Inicio Blog Páxina 73

Unha administración da Agra do Orzán reparte 10 millóns de euros do terceiro premio

europapress
-
0
Unha administración da Agra do Orzán reparte 10 millóns de euros do terceiro premio

Unha administracion de lotaría da Coruña, situada en rúa Alcalde Lens, repartiu dez millóns de euros do terceiro premio, coa venda de 20 series e de 200 décimos.

“Estamos moi contentos”, celebrou Beatri desde a citada administación en declaracións a Europa Press. Pola mañá os premiados, que na súa maioría son particulares, aínda non se achegaron ao establecemento.

Ademais, incidiu en que o número gañador, 90.693, é habitual da administración. “Levamos 20 anos con el“, precisou en relación á súa venda.

Por outra banda, na administración número 1 de Pontevedra, Celia Portela explicou que se venderon 45 series e 450 décimos. A responsable concretou que “hai moitos anos” tamén lles tocou un quinto, pero estando ela á fronte esta é a primeira vez. “Para min, é o primeiro. Estamos moi felices”, celebrou.

Todo iso no marco dun Sorteo de Nadal no que en Galicia recaeu un segundo premio, entre traballadores de Bimba e Lola; un terceiro premio, moi repartido en distintas localidacdes galegas, e varios quintos premios, con distribución da sorte en distintos municipios do catro provincias galegas.

Renova Galiza, cando a diáspora fai país en Galicia e en Cataluña

editor
-
0
Renova Galiza, cando a diáspora fai país en Galicia e en Cataluña

Galicia, Cataluña e a visión de galegas e cataláns na construción da conciencia nacional. O Foro Cívico Galego en Barcelona (FCGB), a piques de facer 25 o seu aniversario, acaba de tirar do prelo o número triplo 5-6-7 de Renova Galiza. Trátase dunha revista de 366 páxinas no que colaboran un total de 80 articulistas e entrevistados, residentes en Galicia, en Cataluña e en diversos países de Europa e América e no que hai interesantes análises sobre política, lingua, cultura, comunicación, economía, historia ou sobre o fenómeno da diáspora galega.

O contido da publicación multiautorial está estruturado en dous dossieres; “Alerta! 869.000 diaspóricos/as” (coordinado polo xornalista Antón F. Escuredo), con artigos e entrevistas de 43 colaboradores e “Progrés i Procés. Envers una Catalunya sobirana del benestar” (coordinado por Silvio Falcón e Uxío Meis), con artigos e entrevistas de 22 colaboradores. Este boletín tamén conta cun caderno conmemorativo interior titulado “25 aniversario do Foro Cívico Galego de Barcelona, só un cuarto de século” (coordinado por Madalena Blanco Brasa) e con artigos de 12 colaboradores.

“PONTE COMUNICATIVA”

A revista Renova Galiza, creada en Barcelona no ano 2005 rende homenaxe nominal á súa homónima Nova Galiza, dirixida por Castelao, Rafael Dieste e Carmen Muñoz en Barcelona entre 1937-1938. Con eco nominal tamén de Nueva Galicia. Portavoz de los antifascistas gallegos (1936-1938). Así o destacou durante a presentación deste triplo número o director do FCGB, Camilo F. Valdehorras. “Vinculeira de ambas, ten como albo informar a cidadanía da Galiza exterior e da interior acerca das angueiras sociopolíticas e culturais dos nosos días que vencellan a ambas, así como servir de ponte comunicativa das angueiras políticas, lingüísticas e culturais da nación e da sociedade catalá coa que, como galegos e galegas residentes en Catalunya, partillamos historia, vida e aspiracións ao desenvolvemento persoal e colectivo autocentrado nos seus xenuinos intereses”, suliñou na presentación que tivo lugar este sábado na sede Alexandre Bóveda da Coruña.

