Ana Mena volverá actuar na Coruña o 14 de decembro deste ano, cando presentará na cidade herculina a súa xira ‘Bellodrama 2024’. Por segundo ano consecutivo, a cantante ofrecerá un concerto no Coliseum, ás 22.00 horas. As entradas xa están á venda a través de Ataquilla e do despacho de billetes da praza de Ourense.
Desde o Concello apuntan que con estas citas se persegue “dinamizar e manter” o Coliseum como “principal recinto de Galicia e do noroeste na realización de grandes eventos culturais”.
Así, o nome de Ana Mena súmase ao doutros grandes artistas como Los Tigres del Norte (5 de abril), Camilo (8 de xuño), Queens of the Stone Age (18 de xuño), Emilia (22 de xuño), Maná (27 de xuño), Manolo García (9 de novembro), Bryan Adams (16 de novembro) e Raphael (30 de novembro). Ademais, o recinto municipal contará coa actuación do humorista Juan Dávila, no marco do Encontro Mundial de Humorismo.
Continúa a cidade da Coruña inmersa en coñecer de preto a realidade de Palestina. Por unha banda, a A.C. Alexandre organizaba o pasado 31 de marzo a primeira das charlas arredor, cunha gran asistencia á charla de Fayez Badawi. Unha serie que continúa o vindeiro luns 8 de abril cunha conferencia de Mohamed Safa, nun evento que conta coa colaboración do Xornal da Coruña.
Fayez Badawi na Asoc. Cul Alexandre Boveda
Pero a parte máis comprometida da cidade xa pon data para outra cita importante, xa que Rafeeh Ziadah, unha das poetas palestinas máis coñecidas a nivel mundial, pasará pola Coruña o próximo 15 de abril cun recital no que a poesía irá acompañada pola música en directo de Phil Monsour.
Rafeef Ziadah é coñecida e recoñecida polas súas performances e pola viralidade das súas propostas. Poemas como “We teach life” (“Nós ensinamos vida”) deron a volta ao mundo poñendo sobre a mesa os efectos do xenocidio sobre o pobo palestino.
O seu último álbum “Three Generations” (“Tres xeracións”), invita a unha conmovedora viaxe a través de Palestina e o Mar mediterráneo, seguindo a estela do seu segundo traballo, “We teach life”, no que a forza da palabra de Rafeef Ziadah únese á música orixinal, xerando un forte impacto no público cos seus recitais.
A entrada é de balde ata completar aforo.
Un evento organizado por Pallasos en Rebeldía e o Grupo de Traballo de Igualdade de Xénero da facultade de Ciencias da Educación da Universidade da Coruña, e a colaboración da Deputación, o Galiza por Palestina, a AC Alexandre Bóveda, BDS Galiza e Sugxpal.
A alcaldesa da Coruña, Inés Rey, ofreceu diálogo aos veciños das Casas de Franco ante as súas protestas polas obras de humanización que está a executar o consistorio para expresar o seu rexeitamento por actuacións previstas.
“Dialogamos, hai cambios no proxecto e sentareime con eles”, sentenciou a rexedora, a preguntas dos xornalistas, nas que incidiu en que se trata dun barrio que leva “moitos anos sen investimentos”. “Explicóuselles a obra e aceptamos suxestións”, engadiu ao limitar o muro ao que aluden a unha actuación de “40 centímetros”.
Mentres, preguntada pola decisión municipal de non permitir a apertura do establecemento de Primor, na Coruña, ao non ter autorizadas as obras, expuxo que “non tiñan licenzas para facelas e tampouco de apertura”. “Decidiron facer as obras e abrir de forma unilateral, notificóuselles que teñen que adaptar a obra á normativa”, reiterou.
Por outra banda, o consistorio informou que este mércores comezan as obras de reurbanización de San Andrés entre Santa Catalina e a rúa Sol, que suporán o corte do tráfico rodado neste sector.
Partido práctico dun líder que segue sumando nunha segunda volta espectacular
Trixésimo partido de Imanol Idiakez como adestrador do Depor en partido oficial (16V 10E 4D).
