Inicio Blog Páxina 7

“Desfeita”, “foliada”, “loia”, “lume”, “retrinco” ou “xenocidio”. Cal é a túa Palabra do Ano 2025?

Redacción
-
0
“Desfeita”, “foliada”, “loia”, “lume”, “retrinco” ou “xenocidio”. Cal é a túa Palabra do Ano 2025?

Estas son as seis voces que optan a se converter na Palabra do Ano 2025, artellada polo fundamental dicionaro do Portal das Palabras. Tras a fase de recolla de suxestións entre o público, a Real Academia Galega e a Fundación Barrié abren hoxe, a través do Portal das Palabras (portaldaspalabras.gal), a votación telemática popular que decidirá cal é a gañadora. Todas as persoas que desexen participar nesta iniciativa poderán facelo ata o domingo 21 de decembro ás 23:59 horas.

Os vocábulos finalistas representan dalgún xeito distintos asuntos que marcaron a actualidade dos últimos meses, tanto a nivel local como global; e reflicten a inquedanza social ante a crecente vulneración dos dereitos humanos ou a ameaza dos grandes incendios forestais, mais parte deles tamén lles dan cabida ás necesarias esperanza e alegría.

Nas edicións anteriores resultaron gañadoras cantareira (2024), cibercarracho (2023), comadre (2022), tanxugueiras (2021), nós (2020), sentidiño (2019), deseucaliptización (2018), afouteza (2017), irmandade (2016) —coincidindo co centenario das Irmandades da Fala—, refuxiado, -a (2015) e corrupción (2014).

Taburete, Juan Magán e Beret encabezan o regreso do Recorda Fest á Coruña en 2026

europapress
-
0
Taburete, Juan Magán e Beret encabezan o regreso do Recorda Fest á Coruña en 2026

Taburete, Juan Magán, Inazio, Beret e Mafalda Cardeal son as primeiras confirmacións da que será a cuarta edición do Recorda Fest, que se celebrará o 4 e 5 de setembro de 2026 no Peirao da Batería da Coruña. Segundo explica nun comunicado a organización, os primeiros abonos saíron á venda esta mañá a un prezo de 45 euros máis gastos de xestión. O pasado luns xa se esgotou a primeira liña de abonos fidelidade, xa que 500 persoas das que asistiron o pasado mes de setembro ao Peirao de Batería puideron adquirilos cunhas condicións especiais.

Taburete, a banda madrileña que xa conquistou os corazóns do público da cidade de cristal na primeira edición do festival, volverá o próximo ano co seu novo traballo ‘El perro que fuma’, un tour que levará o seu renovado directo por toda a península. O rei do electrolatino, Juan Magán, repite tras conformar o cartel da terceira edición. Así, en 2026 volverán soar no Peirao de Batería da Coruña himnos como ‘Ella no sigue modas’, ‘Ayer la ví’, ‘He llorado’, ‘Te voy a esperar’ ou ‘Verano azul’.

Pola súa banda, Inazio, un mozo navarro que cativou audiencias coa súa música indie folk, levará á Coruña as súas melodías acústicas con tinguiduras experimentais actuais e letras profundas e introspectivas. Francisco Javier Álvarez Beret, máis coñecido como Beret, é un cantante e compositor sevillano que se consolidou como unha das voces máis sensibles, auténticas e representativas da música en español. A súa irrupción na escena musical chegou da man de ‘Lo siento’, tema que se converteu nun fenómeno internacional con sete certificacións de Platino en España e múltiples recoñecementos, entre eles Mellor Canción do Ano nos 40 Music Awards 2019.

Por último, Mafalda Cardeal é unha cantante de pop emerxente nada en Alacante en 2001. A súa carreira comezou a despegar grazas ás redes sociais, onde se fixo viral con cancións como ‘Tu fan’. Caracterízase por escribir as súas propias letras e está considerada unha das voces máis prometedoras da súa xeración en España. Aborda temas como o desamor, pero tamén cancións máis alegres sobre o amor, como ‘En mi balcón’.