Durante a presentación na Coruña, ademais do filólogo da UB e director da revista, Camilo F. Valdehorras, estiveron os coordinadores dos dossieres galego e catalán; Antón F. Escuredo e Uxío Meis, e os colaboradores Isidro Dubert, historiador e catedrático da USC; Keina Espiñeira, politóloga e profesora da UdC; Xurxo Souto, filólogo, escritor e artista e Xurxo Salgado, xornalista, director de Galicia Confidencial e profesor na USC.r

Este número especial está publicado en galego e en catalán e proxéctase moi especialmente cara o amplo e diverso leitorado esparexido pola “Galiza diaspórica” (en especial de Europa e América), onde se distribúe primordialmente en asociacións, centros galegos e leitorados de estudos universitarios e bibliotecas públicas.

O mapa de BiciCoruña conta xa con 79 estacións

Redacción
-
0
O mapa de BiciCoruña conta xa con 79 estacións

Segue mellorando o grupo de goberno o servizo de BiciCoruña. A recta final da segunda fase de expansión deste transformador servizo da mobilidade urbana está chegando ao seu final, outras 29 novas estacións ata chegar ás 79, distribuídas entre os dez distritos da Coruña. Un servizo que se completa con máis de 59 quilómetros de rede ciclable (incluíndo carrís bici e carrís esquerdos habilitados e con velocidade máxima de 30km/h) que tamén deberían seguirse ampliándose. Podedes ver neste mapa tanto as estacións como a rede ciclable.

Esta pasada semana entraron en servizo 7 estacións —xa postas en rúa previamente— nos barrios dos Mallos (a carón do centro cívico e tamén na rúa Eusebio da Guarda), o Ensanche (rúa Alfredo Vicenti), Monte Alto (rúa Vila de Cambre), Pescaría (rúa Cordelería), entre A Agra do Orzán e O Ventorrillo (rúa Mosteiro de Bergondo), e no barrio dos Castros (entre a avenida da Pasaxe e rúas Buenavista e Nova Travesía Buenavista).

Ademais, a localización da nova base dos Castros tamén ten un sentido estratéxico en materia de seguridade viaria, xa que permitirá gañar visibilidade no paso peonil que hai no cruzamento entre Buenavista e Nova Travesía Buenavista, un espazo con moito tránsito de persoas a pé, dada a proximidade da parada de autobús intermodal que hai na explanada dianteira da igrexa do barrio.

Ás tarefas para a posta en funcionamento destas bases sumáronse, ademais, os traballos de instalación doutra máis, nos espazos exteriores da estación intermodal da Sardiñeira, onde continúan as obras de remodelación, e que se porá en marcha esta semana.

 

Máis novas de mobilidade

Xuxán, Meicende, Os Mallos e Monte Alto estrearán 6 novas estacións de Bicicoruña

BiciCoruña: 11,50 euros por alugar unha bicicleta durante un día; 16,75, tres días; e 40, un ano

Un mapa e 13 novas estacións para BiciCoruña

A Masa Crítica volve sacar as bicis na Coruña 20 anos despois da súa creación

A Masa Crítica volve sacar as bicis na Coruña 20 anos despois da súa creación

A Escola da Bici de Mobiliza ou como perder o medo a circular pola cidade

Falece a moza acoitelada no seu piso da Coruña tras non superar a gravidade das feridas

europapress
-
0
Falece a moza acoitelada no seu piso da Coruña tras non superar a gravidade das feridas

A moza que, na tarde do sábado, foi supostamente acoitelada no seu piso da Coruña faleceu na madrugada do domingo debido á “gravidade” das lesións que presentaba. Así o informan fontes do Complexo Hospitalario Universitario da Coruña (CHUAC), onde permanecía ingresada a vítima tras o suceso, que tivo lugar ao redor das 14.00 horas no Paseo da Rolda e levou a deter a un home acusado de tentativa de homicidio.

Segundo confirmaron fontes próximas á investigación, o acusado supostamente feriu cunha arma branca á agora falecida, unha compañeira do piso que compartían con outras persoas e no que se rexistrou un incendio, cuxas causas se investigan.