— — —
Unha semana máis o Depor segue ao seu, gañar e agardar resultados dos seus rivais. A verdade é que que no vai de segunda volta o seu ritmo está a ser demoledor para os seus compañeiros na loita polo ascenso directo: 11 partidos xogados con 9 vitorias e 2 empates, sumando 29 puntos de 33 posibles. Este ritmo permitiulle sumar en once partido os mesmos puntos que nos dezanove partidos da primeira volta (29), e ampliar a súa vantaxe goleadora en 30 goles a favor por tan só 6 en contra nestes once partidos. Así, suma agora 50 goles a favor por 22 en contra, o que representa a maior diferencia de goles de todo o campionato, cousa que lle podería servir en caso de empate con algún rival na clasificación e no golaverage particular. Números de líder e números de ascenso, tan só escurecidos pola tremenda racha do Barça Atletic que case clava os números do Depor.
Nesta fin de semana pasou o que tiña que pasar. Gañaron Depor, Barça Atletic e Nástic sendo estes últimos os que amosaron unha maior pegada e serenidade no seu partido ante a Ponferradina, rival que agora queda atrasado na loita polo liderato. Non descartado, pero si máis lonxe e con catro rivais por riba. Perdeu tamén o Fortuna nunha saída difícil a Tarazona, o que deixa os tres vencedores en catro puntos na cabeza da táboa.
Moito queda aínda por diante para sacar conclusións, sabendo que o Barça B aínda ten que visitar a Ponferradina, Dépor e Fortuna e recibir ó Nástic nas cinco últimas xornadas.
Pola súa banda, o Dépor xogou un partido moi práctico, de líder, de equipo que ascende e que contou con ese chisco de fortuna necesario para facer rendible o único gol dun Hugo Rama que anda aproveitando a ausencia de Lucas. Goles e asistencias que firma nas últimas tres xornadas, datos importantes para un dos xogadores que caian en desgraza na primeira volta, xunto cos Valcarce, Cayarga … etc. Pensando xa no que ven esta semana, partido moi difícil co Unionistas en Riazor, no que o equipo ten que demostrar que segue ao seu sumando de tres en tres e achegándose mais ao obxectivo do ascenso.
Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
A Dirección Xeral de Emerxencias e Interior da Xunta activou para este martes a alerta laranxa por temporal costeiro no litoral da provincia da Coruña. Segundo a Axencia Estatal de Meteoroloxía (Aemet), o fenómeno meteorolóxico adverso estará activo desde a madrugada deste martes na costa noroeste coruñesa. Haberá vento do suroeste de forza 8 e mar combinado do suroeste con ondas de ata 5 metros.
Por este motivo, e co fin de garantir a seguridade dos bens e as persoas, a Dirección Xeral de Emerxencias, a través do CIAE 112 Galicia, informou da situación aos concellos das provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros. A Xunta lembra a importancia de manterse afastado da liña de costa, así como que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.
A Xunta iniciou un programa piloto de cribado de cancro de pulmón a 1.200 pacientes “con alto risco”, fumadores ou exfumadores de entre 55 e 74 anos, no centro de saúde do Ventorrillo, na Coruña. “No caso da mortalidade é a segunda en homes e a terceira en mulleres”, indicou o conselleiro de Sanidade en funcións, Julio García Comesaña, na presentación desta iniciativa, na que recalcou que “é moi importante detectar unha patoloxía en estadios máis precoces”.
Respecto deste programa piloto, realizado por un equipo multidisciplinar “cun cribado moi específico” baseado na historia clínica dos candidatos, avanzou que “en xuño” estarán os resultados desta primeira fase de realización de enquisas. Estes datos, segundo explicou, permitirán coñecer, entre outros aspectos, “a taxa de aceptación ou a taxa de falsos negativos e falsos positivos” para “axustar o sistema e poder consolidalo”. Este programa súmase, segundo lembrou, a outros cribados implantados pola Xunta como o de mama, colón ou cérvix.
En canto ao seu desenvolvemento noutros centros de saúde ou noutras áreas sanitarias, non concretou datas e recalcou en que “o importante é ter datos” así como “traballar na prevención do tabaquismo”. No acto, o conselleiro estivo acompañado, entre outros, pola directora xeral de Saúde Pública, Carmen Durán; o xerente da área sanitaria A Coruña-Cee, Luís Verde; e a médica de familia encargada da fase inicial do programa, Nieves Domínguez.
Na súa presentación, Domínguez explicou que “hai 1.200 pacientes diana” e xa se contactou “con 800” polo que esperan completar a primeira fase “esta semana”. Aos candidatos convídaselles a facer unha enquisa sobre “consumo de tabaco” e outros factores de risco como “actividade laboral”, antecedentes familiares ou se padecen unha enfermidade pulmonar obstructiva crónica. A continuación, detallou, realizarase unha análise e citarase ás persoas que presentan “máis riscos” para facerlles un “un TAC de baixas doses de radiación”.
Coa cautela dunha cidade que coñece ben a derrota, pero coa ilusión desbordada, A Coruña afronta esta primavera cos 5 principais equipos ocupando postos de privilexio nas súas competicións.
Quedan un par de meses de competición, pode pasar de todo, pero a cidade volve vibrar co deporte como poucas veces, afrontando un título da máxima competición estatal, dous ascensos á máxima categoría e unha volta ao deporte profesional. Facemos un repaso da situación do Liceo, Basquet Coruña, o Maristas, Depor Abanca e Depor.
Liceo
Xogadores do Liceo celebrando a vitoria ante o Barca
O equipo máis laureado da cidade, e o equipo que segue loitando ao máximo nivel, afronta a recta final da temporada nunha situación excepcional. Os verdes están na 3ª praza, moi lonxe do todopoderoso Barça, pero a 3 puntos dun Noia Freixenet que aínda ten que pasar, na última xornada (quedan 4 para o remate da fase regular) polo Forno de Riazor. Os de Juan Copa veñen de gañar 3-1 ao Liceo, así que no playoff polo título todo pasar con este histórico equipo campión.
🏑 Doblete de César Carballeira para poner fin a una racha de victorias increíble del Barça
Incrible a campaña deste humilde club escolar de Maristas. A falta de dúas xornadas, as de Fer Buendía veñen de confirmar a súa presencia no playoff de ascenso á Liga Challenge, a segunda competición do baloncesto feminino estatal. Hoxe mesmo xogan en Lanzarote buscando unha 3ª praza que lles permitirá participar na promoción con algo máis de opcións. Van de cincentas pero non desbotan nada.
O Forno de Riazor está máis quente que nunca para ver o Leyma Basquet Coruña. Os de Diego Epifanio volvían arrasar este domingo ao Menorca por 105-73, liderados de novo por Jakovics e Burjanadze, e teñen unha vitoria de vantaxe sobre o Tizona Burgos e dúas vitorias sobre San Pablo Burgos, Lleida, Estudiantes e Gipuzkoa. Quedan 7 xornadas de tolemia para seguir pelexando polo único posto de ascenso directo, ou ben volver xogarse o soño do ascenso á liga ACB, a máxima competición do baloncesto estatal, na lotería dos playoff que tanto odiamos.
Este sábado 6 de abril toca derbi en Ourense, e a afección laranxa monta viaxe!
Dépor Abanca
Ambiente moi familiar en Riazor para ver este domingo para ver o Depor Abanca
7.500 persoas déronse cita onte en Riazor para ver o partido do Depor Abanca. As de Irene Ferreras están na 2ª praza, preto dun intratable Barcelona B, que en calquera caso non pode ascender á Liga Iberdrola, a máxima competición estatal. Así afrontan as 3 últimas xornadas con 4 puntos de vantaxe sobre o Español, o gran rival nesta loita polo ascenso.
Mágoa o partido de onte ante o CE Europa. As coruñesas comezaron barrendo do campo ao cadro catalán, pero o balón non quería entrar. Cunha brillante Ahinoa, a xogadora distinta da categoría, e sustentada nunha Henar imperial no medio campo, facendo da mellor Mauro Silva que se recorda, O equipo colocábase por diante a falta dun cuarto de hora na enésima ocasión. Pero no practicamente único tiro a gol das visitantes, conseguían empatar o choque, evitando que as coruñesas deses un paso case que definitivo para asinar o ascenso.
Asi e todo, de gañar a finde do 14 de abril en Bilbao ante o filial do Atletic, as branquiazuis poderían cantar o alirón se non gaña o Español (que vén de empatar tamén) ante o Madrid CFF B. Senón, o equipo podería xogarse o ascenso a finde do 21 de abril en Riazor ante o Cacereño Feminino, outro equipo da zona baixa.
11 do Depor Abanca este domingo en Riazor
E o Dépor…
E que dicir do Depor que non saibamos… O equipo de Imanol Idiákez afronta os 8 partidos de liga dende o máis alto, co claro obxectivo de quedar campión de grupo e subir directamente á 2ª División. Despois de 3 meses de zozobra, e tras aguantar e aguantar a Imanol, o equipo colleu velocidade de cruceiro e xa gaña partidos que nin merece. Con todo, a afección prefire esquecer varapaos como Mallorca, Albacete ou Castellón, e sobe ao carro da ilusión, que tanta falta lle fai.
O Concello da Coruña completou esta semana os traballos de construción da nova rede de saneamento do sector noroeste do Barrio das Flores. Unha obra para mellorar, ampliar e renovar o circuíto de augas residuais e pluviais da contorna.
Esta medida, que conta cun investimento de máis de 220.000 euros, tamén supón un aforro económico para as arcas municipais e, en extensión, un aforro enerxético para a EDAR de Bens, ao diversificar a orixe o circuíto de augas.
Desta forma, os traballos xa finalizados esta semana correspóndense á primeira fase de actuación, centrada na vertente noroeste do Barrio dás Flores.
As obras, que licitaron o pasado verán, finalizaron coas últimas melloras previstas entre a avenida Salvador de Madariaga e a parte baixa da rolda Camilo José Cela, onde crearon unha nova rede de saneamento separativa que cruza cara á cámara de tranquilización situada baixo o campo de fútbol.
Nunha segunda fase, instalarán unha nova rede de saneamento separativa nun tramo de 470 metros que, desde o sector superior da rúa Camilo José Cela, irá baixo o carril de subida da mesma ata chegar ao pozo onde se completa a primeira fase, no cruzamento con Salvador de Madariaga.
A Coruña acollerá desde o 7 ao 9 de abril o Galicia Fórum Gastronómico, un evento que contará con presenza da Xunta que terá espazos propios con participación de empresas.
Segundo informa a Consellería do Medio Rural, no seu caso con participación de 31 empresas nunha caseta a través da Axencia Galega da Calidade Alimentaria, adscrita ao citado departamento autonómico e nun evento que terá lugar no recinto ExpoCoruña.
Pola súa banda, a Consellería do Mar levará “o mellor sabor do peixe e mariscos de Galicia cunha zona expositiva que contará cunha aula para a realización de catas e na que estarán presentes nove empresas do sector”.
Galicia Calidade estará tamén presente cun espazo de máis de 90 metros cadrados onde se realizarán diversas degustacións, catas e presentacións dos produtos certificados pola marca de garantía, ademais de apoiar tamén a promoción de empresas amparadas por este selo.
O Concello de Miño presentou unha denuncia ante o Servizo de Protección da Natureza (Seprona) por delito ambiental á empresa que realizou unha talla de 300 metros de árbores na contorna da Fraga dúas Muíños do río Xarío que danou parte do itinerario, distinguido polo seu alto valor ambiental.
Nunha nota de prensa, o consistorio municipal esixiu á empresa unha reparación dos danos causados e sinalou que non contaba con autorización do goberno local.
Así mesmo, criticou que o ocorrido supón unha “falta de respecto polo patrimonio cultural”, así como un “gran incumprimento das normas”.
“Confío en que a Garda Civil logre atopar á empresa responsable para poder proceder á reparación dos danos causados nun tramo de 300 metros á beira deste paseo que desde o Concello tratamos de promover, pór en valor e, por encima de todo, coidar”, manifestou o alcalde de Miño, Manuel Vázquez Faraldo.