A Alexandre Bóveda rescata a “outra cara” de Manuel María este mércores no Rosalía

editor
-
0
A Alexandre Bóveda rescata a “outra cara” de Manuel María este mércores no Rosalía

A Agrupación Cultural Alexandre Bóveda ultima os preparativos para a 28ª edición do Memorial Ibán Toxeiro, que terá lugar mañá mércores no Teatro Rosalía de Castro ás 20.30 horas. Baixo o título “Toxos e tabernas: festexemos a Manuel María”, o evento trata de facer xustiza ao legado que o autor chairego deixou na cidade

Manuela Varela, directora artística da gala e do grupo Alexandre Bóveda Teatro, explica que a motivación desta edición xurdiu da necesidade de “dar a coñecer a outra cara de Manuel María no mundo da escrita creativa”. Aínda que é coñecido fundamentalmente como poeta, Varela recorda que “o teatro ocupou un lugar moi destacado no conxunto da súa obra; el mesmo confesou que, trala poesía, o teatro era o seu xénero predilecto”.

O legado teatral de Manuel María, composto por 33 pezas, permaneceu durante moito tempo na sombra. “Hai anos a maioría destas obras resultaban inaccesibles, eran textos inéditos ou publicacións esgotadas”, sinala a directora.

Este ano, ademais o Premio de Honra Lino Braxe recae na Fundación Casa-Museo Manuel María.

Un programa que une a orixe e a actualidade

A gala, conducida pola actriz Sabela Hermida, ofrecerá un percorrido que conecta o inicio da carreira de Manuel María coa vixencia actual dos seus textos:

  • Alexandre Bóveda Teatro representará O auto do taberneiro. Escrita en 1957, foi a primeira obra teatral do autor, demostrando a súa constancia no cultivo deste xénero desde a súa mocidade.
  • Galeatro e Xarope Tulú porán en escena Berenguela na gaiola. Trátase da obra gañadora da cuarta edición do Certame de Proxectos Teatrais da Fundación. Unha peza para público familiar, cunha caracterización abraiante, que serve como exemplo perfecto de como o labor da Fundación (homenaxeada) mantén vivo o teatro de Manuel María.

Entrada libre

A AC Alexandre Bóveda convida á cidadanía a participar nesta festa das artes escénicas. A entrada é libre e gratuíta ata completar a capacidade do teatro. Habilitarase un Photocall no vestíbulo para que o público poida gardar un recordo desta noite de celebración.

O BNG preguntará no pleno as razóns da “inexplicable” anulación da viaxe cultural do Fórum e Ágora

Ubaldo Cerqueiro
-
0
O BNG preguntará no pleno as razóns da “inexplicable” anulación da viaxe cultural do Fórum e Ágora

Denunciabamos a semana pasada a preocupación dos usuarios da viaxe cultural internacional de fin de curso paralelo ao programa lecer do Fórum e o Ágora, ante a súa posible anulación. As persoas usuarias están recollendo sinaturas, e xa dirixiron a Inés Rey, alcaldesa e presidenta do IMCE, para que reconsiderase a decisión “unilateral” de suprimir esa viaxe asamblearia, pagada polos propios usuarios, e para a que o Concello apenas exercía de mediador entre as persoas que participaban nos cursos e as axencias de viaxes da cidade.

Ante esta situación, o BNG é o primeiro o que levará o asunto ao pleno, ao non entender a decisión de suprimri esta viaxe que leva realizándose xa 18 anos, “sen ningún tipo de explicación nin de consulta previa ás persoas usuarias”. Esta circunstancia leva a concelleira do BNG Mercedes Queixas a rexistrar un feixe de preguntas por escrito e un rogo oral para a súa lectura no Pleno de decembro, tras escoitar as demandas da veciñanza. .

”Estas viaxes culturais veñen celebrándose desde hai uns 18 anos con grande éxito de participación (máis de 150 persoas adoitan participar nelas), sen teren ningún tipo de custo para o Concello, sendo que as usuarias son as que se fan cargo dos custos e a súa avaliación sempre foi moi positiva”. “Que razón argumenta o Goberno Local para impedir que se siga organizando? Con quen valorou o Goberno Local esta decisión?”, preguntará no pleno o BNG. “Vai reconsiderar esta decisión o Goberno Local á vista do escrito das persoas usuarias e das sinaturas recollidas e dirixidas á alcaldesa e presidenta do IMCE?”, lanza.

Máis novas

Usuarios dos cursos dos Programa de Lecer do Fórum e do Ágora pregúntanse pola posible suspensión das asamblearias viaxes culturais

Trasladadas dúas persoas tras un dobre accidente na AP-9 no Burgo

europapress
-
0
Trasladadas dúas persoas tras un dobre accidente na AP-9 no Burgo

Dúas persoas tiveron que ser trasladadas ao centro hospitalario de referencia tras un dobre accidente na AP-9, ao seu paso polo Burgo, en Culleredo.