Sumar reclama a dimisión de Inés Rey e Lage Tuñas trala publicación dos audios

Redacción
-
0
Sumar reclama a dimisión de Inés Rey e Lage Tuñas trala publicación dos audios

“Que se che meta na puta cabeza que quen lidera o partido en Coruña é Ines”. Este é unha das frases que supostamente lle espeta José Manuel Lago Tuñas, o voceiro do grupo socialista, a unha ex concelleira, segundo o contido dos audios que publicou este venres Cuatro. Uns audios que se destapan despois de coñecer que en 2023 dúas exconcelleiras denunciaban tanto ao número 2 do partido na Coruña, como a Inés Rey, por acoso laboral.

O propio Pablo Aranguena, que era secretario do PSdeG recoñeceu estes días ter vivido o caso dende preto, e terlle trasladado o asunto ao ínclito Santos Cerdán, “con nulo resultado”. Con todo, co respaldo do partido e mesmo do BNG, Inés Rey aseguraba que todo era “mentira” por un suposto “axuste de contas” das ex edís expulsadas do partido e do goberno.

Despois de que o PP pedise a dimisión de Rey e Tuñas, agora é o Movemento Sumar Coruña o que considera que “tras a difusión pública de audios e informacións sobre as denuncias por presunto acoso laboral presentadas polas exconcelleiras do goberno municipal, sitúan o goberno municipal nunha crise política de primeira orde que fai incompatible a continuidade de ambos cargos a fronte da xestión municipal2.

A voceira da formación, Trinidad Palacios, sinala que “cando se fan públicos audios e denuncias deste tipo, a responsabilidade política non pode seguir esquivándose” e lembra que “xa se viñan advertindo no pasado sinais de alerta sobre determinadas dinámicas internas no goberno municipal”. Palacios subliña que “isto non é un conflito menor nin unha discrepancia política: a situación esixe decisións definitivas, incluída a dimisión”.

Movemento Sumar Coruña manifesta tamén a súa profunda discrepancia coa posición do BNG, que decidiu manter os seus pactos co PSOE e reducir estas denuncias a unha suposta
“guerra interna”. Para a formación, minimizar uns feitos desta gravidade para preservar acordos de goberno é un erro político grave, impropio dunha esquerda que debe situar a
exemplaridade institucional por riba de calquera cálculo partidista.

 

Máis novas do caso

Inés Rey non dimitirá e o BNG e a dirección do PSdG apoian a medida

O Caso Tomé salpica a Inés Rey e Lage Tuñas tras unha denuncia por acoso laboral na canle interna do PSOE

 

 

 

Potente manifestación das traballadoras do Eroski

Ubaldo Cerqueiro
-
0
Potente manifestación das traballadoras do Eroski

Desenvolveuse esta mañá de sábado 20 de decembro a primeira xornada de folga na historia de Vegalsa-Eroski. Unha folga que está a rexistrar un importantísimo seguimento, con centros de traballo funcionando a mínimos e tirando de persoal temporal, e cun reforzo inaudito no servizo de seguridade privada.
Aínda que a incidencia é desigual, e que dende CCOO lembran que a CIG non ten maioría no Comité, a CIG valora moi positivamente a resposta dada polas traballadoras e traballadores tanto á convocatoria de folga como ás mobilizacións realizadas.

A folga afecta aos centros Vegalsa-Eroski da provincia da Coruña (agás Eroski City que son franquías) e ao hipermercado que a empresa ten en Ribadeo. Para darlle máis visibilidade á súa loita, as traballadoras e traballadores mobilizáronse este mediodía ao berro de “traballo por tres e non chego a fin de semana”, “Vegalsa paga mal e non deixa de explotar” ou “máis contratacións e mellores condicións”.

2025-12-20_FolgaVegalsa-Eroski_ACorunha_0020

Na Coruña, centos de persoas saíron en manifestación dende o Eroski de Vioño. Alejandra Formoso, delegada da CIG, denunciou que o convenio de Vegalsa-Eroski ten os salarios máis baixos do sector (unha persoa de recente contratación percibe 1000 euros menos ao ano que unha de Gadis ou Froiz) e ademais teñen as xornadas máis longas ao non computárselle como tempo efectivo de traballo os 15 minutos de descanso. A isto súmanse peores condicións sociais e o esgotamento físico e mental das traballadoras e traballadores pola sobrecarga laboral continuada que teñen de soportar.

