Inicio Blog Páxina 37

Concentración na Coruña por un convenio e salario “xusto” para a hostalaría

europapress
-
0
Concentración na Coruña por un convenio e salario “xusto” para a hostalaría

Decenas de traballadores e traballadoras concéntranse este xoves na Coruña convocados polos sindicatos CCOO, UGT e CIG para denunciar a paralización do convenio provincial no sector e reclamar un acordo e un salario “xusto”. “Pretenden manter as condicións do século pasado e pagar menos cando cada vez hai máis turismo e os negocios traballan máis”, sentenciaron desde a representación sindical.

A protesta foi no Peirao de Calvo Sotelo na Coruña nunha zona onde se celebran eventos vinculados coa hostalaría no marco das festas da cidade.

O obxectivo da mobilización foi denunciar a situación de bloqueo que, segundo sosteñen, atravesa a negociación do convenio provincial de hostalaría, que afecta a case 20.000 traballadoras e traballadores.

A negociación, que, explicaron, debería iniciarse en xaneiro de 2025, está paralizada debido ao que cualifican como unha “actitude obstrucionista e prepotente da patronal, que non só se nega a ofrecer melloras senón que pretende recortar dereitos laborais, entre eles a eliminación do Complemento IT, que garante o 100% do salario en caso de baixa durante os primeiros 12 meses”.

CCOO, UGT e CIG denuncian que esta postura “ignora o crecemento exponencial do sector e as marcas históricas de turismo e facturación en Galicia, así como o aumento desproporcionado do custo da vida en 2025”.

Entre outras cuestións, esixen unha actualización salarial e melloras nas condicións de traballo en materia de saúde laboral, a xornada e a conciliación familiar.

En relación a estas demandas, José Mirás, responsable de Hostalaría da Federación de Servizos de CCOO, insistiu en que o convenio caducou en decembro pasado “e o seu é negociar o novo”. “O problema atopámolo cando a patronal senta na mesa negociadora e di que as nosas propostas son inasumibles e se queremos negociar algo ten que pasar por eliminar o artigo sobre as baixas laborais”, expuxo para recalcar que “por aí non van pasar”.

E é que insistiu en que deben “mellorar as condicións” en materia salarial “e tamén incorporar melloras sociais”. Tamén considerou que se non se atopa persoal é porque “as condicións laborais son pésimas”.

Concentracións en todo o país ‘Por un monte Galego con Futuro’

editor
-
0
Concentracións en todo o país ‘Por un monte Galego con Futuro’

A plataforma ‘Por un monte Galego con Futuro’, formada por máis de medio centenar de entidades, convoca unha serie mobilizacións para denunciar que a actual vaga de incendios que está a padecer Galicia é consecuencia directa da política forestal do PP, unha política forestal que, tal e como recolle o lema escollido para as protestas, “queima os nosos montes e as nosas casas”.

un chamamento a participar nas 26 concentracións que terán lugar este xoves 21 de agosto por todo o país a partir das 20:00 horas.

LUGARES E HORAS DAS COCENTRACIÓNS

  • A Coruña, 20h, Obelisco.
  • Allariz, 20h, Campo da Barreira.
  • Betanzos, 20h, Praza da Constitución.
  • Cangas, 20:30h, diante do Concello.
  • Carballo, 20h, Praza do Concello.
  • Celanova, 20h, Praza Maior.
  • Compostela, 20h Praza Roxa.
  • Ferrol, 20h, Edificio da Xunta.
  • Lalín, 20:30h, Praza da Igrexa.
  • Lugo, 20h, Edificio da Xunta.
  • Melide, 20h, Praza do Convento.
  • Monforte, 20:30h, Praza de España.
  • Monterroso, 20h, diante do Concello.
  • Noia, 20h, diante do Concello.
  • O Porriño, 20h, distrito forestal (Multiusos de Torneiros).
  • Ourense, 20h, Praza Maior.
  • Padrón, 20h, diante do Concello.
  • Ponte Caldelas, 20h, Alameda.
  • Pontevedra, 20h, Praza da Peregrina.
  • Ribadeo, 20h, diante do Concello.
  • Ribeira, 20h, Praza do Concello.
  • Verín, 20h, Praza do Concello.
  • Vigo, 20h, Farol de Urzaiz.
  • Vilagarcía, 20h, diante do Concello.
  • Vilalba, 20:30h, Praza da Constitución.
  • Viveiro, 20h, diante do Concello.