Segundo a información do 112 Galicia, o primeiro sinistro produciuse sobre as 16.30 horas deste martes, no quilómetro 7 da devandita vía, e foi a Garda Civil a que alertou dun accidente.

Ata o punto desprazáronse os profesionais de Urxencias Sanitarias de Galicia-061 que prestaron asistencia a unha persoa que estaba ferida.

Este suceso xerou retencións no punto e, como consecuencia, produciuse unha segunda colisión entre dous turismos, da que resultou ferida unha persoa que se atopaba fóra do vehículo e foi arroiada.

Desta forma, os profesionais sanitarios trasladaron en ambulancia a dúas persoas feridas.

Inés Rey defende que a suba do alugueiro se “contén” na Coruña tras seis meses como zona tensionada

europapress
-
0
Inés Rey defende que a suba do alugueiro se “contén” na Coruña tras seis meses como zona tensionada

A alcaldesa da Coruña, Inés Rey, reivindicou a existencia dunha “contención” do prezo do alugueiro na cidade coa declaración da mesma como mercado tensionado. “Van un seis meses, os únicos datos que temos son do Observatorio Galego da Vivenda e hai unha contención”, remarcou a preguntas dos xornalistas.

“Os prezos non subiron”, insistiu para aludir a unha baixada, aínda que “moi lixeira”. “De 735 a 732 euros”, aseverou para incidir en que “a medida ten efecto en canto á contención”. Isto contrapúxoo á situación de anos anteriores con “subidas por enriba do IPC”, insistiu Rey para lamentar, por outra banda, que por parte da Xunta non se lles facilitaron máis datos.

Unha muller condenada por asasinar anciás en Cataluña acolleuse a non declarar polo homicidio dunha nonagenaria na Coruña

europapress
-
0
Unha muller condenada por asasinar anciás en Cataluña acolleuse a non declarar polo homicidio dunha nonagenaria na Coruña

A muller, coñecida polos seus antecedentes de asasinar a anciás en Cataluña, acolleuse este martes ao seu dereito a non declarar como presunta responsable do homicidio ou morte violenta dunha nonagenaria que foi localizada sen vida nun piso do barrio de Monelos, na Coruña o día 3 de outubro.

Este martes foi citada pola maxistrada do Xulgado de Instrución número 6 da Coruña para prestar declaración, segundo informou o Tribunal Superior de Xustiza de Galicia (TSXG). A acusada foi trasladada desde un centro penal e á declaración asistiron a Fiscalía; a acusación particular, exercida pola familia da falecida; e a defensa. A maxistrada non solicitou medidas cautelares ante a actual situación penal da investigada e o Xulgado de Instrución número 6 da Coruña continúa coa investigación dos feitos.

A investigada, natural de Galicia, e emigrada a Cataluña por traballo, foi condenada pola Audiencia Provincial de Barcelona por matar a tres anciás, tentativa de asasinato doutro cinco, sete delitos de roubo con violencia e un de furto. A sentenza condenouna tamén ao pago de indemnizacións a familiares das vítimas, mentres que a absolveu doutro delito de asasinato en grao de tentativa.

Os feitos tiveron lugar entre xuño e xullo de 2006 en Barcelona, uns asasinatos cualificados entón como “especialmente violentos” e sen capacidade de defensa das falecidas. Todas as vítimas, segundo recolleu o fallo, eran anciás especialmente vulnerables, aproveitándose a procesada da súa inxenuidade para acceder aos seus domicilios.

Ana Miranda acusa a Xunta e ao Goberno de “bloquear” a rexeneración da ría do Burgo

europapress
-
0
Ana Miranda acusa a Xunta e ao Goberno de “bloquear” a rexeneración da ría do Burgo

A eurodeputada do BNG, Ana Miranda, acusou á Xunta e ao Goberno central de “bloquear” a rexeneración total da ría do Burgo tras o dragado. “Unha demanda de hai moitos anos”, remarcou. Así o fixo este martes na Comisión de Peticións da Eurocámara onde propuxo que esta comisión contacte coa Comisión de Emprego e envíe unha carta tanto á Xunta como ao Executivo estatal para “avanzar no desbloqueo” da rexeneración da ría do Burgo.

Miranda incidiu na importancia da visita realizada por unha delegación internacional á ría do Burgo en 2013, impulsada polo BNG e que serviu para que “se consignasen os fondos para realizar o dragado da ría, que xa finalizou”. A continuación, a eurodeputada do BNG instou á Xunta a ter un “papel máis activo” na rexeneración da ría, xa que Galicia ten as competencias exclusivas en materia de pesca en augas interiores, marisqueo e acuicultura. Finalmente, Miranda pediu compensacións económicas para os mariscadores tras a parada.