Por iso, as delegadas e delegados da CIG xa adiantaron que esta é a primeira xornada de folga que se convoca na historia de Vegalsa-Eroski pero non será a última, tendo en conta a negativa da empresa a escoitar as demandas do persoal para mellorar salarios, condicións laborais e reforzar a contratación.

 

View this post on Instagram

 

A post shared by Xornal da Coruña (@xornaldacoruna)

O Concello de Oleiros gaña nos xulgados a un lobby israelí que pretendía censurar a información dos paneis luminosos

Redacción
-
0
O Concello de Oleiros gaña nos xulgados a un lobby israelí que pretendía censurar a información dos paneis luminosos

Son famosos os carteis luminosos do Concello de Carballo, por alternar información cidadá práctica (horarios das farmacias, eventos, atascos…) con mensaxes de política mundial. EEUU e Israel son dous dos focos principais sobre os que se basean esas mensaxes crúas para concienciar á cidadanía sobre as prácticas malignas destes dous estados.

E van continuar sendo unha realidade, unha vez que o Concello de Oleiros ten gañado unha denuncia presentada por un lobby israelí contra el por unha campaña informativa nos paneis luminosos no 2024. O Xulgado do Contencioso Administrativo número 4 da Coruña acaba emitir unha sentenza favorable ao Concello desestimando o recurso presentado pola Asociación Acción y Comunicación Sobre Oriente Medio. A organización sionista con base en España pretendía censurar a publicación dunha imaxe de Benjamin Netanyahu xunto coa de Adolf Hitler baixo o lema MESMAS BESTAS ASASINAS, coa que se pretendía denunciar o xenocidio cometido polo Goberno de Israel contra a pobo palestino.

A sentenza ampara a actuación do Concello de Oleiros en base á Constitución Española, polo dereito á liberdade de expresión e á crítica política, entre outros. Ademais, impónselle ao lobby israelí o pago de todas as costas xudiciais.

Malia este tipo de presións e outras de índole superior como as ameazas veladas ao alcalde por parte do embaixadora de Israel no seu momento, o Concello de Oleiros leva décadas en campaña permanente en defensa da liberdade do pobo palestino. O Goberno municipal realizou constantes campañas informativas, accións reivindicativas, programas de cooperación, nomenclatura de espazos públicos, declaracións institucionais, manifestacións públicas, actos oficiais… en defensa da nobre causa palestina.

Nun momento que pasará á historia da humanidade polo posicionamento adoptado ante o atroz xenocidio perpetrado polo Goberno terrorista de Israel, Oleiros amasou unha vez máis o seu inquebrantable compromiso coa paz e cos dereitos humanos.

Mohamed Safa debulla o xenocidio de Gaza nunha nova conferencia na AC Alexandre Bóveda

Inés Rey non dimitirá e o BNG e a dirección do PSdG apoian a medida

europapress
-
0
Inés Rey non dimitirá e o BNG e a dirección do PSdG apoian a medida

O portavoz do grupo municipal do BNG no Concello da Coruña, Francisco Jorquera, vinculou as denuncias de acoso laboral á alcaldesa da Coruña, Inés Rey, e ao portavoz do goberno local e concelleiro de Facenda, José Lage Tuñas, por parte de dúas exconcejalas da súa mesmo partido, a “unha guerra interna no PSOE galego e no coruñés”.

“Non é unha relación entre xefes e persoal subordinado senón que son rifas, pelexas, malos modos, mesma presunta fustrigación entre cargos electos e concelleiras membros do mesmo goberno e grupo municipal”, expuxo Jorquera.

Mentres, cuestionado sobre a petición de dimisión do PP á rexedora e o portavoz do goberno local e a solicitude ao BNG para que rompa o seu acordo de investidura, aseverou que esta formación “ten o dereito a pedir o que queira”, aínda que o descartou.

Jorquera sinalou que “o que agora se denuncia xa fora publicado hai varios anos por un medio dixital e un membro da oposición daquela corporación fixo alusión a iso nun pleno”, aseverou en alusión ao anterior mandato.

O portavoz do BNG no Concello da Coruña explicou que o PSOE “faría ben en investigar e aclarar o sucedido dado que estamos a falar dunha denuncia interna”. “Tamén debería facer o propio Inés Rey, son persoas que formaban parte do seu goberno no pasado mandato e ademais ela é a secretaria xeral do PSOE na Coruña”, aseverou.

Sobre os orzamentos para a cidade, Francisco Jorquera, manifestou que hai “avances na boa dirección” co PSOE de cara a alcanzar un acordo sobre o orzamento municipal de 2026. Así o expuxo Jorquera nunha rolda de prensa para facer balance desta cuestión e para explicar que, xunto coa medida de non subir as taxas, hai agora “un principio de acordo” para recuperar os orzamentos participativos.

Detido por tentar asesinar a unha compañeira de piso

europapress
-
0
Detido por tentar asesinar a unha compañeira de piso

Un home foi detido este sábado na Coruña acusado dun delito de tentativa de homicidio tras supostamente acoitelar a unha compañeira de piso nun inmoble compartido con outras persoas, onde tamén se declarou un incendio. O suceso ocorreu arredor das 14.10 horas na rúa Paseo de Rolda, no número 28, e foi alertado por un particular. A vítima resultou ferida de consideración e foi trasladada ao Complexo Hospitalario Universitario da Coruña (CHUAC).

Segundo fontes próximas á investigación, a agresión non se está a investigar como violencia de xénero, dado que o presunto autor e a vítima eran compañeiros de piso. No lugar tamén interviñeron os bombeiros da Coruña, que apagaron o incendio que provocou unha intensa fumareda, así como servizos de Urxencias Sanitarias, Policía Local e Policía Nacional, que colaboraron na atención e no control da situación.

Mohamed Safa debulla o xenocidio de Gaza nunha nova conferencia na AC Alexandre Bóveda

Ubaldo Cerqueiro
-
0
Mohamed Safa debulla o xenocidio de Gaza nunha nova conferencia na AC Alexandre Bóveda

Co recoñecemento da Rede Acampa pola Paz pola Defensa dos DDHH recén recollido, Mohamed Safa ofrece unha conferencia este martes 23 de decembro ás 19:30h, na A.C. Alexandre Bóveda (Rúa Santo Andrés, 36, A Coruña), en colaboración coa propia entidade, ademais da UDCxPalestina, BDS Boicot a Israel e a Rede Acampa pola Paz e o Dereito a Refuxio.

O activista e oftalmólogo palestino afincado en Cee e Corcubión, xa estivo en abril de 2024, falando do comezo do xenocidio. Agora actualiza a súa conferencia despois destes dous anos de masacre, aproveitando a publicación do seu novo ensaio “Gaza, un xenocidio televisado” [Ed. Medulia].

Durante a conferencia, que será presentado polo xornalista Ubaldo Cerqueiro (Xornal da Coruña e QPC), Safa avalía ademais o mal chamado Plan de Paz de Trump.

Conferencia SAFA Coruna copia

Mohamed Safa

Mohamed Safa é un oftalmólogo palestino que leva case 40 anos afincado en Galicia. Afincado entre Cee e Corcubión, leva en contacto co seu país en todo momento, e non perde a ocasión de compartir a realidade que vive o seu pobo. Leva 30 anos contando a ocupación que sofre Cisjordania e Gaza a mans do estadio sionista israelí, a través de centos de conferencias, e de libros como ”Palestina: grito por la libertad” (Ed. Castro, 2003), “La Revolución Árabe. Democracia, nacionalismo, relixión e Palestina como nó gordiano” (2017), ou “La segunda Nakba Palestina. El Proceso de Paz” (2021).

Vén de ser recoñecido por parte da Rede Internacional Acampa pola Paz e o Dereito ao Refuxio co Recoñecemento Galego á defensa dos DDHH 2025. E o celebra coa publicación, primeiramente en galego, de “Gaza, un xenocidio televisado” [Ed. Medulia].

Máis novas

A comunidade da Rede Acampa pola Paz rendeu un aplauso colectivo ao activismo por Palestina

Mohamed Safa: ”Non queremos unha loita étnica, isto é unha guerra anticolonialista”

1...727374...726Page 73 of 726

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES