Páxina 39 – Xornal da Coruña – Noticias da Coruña e área Metropolitana

O Festival #Aquítaménsefala xa ten data

-

17 Febreiro, 2025

A campaña Aquí tamén se fala galego continúa. O IES Rafael Dieste non deixa esquecer unha das mellores campañas de normalización lingüísticas xeradas no país, e, ademais do traballo diario no centro, xa poñen data para a II edición do Festival Aquí Tamén Se Fala.

Despois éxito do ano pasado, o festival da mocidade galega volverá encher a Praza da Tolerancia de música galega contemporánea o vindeiro venres 13 de xuño, con entrada de balde e música dende as 17:00h da tarde, para o deleite de todos os públicos.

En breve irán debullando o cartel, que este ano se agarda aínda máis potente que os Leria, Lontreira, Boyanka Kostova e Grande Amore.

View this post on Instagram

A post shared by Aquí tamén se fala galego (@aquitamensefala)

Máis novas

En Labañou tamén se fala galego

O “Aquí tamén se fala” leva o meirande premio á Innovación Educativa de Galicia

Un Xulgado investiga o tribunal de Selección da Praza de Técnico de Deportes de Sada

SOCIEDADE

editor

-

17 Febreiro, 2025

0

Un Xulgado investiga o tribunal de Selección da Praza de Técnico de Deportes de Sada

O xulgado de Primeira Instancia e Instrución no 3 de Betanzos investiga un delito de presunta prevaricación administrativa cometido polo Tribunal de Selección da praza de técnico de Deportes do Concello de Sada.

O denunciante é un aspirante que observou unha serie de feitos que cualificou, na súa denuncia, de “graves irregularidades”, que poderían ser constitutivas dun delito de “prevaricación administrativa por revelación de secretos por funcionarios públicos”. O denunciante sinala que “no primeiro exercicio, un test de 10 preguntas, o Tribunal entregou a un aspirante o cuestionario de preguntas con 2 respostas marcadas correctamente. Curiosamente, ese exercicio en lingua galega só se lle entregou a un dos aspirantes e veciño de Sada”.

Por outra banda, o denunciante explica que nese mesmo exercicio sucedeu que outro aspirante, quen non fora valorado nun principio, posteriormente foi cualificado, a pesar de que varios opositores –non só o denunciante- “constataron que esa persoa levárase a folla de respostas á súa casa, polo que se ignora a quen, como, onde e cando entregou a planilla coas súas respostas”.
Debido a estas circunstancias anormais, entre moitas outras, un aspirante acudiu a
interponer denuncia no cuartel da Garda Civil, quen remitiu as actuacións ao Xulgado
de Betanzos que agora está a coñecer da causa, pendente de emitir a sentenza.

Ademais, hai tamén interposta unha denuncia por via administrativa (recurso de alzada) que aínda non está contestada. De non ser constestada nos 3 meses de prazo, o aspirante tamén poñerán denuncia no contencioso por ata 6 motivos de nulidade

Máis novas

Ficalía pide tres anos de cárcere e 18 de inhabilitación para o alcalde de Sada por prevaricación

Mariscadores do Burgo volven pedir a Xunta e Goberno axudas mentres non poidan faenar: “Que non nos deixen tirados”

europapress

-

17 Febreiro, 2025

0

Mariscadores do Burgo volven pedir a Xunta e Goberno axudas mentres non poidan faenar: “Que non nos deixen tirados”

Mariscadores e mariscadoras da ría do Burgo secundaron este luns unha nova concentración para esixir ao Goberno central e á Xunta axudas mentres non poidan faenar tras as obras de dragado. “Que non nos deixen tirados na rúa”, resumiu a Europa Press o portavoz do colectivo, Manuel Baldomir, ao trasladar a situación na que, segundo precisou, se atopan unhas 70 persoas. E é que, con motivo dunha nova protesta, nesta ocasión ante a Delegación do Goberno, pediu que lles dén unha “solución”.

Neste sentido, cuestionou que por parte do Goberno central se garanta achega para reparar os danos no paseo marítimo de Culleredo tras as obras, o que, ao seu xuízo, debería facer “a empresa ou a aseguradora”, e non haxa –recalcaron– achega para as axudas que o colectivo reclama. “Que Xunta e Goberno se poñan de acordo, son case 70 postos en perigo por non poder realizar este traballo e non ter sustento económico para manter a licenza de marisqueo”, insistiu Baldomir, que emprazou ás administracións a unha reunión este mércores na sede da Confraría de Pescadores. Mentres, desde a Delegación do Goberno aseguraron que durante o parón da actividade o Executivo “financiou en solitario axudas aos mariscadores por valor de 3,8 millóns”. Tamén traslada “a intención de colaborar nas axudas que sexan necesarias e chegando ao 50 % do total”. “A Xunta tense que implicar”, sentenza tamén.