Guía para darlle unha segunda vida aos xoguetes que xa non usan as túas crianzas na Casa dos Xoguetes

Ubaldo Cerqueiro
-
0
Guía para darlle unha segunda vida aos xoguetes que xa non usan as túas crianzas na Casa dos Xoguetes

Moi necesaria e positiva a posta en marcha da chamada Casa dos Xoguetes. Ese espazo promovido polo Concello da Coruña, habilitado nas dependencias da Oficina Municipal de Información ao Consumidor (OMIC) (Costa da Palloza, 8, en Catro Camiños), para darlle unha segunda vida e todos eses xoguetes que xa pasaron de moda en cada casa. Eses xoguetes que as crianzas xa amortizaron, pero que seguen en perfecto estado, e que poden servir para sacar os sorrisos de centos de nenos e nenas con menos recursos.

A iniciativa, no marco do completo programa de Nadal, fomenta a reciclaxe e reutilización nestes tempos de consumismo exacerbado, facendo da economía circular e do consumo responsable unha identidade, como demostraron os alumn@s do CEEPR Nosa Señora de Lourdes de Aspronaga, que estrearon as actividades.

 

View this post on Instagram

 

A post shared by Cee Lourdes (@ceepr_lourdes)

Ademais, haberá obradoiros creativos e actividades lúdicas. Entre as propostas destacan os obradoiros de reciclaxe e manualidades (postais de Nadal e de Reis, adornos sostibles, cápsulas de neve, xardineiras e xogos feitos con refugallo) e actividades lúdicas como contacontos, debuxo colaborativo e xogos do agasallo.
Todas as actividades son de balde e a inscrición pódese levar a cabo 15 minutos antes do inicio de cada sesión, na propia Casa dos Xoguetes.

Horarios

A doazón de xoguetes estará habilitada entre o 1 e o 31 de decembro” e que o horario da Casa dos Xoguetes será de luns a venres (de 11:00 a 18:00 horas, ininterrompidamente), os sábados (de 11:00 a 14:00 horas) e con aperturas especiais os días 24 e 31 de  decembro (de 11:00 a 14:00 horas). Os domingos e festivos a Casa dos Xoguetes estará pechada.

A Casa estará aberta e recollerá xoguetes ata o 3 de xaneiro.

A concelleira de Emprego, Comercio e Mercados, Diana Cabanas, visitou a Casa dos Xoguetes
A concelleira de Emprego, Comercio e Mercados, Diana Cabanas, visitou a Casa dos Xoguetes

Máis novas

A programación do Nadal da Coruña incluirá máis de 300 eventos a partir deste venres

A Casa dos Xoguetes esparexe regalos

Médicas oleirenses para formar en sanidade a profesionais de Chiapas

Redacción
-
0
Médicas oleirenses para formar en sanidade a profesionais de Chiapas

Este grupo formado por 7 profesionais da sanidade, entre os que se atopan varias veciñas de Oleiros, partiron desde o aeroporto da Coruña para dedicar as súas vacacións a atender de xeito gratuíto as persoas máis desfavorecidas da zona rural de Altamirano, en Chiapas. O Concello de Oleiros financia integramente este proxecto da ONG Solidariedade Galega con 19.509,69 euros.

A expedición está composta polos xinecólogos Luis Heliodoro Alba Ordás e Fátima Martínez Ordás, as cirurxiáns Celsa María Fernández Blanco e Namibia Sanluis Verdes, as anestesistas Rosa María López Pérez e María Vilela Lozano e a enfermeira Mónica María García Casás –responsable do proxecto-; que estarán durante 2 semanas en Chiapas, no Hospital San Carlos. Ademais das intervencións e consultas, formarán a profesionais locais.

Debido ao illamento no que se atopa a localidade que alberga este hospital, resulta moi complicado atopar médicos que poidan traballar no centro. É por iso que misións como a do equipo de médicos voluntarios de Solidariedade Galega ten unha elevada importancia.

Outras novas

Solidariedade Internacional celebrou 20 anos da tenda de comercio xusto de San Andrés

A Coruña queda sen os Encontros Internacionais da Rede Acampa pola Paz pola rebaixa da aportación municipal

A Escola Coruña de Senegal xa ten paneles solares gracias á ONG Ecodesarrollo Gaia

1...678...650Page 7 of 650

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES