Inicio Blog Páxina 212

As familias do CEIP Ramón María del Valle-Inclán de Oleiros saen á rúa contra os recortes

Ubaldo Cerqueiro
-
0
As familias do CEIP Ramón María del Valle-Inclán de Oleiros saen á rúa contra os recortes

Cada vez son máis comunidades escolares as que se están a mobilizar polos recortes da Xunta en materia de ensino, sobre todo, no que atinxe ao apoio ás NEE (Necesidades Educativas Especiais) e aas NEAE (Necesidades Específicas de Apoio Educativo). Xa vimos protestar ás familias do CEIP Concepción Arenal, e comprobamos o ateigadas que están as aulas no María Barbeiro e no Alborada.

Esta semana é a ANPA do CEIP Ramón María del Valle-Inclán de Oleiros a que quere facer pública a “grave situación que está a sufrir o centro debido a unha alarmante falta de persoal docente”. De feito, trala Asemblea extraordinaria urxente celebrada o pasado luns, as familias decidiron, entre outras medidas, realizar unha manifestación social ás portas do colexio hoxe luns día 29 ás 15:45 horas.

Lembran que no Colexio faltan, cando menos, 2 docentes. Sinalan que a ratio alumnado/profesorado é do 12,2%, cando segundo datos do Conselleiro de Educación, a media en Galicia é do 9,9 e en España do 11,3.
O colexio non conta con ningún profesor MEGA, tamén coñecido como profesorado
de apoio á inclusión, o que dificulta que no centro se poida impartir un ensino de calidade, personalizar o apoio educativo e garantir a inclusión e o desenvolvemento integral do alumnado.
Así, conclúen, “a situación descrita no comunicado á Xefatura Territorial, compromete seriamente a seguridade dos menores (no noso colexio, no ano 2023 un menor perdeu a visión dun ollo nunha situación de precariedade como a descrita) e o dereito fundamental a recibir as horas lectivas correspondentes”.

En contacto coa Dirección, co Concello e coa ANPA veciña

Dende a ANPA que están en contacto coa Dirección do Colexio e co concello Concello de Oleiros, que en todo momento nos amosou o seu apoio e colaboración, lembrando que xa enviaron unha solicitude por rexistro, tanto á Xefatura Territorial da Consellería de Educación como á Inspección Educativa para que “revirta esta situación e dote do persoal necesario ó noso colexio, sen que haxa resposta ata día de hoxe”.

Tamén están en contacto coa ANPA Nós Oleiros do CEIP Juana de Vega, que está a levar a cabo accións co fin de tratar de solucionar un problema semellante no seu colexio, e traballamos coa idea de sumar forzas se as nosas demandas non son atendidas.

Máis novas sobre os recortes no ensino

A ANPA do CEIP Concepción Arenal traslada as queixas pola redución do profesorado de apoio

A Consellería négase a desdobrar dúas aulas masificadas nos CEIP María Barbeito e Cerviño e CEIP Alborada

Trasladado á UCI tras envorcar o coche na AC-11 en A Coruña

europapress
-
0
Trasladado á UCI tras envorcar o coche na AC-11 en A Coruña

Un dos ocupantes dun coche que resultou ferido na Coruña ao envorcar o vehículo no que viaxaba na madrugada deste luns atópase ingresado na Unidade de Coidados Intensivos do complexo hospitalario universitario da Coruña (Chuac) con “golpes e contusións” e prognóstico reservado.

Así o confirmaron fontes hospitalarias consultadas por Europa press. Segundo informa o 112 Galicia, este home quedou atrapado no vehículo tras un accidente na AC-11, sentido á entrada da cidade, ao paso por Elviña, polo que necesitou ser liberado polos bombeiros. Ocorreu ás 01.00 horas da madrugada.

O 112 recibiu varias chamadas nas que indicaban que o home estaba atrapado baixo o vehículo. Posteriormente, foi trasladado ao Chuac. O operativo contou coa colaboración da Policía Local e axentes da Garda Civil de Tráfico.

Quevedo conquista A Coruña con cheo total por partida dobre e un escenario 360º que non se vía dende 1992

europapress
-
0
Quevedo conquista A Coruña con cheo total por partida dobre e un escenario 360º que non se vía dende 1992

O cantante canario Quevedo conquistou o Coliseum da Coruña nunha actuación ‘sold out’ e nun formato 360º ante máis de 20.000 espectadores entre as dúas xornadas de show –venres 26 e sábado 27– entregados con camisetas coas cores de Gran Canaria e tamén de Galicia.

Abriu o concerto cunhas ‘Buenas noches, A Coruña’, en honra ao nome da xira, ás 22.05 horas ante un público que puido gozar de toda a experiencia ao redor do escenario nun espectáculo con gran despregamento de medios. ‘Kassandra’ foi o primeiro tema coreado por toda unha platea entregada que durante máis de dúas horas cantou os temas máis coñecidos de Quevedo. A xira ‘Buenas Noches Tour’ comezou o pasado mes de febreiro en Madrid para continuar por Latinoamérica.

Ao seu regreso a España, o cantante encheu os principais recintos das Palmas, Bilbao, Barcelona e Málaga. Este fin de semana, actúa no maior espazo de eventos ‘indoor’ de Galicia, o Coliseum da Coruña, antes de pechar a súa xira estatal en Valencia o 2 de outubro. A montaxe do escenario 360º permitiu que o público ocupase o espazo, na súa totalidade. A anterior ocasión na que o Coliseum tivo esta disposición foi no ano 1992, cando acolleu a xira de Frank Sinatra.

Detida un home na Coruña por ameazar a menores tras captar as súas imaxes sexuais as través redes sociais

editor
-
0
Detida un home na Coruña por ameazar a menores tras captar as súas imaxes sexuais as través redes sociais

A Garda Civil, no marco da operación “Rocki II”, detivo na Coruña, a unha persoa que obtiña imaxes de carácter sexual de menores de idade a través das redes sociais mediante
coaccións e graves ameazas. Ata o momento foron identificadas 24 vítimas que eran menores de idade no momento da comisión do delito, e foi unha delas as que comezaba a operación en 2023 gracias á súa denuncia.

No rexistro practicado no domicilio do detido, os axentes incautáronse gran cantidade de dispositivos informáticos con contido sexual.

Os xentes puideron comprobar que, o agora detido, operaba en distintas redes sociais baixo varias identidades para contactar con menores de idade. Así mesmo, comprobaron que o autor utilizaba sofisticados métodos e ferramentas tecnolóxicas para tratar de ocultar a súa identidade na rede.

Ciberseguridade detido imaxes sexuais redes sociais
Imaxe do seu rexistro

Igualmente, constatouse que esta persoa utilizaba un patrón sistemático para extorsionar ás vítimas. Inicialmente, enviaba ás súas vítimas unha imaxe íntima propia (coñecida como “nude”). Posteriormente, e valéndose de diferentes artimañas e manipulación psicolóxica, solicitaba a cambio outra fotografía espida das vítimas. Ao recibir o primeiro espido, o presunto autor iniciaba unha progresiva acosación.

Unha vez que obtiña a imaxe da vítima, tentaba obrigala a aceptar un acordo que finxía ceder os dereitos de uso das imaxes que recibira. Baixo este falso acordo, tentábaas convencer de que así quedaba exento de calquera responsabilidade na súa tenencia ou posible difusión e evitar ser denunciado posterior polas persoas ás que enganaba.

Así mesmo, para obter máis material pornográfico, o detido chegou mesmo a suplantar a identidade doutras persoas en distintas plataformas de redes sociais. Con estes novos perfís, contactaba de novo coas vítimas iniciando un novo ciclo de chantaxe ao informarlles que obtivera imaxes sexuais delas e que as difundiría na súa contorna persoal se non lle enviaban máis. Tal era a presión constante e sostida que exercida sobre as vítimas que chegou a provocar nalgunhas delas graves trastornos depresivos.

Por tal motivo, a Garda Civil procedeu á detención do presunto autor. Na entrada e rexistro do seu domicilio, acháronse gran cantidade de dispositivos informáticos, incluíndo teléfonos móbiles, computadores e dispositivos de almacenamento masivo. A primeira análise destes dispositivos revelou unha inmensa cantidade de información, fotografías, vídeos e arquivos almacenados polo investigado, confirmando a gravidade e transcendencia dos feitos delituosos. Como resultado deste exhaustivo labor, a Garda Civil ha logrado identificar plenamente a 24 menores vítimas ao longo do territorio nacional, situación que algunha delas sufriu durante anos.

A operación foi levada a cabo polo Equipo de Muller-Menor (EMUME), da Policía Xudicial da Garda Civil da Coruña baixo a dirección xudicial dos Xulgados de Betanzos e a Fiscalía.

Un acordo entre a Autoridade Portuaria e Repsol impulsa o traslado do seu terminal a Punta Lagosteira

europapress
-
0
Un acordo entre a Autoridade Portuaria e Repsol impulsa o traslado do seu terminal a Punta Lagosteira

A Autoridade Portuaria da Coruña celebrou este venres a aprobación do acordo con Repsol para o traslado completo do seu terminal ao Porto Exterior de Punta Lagosteira, un proxecto que a compañía enerxética acompañará cun investimento de 140 millóns de euros.

Segundo informou o organismo estatal, a decisión “reforza o desenvolvemento industrial da área metropolitana” e garante novas oportunidades para os municipios de A Coruña, Arteixo e o seu contorno. Ademais, enmárcase na estratexia do proxecto A Coruña Green Port, que busca posicionar Punta Lagosteira como hub de enerxías renovables e facilitar a xestión de produtos con baixa pegada de carbono.

A Autoridade Portuaria subliñou que este movemento constitúe unha “nova lombeirada” para o crecemento económico e industrial da comarca, ao tempo que evidencia a aposta de Repsol polo seu complexo industrial da Grela, que se mantén como un dos principais motores produtivos da zona.

Con este acordo, a infraestrutura de Punta Lagosteira consolídase como punto estratéxico para o tráfico enerxético e industrial e reforza a súa posición como porto de referencia no noroeste peninsular.

A Coruña e Santiago aplican a taxa turística con oposición do sector hoteleiro

europapress
-
0
A Coruña e Santiago aplican a taxa turística con oposición do sector hoteleiro

Os concellos de Santiago de Compostela e A Coruña comezarán a aplicar a nova recarga municipal sobre o imposto galego ás estancias turísticas nos vindeiros días, nun contexto de división entre administracións e sector hoteleiro. En Santiago, a medida entrará en vigor o 1 de outubro, mentres que na Coruña o fará desde o 29 de setembro.

O goberno local de Santiago adiou a posta en marcha tras un proceso de diálogo co sector, co obxectivo de evitar que coincidise coa tempada alta. Con todo, a Unión Hoteleira Compostela xa presentou un recurso ante o Tribunal Superior de Xustiza de Galicia (TSXG), ao que o Concello responderá con alegacións este luns.

A recarga situarase entre 1 e 2,5 euros por persoa e noite, cun máximo de cinco días, e deberán recadalo directamente os establecementos. Haberá excepcións, como no caso de estancias por motivos médicos, menores de idade, deportistas federados en competicións oficiais ou usuarios de albergues xuvenís da Xunta.

Desde Raxoi defenden que “non é unha taxa turística, senón unha recarga municipal”, concibida como unha ferramenta para “avanzar cara a un modelo turístico sustentable”. Pola contra, os hoteleiros argumentan que non se acreditou a necesidade do gravame nin existe déficit fiscal derivado do turismo que o xustifique.

Na cidade herculina, o tributo terá as mesmas contías —entre 1 e 2,5 euros por noite— e aplicarase en hoteis e vivendas turísticas, quedando exentos este ano os cruceiros. Tamén haberá bonificacións para congresos impulsados polo concello, visitantes con motivos de saúde ou persoas obrigadas a aloxarse por obras na súa vivenda.

O goberno local xustifica a medida polo incremento do fluxo turístico, que chega a representar “un 12% adicional da poboación residente”. Os ingresos destinaranse a promoción, protección e fomento dun turismo sustentable.

Desde a Asociación Empresarial de Hospedaxe da Coruña (Hospeco), o presidente Agustín Collazos advertiu que a taxa “non ten sentido” nun contexto de ocupación media do 60% segundo o INE. Aínda que recoñece que o sector se prepara para a súa aplicación, lamenta non ter participado con máis peso no proceso inicial e propón medidas alternativas, como limitar os fluxos turísticos en momentos puntuais.

“I know it could be safer to stay at home”. Crónica amarga do concerto dos Lemonheads

Beatriz Alfonso Espiñeira
-
0
“I know it could be safer to stay at home”. Crónica amarga do concerto dos Lemonheads

Levaba eu cosa dun mes preparándome para o concerto do xoves: machacando o vinilo do Come on feel, recordando as letras que xa coñecía e aprendendo algunas novas, poñendo os vídeos, imaxinando os bailes, recordando cando cumplín dezaoito e Carmela emprestoume o disco e graveino nunha cinta… un máster nostálxico en toda regra. Ata collín días libres para estar máis descansada e desfrutar en condicións. E evitei ler as crónicas de Granada e Madrid, os artigos e as críticas, porque tiña esperanza e fe que na Coruña sairía todo ben.

E chegou o día, e a noite, ceei uns papadeltas e un kinder bueno para ter enerxía, escoitamos o concerto de Moura na terraza do Inn coas estrelas (galicia e das outras), e despois de media hora de retraso (aí comezouse a mascar a traxedia). Ás once saíron ó escenario Evan Dando e compañía.

Posto coma un piollo, gordiño, despeluxado e coa mirada perdida, Evan Dando saiu dando uns brinquiños e facendo unha especie de movementos aeróbicos que facían presaxiar a debacle.

Perpetrou algunas cancións sen recordar moi ben as letras nin os acordes, destrozou algúns hits emocionais coma Into your arms, It’s about time ou Big gay heart, favoritas que xa non poderei escoitar na miña vida.

O batería e o baixo intentaban manter a compostura e o ritmo, aínda que ás veces poñían os ollos en branco, que eu os vin. Un rapaz pasáballe vasos de algo. Os fans rían ou poñían cara de circunstancias ou de lástima. Outros abandonaban a sala. Evan Dando cantaruxaba e se enfadaba porque se escoitaba máis a música da Pelícano que a súa. Eu tiña ganas de saltar ao escenario, collelo polo brazo e dicirlle ao oído: Evan sae daquí e vai tomar algo ou durmir un pouco, non sigas con isto. Jesús foi fumar á terraza, María sentouse no chan pola dor de alma (e de costas), eu non podía mirar cara diante da pena.

A banda foise do escenario e Dando quedou só cunha guitarra acústica, cantando en baixiño sen micro, vagando dun lado para outro, e de súpeto marchou e non regresou.

Ogallá non comprara as entradas alá por xuño, porque agora xa non poderei escoitar nunca máis os seus discos. Menos mal que non tocaron I´ll do it anyway, así queda o recordo postadolescente virxe no meu cerebro e non estas imaxes grotescas.

Decíame Jesús de camino a casa que me fago demasiadas películas e ilusións con estas cousas e despóis a caída é máis dura. Esta doeu, e moito.

MÁIS ARTIGOS DE BEATRIZ ALFONSO

O paseo da ría do Burgo entre Oleiros e Cambre quedará conectado en 2026

editor
-
0
O paseo da ría do Burgo entre Oleiros e Cambre quedará conectado en 2026

O Ministerio para a Transición Ecolóxica comunicou a contratación das obras de construción do paseo da ría na zona do Seixo, para conectar así os paseos de Oleiros coa zona do Graxal, en Cambre.
A obra ten un custo de 1,8 millóns e un prazo de execución de 9 meses.

Mapa da Ría do Burgo cos paseos pendentes
Mapa da Ría do Burgo cos paseos pendentes

Último tramo pendente de 200m

Despois do traballo de varios anos, que deixa un paseo precioso dende a ponte da Pasaxe, mesmo dende o areal de Santa Cristina, ata o Paraugas, con posibilidade de voltar, tamén paseando ou en bici ata a Ponte Pasaxe pola beira de Culeredo, queda outro tramo de paseo na ría, este entre Beiramar e O Paraíso. Segundo afirma o Concello tamén será adxudicado antes de final de ano.
Neste punto son 200 metros, cos que se posibilitará circunvalar toda a ría a pé ou en bicicleta de Oleiros ata A Coruña, pasando por Cambre e Culleredo.

Esta obra é o resultado dunha ardua xestión política do Goberno de Oleiros, iniciada trala finalización das obras de dragado da ría. “Loitamos moito para que se acabase o paseo no Seixo e se conectase con Cambre e vai ser unha realidade inmediata. Non paramos en ningún momento, cortamos os accesos ao novo tramo, denunciamos publicamente a situación, fomos a Madrid,… e ao final aceptaron o que nós pedíamos”, comentou.

Con esta obra daráselle continuidade ás sendas e paseos costeiros creados e abertos polo Concello de Oleiros por todo o litoral existentes desde Lorbé ata Perillo. Proximamente tamén se verán incrementados co tramo do litoral de Dorneda entre Naval e Canide.

 

5M€ para humanizar e homoxeneizar o paseo da Ría do Burgo

Un bebé resulta ferido leve ao ser atropelado o seu carriño nun paso de peóns no barrio dos Rosales

europapress
-
0
Un bebé resulta ferido leve ao ser atropelado o seu carriño nun paso de peóns no barrio dos Rosales

Un bebé foi trasladado este sábado ao Hospital Materno-Infantil Teresa Herrera da Coruña despois de que o carriño no que viaxaba fose atropelado por un vehículo mentres cruzaba un paso de peóns na rúa Manuel Azaña.

Segundo informou o 112, o suceso ocorreu arredor das 15:45 horas e foi un particular quen deu aviso á central de emerxencias ao presenciar como un turismo arroiaba o carriño.

Ata o lugar desprazáronse efectivos da Policía Local e un equipo do 061, que trasladaron ao bebé ao centro hospitalario por precaución. Fontes policiais confirmaron que o menor foi o único ferido no accidente.

A Policía Local investiga agora as circunstancias do sinistro, mentres que o pequeno permanece baixo observación médica no hospital coruñés.

A Garda Civil detén en Oleiros a un home acusado de estafar a maiores co ‘timo da estampita’

europapress
-
0
A Garda Civil detén en Oleiros a un home acusado de estafar a maiores co ‘timo da estampita’

A Garda Civil de Oleiros detivo un home acusado de estafar a persoas maiores mediante o coñecido ‘timo da estampita’ ou ‘tocomocho’, un método no que se engana ás vítimas facéndolles crer que poden adquirir un boleto de lotaría premiado ou unha suma elevada de diñeiro por un importe moi inferior ao seu valor real.

A operación iniciouse en xullo, cando os axentes tiveron coñecemento dun caso en Oleiros. Segundo a información recollida, o detido formaría parte dun grupo criminal especializado neste tipo de estafas, que estaría relacionado con outros nove feitos semellantes cometidos en distintos puntos de Galicia.

O importe total das cantidades defraudadas, entre diñeiro en efectivo e xoias, supera os 100.000 euros. As vítimas son principalmente persoas de idade avanzada, un colectivo especialmente vulnerable a este tipo de enganos.

OPERACIÓN ABERTA

A Garda Civil conseguiu identificar os presuntos integrantes do grupo e procedeu á detención dun deles, veciño de Navalmoral de la Mata (Cáceres), como suposto autor dun delito de estafa e doutro de pertenza a organización criminal. A investigación continúa aberta para localizar e deter ao resto dos implicados.

1...211212213...816Page 212 of 816