Atopan con vida moi preto de onde desapareceu á octoxenaria desaparecida desde o xoves en Arteixo

europapress

-

16 Febreiro, 2025

0

Atopan con vida moi preto de onde desapareceu á octoxenaria desaparecida desde o xoves en Arteixo

A octoxenaria desaparecida desde o xoves na Pastoriza, en Arteixo foi localizada con vida e tivo que se trasladada en ambulancia ao hospital. Segundo informou fontes coñecedoras do operativo, a muller foi atopada este domingo na avenida Pastoriza.

O operativo de procura foi renovado desde primeira hora desta xornada e contou coa participación da Garda Civil, Policía Local, Emerxencias e o dron da Axega.

A CIG pide a Fiscalía a apertura dunha investigación pola agresión a un sanitario e un vixiante no Chuac

europapress

-

15 Febreiro, 2025

0

A CIG pide a Fiscalía a apertura dunha investigación pola agresión a un sanitario e un vixiante no Chuac

Representantes de CIG-Saúde pediron á Fiscalía provincial da Coruña que se abra unha investigación ante o que consideran “falta de medidas preventivas” para garantir a seguridade e a integridade dos traballadores tras a agresión o pasado 3 de febreiro a un enfermeiro e un vixiante de seguridade no Hospital Universitario da Coruña por parte dun paciente.

Fixérono a través dun escrito e por se os feitos puidesen ser constitutivos de infracción penal, segundo expuxo o secretario de Saúde Laboral de CIG na Coruña, Ernesto López, quen sinalou que a iniciativa responde a un acordo na asemblea de traballadores.

O dirixente sindical demandou, ademais, á Consellería de Sanidade que se actúe con medidas de prevención e non cando pase unha incidencia.

“Nós non queremos que sucedan delitos, queremos que a xente vaia a traballar e que non pasen estas cousas”, asegurou en alusión á reunión mantida polo conselleiro de Sanidade, Antonio Gómez Caamaño, co fiscal superior de Galicia, Fernando Suanzes, e con críticas, ademais, á xestión do departamento autonómico.

“A xerencia — do Chuac– ten que coidar da súa xente”, expuxo tamén ao considerar que debe garantir a súa seguridade e ao non descartar que poida haber por parte desta algún tipo de infracción penal por “omisión”.

“Non hai nin protocolos actualizados, nin transmisión nin coordinación”, sentenciou para incidir en que Fiscalía debe valorar unha posible “querela” contra o xerente da área sanitaria da Coruña, Luís Verde.

Máis novas

Sanitarios volven pedir medidas “inmediatas” contra as agresións: “Queremos traballar en condicións de seguridade”

A xunta de persoal do Chuac solicita ante Sanidade o cesamento do xerente tras “anos” denunciando “falta de seguridade”

As traballadoras das residencias privadas reclaman mellores condicións para poder dar unha atención de calidade

Ubaldo Cerqueiro

-

14 Febreiro, 2025

0

As traballadoras das residencias privadas reclaman mellores condicións para poder dar unha atención de calidade

Nova mobilización polas rúas da Coruña (é raro día que non haia colectivo denunciando a súa precariedade). Este venres 14 de febreiro, foi o turno da traballadoras das residencias privadas da Coruña e Lugo, que se manifestaron en demanda dun convenio colectivo que dignifique as súas condicións laborais e salariais e na defensa dun modelo de coidados que antepoña o benestar das persoas ao lucro empresarial.
As protestas, convocadas pola CIG-Servizos, dan continuidade ao calendario de accións reivindicativas que o persoal está a desenvolver para desbloquear as negociacións e demandar a intervención da Consellaría da Política Social, como administración responsable do sector.

O persoal saíu en manifestación dende a residencia DomusVi da Cidade Vella até as oficinas da Fundación Amancio Ortega no Obelisco. Para o 28 de febreiro, a CIG xa ten convocada outra mobilización na provincia de Pontevedra.

A CIG denuncia ademais que o modelo de privatización está feito para beneficiar a grandes empresas como DomusVi, tendo en conta a día de hoxe o 70% destes centros son privados.

Precariedade laboral e salarial

As delegadas da CIG lembraron que dende a sinatura do último convenio (2020-2023) por parte de CCOO e UGT, “os salarios perderon un 7,8% do poder adquisitivo ao pactarse subas inferiores ao IPC real. Se a isto lle sumamos o incremento do SMI nestes anos, atopámonos con que a maioría dos colectivos están por debaixo do salario mínimo”. Neste senso, o secretario de Negociación Colectiva da CIG-Servizos, Adolfo Naya, subliñou que coa última suba, “máis do 70% do persoal que traballa neste sector, unhas 12.000 persoas en Galiza, cobran por debaixo do SMI”.

