Páxina 46 – Xornal da Coruña – Noticias da Coruña e área Metropolitana

Localizan sen vida ao ancián de Arteixo desaparecido en León

europapress

-

7 Febreiro, 2026

Localizan sen vida ao ancián de Arteixo desaparecido en León

O corpo sen vida do home de 82 anos desaparecido na localidade leonesa de Noceda del Bierzo foi localizado sobre as 16.00 horas desta tarde pola Garda Civil, a un quilómetro de distancia do seu vehículo, nun camiño, segundo informou a Subdelegación do Goberno. A Subdelegación do Goberno sinalou que a denuncia de desaparición estaba posta no posto de Arteixo, que é onde o home desapareceu, aínda que se lle busca en Noceda ao acharse alí o seu vehículo.

O BNG alerta dun “grave deterioro” na torre de control de Alvedro tras a súa privatización

europapress

-

7 Febreiro, 2026

0

O BNG alerta dun “grave deterioro” na torre de control de Alvedro tras a súa privatización

O BNG denunciou a “grave deterioración” das condicións laborais na torre de control do aeroporto da Coruña-Albedro “desde a súa privatización”. O deputado do BNG no Congreso, Néstor Rego, reuniuse con representantes dos traballadores, rexistrou iniciativas para pedir ao Goberno central “medidas inmediatas” para “garantir a seguridade aérea” e os dereitos do persoal controlador, así como avanzar cara á “recuperación da xestión pública deste servizo”.

Segundo informou o BNG nun comunicado, durante o encontro os representantes dos controladores alertaron dunha situación de “degradación continuada” do servizo, con “recortes de persoal, sobrecarga de traballo e vulneración dos seus dereitos laborais”. Neste sentido, Rego denunciou que a empresa adxudicataria “reduciu o cadro de persoal” a respecto da licitación anterior, o que “provoca fatiga acumulada, tensión e un aumento das baixas médicas”. “A privatización da torre de control de Albedro non mellorou a calidade do servizo, senón que introduciu precariedade e riscos innecesarios nun ámbito tan sensible como o control do tráfico aéreo”, sentenciou Rego.

A folga do transporte por estrada na Coruña volverá o mércores se non hai acordo

europapress

-

7 Febreiro, 2026

0

A folga do transporte por estrada na Coruña volverá o mércores se non hai acordo

A folga de transportes de viaxeiros por estrada da provincia da Coruña retomarase o vindeiro mércores, con carácter indefinido, no caso de non alcanzar un acordo na reunión prevista este luns entre os sindicatos e a patronal. Así o confirmou o portavoz da CIG, Inácio Pavón, quen indicou que nas asembleas celebradas este venres na Coruña, Ferrol e Santiago participaron máis de 400 traballadores.

Todo iso despois de que o pasado mércores o persoal do transporte de viaxeiros por estrada na provincia da Coruña acordase amosar o seu rexeitamento, de maneira maioritaria, ao preacordo subscrito coa patronal. Unha reacción que chegou tras a firma do preacordo por parte dos sindicatos UGT e CC.OO. Pola súa banda, a CIG, non o subscribiu ao entender que os avances eran “mínimos” en materia salarial e laboral.

Nunha nota de presa, a CIG apelou a “recompor a unidade sindical na defensa dunhas condicións laborais e salariais decentes” para o sector. Así mesmo, indicou que “resulta evidente” que ao persoal “non lle valen as propostas que hai enriba da mesa por insuficientes, recortar dereitos e obviar o colectivo de acompañantes”. Tamén, o sindicato lamentou tanto o papel do Consello Galego de Relacións Laborais como, o da Xunta por “permanecer ausente desde o inicio do conflito”, cando “debería estar a facer as xestións necesarias para atopar unha solución”. Con todo, CIG, UGT e CC.OO. reuniranse este luns ás 13.00 horas coa patronal para tratar de chegar a un acordo e evitar así unha folga indefinida no sector.

O Programa de Lecer e as débedas dos docentes, pendentes da vontade da empresa reincidente

Ubaldo Cerqueiro

-

6 Febreiro, 2026

0

O Programa de Lecer e as débedas dos docentes, pendentes da vontade da empresa reincidente

Tivo lugar, finalmente onte, xoves 5 de febreiro, tras varios atrasos, a importante reunión do profesorado dos cursos do Programa de Lecer do Ágora e do Fórum con representantes do IMCE e do Concello da Coruña.

A cita serviu para explicarlle aos docentes a súa situación así como a dos cursos, que deberían estar en marcha, despois da concentración realizada esta semana apoiada ademais por medio millar dos máis de 3.000 usuarios afectados.

