Treme a cidade ante a chegada da primeira borrasca do outono. Aitor chega con abundante humidade e deixará numerosas chuvais, ademais de forte vento e ondas na provincia da Coruña, que levarñan a peor parte de todo o estado con avisos en nivel laranxa por precipitacións, segundo a predición da Axencia Estatal de Meteoroloxía (AEMET).
O peor chegará a partir do mediodía, segundo Meteogalicia, cando os refachos de vento poderían chegar aos 90km/h.
A Garda Civil busca ao autor da agresión con arma branca a un home no municipio de Sada (A Coruña) cando se atopaba nunha leira. Fontes da Benemérita explicaron a Europa Press que, sobre as 17.53 horas do martes, recibiron o aviso da citada agresión no lugar de Mandín.
Trasladadas as patrullas ao lugar, comprobouse a veracidade do aviso e trasladouse o caso á Policía Xudicial, que se fixo cargo da investigación. O ferido, un septuaxenario, foi trasladado ao complexo hospitalario universitario da Coruña (Chuac). No entanto, a pesar das lesións, non se temeu pola súa vida, precisaron desde a Garda Civil sobre o estado do mesmo.
Con base de operacións en Arteixo, o grupo revelación do folk en Galicia, BREO, prepara xa o lanzamento do seu primeiro disco. ‘Máis Alá’ sairá en todas as prataformas dixitais o vindeiro mércores 9 de outubro, con 10 temas, baseados na relevancia do misticismo, os costumes e as lendas galegas.
O nome do grupo está inspirado nunha deidade celta chamada ‘Berobreo’, gardián de almas e encargado de transportalas ‘ao máis ala’, o cal ten un santuario no alto do Monte do Facho (Donón, Cangas do Morrazo), unha das míticas finisterras atlánticas.
BREO está formado por Sandra Novais Meireles (voz, teclado e pandeireta, natural de Guimarães pero residente en Cedeira), Samuel Lafuente Carballeda (violín, natural da Coruña), Rubén Gómez Castro (guitarras, natural de Ferrol), Migui Ocampo (bodhran, percusións e programacións, natural da Coruña) e Bieito Romero Diéguez (frauta traveseira, acordeón diatónico e gaita, natural da Coruña e fillo do mítico membro de Luar na Lubre).
Para este traballo, gravado en Estudios Bruar, a nova formación galega contou con diferentes colaboracións musicais, como o cantante Sabu l’Aviseu (en ‘Canto Raibas’), Marta Chello (en ‘María ‘A Meiga’) e a banda da A. C. Triskell de Arteixo (en ‘Os Lombois’).
A xira de presentación en Galicia ten datas confirmadas na Sala Garufa Club de A Coruña (12 de outubro) na Casa das Crechas en Santiago de Compostela (26 de outubro).
O Consello de Ministros aprobou un acordo polo que se autorizan os límites e modifícanse o número de anualidades para adquirir compromisos de gasto con cargo a exercicios futuro co obxectivo de que o Ministerio de Transportes e Mobilidade Sustentable poida subscribir un convenio para o uso do acceso ao porto exterior da Coruña e a súa conexión coa autoestrada autonómica A Coruña-Carballo.
O Executivo central, que realizou a obra de acceso ao porto exterior da Coruña (AC-15) que enlaza coa autoestrada de peaxe A Coruña-Carballo (AG-55), engade que “a conexión entre ambas as vías prodúcese mediante unha ligazón para uso exclusivo do tráfico portuario que non pasa por ningunha estación de peaxe da AG-55, polo que os movementos con orixe ou destino no porto exterior non abonan a peaxe do percorrido efectuado pola devandita autoestrada”.
En consecuencia, para manter o equilibrio económico financeiro da concesión de Autoestradas, requírese, sinala, subscribir un convenio entre o Ministerio de Transportes e Mobilidade Sustentable, a Xunta de Galicia e a sociedade concesionaria para regular a compensación pola mencionada exención do pago de peaxe. Devandito convenio establece unha duración de catro anos e contempla pagos trimestrais a Autoestradas como compensación polo tráfico que utiliza a autoestrada AG-55 pola conexión ao Porto da Coruña.