Denuncian tamén a sobrecarga de traballo que o persoal ten que asumir a causa dunhas ratios obsoletas que non se axustan ás necesidades dos centros “nin permiten que tratemos as persoas residentes como merecen”. “Cando falamos de maltrato ás persoas residentes referímonos a que temos un tempo medido para todo, en cinco minutos non podemos asear e vestir a unha persoa, é imposíbel. E así para todas as tarefas”, denunciou a responsábel do sector en Ferrol, Beatriz Fernández.

Co agravante de que “a Xunta eliminou en decembro pasado a obrigatoriedade de contar coa presenza física de persoal de enfermería as 24 horas, polo que se está pondo o persoal auxiliar de clínica a dar medicación cando non está formado para esta tarefa”, advertiron as traballadoras.

Por iso, na negociación deste convenio, ademais dunha suba salarial digna, a redución da xornada e melloras sociais, unha das principais reivindicacións da CIG refírese a ampliación das coberturas das situacións de IT.

Persoas con doenzas psiquiátricas

Outra das problemática que as traballadoras puxeron enriba da mesa son os problemas derivados da decisión da Xunta de Galiza de ingresar persoas con doenzas psiquiátricas en residencias de maiores debido á falta de centros especializados. “Pero nin estamos preparadas para atender este perfil de usuarios/as, nin os tratamentos que se lle teñen que aplicar están validados, nin os centros están adaptados ás súas necesidades. O estres acumúlase e padecemos situacións insostíbeis”, afirmou Bea Fernández.

Un modelo que beneficia ás grandes empresas: DomusVi

Na mobilización da Coruña, Adolfo Naya, indicou que co percorrido elixido quíxose pór o foco sobre dúas cuestións: dunha banda sinalar a responsabilidade de DomusVi como principal empresa do sector en Galiza, a que ostenta a representación máis relevante na comisión negociadora e a que se nega de maneira máis contundente a asumir ningunha das reivindicacións sociais.

Criticou que a última proposta da patronal, presentada en outubro pasado, foi de auténtica miseria e dende entón non se produciron máis reunións da mesa de negociación. Por iso, xa avanzou que as mobilizacións continuarán e non se descarta a convocatoria dunha folga de cara á primavera.

Censurou o desinterese da Consellaría de Política Social pois “aínda que lle solicitamos unha reunión en setembro do ano pasado para tratar a situación do sector, a día de hoxe seguimos sen ter resposta”. “Só se acordan das persoas usuarias das residencias para irlles pedir o voto, para non para revisar en que condicións están e garantir unha atención digna”, rexeitou Fernández.

De aí, salientou, que con estas mobilizacións tamén se reclame que todas as residencias, centros de día e demais servizos sexan públicos “para rematar co maltrato nos coidados ás persoas maiores e dependentes” e que se avance nas condicións laborais para equiparalas ás que xa ten o persoal das residencias de xestión directa.

Máis novas

As traballadoras da Rede de Escolas Infantís Municipais sacan a careta a Borrego

O Goberno e a Deputación inauguran na Cidade das TIC o maior estudo virtual de España

A CORUÑA

europapress

-

14 Febreiro, 2025

0

O Goberno e a Deputación inauguran na Cidade das TIC o maior estudo virtual de España

O ministro de Transformación Dixital, Óscar López, e o presidente da Deputación da Coruña, Valentín González Formoso, inauguraron este venres o Coruña Estudo Inmersivo, definido como o maior estudo virtual de España. O proxecto, situado na Cidade das TIC, contou cun investimento de nove millóns de euros, cofinanciado pola Deputación e o Goberno central a través do Plan de Recuperación, Transformación e Resiliencia.

O acto contou coa presenza de diversas autoridades, entre elas o delegado do Goberno en Galicia, Pedro Branco, a conselleira de Economía e Industria, María Jesús Lorenzana, e a alcaldesa da Coruña, Inés Rey, ademais de representantes do Clúster Audiovisual Galego e do sector audiovisual galego.

APOSTA POLO SECTOR AUDIOVISUAL E A DIXITALIZACIÓN

O ministro Óscar López destacou que esta iniciativa representa un “exemplo de investimento produtivo e colaboración público-privada”, subliñando que o Goberno aposta polas novas tecnoloxías e polo desenvolvemento do hub audiovisual en Galicia. Tamén fixo referencia ao crecemento do sector nos últimos anos, resaltando que en España se duplicou o número de rodaxes e os postos de traballo relacionados co audiovisual.

López asegurou que este novo estudo suporá unha oportunidade para xerar emprego e riqueza, proporcionando un espazo equipado coa última tecnoloxía para a produción de contidos audiovisuais avanzados.

APOIO AO TALENTO GALEGO

Pola súa banda, o presidente da Deputación da Coruña, Valentín González Formoso, sinalou que este proxecto permitirá potenciar o talento galego e reter creadores na comunidade. A alcaldesa da Coruña, Inés Rey, coincidiu nesta idea, resaltando que Galicia ten capacidade para exportar talento ao ámbito audiovisual internacional.

Tamén interviñeron no acto representantes do sector, como o presidente do Clúster Audiovisual Galego, Alfonso Branco, e a secretaria xeral da Universidade da Coruña, Marta García, quen destacaron a importancia dun equipamento desta magnitude, situado nas antigas instalacións da Fábrica de Armas da Coruña, agora reconvertidas en espazo tecnolóxico e de innovación.

As traballadoras da Rede de Escolas Infantís Municipais sacan a careta a Borrego

MOV. SOCIAIS

Ubaldo Cerqueiro

-

14 Febreiro, 2025

0

As traballadoras da Rede de Escolas Infantís Municipais sacan a careta a Borrego

Despois de meses esperando que o Concello cumprise as súas preguntas, as traballadoras da rede de Escolas Infantís Municipais retomaban o pasado 4 de febreiro as mobilizacións. Unhas concentracións que comezaban xa a finais de 2023 e que mantiveron un ano na rúa a estas máis de 100 traballadoras.

Falamos das Escoliñas de 0-3 anos, (Cativos, Luís Seoane, Roseiras, Caracola, Agra do Orzán, Arela, Montealto e Carrianta), que malia formar parte da rede municipal, funcionan cunha xestión privatizada, e cuias condicións laborais están moi lonxe de ser dunha rede pública: os seus salarios apenas chegan ao SMI pola escaseza dos convenios, e as súas xornadas de traballo son das máis altas de todos os convenios da ensinanza.

Todo nun ano no que teñen que saír os novos pregos para a licitación das escolas.

Onte desenvolveron unha nova concentración no Obelisco, esixindo unhas condicións laborais e salariais dignas e na defensa dunha mellora na atención ás crianzas. As traballadoras xa se puxeron de Entroido e realizaron “unha parodia do desafortunado encontro que tiveron a pasada semana co concelleiro de Educación, no que Juan Borrego mesmo lles negou que en abril do pasado ano dera o compromiso de trasladar unha resposta xustificada ás reivindicacións do colectivo”, rexeitando en todo momento a posibilidade de sentar a negociar a aplicación de melloras no servizo.

As palabras do edil provocaron unha profunda indignación entre as traballadoras, xa que incluso chegou a asegurar que non recibira ningunha solicitude de xuntanza “cando fixemos tres peticións por escrito e o único que obtivemos foi a calada por resposta”, explica o responsábel da CIG-Ensino da Coruña, Henrique García.

Aseguran que van solicitar unha reunión coa alcaldesa para tentar desbloquear a negociación, despois de ter xa realizado encontros o BNG e o PP, que levarán mocións ao pleno.

As traballadoras piden ademais que as escolas infantís municipais recoñeza a parella educativa (como si existe nas Galiñas Azuis), asegure a atención adecuada ao alumnado con necesidades educativas especiais (NEAE), e reduza os ratios, como si se vai facer na etapa infantil 3-6.

Novas relacionadas

As traballadoras das Escolas Infantís Municipais esíxenlle a Borrego mellores condicións

As traballadoras da rede de escolas infantís municipais esixen ao Concello que cumpla as súas promesas

Comeza a actividade presencial na Axencia de Intelixencia Artificial na Coruña

europapress

-

14 Febreiro, 2025

0

Comeza a actividade presencial na Axencia de Intelixencia Artificial na Coruña

A Agencia Española de Supervisión de Inteligencia Artificial (Aesia) celebrou este venres o seu consello reitor, coincidindo co inicio da súa actividade presencial na sede da Casa de Veeduría na Coruña, onde permanecerá mentres duren as obras da Terraza, o seu destino oficial.

Segundo informa o Ministerio para a Transformación Dixital e da Función Pública, este consello reitor é, xunto coa Presidencia, o órgano de goberno da Axencia, ao que corresponde a “alta xestión da entidade, así como establecer as súas directrices xerais de actuación”.

O mesmo, apunta, constituído por seis representantes de diversos ministerios, un experto en Intelixencia Artificial e o director xeral da Aesia, reuniuse por primeira vez de maneira presencial na Coruña para facer balance dos primeiros meses de actividade e establecer os seus obxectivos para 2025.

Este encontro, engade, coincide co inicio da actividade presencial dos traballadores da Aesia na céntrica Casa de Veeduría da cidade herculina, tras a súa instalación este mes de febreiro, mentres se realiza a reforma integral da Terraza.

Así mesmo, este venres, o ministro para a Transformación Dixital e da Función Pública, Óscar López, visitou esta sede xunto coa secretaria de Estado de Dixitalización e Intelixencia Artificial, María González Veracruz, que, ademais, é a presidenta da Aesia.