Continúa avanzando a folga dos sanitarios en toda España. Unha folga de médicos e facultativos convocada a nivel estatal para reclamar do Ministerio de Sanidade negociación dun estatuto propio para a profesión, e que alcanza esta mañá un 83% nos hospitais e roza o 30% nos centros de saúde dependentes do Servizo Galego de Saúde (Sergas).
Ademais, centenares de médicos concentráronse hoxe, ás once da mañá, ante os principais hospitais da Coruña, Vigo, Santiago, Lugo e Ourense e mañá farano en Ourense, Santiago, A Coruña e Lugo.
Novas concentracións
O ‘ Mega, o sindicato médico máis representativo en Galicia e a única organización sindical galega que forma parte do comité de folga estatal, convocou tamén para o venres concentracións de médicos e facultativos ante os hospitais de Vigo, A Coruña, Santiago, Lugo e Ourense.
O sindicato maioritario entre os médicos e facultativos galegos mantén tamén para o 2 de marzo convocatoria de folga indefinida para esixir da Xunta un plan de choque que permita desconxestionar a Atención Primaria e reducir as listas de espera en Galicia.
Delegados da CIG no transporte de viaxeiros por estrada na provincia da Coruña, así como representantes da central nacionalista, entre eles o seu secretario xeral, Paulo Carril, iniciaron un peche na sede da patronal de empresarios da Coruña (CEC) “en protesta polo bloqueo á negociación colectiva e a falta de reunión da mediación”.
Así o explican ao informar dun peche con presenza dunha vintena de persoas e cunha pancarta coa lema ‘Non ao bloqueo da negociación. Convenio xa’. Sobre os motivos, subliñan que na última reunión, do pasado 12 de febreiro, “concluíuse que no prazo de 24 horas a patronal enviaría unha contestación á proposta que CCOO puxo encima da mesa”.
A CIG culpa á patronal de “dilatar todo o proceso negociador” e acúsaa de “mala fe” e de “irresponsabilidade” sen que, insiste, haxa datas para unha negociación. Todo iso nun comunicado no que lembra que o 70% do persoal rexeitou o preacordo que subscribiron no seu momento UXT e CCOO no marco da negociación dun convenio co empresariado.
Esta protesta de representantes da central nacionalista prodúcese despois de que rompese a unión sindical que había, con convocatorias de paros conxuntos e intermitentes, que, posteriormente, deron lugar a unha folga indefinida só convocada pola CIG despois de que se asinase o preacordo rexeitado pola maioría de traballadores e traballadoras.
Neste contexto, UXT expuxo un acordo de eficacia limitada con posibilidade de que se sumase ao mesmo o persoal interesado e ao entender que incluía melloras laborais e salariais. Desde CCOO explicaron que fixeron, pola súa banda, unha serie de propostas “para mellorar o texto preacordo” sen que haxa “de momento resposta da patronal”.
Pola súa banda, dende CEC manifestaron que non teñen “nada que ver na negociación deste convenio nin na mediación”. “Nin sequera as asociacións empresariais que o negocian están integradas na CEC”, remarcan.
A CIG convoca manifestación este domingo
Xa contra o mediodía, tras abandonar o peche, a CIG convocou unha manifestación para o vindeiro domingo, 22 de febreiro, con saída ás 12 horas da estación de Santiago de Compostela (no acceso principal pola rúa do Hórreo), para exixir o desbloqueo da negociación e un convenio digno para o sector do transporte de viaxeiros/as.
Completo Martes de Antroido o que viviu o barrio de Monte Alto. A Rúa da Torre congregou durante mañá, tarde e noite máis de 50.000 persoas, que gozaron da festa choqueira máis rompedora.
Pola mañá coroa, día central do programa municipal serviu para render homenaxe ás choqueiras Isa e Bego, protagonistas desta edición, e aos Kilomberos de Monte Alto. A rúa San Xosé xa conta cunha placa coas Choqueiras 2026, mentres que a poucos metros, na rúa da Torre, os Kilomberos de Monte Alto viviron como se destapou unha lousa na súa honra no Andar do Antroido.
