos ou candidatas que se postulen para alcalde ou alcaldesa. Mentres, segundo fontes municipais, haberá un rexedor en funcións, Juan González Leirós.
Na súa intervención, Pan manifestou que espera que impere “a valentía política” e deféndase “o interese xeral do pobo”. “A solución é política”, insistiu nunha intervención con agradecementos pero tamén con críticas ao entender que a postura do BNG, PSOE e PP, con once concelleiros en total, impediu que se aprobasen asuntos levados ao pleno e que si contaban co apoio de Alternativa dúas Veciños e da concelleira non adscrita María Elena Lauda.
“Renuncio ao ver como os temas non saen para adiante”, sinalou para rexeitar que “non houbese diálogo” coa oposición. “Non nos deixaron gobernar”, sentenciou nun discurso no que admitiu “erros” pero insistiu en que desde Unión por Cambre os seus edís traballaron para sacar asuntos “adiante”.
Fíxoo ao destacar que o orzamento para este ano, que non contou co apoio suficiente na sesión plenaria desta semana, estivese elaborado ou a Relación de Postos de Traballo, que tampouco tivo os votos suficientes.
REACCIÓNS
Desde Unión por Cambre, Daniel Mallo, segundo tenente de alcaldesa e concelleira de Economía, cualificou a Pan como “unha muller valente que colleu o cargo nun momento complicado”, á vez que destacou o seu traballo e a súa “honradez”.
Mentres, Diana Piñeiro, do PP, criticou a súa xestión como alcaldesa e os seus comentarios respecto ao papel da oposición. “Marcha manchando e desacreditando a dúas habilitadas nacionais — dixo en relación á postura de Unión por Cambre sobre o papel da secretaria municipal e a interventora — e a tres partidos politicos que defenderon a lei”. “Non soubo gobernar”, manifestou tamén.
María Teresa Prieto, do BNG, defendeu a postura mantida por esta formación en asuntos que non contaron co seu apoio e reprochoulle á ata agora rexedora que nas reunións buscasen “o amén, un xesto de catecista”, pero non diálogo, argumentou. Pola contra, desde Alternativa dúas Veciños, Raúl Varela, agradeceulle o “esforzo e valentía” e sostivo que con este partido si houbo encontros pese “a algunhas discrepancias”.
Á súa vez, Diego Alcantarilla (PSOE) incidiu en que non houbo “capacidade de diálogo e consenso” e rexeitou que tentase negociar co resto da corporación. Con todo, agradeceulle “o seu tempo e traballo”.
Os socialistas de Cambre presentan candidato á Alcaldía tras dimitir a alcaldesa
Máis novas
Novo tenso pleno con carácter urbanístico
Celebrouse esta mañá outro longo e tenso pleno no pazo de María Pita, con numerosos turnos de palabra nos que apenas se falaban das mocións formuladas, e se aproveitaban para lanzarse críticas cruzadas. Como foi o longo e inútil debate entre Lage Tuñas, voceiro do goberno socialista, e Miguel Lorenzo, voceiro do PP, sobre autocracia, participación cidadá ou coruñesismo no canto de falar sobre a ordenanza número 42, (reguladora do prezo público pola subministración de auga potabl) que foi, por certo, aprobada por unanimidade.
”Vostede é a autocracia se falamos a nivel municipal”, incidiu na súa liña das últimas semanas Lorenzo en contra do que considera a “o alcalde de facto”.
Reseñable tamén a dura crítica da edil do BNG, Avia Veira, lamentando a “hipocresía do PP que na Coruña esixen participación veciñal criticando a modificación do escano cidadán, cando na Xunta se pasan por onde queren as Iniciativas Lexislativas Populares”.
Con todo, o Pleno comezaba informando da desestimación das alegacións dos Orzamentos Municipais deste ano, e que supón a súa entrada en vigor desde mañá tras a publicación das contas no BOP.
Licenzas Urbanísticas
A pesar das longas intervencións, que nada ou pouco tiñan que ver cos temas, foron aprobadas por unanimidade varias mocións sobre temas urbanísticos.
Por un lado aprobáronse estudos de detalle correspondentes a catro parcelas (Z4-R1L, Z4-R5P, Z4-R11LA e Z4-R11LB ) do polígono urbanístico de Visma, promovida Visma Homes. Un trámite necesario para emitir, posteriormente, a licenza de obra construtiva, que abrirá camiño a catro novos bloques residenciais entre os que haberá vivenda libre e tamén protexida. O edil de Urbanismo sinalou que o estudo garante que os usos privados non altera as zonas de paso públicos, e que permitirán compaxinar as obras de urbanización pública e as urbanizacións privadas.