No que se refire a o financiamento, a achega do Ministerio de Transportes e Mobilidade Sustentable realizarase con cargo á aplicación orzamentaria “para compensar á sociedade concesionaria da autoestrada A Coruña-Carballo pola peaxe dos vehículos que utilizan o acceso ao porto da Coruña, segundo convenio”. A entrada en vigor do mesmo está prevista para o 1 de decembro de 2024.
Tempo de fusións vivimos na música galega contemporánea. Ás bandas que maridan o rock, o punk ou a electrónica coa música das nosas raíces, temos que sumar xa aos colectivos que traballan en clave de reggae. Así o comprobaremos este venres 27 nos Castros, onde a Asociación Oza-Gaiteira-Os Castros preparan as festas da Mercé en clave dub.
A rúa Monte das Moas acollerá unha xornada de baile de 18:00h a 0:00h. Abrirán Dub in Soul, un colectivo de mulleres galegas formado por Nere e Noe, dúas selectoras e amantes do reggae e da cultura soundsystem.
Estará tamén Ras Oskar, veteranos vocalista de Bush Doctors, a primeira banda galega de reggae, e actual vocalista en Aum Reggae, que fará das Moas o Xamaica herculino.
Tamén soará I Gardo SingJay, coruñés afincado en Compostela, e membro fundador de delirium soundsystem e A Coruña dub club. Ttodo isto será sonorizado por Delirium Soundsystem cos seus tres subgraves artesanais, para reproducir as vibracións da música reggae no barrio dos Castros.
Festas da Merced en reagge nos Castroz
Memoria
A xornada servirá tamén para rmanter vivo o proxecto “Memoria emocional do barrio: Recuperemos as nosas tradicións”.
As mulleres de Carral, Cambre, Oleiros, Sada e A Coruña, que acoden ao Centro de Orientación Familiar de Orillamar, levan moito tempo sen poder falar coa psicóloga clínica. Un servizo que depende do Concello da Coruña, pero a pesar das queixas das traballadoras e do BNG no pleno, segue sen ser cuberto, creando unha desigualdade coas mulleres dependentes do COF do Ventorrillo, onde si contan co servizo.
O espazo sanitario, fundamental para promover a saúde afectivo-sexual, traballar na prevención de embarazos non desexados, e axudar a solventar conflitos familiares, continúa ademais sen ter as dúas prazas de xinecoloxía cubertas a tempo completo, das que este servizo debe, estatutariamente, estar dotado.
Hoxe volve denunciar a situación o BNG, que xa levou o asunto a pleno e mesmo ao Parlamento Galego, onde o goberno limitouse a responder que no COF “todas as prazas de persoal sanitario do SERGAS están actualmente cubertas con persoal estatutario”.
Unha mentira, segundo denuncia o BNG despois de reunirse coas profesionais do centro de Monte Alto, que xa o centro só dispón dunha praza fixa desde 2020, a outra -que tamén debería ser permanente- só se cobre “en momentos puntuais e intermitentes”.
Lista de agarda
A consecuencia desta falta de cobertura das prazas asignadas a este centro é “unha listaxe de agarda dunhas 300 persoas, entre as que hai mulleres que interromperon voluntariamente o seu embarazo e precisan revisións”, remarca Queixas.
A carencia de persoal orixina tamén “a imposibilidade de programar citas para atender a saúde sexual e reprodutiva das pacientes”, e provoca listas de agarda de ata 3 meses.
Desperfectos
As profesionais denuncian ademais que “a calidade na atención médica dos dous COF da Coruña leva anos sufrindo recortes de persoal e desatención por parte da Xunta”; así como os desperfectos que sofre o centro, xa que despois dunha inundación as portas non pechan e as profesionais teñen que pasar consulta cun paragüeiro suxeitando a porta, o que, dende longo, non favorece a intimidade nin a confidencialidade necesaria para estes asuntos.