A situación é que a día de hoxe o Concello depende de Serviplús, a empresa á que xa lle foi rescatada a concesión das Escolas Deportivas Municipais, que acumula numerosas débedas cos traballadores e que non está poñendo en marcha os cursos de primavera.

Representantes do Concello explicaron “o concello está a reter os pagamentos á empresa para garantir que se chegue diñeiro a quen ten que chegar, que é aos traballadores”. Existe a posibilidade de que o Concello pague directamente aos traballadores esa débeda acumulada, pero para iso é obrigatorio que a empresa dea o seu consentimento. Con ese consentimento podería resolverse no curto prazo. De non ser así, verémonos abocados á vía xudicial, moito máis lenta, para poder aboar esa débeda”, explican.

Os formadores teñen que enviar un correo a IMCE indicando as débedas exactas que teñen con Serviplús, e agardar que esta acepte renunciar ao contrato, e con el ás débedas. “Se a compañía acepta, podería renovarse a prestación en cuestión de días”, aseguran fontes municipais.
“Estamos a traballar para garantir ao persoal o traballo futuro e o cobro das débedas tanto de empregados como de autónomos. Facémolo con todos os instrumentos xurídicos na nosa man e, por suposto, retendo os pagamentos á empresa porque por esa vía non estaría garantido o abono aos empregados. Pero como Administración temos que seguir uns pasos xurídicos taxados. Entendemos perfectamente o problema e os traballadores teñen toda a nosa comprensión, apoio e dedicación”, aseguran.

As mesmas fontes presentaron á empresa que se formula como posible candidata a asumir a xestión do programa ata setembro, cando entraría a nova licitación, que neste caso é Atlantic Ponte, unha consultora santiaguesa.

Por que as Escolas Deportivas Municipais si e o Programa de Lecer non?

Os docentes pregúntanse por que foi tan doado o “rescate” dos monitores das Escolas Deportivas Municipais e agora o Concello ten que depender a mesma empresa, que ademais non cumpliu cos pliegos, para realizar o mesmo co Programa de Lecer.

Fontes municipais consideran que “primeiro, non existe ningún rescate ás EDM”, porque segundo sinalan “os traballadores das escolas deportivas son traballadores dun servizo do concello, polo que o concello pode usar un medio propio, EMVSA, para asumir temporalmente ese servizo, que ademais tiña finalizado o contrato”.

É certo que no caso do programa de Lecer o contrato está en vigor, e ademais neste caso “é un servizo do IMCE, non directamente do Concello, por iso xuridicamente non serve o mesmo sistema porque legalmente non es posible”.

Máis novas do caso

Docentes e usuarios defenden o Programa de Lecer nunha reivindicativa ”aula aberta” en María Pita

O Concello rescata, a medias, aos traballadores do Programa de Lecer do Fórum e do Ágora

O Concello rescata as Escolas Deportivas Municipais

A profesora da Universidade da Coruña recibe o Colin Bell Award 2026 da Universidade de Cambridge

A CORUÑA

europapress

-

6 Febreiro, 2026

0

A profesora da Universidade da Coruña recibe o Colin Bell Award 2026 da Universidade de Cambridge

A profesora Cristina Branco Sío-López, da Universidade da Coruña, foi galardoada co Colin Bell Award 2026, un premio concedido pola Universidade de Cambridge que distingue traballos de investigación histórica de carácter orixinal.

Segundo informou o reitorado da institución galega, o xurado outorgou este recoñecemento á docente pola investigación que desenvolve arredor dos factores de paz sustentable no proceso de integración europea, un ámbito que analiza as dinámicas políticas e institucionais que favorecen a construción de escenarios estables de convivencia no continente.

O premio está promovido polo Churchill College e polo Churchill Archives Centre, dúas entidades da universidade británica vencelladas á conservación e ao estudo de fondos documentais clave para a investigación histórica contemporánea.

O proxecto dirixido por Cristina Branco Sío-López céntrase en estudar como, nun contexto internacional cada vez máis marcado polo conflito e pola discriminación, os actores democráticos continúan explorando vías para a construción da paz. Para iso, a investigación aborda estes procesos dende unha perspectiva estratéxica e xeopolítica, analizando decisións, marcos institucionais e dinámicas políticas ao longo da historia recente europea.

Sindicatos e patronal do transporte de viaxeiros por estrada na Coruña, convocados a unha nova reunión o luns

europapress

-

6 Febreiro, 2026

0

Sindicatos e patronal do transporte de viaxeiros por estrada na Coruña, convocados a unha nova reunión o luns

Novo proceso de negociación ábrese despois que os traballadores rexeitasen o preacordo ao que chegaba a patronal con UXT e CCOO a semana pasada.

O Consello Galego de Relacións Laborais convocou aos sindicatos UXT, CCOO e CIG e á patronal do sector do transporte de viaxeiros por estrada na provincia da Coruña a unha reunión o luns, ás 13.00 horas, para evitar unha folga indefinida no sector.

Así o confirma a CIG, cuxos representantes na mesa de negociación precisaron que para esta xornada había convocada outra reunió pero que, pola imposibilidade de asistir un representante de UXT non se celebrou.
“UXT non vai acudir, CCOO tampouco e patronal tampouco”, explicou a Europa Press o representante de CIG-Transportes, Ernesto Rey, que reprochou a actitude de UXT.

“É inaudito, coa desculpa de que un dos seus asesores non pode non hai negociación nunha cousa tan importante”, sinalou en relación a unha mesa de negociación “cunha vintena de persoas”, sosteñen desde o sindicato.

Neste contexto, e cunha reunión fixada para o luns, día 9, ás 13 horas, a CIG optou por celebrar asembleas esta noite nas estacións de autobuses para decidir “que día se renova a folga”, sinalou, pola súa banda, Nacho Pavon, desta central sindical.

Todo iso para que, se finalmente non hai un acordo o luns, os traballadores e traballadoras do sector saiban que día se renovaría a folga indefinida anunciada xa para o 2 de febreiro que logo se pospuxo e que quedou suspendida tras un preacordo asinado por UXT e CCOO coa patronal, non por CIG ao entender que os avances eran “mínimos” e que agora está sen efecto.

ASEMBLEAS

A CIG convoca asembleas abertas de persoal para a noite deste venres -ás 22 horas na estación da Coruña, ás 22 horas no local da CIG en Santiago de Compostela, e ás 23 horas na estación de Ferrol-, para decidir o calendario de reactivación da folga e para explicar a complexa situación á que a patronal e as centrais asinantes do preacordo teñen abocado o sector.

Máis novas

Os traballadores do transporte rexeitan o preacordo do convenio e poñen de prazo ata o luns

Suspendida provisionalmente a folga no transporte de viaxeiros por estrada na Coruña tras alcanzar un preacordo que non asinará a CIG

Oleiros carga contra a Xunta e a Fegamp polo financiamento da Axuda no Fogar: “Non contaron con concellos”

europapress

-

6 Febreiro, 2026

0

Oleiros carga contra a Xunta e a Fegamp polo financiamento da Axuda no Fogar: “Non contaron con concellos”

O Concello de Oleiros cualificou de “vergoñento” o acordo entre a Xunta e a Federación Galega de Municipios e Provincias (Fegamp) para o financiamento da Axuda no Fogar. Nun comunicado, asegura que o mesmo supón “oficializar o incumprimento do financiamento da Lei de Dependencia” e denuncia que se fixo “sen contar cos concellos”.

“É vergoñento que o organismo que, supostamente, está para velar e defender os intereses das administracións locais firme un acordo que supón todo o contrario”, engade. Respecto diso, sostén que o presidente da Fegamp, o socialista Alberto Varela, “tomou máis atribucións das que lle corresponden nun tema de vital importancia para as arcas de todos os municipios, actuando sen consultar cos concellos“.

O Rasca Platinum da ONCE deixa na Coruña o seu premio maior dun millón de euros

A CORUÑA

europapress

-

6 Febreiro, 2026

0

O Rasca Platinum da ONCE deixa na Coruña o seu premio maior dun millón de euros

A cidade da Coruña foi escenario do premio maior do Rasca Platinum da ONCE, dotado cun millón de euros, segundo informou a organización nun comunicado oficial. O boleto premiado foi vendido nun quiosco situado na Avenida Gran Canaria, número 22, onde se concentrou esta vez a fortuna.

A persoa encargada de comercializar o boleto gañador foi María José Martínez González, vendedora da ONCE nese punto da cidade. A organización destacou que este tipo de premios forman parte da súa oferta de xogos instantáneos, coñecidos como os Rascas, que permiten coñecer o resultado no momento da compra.

Os Rasca da ONCE, ao igual que o resto das súas lotarías, son definidos pola entidade como seguros, sociais e responsables. Estes xogos distribúense a través dunha ampla rede formada por 21.000 vendedores e vendedoras en todo o Estado.

Ademais da venda presencial nos quioscos habituais, a ONCE lembra que estes produtos tamén poden adquirirse a través da súa plataforma dixital e en establecementos colaboradores autorizados, ampliando así as vías de acceso á participación nos seus xogos.

A Coruña lanza unha campaña nocturna para frear o ruído e os excesos no lecer

europapress

-

6 Febreiro, 2026

0

A Coruña lanza unha campaña nocturna para frear o ruído e os excesos no lecer

O Concello da Coruña pon en marcha este venres á noite unha campaña de concienciación cidadá ligada ao lecer nocturno, con presenza nas principais rúas con establecementos deste tipo. O obxectivo, informa o goberno local, é o cumprimento de normas básicas de convivencia “que repercutan positivamente tanto entre os locais de hostalaría como nos veciños”.

Trátase dunha campaña gráfica que incide en “normas básicas” como non facer ruído na rúa, non saír á mesma con bebidas alcohólicas ou non ouriñar en espazos públicos, entre outros aspectos. Noutra orde de cousas, o Concello, a través do Instituto Municipal Coruña Espectáculos (IMCE), deu luz verde ás bases de axudas municipais das festas de barrio, con 500.000 euros de orzamento. Cada asociación organizadora poderá optar a unha subvención de ata 20.000 euros.

Luz verde ambiental da Xunta para o gran proxecto de hidróxeno verde en Arteixo

europapress

-

6 Febreiro, 2026

0

Luz verde ambiental da Xunta para o gran proxecto de hidróxeno verde en Arteixo

A Xunta emitiu a declaración de impacto ambiental (DIA) favorable sobre unha planta de xeración, almacenamento e distribución de hidróxeno verde no Concello de Arteixo. En todo caso, a resolución está condicionada a que se cumpran tanto o recollido no estudo de impacto ambiental e no resto da documentación avaliada, como os condicionantes e o programa de vixilancia que figuran na propia DIA.

Así consta na resolución da Consellería de Medio Ambiente e Cambio Climático, que conclúe que, tendo en conta todo o anterior, esta iniciativa empresarial, promovida por Accionaplug SL, é ambientalmente viable.

Nun comunicado, o departamento que dirixe Ángeles Vázquez explicou que a DIA foi elaborada no marco do procedemento de avaliación de impacto ambiental común do proxecto, un trámite no que a documentación presentada polo promotor foi sometida a participación pública, co resultado dunha ducia de organismos consultados e sen que se recibiu ningunha alegación ao expediente.

Froito das consultas realizadas, os informes emitidos realizaron a valoración correspondente e estableceron unha serie de condicionantes que se engaden aos incluídos no propio programa de vixilancia ambiental que recolle a resolución da Dirección Xeral de Calidade Ambiental e Sustentabilidade.

Neste sentido, a Xunta sinalou que todos os organismos consultados consideran que o proxecto non vai ter impactos significativos nos distintos ámbitos analizados e que sería viable a súa posta en marcha sempre que se cumpra con certos condicionantes establecidos nos seus respectivos informes con relación a aspectos tales como a protección da atmosfera, poboación e saúde; de augas e leitos fluviais; do patrimonio natural; do chan e infraestruturas, xestión de residuos; ante accidentes graves ou catástrofes, así como integración paisaxística.

VARIAS PARCELAS

O promotor, Accionaplug SL, pretende implantar no Parque de Actividades Económicas de Arteixo, no polígono de Morás, unha planta de planta de xeración, almacenamento e distribución de hidróxeno verde. As instalacións ocuparán varias parcelas cunha sup

IMPORTANCIA DA DECLARACIÓN DE IMPACTO AMBIENTAL

A Xunta lembrou que o obxectivo dunha DIA é avaliar a integración dos aspectos ambientais de cada proxecto e determinar as condicións que deben establecerse para a adecuada protección do territorio e dos recursos naturais tanto durante a execución e explotación como no cesamento ou desmantelamento das distintas iniciativas.

De feito, indicou que calquera proxecto industrial ten un impacto no territorio, pero os seus efectos non poden ser significativos, polo que a DIA é o instrumento encargado de determinar como e de que maneira se poden minimizar, compensar ou mesmo restaurar as zonas afectadas pola súa posta en marcha e durante o seu funcionamento futuro.

erficie total de máis de 20.900 metros cadrados.

As instalacións contarán cunha capacidade de electrólise de 20 MW, o que permitirá xerar un máximo de 356 kg/h de hidróxeno verde, estimándose unha produción anual máxima de 2.990 t/ano de hidróxeno verde cunha pureza superior ao 99%. Ademais, a localización estratéxica das instalacións no parque empresarial permitirá proporcionar hidróxeno, se fose demandado, dentro do propio parque de actividades, así como á zona industrial próxima á futura planta.