Así mesmo, tamén se aprobou a definitiva do estudo de detalle no API P25.2 da Falperra, para urbanizar a zona que hai entre a pista da Falperra e a Ronda de Nelle, que conta unha pendente excesiva, e que formula a creación dun espazo urbanizado a base de construción de rampas con áreas de descanso para salvar o desnivel, e que permitirá a obteción de solo residencial municipal para vivendas sociais.
Tamén se aprobou, coa abstención do PP, e os votos de PSOE e BNG, a comparecencia municipalno proceso de denuncia de Metrovacesa contra a moción aprobaba para a suspensión do proxecto actual das Percebeiras. Foi claro o edil Fran Dinís, lembrando a inclusión por parte do goberno do PP de 15.000 m2 entre a aprobación inicial e a provisional como elemento clave para rexeitar o proxecto actual.
Os edís do BNG recoñeceron non estar dacordo coa excesiva intesidade do megaproxecto urbanístico de Visma, pero que non podían outra cousa que acatar o recollido no PXOM. Aproveitou aí o PP para criticar o doble rasero do BNG ante as promocións das Percebeiras e de Visma.
Zonas verdes
Na quenda de mocións dos partidos, destaca a lembranza do BNG para rescatar do caixón proxectos clave para a cidade como o parque da Agra, Vixía e Monte Martelo. Con todo, a edil Noemí Díaz non respondeu a esta petición e se remitiu unicamente ás alusións do PP sobre a falta de accións contra especies invasoras, lanzando balóns aos tellado da Xunta.
Distincións a persoal municipal
Outro dos asuntos destacados na orde do día do Pleno foi a aprobación da concesión das distincións policiais por traxectoria profesional exemplar, mérito e felicitacións públicas correspondentes a este ano.
Levarán a medalla ao mérito da Policía Local, con distintivo vermello, a Rubén Álvarez Hermida e Antonio Pedro Vilar Perón, inspector do corpo e técnico medio de Bioloxía Mariña do Concello. Hermida e Vilar foron clave para lle salvar a vida dunha persoa de 52 anos que se lanzou ao mar na Coruña hai case un ano.
Ademais, concederáselles a medalla ao mérito policial, con distintivo azul, ao superintendente José Antonio Brandariz Castelo, ao oficial Iván Ramos Cadierno e aos policías Abel Rodríguez López, Juan Manuel Brea Asorey e Carlos Sanjurjo Lorenzo.
Tamén se lles deu luz verde ás felicitacións públicas a Miguel Ángel González Arias (xeneral xefe da Garda Civil en Galicia), Alejandro Maceiras Bastida (xefe provincial da Coruña da Unidade de Policía Nacional), José Ángel Corral Segade (da agrupación de Tráfico da Garda Civil), Diego García Castro (responsable do Gabinete Técnico da Policía Nacional) e tanto a Manuel Sánchez Enjamio como a Alberto Arias Álvarez (ambos da Brigada Provincial de Seguridade Cidadá da Policía Nacional na Coruña).
Máis novas
Aprobado o orzamento da Coruña ao non presentar PPdeG e BNG unha moción de censura
As 10 promocións urbanísticas formuladas na Coruña prevén a construción de 18.000 novas vivendas
A Xunta declarará mercado tensionado na Coruña se se cumpren as condicións
A Consellería de Vivenda e Infraestruturas xa tramita a declaración de zona de mercado residencial tensionado da Coruña, cidade que, xunto con Santiago de Compostela, abriu o melón na comunidade, e reitera que a aceptará se cumpre coas condicións establecidas pola norma, en relación á que reiteran o seu desacordo.
A titular deste departamento da Xunta, María Martínez Allegue, sinalou este xoves, en declaracións aos medios, que aínda descoñecen a resolución final porque aínda valoran a petición. “Non sabemos aínda se se pode aceptar ou non porque se están avaliando as condicións obxectivas que se establecen por normativa para verificar se se cumpren ou non”, explicou.
Con todo, reafirmouse na posición contraria á designación de zonas tensionadas que sempre mantivo o Executivo galego porque “teñen os efectos contrarios aos desexados, resta vivendas que pór en réxime de aluguer e unha mostra é o que está a suceder en Cataluña”.
Aínda que a Xunta recorreuna, Allegue mostrou o seu compromiso con respectar a normativa, xa que “hai que cumprila”, polo que se A Coruña “cumpre as condicións establecidas en normativa estatal” a Xunta emitirá a declaración correspondente.
Esta permitiría á administración local regular o mercado coa adopción das “medidas necesarias para a corrección dos desequilibrios evidenciados na súa declaración”, segundo a lei.
PETICIÓN DA CORUÑA
A Coruña formalizou esta petición tras aprobala na xunta de goberno local o venres pasado. O edil de Urbanismo, Rehabilitacion e Vivenda, Francisco Díaz Galego, ratificou en rolda de prensa que a cidade cumpre cos dous criterios que marca a lexislación estatal para obter tal designación.
Estes son que o custo da hipoteca ou aluguer e os gastos derivados da vivenda superen o 30% da renda media dos fogares e que o prezo da compra ou do aluguer experimentase, no últimos cinco anos, un crecemento un 3% superior ao do IPC.
Así mesmo, Galego indicou que na Coruña se dan ambos os criterios nun 50% dos distritos e nun 70% das seccións censales.
O proxecto Vitamina G, do CEIP Sagrada Familia, entre os gañadores dos Premios Mil Primaveras
Vén de anunciar a Coordinadora de Técnicos de Normalización Lingüística (CTNL), os gañadores dos Premios Mil Primaveras 2025. As iniciativas seleccionadas son catro programas que inciden na infancia e na mocidade, favorecen a socialización en galego e potencian a reflexión e a acción. Son ademais proxectos que buscan a cohesión social, fornecer de recursos e asociar a lingua con valores positivos. Son, en resumo, os mellores exemplos dos proxectos creados co obxectivo de valorizar e fomentar a lingua e procurar o incremento do seu uso e/ou prestixio.
Na edición deste ano concedéronse catro premios, sen xerarquías, entre proxectos que tiveron vixencia en 2021, 2022, 2023 e 2024. Foron recoñecidos os seguintes: Brazolinda (Brazolinda), Galego para peques (Galego para peques), Modo galego, actívao! (Concello de Ames e Real Academia Galega) e Vitamina G (CEIP Sagrada Familia, A Coruña).
Vitamina G, do CEIP Sagrada Familia
Vitamina G é un proxecto desenvolvido no CEIP Sagrada Familia da Coruña que emprega a lingua galega como factor de cohesión e integración social, nun contexto cunha alta porcentaxe de alumnado de orixe migrante. Consegue unha grande implicación do alumnado, que crea os contidos mentres aprende, investiga e traballa a oralidade. O xurado tamén salientou a creatividade e a positividade na mensaxe (a lingua como un suplemento vitamínico), que é un proxecto replicable e que se trata dunha intervención para un contexto cada vez máis xeneralizado: diversidade lingüística e cultural onde o galego suma. Tamén valorou a proxección do proxecto fóra do ámbito académico e o impacto nas familias.
View this post on Instagram
Brazolinda
Brazolinda é un proxecto de deseño e fabricación de xogos de mesa en galego que fixo 10 anos en 2024. Iniciativa empresarial coa lingua galega como cerna, naceu co obxectivo de ofrecer, tanto ao profesorado como ás familias, material didáctico en galego que axude a normalizar o uso da lingua no tempo de ocio e de aprendizaxe. O xurado tamén salientou o emprego da lingua de forma transversal con contidos de matemáticas, ciencia, natureza, historia ou tradicións. Así mesmo, a través de obradoiros transmiten os obxectivos normalizadores a dinamizadores educativos e familias.
Galego para peques
Galego para peques é un proxecto audiovisual nacido en 2023 para estender o uso do galego na infancia proporcionando recursos para educadores e familias. Pon o foco no período de adquisición da lingua e na necesidade de materiais para xogar e aprender en galego e co galego. O xurado destacou a calidade e a estética dos vídeos, cunha imaxe idónea para a franxa de idade destinataria. O xurado recoñeceu así mesmo a xenerosidade dunha iniciativa que comparte recursos diversos (contos, cancións, fichas para pintar e tamén de iniciación á lectura e á escritura) para que calquera persoa poida usalos, e salientou as potencialidades de interacción con outros programas de socialización en galego da infancia.
Modo galego, actívao!
Modo galego, actívao! é un proxecto de investigación-acción desenvolvido de xeito colaborativo pola Real Academia Galega e o Concello de Ames. Botou a andar en 2021 e busca dinamizar a lingua galega traballando asemade diferentes ámbitos: a educación, o lecer e as familias. É un programa exportable a outros lugares que combina a intervención e a avaliación, o que permite que poida evolucionar de acordo cos resultados obtidos. Destaca pola colaboración entre institucións e pola implicación de diferentes axentes (docentes, alumnado, monitorado e familias) nun proxecto integral para todo o concello. O xurado tamén salientou aspectos como a súa planificación coidada e rigorosa, que promove a reflexión sociolingüística interxeracional e que incide en diferentes ámbitos de vida das crianzas co fin de facilitar a socialización en galego.
Máis novas
“O Dépor é da Coruña”, o novo reto normalizador do #Aquítaménsefala
O #Aquítaménsefala e o Recuncho Gamer reciben os Premios Mil Primaveras
África Abeleira Rodríguez: campioa galega de Judo con herdanza costeira, paixón e futuro
Con tan só 12 anos, África Abeleira Rodríguez escribiu o seu nome nos trofeos galegos de judo ao ser campioa na categoría infantil de máis de 63 kg. Orixinaria de Arteixo, onde vive coa súa familia, esta prometedora nova deportista de tatami cursa 1º ESO no Instituto Manuel Murguía e pertence ao Club de Judo Arteixo, ao que se incorporou hai tres anos, case por casualidade, e ao que segue unida coa mesma paixón que o primeiro día.
Antes de lanzarse ao mundo do judo, África practicou a patinaxe artística, unha disciplina que finalmente decidiu abandonar tras sentirse atrapada na rutina de figuras e piruetas repetitivas. A chispa apareceu cando o judo chegou á súa escola para unha actividade promocional. Era o seu primeiro contacto con este deporte e quedou fascinada. O que comezou sendo unha actividade puntual converteuse pronto nunha vocación.
A conexión de África co judo non é nova na súa familia. Os seus pais tamén o practicaron na súa infancia, e a súa nai, María Dolores, mesmo competiu no mesmo campionato galego cando tiña a idade da súa filla, acadando o segundo posto. Hoxe, o destino marca que nai e filla compartan non só a mesma paixón senón tamén adestradoras que foron compañeiras de María Dolores na súa época, ou como o propio José Garcio, director do ximnasio Fibra e do Arteixo Judo Club, figura fundamental no desenvolvemento de ambos.
Pero máis aló dos seus logros deportivos, África leva nas súas veas unha profunda herdanza galega. O seu pai é de Loureda e a súa nai de Villarrodris. Por parte da súa nai, as súas raíces esténdense á Costa da Morte, concretamente a Cabana de Bergantiños e Ponteceso, terra de mar e lendas que tamén forxaron o carácter deste mozo loitador.
A recente vitoria no campionato galego foi un soño feito realidade para África. Levaba un ano preparándose para esta proba, aínda que o ano pasado non puido competir porque non cumpría a categoría de idade requirida. Nesta ocasión, e a pesar de non agardar conseguir o primeiro posto, conseguiu gañar e emocionouse profundamente.
“Non teño palabras para explicar o que sentín nese momento”, confesa.
Unha emoción que lle gustaría volver experimentar
Agora, coa medalla galega ao pescozo e renovada ilusión, África prepárase para o seu próximo gran reto: o campionato nacional, que se celebrará o 26 de abril en Huesca. Coa súa entrega característica, promete dalo todo para representar con orgullo a Galicia e seguir medrando como judoka. Máis aló dos resultados, esta vitoria supón unha enorme recompensa ao seu esforzo persoal e ao traballo colaborativo co seu equipo, que a apoiaron constantemente.
África Abeleira é moito máis que unha campioa. É herdeira dunha paixón familiar, unha moza con determinación e talento, firme candidata para seguir acadando éxitos dentro e fóra do tapete… e galega de corazón, cunhas raíces que se estenden dende o salvaxe Atlántico da Costa da Morte ata as terras de Arteixo que hoxe a ven medrar e soñar.
O Birloque xa ten renovado o seu Centro Cívico
Inaugurouse onte o novo Centro Cívico do Birloque, que vén de ser reformado integralmente. A intervención supuxo un investimento de case 1 millón de euros, financiado a través de fondos europeos a través do Plan de Recuperación do Goberno na dotación de infraestruturas e servizos.
O edificio, que tamén viviu unha actuación na súa envolvente, incorpora salas polivalentes con acceso independente desde o exterior, espazos para actividades, unha sala de informática, despachos para entidades e servizos sociais, ademais de zonas comúns melloradas para o uso diario da veciñanza.
Falta agora o equipamento, que se realizará de forma progresiva, en paralelo a un proceso de participación veciñal, dinamizado por unha profesional, para que as propias persoas usuarias e veciños e veciñas poidan achegar suxerencias sobre horarios e actividades a desenvolver no centro. Unha vez finalizado, o equipamento quedará integrado na programación da rede municipal de centros cívicos.