Pero é que máis alá do recorte, o Concello deixou sen gastar 2 de cada 3 euros orzamentados en 2023 para instalar ascensores, segundo denuncia o ao analizar a a liquidación levada ao pasado Pleno. O goberno só empregou 990.000 euros de 1.450.000 euros, e xeito que a á non execución do 68% do orzamento de 2023 nestas subvencións, súmase o recorte do 31% neste último curso.
Ás preguntas dos populares, o goberno municipal recoñece que das 199 solicitudes de subvención recibidas en 2023 (o prazo remataba en 2023), concedeu 52 e denegou máis das aprobadas, 63, quedando 84 sen resolver a pesar de que se rematou o prazo.
“É unha situación que sofren moitos barrios con edificios antigos e persoas con escasos recursos e estas subvencións son fundamentais para garantir a autonomía das persoas maiores, con mobilidade reducida ou con discapacidade”, alerta o edil popular Miguel Lorenzo.
Axentes da Policía Local detectaron na Coruña a un menor ao volante dun vehículo sen seguro no que tamén ía o seu pai, que, como o primeiro, deu positivo en alcol. Así o informaron fontes municipais consultadas por Europa Press que precisaron que os feitos se produciron sobre o oito da mañá do pasado domingo.
Nese momento, unha patrulla deu o alto a un coche nun control preventivo na avenida do Porto. Entón, constatouse que ao volante ía un menor de 17 anos, que non tiña carné dada a súa idade, e que deu positivo. Á beira, ía o seu pai, que tamén deu positivo na proba da taxa de alcoholemia. Ademais comprobouse que o coche carecía do seguro en vigor.
Ao menor, impútaselle un delito contra a seguridade viaria e ao seu pai como cooperador necesario do mesmo, precisaron as fontes consultadas.
Este mércores 25 de setembro, ás 19:30 horas, o Teatro Rosalía de Castro da Coruña acolle un recital poético-musical organizado pola Asociación de Escritoras e Escritores en Lingua Galega para celebrar a vixencia da figura de Luísa Villalta cun recital poético-musical, vinte anos despois do seu pasamento.
O acto, conducido por Cesáreo Sánchez Iglesias e Beatriz Maceda, contará coas interpretacións musicais de Florian Vlashi e César Morán, e lerán textos da autora herculina
Ana Romaní, Antía Otero, Daniel Asorey, Estíbaliz Espinosa, Eva Veiga, Francisco X. Fernández Naval, Henrique Rabuñal, Marga do Val, Marica Campo, Marta Dacosta, Miro Villar e Pilar García Negro.
A AELG quere seguir deixando patente neste ano no que as Letras Galegas está adicada á creadora coruñesa, que “Luísa Villalta constitúe unha destacada representante da cultura galega contemporánea, tanto no ámbito musical coma no literario; a súa obra abarca todos os xéneros (poesía, teatro, novela e ensaio literario) sempre dende unha perspectiva renovadora e orixina”. Lembran que “Luísa foi coñecida polo seu grande activismo cultural, que de xeito constante e desinteresado levou a cabo en colaboración con diversas asociacións culturais, colectivos e proxectos de diversa índole”, entre as que destacan a súa participación no Consello Directivo da AELG durante varios anos.
Aproveita a Asociación Semente Corunha a XVIII Limpeza Simultánea “Móllate polos ríos”, para coordinar unha acción no río Mesoiro, soterrado na zona de Mesoiro e Martinete.
A cita será este domingo 29 de setembro e punto de encontro é o lugar de Someso 2 (fronte ao mesón Casa Canosa) ás 11:30.
Este ano participan na actividade promovida por ADEGA, centos de voluntarios a través de 56 concellos de toda Galicia, e máis de 70 entidades (asociacións, concellos, colectivos ecoloxistas, centros de ensino…).