As choqueiras Isa e Bego coa alcaldesaDestapando a lousa aos Kilomeros de Monte Alto na rúa da Torre
Despois dur vermú multitudinario, a festa volveu ao Campo da Leña pola tarde, para desenvolveron o concurso infantil de disfraces, e á rúa da Torre para o concurso de choqueiros e choqueiras.
CONCURSO INFANTIL DE DISFRACES:
1º premio individual (2): Farola do paseo marítimo e Cidade da Coruña.
2º premio individual (2): La casa de las zapatillas e Vilma Picapiedra.
3º premio individual: Torre de Hércules.
1º premio familiar: Praceiras de praza de Lugo.
2º premio familiar (2): Confeti e Choqueiros en flor.
3º premio familiar (3): Aladdín; NASA e Sombrerero loco e Reina de corazones.
Foto de familia dos gañadores do concurso infantil e familiar
CONCURSO DE CHOQUEIRAS E CHOQUEIROS
O primeiro premio do concurso de Choqueiros
1º premio individual: O embaixador das catro erres.
2º premio individual (2): Bibliotecaria e Torera.
3º premio individual (3): Juegos de azar; Hada del bosque, e La hora de la merienda.
1º premio grupo: >Movidas chungas
2º premio grupo (2): Clínica Papuda e Os dibus do Xabarín
3º premio grupo (3): Camelot Park; Pinta e colorea e Coa casa a costas.
O PPdeG denunciou este martes un “novo ataque” ás súas sedes, tras a “vandalización” dos seus locais en Lalín (Pontevedra) e Sada (A Coruña), con pintadas e adhesivos, e criticaron que “este é o resultado do odio que sementa a esquerda en Galicia”.
A través dun comunicado, os ‘populares’ galegos lamentaron que “o conflito que pretende instaurar a oposición non descansa nin en pleno ‘Entroido'”, e lembraron que as sedes do partido sufriron ataques similares a principios deste mes.
Nesta ocasión, o local do PP en Lalín apareceu con pintadas en vermello e verde na súa fachada, mentres que o de Sada foi ‘vandalizado’ con adhesivos co lema “PP Partido Pirómano”.
O PPdeG tamén denunciou que un dos seus concelleiros en Lalín, Avelino Souto, recibiu “numerosos insultos” en redes sociais nas últimas horas, con mensaxes que o cualificaban como “imbécil” ou “pallaso”, e ameazas (“respóndeme se tes ovos”) por parte “dun simpatizante do BNG.
Finalmente, apuntaron que este mércores se debaterá na Comisión 1ª do Parlamento unha proposición non de lei relativa á condena a este tipo de actos vandálicos labores contra sede do PPdeG e doutras formacións políticas. “Esperamos o apoio de todos os grupos, salvo que queiran seguir instigando o odio”, aseveraron desde o PPdeG.
Segue afiandánzose a Romaría de San Blas de Veiga, o Entroido da Veiga, como un dos epicentros do entroido comarcal. Este luns congregou a numeroso público que gozou da creatividade e o humor dos concursantes. Nin choiva, nin vento: nada detivo aos choqueiros, que se apoderaron de Veiga para celebrar a festa máis xenuína do Entroido de Culleredo.
As celebracións carnavalescas desatáronse ao mediodía, despois da misa, cos acordes da orquestra Fania Blanco Show. A pesar de que a choiva non deu tregua, as ganas de festa e unha carpa fixeron que boa parte dos asistentes se esquecesen da auga.
Desfilaron soldaditos de xoguete e pinturas de cera, entre outros, pero a vencedora do concurso foi unha comparsa de galiñas confinadas. Unha señora montada nun singular carriño da compra mereceu o segundo premio a ollos do xurado, mentres que o podio completouno unha Estatua da Liberdade que portaba unha baliza V16.