O mítico Concurso de Tortilla do Castrillón terá 44 aspirantes

editor
-
0
O mítico Concurso de Tortilla do Castrillón terá 44 aspirantes

A Sagrada Familia e o Castrillón collen o relevo das Festas dos barriuos esta fin de semana. Xa dimos un repaso aos programas, pero temos que facer parada nunha das citas máis esperadas: o XVI Concurso de Tortilla Española organizado pola Asociación Castrillón-Urbanización Soto (IAR).

A directiva da entidade vén de anunciar que hai 44 persoas inscritas nun concurso que terá lugar xa este xoves 21 de agosto, ás 18:30 horas na Praza Pablo Iglesias. As persoas que o desexen terán unha última oportunidade para inscribirse o día do concurso, de 17:30 a 18:30 horas na Praza Pablo Iglesias.

Un xurado de excepción

Mención aparte merece o xurado que outorgará premios ás tres mellores tortillas, composto polos seguintes destacados restauradores e gastrónomos da cidade, que decidirán se triunfa a tortilla con ou sen cebola:

  • Alberto Méndez (“Asador Coruña”).
  • Álvaro Gantes (“Árbore da Veira”).
  • Ana de la Calzada (Eventos “Alborada”).
  • Carlos Gayoso (“El de Alberto”).
  • Chisco Jiménez (“Culuca Cociña Bar”).
  • Gorka Rodríguez (“Pulpeira de Melide”).
  • Juan Crujeiras (“Bido”).
  • Maite Fernández (Monitora de Nutrición y Cocina).
  • Pepe Vázquez (“O ́Secreto”).

Concurso de Tortillas Castrillon Coruna

Programa con 15 actos

s Festivais Castrillón-Urbanización Soto 2025, enmarcados no Programa das Festas de María Pita, terán lugar os días 20, 21 e 22 de agosto na Praza Pablo Iglesias, acollendo un total de 15 eventos, completamente gratuítos para todos os participantes e veciños. A asociación veciñal subliña que o custo dos festivais será cuberto por achegas municipais, e calquera posible déficit será asumido pola Asociación Castrillón-Urbanización Soto (IAR). Polo tanto, nin os veciños nin os comerciantes do barrio terán que achegar nin un euro. O sinal de apertura darao o grupo “PANDERETEIRAS SEN FRONTEIROS” (o día 20 ás 19:30 h), o que pareceu axeitado tendo en conta que o Festival das Letras Galegas deste ano está dedicado ás cantantes. O evento continuará coa lectura do pregón a cargo do Concelleiro de Cultura, o Sr. Gonzalo Castro (20:30 h). A primeira xornada concluirá con música cubana e o concerto de “SON DE CAMAGÜEY”. O segundo día comezará cunha mañá enteira dedicada aos nenos con inchables (10:30 h) e unha festa da escuma (13:00 h), seguida dun intercambio de libros (11:30 h). A tarde estará ocupada polo 16º Concurso Anual de Elaboración de Tortillas (18:30 h), que concluirá co concerto estelar de “TAM TAM GO!” (22:00 h), lendario grupo de pop español dos anos 90, orixinario de Badaxoz, que lanzou un novo álbum este ano e actualmente está na súa xira de 2025 por todo o país.

O terceiro día comezará coa Alborada (Aniversario) de “SON D’AQUÍ” (10:00 h), seguida do Taller de Marcapáxinas (11:00 h) e o Intercambio de Libros (11:30 h). Ás 12:00 horas terá lugar o espectáculo Cascarillardarte, a cargo da Compañía MUU, que nos deleitará co espectáculo de circo “CRUNCH2”, para rematar a mañá cunha Sesión Vermú (13:00 horas) coa Charanga “SANTA COMPAÑA”, mentres que a tarde estará ocupada por Xogos e Deportes Tradicionais (18:30 horas) coa colaboración do Museo Etno-ocio de Galicia “MELGA” para rematar as festas coa Verbena a cargo da Orquestra “LOS PLAYERS” (22:30 horas).

Programa Festas do Castrillon Coruna 2025

Máis novas

Eirís, Sagrada Familia e O Castrillón toman o relevo festeiro dos barrios

Un restaurante da Coruña ten a mellor tortilla de patacas de España

O Concello de Oleiros non pagará á empresa da recollida do lixo polos incumprimentos

Ubaldo Cerqueiro
-
0
O Concello de Oleiros non pagará á empresa da recollida do lixo polos incumprimentos

Xa avisaba o Concello de Oleiros das infraccións da empresa concesionaria da recollida do lixo do Consorción das Mariñas. E se ben trala denuncia pública xa foron retirados os grandes electrodomésticos amoreados, segue pechando impedindo a veciñanza poder depositar podas, escombros,…

Ante esta situación o concello vén de iniciar o procedemento para non pagar á empresa da recollida de lixo polo incumprimento do contrato, tanto por ter pechado o punto como pola falta de frecuencias na recollida, a non limpeza dos contornos de contedores, o uso de camións avariados que van perdendo lixo polas rúas e a non reposición de contedores rotos.

Por todo isto, o Concello vai proceder a iniciar os trámites administrativos necesarios para que o Consorcio das Mariñas non pague a parte correspondente aos servizos non prestados en Oleiros. Así mesmo, se esixirá a maior sanción económica posible para a empresa concesionaria por incumprimento de contrato.

O alcalde pregúntase por que “o presidente do Consorcio das Mariñas, máximo responsable deste contrato, continúa a tolerar todos estes incumprimentos. Por que non actúa? Por que se está a beneficiar a unha empresa privada desde o Consorcio das Mariñas?”

Máis novas

O Concello de Oleiros denuncia graves incumprimentos do servizo de recollida do lixo do Consorcio das Mariñas

As boas cifras do Viñetas desde o Atlántico

editor
-
0
As boas cifras do Viñetas desde o Atlántico

Rematou o Salón do Cómic Viñetas desde o Atlántico, que este ano tratou de dar un pequeno salto internacional. “A Coruña é un fervedoiro autoral que debe mirar cara fóra sen perder a súa identidade, e o Viñetas pode e debe ser a plataforma de lanzamento do noso talento cara ao exterior”, sinalou o director do festival, Manel Cráneo.

Foron máis de 120.000 as persoas que se achegaron á feira, tanto ás distintas exposicións que están por toda a cidade, como ás charlas, obradoiros, concertos e outras actividades do festival.

As boas cifras demóstranse tamén nas vendas, xa que algúns dos autores convidados ao evento esgotaron edicións dos seus libros nun Viñetas máis ambicioso que en anos anteriore.

Se pola Rúa da BD pasaron case 80.000 persoas, as varias mostras do Viñetas repartidas
por toda a cidade da Coruña non quedaron atrás e acolleron máis de 40.000 visitantes. A de máis afluencia foi a do Quiosco Alfonso, que acollía a exposición ‘Viñetas e Decibelios’ con obras de Víctor Coyote, Azagra e Revuelta, Magius, Miguel B. Núñez, Cols (Olivia e Clara Cábez) e Don Rogelio J. Nas 30 horas que estivo aberta durante a semana do festival, máis de 15.000 persoas pasaron polas súas salas.

Tamén houbo unha grande afluencia, maior que anos anteriores, noutras mostras do festival, especialmente as instaladas no Palexco, ‘Quino na Música’, sobre o autor de Mafalda, e ‘Astro-Ratón y Bombillita’, de Fermín Solís.
Ademais, neste espazo houbo unha grande afluencia de público infantil e xuvenil ao concentrarse nel os obradoiros para os máis pequenos do festival. Destacaron tamén as visitas ás mostras de Dave Cooper, na Casa Museo Picasso; a da Sala Municipal de María Pita, con obras de Inacio e Iván Suárez e as gañadoras dos Premios Castelao 2024, Sandra Lordi e Laura Suárez.

Mafalda no Palexco polo Vinetas

A gran novidade deste festival municipal, o photocall 3D instalado no Palexco, tamén foi todo un éxito. Case 3.200 persoas pasaron polo ScanMeNow para ter a súa foto en 3D con Mafalda e Astro Ratón co cartel oficial do festival de fondo.

O Viñetas 2025 tamén destacou pola masiva participación de público nas sinaturas oficiais cos autores. De feito, algúns deles como o Premio Nacional do Cómic, Magius, ou o reputado artista canadiense Dave Cooper, tiveron longas colas na carpa oficial na busca dunha sinatura. Ademais, obras como Black metal, de Magius, ou a biografía de Buenaventura Durruti, de Carlos Azagra e Encarna Revuelta, esgotáronse en todas as librarías do festival.

