- Xornada 34 – Deportivo 2 – 2 CD Arenteiro
- O Dépor perde dous puntos cando xa se celebraba unha nova vitoria en Riazor.
- Trixésimo cuarto partido de Imanol Idiakez como adestrador do Depor en partido oficial (19V 11E 4D).
Non puido ser. Rachouse a senda de cinco xornadas seguidas gañando todo grazas a un gol no desconto dun bo Arenteiro. E todo nun partido moi incómodo do Depor que, aínda así, foi quen de adiantarse e poñerse con dous goles de diferencia no marcador no minuto 64, cando so restaban 25 minutos para unha nova vitoria na casa. Pero, non foi non así e houbo que levar a primeira decepción de toda a segunda volta.
Pensando en como titular este análise semanal, aparecían dúas posibilidades no aire: “Arenteriazo en Riazor” e “ Deportivada en Riazor”. Sendo xustos co que se veu onte en Coruña o máis xusto e darlle mérito o equipo rival. Equipo que ven facendo unha tempada moi notable xogando un fútbol nada defensivo, sempre mirando cara adiante, coa velocidade coma arma secreta e con xogadores de moi bo pe. Proba delo, foi que o Depor non estivo nunca cómodo no partido a pesar do bo ambiente e de coñecer o que xa fixeran os seus rivais nos seus encontros. Presión engadida que dirán uns, vantaxe no que facer sobre o campo que dirán outros. De calquera maneira, o Depor non soubo manter un resultado en Riazor con todo a favor faltando pouco para o remate do encontro. Se cadra, a presión e a fatiga mental tamén fan acto de presenza nas cabezas dos xogadores, cousa que se ve reflexada nos dous goles encaixados onte.
A xornada deixa sabor agridoce na afección, pero coas opcións de ascenso intactas incluso con algún partido de marxe. O partido de Sestao pode marcar nun 50% as opción de ascenso do Depor, pois agora é necesario gañalo e facer contas cara a vindeira visita do Barca B a Riazor en quince días. Ese é o partido marcado no calendario dos afeccionados dende hai varias semanas. Moito nos pesa na cabeza a traxedias pasadas, pois hai xente que onte clamaba por un novo fracaso branquiazul e cun ascenso comprometido por ese gol no desconto. Nada máis lonxe da realidade. A situación é moi favorable, os número do Depor son excepcionais dende hai meses, o calendario que resta enfrontaranos a rivais da parte baixa (agás o Barça Atletic), os xogadores chegan a tope de moral, a afección non vai fallar….todo para lograr un ascenso que xa nos vai tocando celebrar.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
MÁIS CRÓNICAS DO DÉPOR DE MIGUEL BARREIRO
- X.33: O Dépor activa o modo ascenso.
- X.31: Parece doado, non o é.
- X.30: O Dépor segue ao seu.
- X.29: Pensando no que vén por diante.
- X.28: Pequena escorredura sen consecuencias.
- X.24: Este é o Neno que todos queremos.
- X.23: Haberá que ir crendo.
- X.22: Un Dépor renovado que apunta alto.
- X.21: O Everest do Dépor.
- X.19: Balance dunha primeira volta decepcionante.
- X.17: Un Dépor cómodo no barro.
- X.16: Dilema branquiazul.
- X.15: Idiákez salva o pescozo.
- X.14: Un Dépor baleiro.
- X.13: O Dépor e a marmota.
- X.12: As mil caras do Dépor
- X.11: Tímida recuperación do Depor.
- X.10: As árbores e o bosque do Dépor
- Miguel Barreiro: Punto de non retorno.
- Miguel Barreiro: A canonización de Idiákez.
- Miguel Barreiro: Pobre arranque dun Dépor errático
- Miguel Barreiro: O Dépor faino todo.
- Miguel Barreiro: As novas posibilidades do Dépor.