Antes de dar paso á comida popular- con entradas esgotadas -, chegou a sátira. A Comisión de San Blas pasou revista á actualidade coa lectura do Testamento, unha serie de coplas humorísticas que espertaron as gargalladas do público.
Segundo premio
Primeiro premio
Os choqueiros da Veoga
Música na carpa
Máis entroido
A programación carnavalesca do Concello de Culleredo continuará este martes con animación infantil e obradoiros nos centros O Noso Lar de Tarrío, o Centro Cívico de Sésamo e o Centro Social Ledoñés. Seguiralles o Centro Cívico Castelo este mércores. As actividades comezarán ás 17:00 horas.
Ademais, o mércores organizarase o obradoiro infantil “Entroido espacial” na biblioteca Miguel González Garcés. A axenda festiva continuará ata o sábado, co Entroido no Centro Cívico de Almeiras.
Este domingo, a familia de amigos de Arena Limpia co apoio de GaliSurf, achegáronse á Praia do Orzán para realizar nha intensa xornada de limpeza ambiental dedicada especialmente á comunidade surfista, un dos colectivos máis vinculados ao mar durante todo o ano.
Durante a intervención retiráronse aproximadamente 250 quilos de lixo, nunha actuación que, segundo os participantes “parece non ter fin” .
Unha parte moi significativa dos residuos recollidos estivo composta por microplásticos, reflectindo o grave impacto deste tipo de contaminación no ecosistema mariño e nun dos areais máis emblemáticos da cidade.
Ademais dos residuos habituais, o equipo logrou extraer da auga un conxunto de nasas portuguesas ilegais, que xa foran detectadas anteriormente na zona e que, pese a ter sido retiradas en ocasións previas, volveran aparecer. Tamén se conseguiu sacar un bidón de grandes dimensións, que supuña un risco ambiental e de seguridade para os usuarios do mar.
A xornada estivo marcada polo compromiso e a implicación dos voluntarios, especialmente surfeiros, que non só gozan das ondas do Orzán senón que tamén asumen un papel activo na súa conservación.
Desde Arena Limpia Gali Surf faise un chamamento a reforzar a vixilancia fronte á pesca ilegal e a continuar promovendo accións de concienciación cidadá para protexer litoral coruñés.
O seguimento da folga de médicos e facultativos convocada a nivel estatal para reclamar do Ministerio de Sanidade negociación dun estatuto propio para a profesión alcanza esta mañá un 85% nos hospitais dependentes do Servizo Galego de Saúde (Sergas) e é sensiblemente inferior nos centros de saúde, onde o 35% do persoal que non foi incluído nos servizos mínimos secundou o paro.
O´Mega, o sindicato médico máis representativo en Galicia e a única organización sindical galega que forma parte do comité de folga estatal, cre que o seguimento do paro nos centros de saúde aumentará considerablemente a partir do 2 de marzo, cando en Galicia está convocada unha folga indefinida para esixir da Xunta un plan de choque que permita desconxestionar a Atención Primaria e reducir as listas de espera en Galicia.
O Martes de Antroido e o Enterro da Sardiña pecharán este martes 17 e mércores 18 a programación municipal do entroido coruñés, que vén celebrando con diferentes actos desde o pasado 7 de febreiro. Segundo recalca o Concello herculino, o día “forte” dos festexos será o martes, coa programación concentrada no Campo da Leña e na Rúa da Torre. Alí, terán lugar os tradicionais concursos de disfraces e choqueiros, tanto na modalidade infantil como para adultos.
Apunta que haberá tamén unha actuación musical de Chekan para pechar o día e será unha xornada de portas abertas nos Museos Científicos da cidade. Como todos os anos, indica, os festexos renderán homenaxe a figuras relevantes como Canteiro, Canzobre ou Palau. Ademais, nesta ocasión os Kilomberos de Monte Alto inaugurarán unha placa. Así, o entroido herculino terminará este mércores co desfile do Enterro da Sardiña, que partirá desde o Circo de Artesáns e chegará á praia de San Amaro.
Este sábado celebrouse o desfile de Antroido, coa participación dun total de 25 comparsas. O tempo acougou para que a cidade poidese gozar coas marabillas feitas disfraces.
“Os mismos de sempre” foi a agrupación gañadora dos concursos de vestiario e coreografía e carrozas.
O segundo posto en ambas categorías foi para a comparsa Ciklon.
O desfile estivo amenizado na praza de María Pita coa actuación de Farra Fanfarra.
O xurado estivo presidido pola directora do IMCE, Laura Seoane, e Samuel Sánchez, do IMCE, exerceu como secretario. Como vogais exerceron José Luís Núñez, da área de Cultura, Alejandro Centeno, xornalista, Marta Parga e Milly Augusto, da asociación Eidos.
O portavoz do BNG en María Pita, Francisco Jorquera, calificou en rolda de prensa de “lamentable e bochornoso espectáculo dado por PP e PSOE”. Jorquera comezou por dicir que o que se viu onte “non foi un feito illado, non foi algo puntual” e si “un episodio máis dunha escalada, na que o PP e o PSOE parecen empeñados en trasladar ao Concello a lameira na que se converteu a política madrileña”.
“Lameira que consiste en substituír o debate político, o contraste de datos e argumentos racionais, pola bronca permanente e as descualificacións persoais”.
Para ilustrar o que aconteceu no salón de plenos, o portavoz nacionalista botou man dun dos clásicos da pintura universal: “Lembroume moito o óleo das pinturas negras de Goya Duelo a garrotazos. Pois parece que aos dous principais partidos estatais non lles chega o espectáculo que montan todos os días en Madrid e queren converter o salón de plenos do Concello noutro ring para protagonizar un novo asalto do duelo a garrotazos de Goya”.
É por iso que Jorquera lles fai unha apelación a PP e PSOE para que “recapaciten e rectifiquen”. Rectifiquen porque “este tipo de actitudes só serven para desprestixiar a política e degradar as institucións democráticas”.
Sumar
Desde Movemento Sumar Coruña amosaron a súa “preocupación”, e reiteraron na idea de que “o que aconteceu non é un feito menor nin unha anécdota. É a confirmación de que o clima de confrontación permanente entre as dúas forzas bipartidistas está deteriorando a institución e trasladando á cidade dinámicas de crispación que pouco teñen que ver cos problemas reais da veciñanza”.
“É intolerable que o fango político que vemos en Madrid se traslade ao Concello da Coruña”, afirma a nosa voceira, Trinidad Palacios. “A cidadanía merece altura institucional. O pleno non é un plató de televisión nin un campo de batalla partidista”.
Para a nosa organización, o sucedido evidencia unha dinámica preocupante do bipartidismo local: “PP e PSOE aliméntanse mutuamente da confrontación. A quen lle interesa este espectáculo? Desde logo, non á veciñanza da Coruña. Cando o ruído sobe, os problemas reais desaparecen do foco”.
Os afectados
Inés Rey aseguraba estar “disgustada” polo suceso, soinalando que non vai permitir que se falte ao respecto aos membros do pleno, en alusión a unhas declaracións do edil popular Deus.
Pola contra, Miguel Lorenzo, botou máis leña ao lume. “O que pasou no Pleno é un
patrón de conduta repetido varias veces: o portavoz nos insulta e a Alcaldesa o consente, incendia o debate e chámanos á orde aos insultados”.
O Popular sinala que “escoitei esta mañá que a Alcaldesa estaba desgustada polo que pasou no Pleno e enténdoa. Porque cando non é capaz de exercer as súas funcións de moderadora e convértese nunha hooligan do seu portavoz, abusando da súa facultade de intervir sen resposta por parte dos aludidos e insultados, paréceme bochornoso”
“Non hai que esquecer que o sr. Lage non só é que chamase “sinvergonza” a un concelleiro Popular senón que ademais a alcaldesa, interrompendo o Pleno, chamou á orde ao insultado e non ao que pronunciara o insulto”.