O festival contou tamén coa colaboración da Asociación Cultural Autobán, colectivo local especializado na autoedición e o fanzine, que organizou dentro da programación oficial o Premio Autobán ao mellor fanzine galego de 2025 e a exposición ExpoFanzines, reforzando a presenza do talento emerxente e do sector profesional da banda deseñada.

Máis pezas e autores

Este Viñetas amosou 1400 pezas entre obra en papel e creación dixital repartida en 21 exposicións. Nesta edición, participaron máis de 70 autores, fronte aos 40 do ano pasado, e preséntanse 20 exposicións, en comparación coas 18 de 2024. Tamén houbo tres concertos de autores de banda deseñada que tamén son músicos, un Late Night Show no Colón e seis obradoiros infantís na Sala Palexco.
Foron preto de 60 actividades entre charlas, faladoiros, talleres ou presentacións e 36 casetas de librarías e editoriais con catro exposicións internacionais con obras de Canadá, Arxentina, Portugal e Francia.

Viñetas show

Este Viñetas 2025 tamén veu cargado de concertos gráficos e actuacións en vivo, incluíndo o espectáculo de Víctor Coyote e o concerto ilustrado de Hombre Tigre, con actuacións de autoras como Anabel Colazo e Raquel Montero. A programación completouse coa proxección do documental Quinografía e un Late Night Show con entrevistas a autores, presentado por Neves Rodríguez.

Talleres e espectáculos
Ademais, o Viñetas Mini trouxo talleres diarios con autores convidados na Sala Municipal de Palexco, espectáculos nas Bibliotecas Municipais e a tradicional Rúa da BD, que encheu a feira do cómic coa presenza de 35 editoriais e librarías especializadas, con máis de 100 actividades, entre elas sinaturas, charlas, presentacións, visitas guiadas e masterclasses nos Xardíns de Méndez Núñez. Por suposto, tampouco faltaron os talleres e revisión de portafolios por parte de editores na sección Viñetas Pro.

Continúan ingresados no CHUAC con prognóstico grave o tres brigadistas e o bombeiro feridos este luns

europapress
-
0
Continúan ingresados no CHUAC con prognóstico grave o tres brigadistas e o bombeiro feridos este luns

O tres brigadistas e o bombeiro feridos este luns durante os operativos de extinción dos incendios forestais en Ourense continúan ingresados no Complexo Hospitalario Universitario da Coruña con prognóstico grave e moi grave.

Segundo o último parte médico facilitado polos servizos hospitalarios, o caso que máis preocupa é o do brigadista máis novo, de 18 anos, que presenta queimaduras de terceiro grao no 40% do seu corpo e intoxicación por inhalación de fume. Está estable pero o prognóstico é moi grave.

Outro dos brigadistas, de 23 anos, con prognóstico grave por queimaduras de segundo grao no 15% do corpo e tamén con intoxicación por inhalación de fume, evoluciona favorablemente.

O terceiro deles, de 25 anos, está estable dentro da gravidade. Presenta queimaduras de segundo grao no 15% do corpo e, como os seus compañeiros, intoxicación por inhalación de fume.

O último dos ingresados é un bombeiro de 46 anos que tamén está estable dentro da gravidade. Presenta queimaduras de segundo grao no 10% do corpo e intoxicación por inhalación de fume.

Eirís, Sagrada Familia e O Castrillón toman o relevo festeiro dos barrios

Ubaldo Cerqueiro
-
0
Eirís, Sagrada Familia e O Castrillón toman o relevo festeiro dos barrios

Mentres seguen vivas as Festas de María Pita, esta semana toman o relevo das Festas dos Barrios Eirís, a Sagrada Familia e O Castrillón.

Festas da Fresa

Hoxe, martes 19 arrinca en Eirís unha nova edición da Festa da Fresa. Ás 12.00 horas abrirá os festexos a agrupación Folerpas. Logo haberá unha visita guiada ás hortas ecolóxicas (12.30), festa da escuma (13.00) e sesión vermú co dúo Élite (14.00). Xa pola tarde actuará o grupo de baile tradicional de Donaire (17.00), haberá dobre sesión de Cascarillarte con A Tropa de Trapo (18.00) e Brais das Hortas (19.45) e partido de fútbol xuvenil masculino entre o Eirís SD e o Relámpago de Elviña (18.00).

Ás 18.30 abrirá a exposición dos amorodos e ás 19.00 procederase á tradicional degustación gratuíta. Ás 19.00 horas tamén se celebrará o partido de fútbol feminino entre o Eirís SD e o Relámpago de Elviña. Pechará a xornada deportiva o partido de fútbol masculino entre Eirís SD e Liceo de Monelos. A Festa da Fresa concluirá con música, co concerto de Culimaia (21.00) e a actuación da orquestra Metrópolis (23.00).

Festa da Fresa de Eiris

A Sagrada Familia

As festas da Sagrada Familia son este ano os días 22, 23 e 24 de agosto. Este é o programa:

Venres 22:

  • Cascarillarte: “Peor Imposible” de Peter Punk. Na praza de San Rosendo, a partir das 19:30 h.
  • A partir das 21:30 h: Montserrat Paz, concelleira de Seguridade Cidadá e do noso barrio, actuará como madriña das festas e presentará a Álex Bergantiños, pregoeiro das festas do barrio de 2025, na pista deportiva.
  • A continuación, haberá unha verbena a cargo do grupo Eureka.

Sábado 23:

  • A partir das 11:00 h: Inchables para os máis pequenos da casa e festa da escuma na praza de San Rosendo.
  • A partir das 13:30 h: Sesión vermú a cargo de Andrés Solórzano e DJ TakeSound na pista deportiva.
  • A partir das 21:30 h. Unha festa na rúa presentada polo DJ TakeSound, e faremos unha viaxe nostálxica pola música dos anos 70, 80 e 90 co grupo Los Platinos.

Domingo 24:

  • A partir das 13:30 h. Sesión vermú coa Coral Polifónica Sagrada Familia e a Tuna de Veteranos na pista polideportiva.

Festas da Sagrada Familia Coruna 2025

Festivais Castrillón-Urbanización Soto 2025

Os Festivais Castrillón-Urbanización Soto 2025, enmarcados no Programa das Festas de María Pita, terán lugar os días 20, 21 e 22 de agosto na Praza Pablo Iglesias, acollendo un total de 15 eventos, completamente gratuítos para todos os participantes e veciños. A asociación veciñal subliña que o custo dos festivais será cuberto por achegas municipais, e calquera posible déficit será asumido pola Asociación Castrillón-Urbanización Soto (IAR). Polo tanto, nin os veciños nin os comerciantes do barrio terán que achegar nin un euro. O sinal de apertura darao o grupo “PANDERETEIRAS SEN FRONTEIROS” (o día 20 ás 19:30 h), o que pareceu axeitado tendo en conta que o Festival das Letras Galegas deste ano está dedicado ás cantantes. O evento continuará coa lectura do pregón a cargo do Concelleiro de Cultura, o Sr. Gonzalo Castro (20:30 h). A primeira xornada concluirá con música cubana e o concerto de “SON DE CAMAGÜEY”. O segundo día comezará cunha mañá enteira dedicada aos nenos con inchables (10:30 h) e unha festa da escuma (13:00 h), seguida dun intercambio de libros (11:30 h). A tarde estará ocupada polo 16º Concurso Anual de Elaboración de Tortillas (18:30 h), que concluirá co concerto estelar de “TAM TAM GO!” (22:00 h), lendario grupo de pop español dos anos 90, orixinario de Badaxoz, que lanzou un novo álbum este ano e actualmente está na súa xira de 2025 por todo o país.

O terceiro día comezará coa Alborada (Aniversario) de “SON D’AQUÍ” (10:00 h), seguida do Taller de Marcapáxinas (11:00 h) e o Intercambio de Libros (11:30 h). Ás 12:00 horas terá lugar o espectáculo Cascarillardarte, a cargo da Compañía MUU, que nos deleitará co espectáculo de circo “CRUNCH2”, para rematar a mañá cunha Sesión Vermú (13:00 horas) coa Charanga “SANTA COMPAÑA”, mentres que a tarde estará ocupada por Xogos e Deportes Tradicionais (18:30 horas) coa colaboración do Museo Etno-ocio de Galicia “MELGA” para rematar as festas coa Verbena a cargo da Orquestra “LOS PLAYERS” (22:30 horas).

O Lembranza Rock dá unha lección de compromiso

Ubaldo Cerqueiro
-
0
O Lembranza Rock dá unha lección de compromiso

Fermosa, emotiva e comprometida noite de sábado a vivida no Parque Europa. A Asociación de Veciños Oza-Gaiteira-Os Castros deron unha lección de compromiso na estrea do festival Lembranza Rock. Unha cita que ten visos de ficar como parte fixa da axenda das Festas de María Pita, gracias á gran acollida de boa parte do barrio e de moitos achegados, amantes da música galega implicada.

Porque na vida hai que posicionarse, como deixou claro Sés en varias das súas intervencións, a a Asociación veciñal mollouse e moito coa elección dos artistas (todo bandas galegas e que “loitan por causas xustas”). Ata o concelleiro Gonzalo Castro, o mesmo que apoia ás produtoras (que teñen financiadores sionistas) dos festivais privados,  se contaxiou e deu un discurso pedindo a necesaria parálise mundial en contra do xenocidio.

O Lembranza Rock unha demostracion de compromiso
Ata Gonzalo Castro pousou coa bandeira Palestina

A música galega, protagonista

Xa é posicionarse traer só bandas galegas, e estas tres ademais xa é directa a mensaxe. Arrincaron co seu potente directo a banda Rebeliom de Inframundo. Acompañados por un séquito de fieis que sabían cada letra, trouxeron dende Ponteareas o seu rap combativo, con letras ferventes, que pasaron do “Eu chorar chorei o domingo a tarde” ao “Se non tendes sacho taerémolo nós”.

Tomou o relevo Sés, coa súa potencia desgarradora sobre o escenario. Desta volta, algo máis relaxada que outras veces, sempre co discurso histórico de defensa da nosa lingua e o noso patrimonio inmaterial, e sempre maridando ritmos que atravesaron unha e outra vez o Atlántico, e que tan ben maridan coas nosas pandeiretas. Destacou a fermosura de ser “de barrio” e lembrou o seu Elviña, antes de que o seu himno xeracional, “Tempestades de sal”, atronase o barrio da Gaiteira.

Caían unhas pingas pero non impediu o gran remate da festa pangalaica coa rabia dos Ruxe Ruxe. Unha das bandas máis lonxevas do rock galego, formada en 1996 en Aríns (Compostela), non cambia a súa forma de entender a música, e deu o seu poderoso directo de guitarras crúas e letras cheas de implicación.

Lembrando os 100 anos do busto de Pondal nos Xardíns

editor
-
0
Lembrando os 100 anos do busto de Pondal nos Xardíns

O Circo de Artesáns organizou este pasado sábado unha homenaxe polo 100 aniversario do busto de Eduardo Pondal, situado nos xardíns de Méndez Núñez. A entidade promotora do monumento inaugurado en 1925, xuntou a representantes do Concello da Coruña (concelleiro de Cultura, Gonzalo Castro), do Concello de Ponteceso (o alcalde José Manuel Mato), e da Fundación Eduardo Pondal (Xosé María Varela) para realizar a ofrenda floral.

O busto de Pondal foi o primeiro erguido na cidade en honra dun autor galego.

O Monte Costa, en Culleredo, sofre un incendio forestal

editor
-
0
O Monte Costa, en Culleredo, sofre un incendio forestal

Non libra a comarca da vaga de lumes que sofre Galicia. Un incendio forestal ten lugar dende esta madrugada no Monte Costa, en Culleredo. O incendio detectouse arredor das 4:30 horas e está a afectar unha zona forestal.

Alí traballa un equipo formado por brigadas de extinción de incendios da Xunta, o Servizo de Emerxencias do Concello de Culleredo, a Policía Local, os Bombeiros do Parque Provincial de Arteixo, o Servizo de Emerxencias de Oleiros e os servizos municipais de augas. A coordinación realízase desde a zona de Cillobre.

En principio, non se prevé que o incendio afecte a vivendas. A zona máis próxima, por unha banda, é a xa mencionada localidade de Cillobre, pero as actuacións dos servizos, xunto coa presenza de varias estradas que poderían actuar como barreiras, conteñen o incendio.

O servizo eléctrico da zona foi cortado pola existencia de liñas eléctricas. Por agora non supera as 20 hectáreas.

O incendio Monfero-Queixeiro afecta o Parque das Fragas do Eume

Ademais, a Xunta informa de que hoxe ás 05.11 horas de hoxe quedou controlado un incendio forestal declarado ás 21.11 horas de onte no concello de Monfero, parroquia de Queixeiro, que afecta o Parque Natural das Fragas do Eume. Segundo as últimas estimacións, afecta unha superficie de arredor de 1,5 hectáreas. Para a súa extinción mobilizáronse de xeito acumulado 1 axente, 5 brigadas e 6 motobombas.

1...363738...625Page 37 of 625

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES